家之味

營業中

休息中

之前食過套餐，今次試新野，長腳蟹一隻四食再加左幾個餸，蟹蓋同羔蒸蛋好香滑，身就椒鹽，腳就清蒸同蒜茸蒸，師傅手勢真係好正，樣樣都好好味👍🏻 隻蟹新鮮又整得出色，冇浪費到隻長腳蟹😋😋值得一提係個炒飯，一定要試，粒粒分明👍🏻 唔會油淋淋，就算飽都要試下😆😆食飽左最後就緊係要食埋個3.6牛乳布甸，有牛奶味仲有朱古力味，又香又滑，入口即溶，非常滿足。朱古力味好香濃，甜品係少甜，飽左都可以食得落，啱啱好。

新一年2023年2月9日又再帶一大班朋友到此新春聚餐，食物新鮮又有驚喜，朋友都好滿意，大家一早到達唱K，打麻雀，大笑大叫，都唔怕俾人投訴呀，因為可以包場，大家都覺得最正係可以包場食玩唱傾。7時入座享受前菜食左豬腳仔（大細適中，大家食得有儀態），水魷魚（呢度菜好有風味呀），椒鹽🦑（好正，夠野味）送啤酒一流呀。「金銀蒜炸蠔」，大大隻好好味「XO醬腸粉大蝦」，咪講笑成個煲食到見底，太野味配菜都食哂，腸粉入哂味，好好食。「老椰子雞湯」，清甜「白雪肉山大扇貝」，呢味唔使講，我次次必食架，新鮮好味。「盤龍地頭鱔」，自己煮唔到架，要新鮮處理才有嫩滑煙韌肉質，食到呢度大家都已經飽飽地，但都食哂，仲話好飽。「荷葉蟲草花雞」好好味，有荷葉香味，飽飽地，大家都打包走，唔好浪費食物。「富貴黃金炒飯」好香呀，但已經好飽飽，打包啦。最後唔小得就係最滋潤糖水「紅棗元肉桃膠雪耳茶」大家食到腸滿腸肥，（肚腩）滿載而歸呀。下次下次一定再幫襯。

朋友介紹比我話包場飯局，所以去試試，鋪位置有少少唔就腳，入到鋪都好光猛同舒服，成晚只有我地，因為4人以上就可以包場，感覺非常好，前菜賣相同味道已經好好👍🏻食極都仲有菜上，一半左右已經投降，問一下原來仲有4樣未黎，繼續努力😆邊傾邊食都唔知食左幾耐，終於完成任務，全程都冇壓迫感覺，老闆出菜又冇急住上，非常好，比我地慢慢食同傾計。$450/1個人，有12樣野食真係抵食到不得了，碟頭又夠又好味😋仲包飲品任飲。

呢間食肆我新年同佢訂過盆菜，趁屋企人生日去試下，冇好靚既裝修，最好就係包場食飯，野食同佢出既盆菜差不多，食完冇口渴😋 d野好食，仲好大碟😆😆 食到一半已經飽晒。杏汁燉豬肺湯好正，依家好少地方有得飲架喇，前菜都有4款，份量都唔少，樣樣都食到差不多先再上菜，冇趕住叫你走既感覺，我家人食飯好慢，可以慢慢嘆😅😅 我最鍾意係黑白胡椒蟹，個味好似去左新加坡咁，一樣好味，用煲仔上，打開仲出晒煙咁，超正👍🏻👍🏻