家味館

營業中

休息中

之前經過見到燉湯只係$40就想試試今日去到發現所有嘢都好平！排骨紫菜炆飯加個烏雞湯，套餐只係$70 咩事啊？湯好清甜，炆飯勁大碟但輕鬆食得哂，好味！雲吞麵 $32 有十粒小雲吞皮蛋$20 料靚 汁好味！追加多個糖不甩，細細粒，花生粉好似唔甜，唔是出面吃的版本，都幾好食完好舒服，無味精嘅！元旦試到呢間新嘢真係好滿足呢下次會試埋滷麵 燉羊肉湯 同埋餃子呢個價錢係親民，樓面又好禮貌，講真味道唔輸俾甫田，係有少少吊腳就真

🔹️家味館🔹️ 朋友介紹係深水埗呢間唔錯既餐廳由兩兄弟一同開業 是主打福建菜式喜歡小店既原因 其中一樣就係一份人情味同朋友說笑傾談 坐得好自在 🍚漁民紫菜排骨燜飯粒粒分明既飯粒包裹滿醬汁 不乾身帶點濕潤其他既配料蠔、排骨都好入味 🍜家鄉漁民海鮮滷麵好豐富既滷麵材料有紅蘿蔔、肉絲、香菇、洋蔥、鮮肉還有蝦、蟶子、蛤蜊、蝦麵條根根分明裹滿了湯汁，一下吸入口中好爽最後食到湯都無得剩😝 🥢鐵板焗蟶子好過份既蟶子 過份既多汁朋友咬蟶子時 啲肉汁彈到我件衫🤣 🥢原味小雲吞 15隻 🥢原味小雲吞 20隻🍤炸鮮肉小雲吞小雲吞系列真係不禁Encore皮薄細粒  一啖一粒 真係唔經唔覺自己自私地KO一碗🤣完全無共同分享既意欲 🧁家鄉麥煎煎餅甜甜地，有芝麻粒香口點綴有點兒時媽媽既味道😋

經過呢間餐廳門口，畀佢貼出嚟嘅相片吸引，再裝一裝裏面嘅食客嘅食物，賣相唔錯啊，就決定入去一試。漁民紫菜排骨燜飯 連飲品 $49一上枱出晒煙，香噴噴，聞到已經好想食。食落去，似中式嘅意大利飯，唔水唔乾，勁高質。味道有濃厚嘅紫菜味，完全有齒甲留香嘅感覺。最鍾意係佢完全唔油膩，一碟大約有兩碗。薺菜鮮肉餃子 （8隻） $35一咬落去，內餡鮮嫩多汁，薺菜的清香與肉餡的鮮甜完美融合。湯底清甜，落埋枱上嘅辣油，吊埋味，一流。老酒花雕蒸蟶子 $65一個燉盅咁上，侍應姐姐會提埋客人點樣食。佢好貼心咁提我地一定要飲埋d湯，話唔飲湯等於食湯渣。聖子清甜，啖湯真係一絕！所有精華落晒入湯，配埋紅棗杞子加老酒，成件事好滋補。家鄉蠔仔煎 $55千祈唔好畀佢個樣呃到你，就係黑色地方先最好食！佢黑色唔係因為燶或污糟，係因為佢用紫菜墊住嚟煎。個蛋煎到好香口，加埋啖啖蠔仔，好好食！如果一定要彈，就係個蛋燶邊會更好食。呢間餐廳堅高質，性價比又高，service又好好。最鍾意係每碟都熱辣辣上枱出晒煙，樣樣細細份，唔會覺得滯，感覺係食得健康嘅！呢間會成為我飯堂之一了。

之前響一個美食討論群組有谷友介紹此小店下午茶，呢排放假中，就特意由港島東坐巴士去試吓先，順道行街😊今日揀咗一碗小雲吞湯（約15隻）、炸小雲吞（約8隻）同熱豆漿（可揀凍）2款食物都好食呀👍小雲吞湯底有炸蒜粒、湯底熱辣辣👍炸雲吞即炸，香脆又熱😋豆漿唔甜，啱我口味😀此下午茶套餐$39，抵呀！樓面姐姐有禮，店舖在大街轉角位，店舖地方唔擠迫，今天天氣好好，喜歡坐卡位同望街境嘅我食得更舒適滿足呀😊

食物不錯，有湯麵、冷麵、雲吞和水餃等，2人便選了冷麵配雲吞，還有15粒雲吞多，接著另一碗薺菜雲吞，可選15或20粒，非常方便食量多少的客人。今次是我第一次到訪食店，口味相當好，薺菜雲吞不是全肉，菜味似西洋菜，而且她有售燉湯，最終選擇姬松茸燉老鴨湯，問伙計老鴨湯會有腥味嗎？回答是不會的，故此便下單一個湯，飲落真是沒有腥味，而且舒服務態度誠懇，老闆伙計快捷落單和跟單。

想去深水埗預備下去旅行(預告彩蛋)行到想食午餐，唔知想食什麼。看見前面有間餃子店便去試下。都唔知沒有人寫過食評的。等我做第一個寫的。我要了小雲吞和炸醬麵。沒有想過川菜的炸醬麵和平時食開的不太似。個醬不是平時的紅，花生是原顆，而炸醬中，是有很多冬菇顆的。有d家常小菜feel。而一口小雲吞的湯是十分之熱的，我覺得這麼熱的湯是好事，不過要小心。而個辣醬是不錯的，不是麻辣，可以食得出辣的香味。如果可以再香d，會更好。彩蛋便是去買data card，預備去旅行。如果你買的價錢是package 上的原價，你可以來深水埗看看，應該都是半價的。