影片
開飯介紹
裝潢走中式路線，設計典雅舒適。全日供應海鮮火鍋放題，配料豐富且非常新鮮，更設有自助飲品區；另有養生蒸鍋以供選擇。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
以上資料只供參考, 請與餐廳確認詳情
-
網上訂座服務暫停
出名食雞煲海鮮火鍋既家嫂，原來平時都有午市套餐，仲要有小菜、小食同米線㗎！我揀咗金銀蒜澳洲帶子蒸飯同酸菜魚米線套餐，份量都唔兒戲😱有被震撼到，餐牌仲話可以無限添加任飯同湯，但我成碟都食唔晒，食到好飽。金銀蒜澳洲帶子蒸飯呢個套餐好豐富，有燉湯、生果同青菜，金銀蒜澳洲帶子蒸飯好好味，入哂味，澳洲帶子份量多，飽滿又柔嫩～入面仲有啲粉絲，同飯一齊食，豐富咗口感，好煙靭彈牙🩷推介！酸菜魚米線起碼兩至三人份量，超大碗，都只係$55😱😱勁抵食！不過佢係用左龍脷柳魚肉，仲有幾塊鴨血，一人真係食唔哂。小食我地叫左松露蝦多士、家嫂陳醋小籠包、街邊醬炒蜆同紅糖糍粑，款款各有特色。松露蝦多士香脆鬆化，雖然係炸，但我食落又唔會覺得好油膩喎。家嫂陳醋小籠包呢個造型好可愛，唧完甜醋後自動流落小籠包內，味道ok，但如果有汁會更好味🤤街邊醬炒蜆呢個豉椒汁唔錯，炒蜆沾上濃郁既鹹香豉椒醬汁，令人食指大動。紅糖糍粑呢個係我最鍾意，係流心咖，紅糖唔會太甜，糍粑煙韌，外脆內軟，真心正！食咗咁多熱氣嘢，我點咗杯蘋果雪梨茶同話梅檸檬可樂，食飯前飲又開胃又解渴，食完飯飲又可消滯，兩杯都唔會太濃味，可樂味淡。
繼續閱讀
今次我又過左旺角做野，一跨區做野我地都會去搵下好野食，呢間家嫂本身做開火鍋既，我同事話佢地午市係唔同餐牌，食過幾正帶我黎食😆家嫂養生雞湯米（$55）呢個雞湯米係將個雲耳蒸雞放落個湯度，但雞件唔係蒸，係炒出黎既，雞件勁香，而個湯又好味，米粉又唔會好索湯，似係台式新竹粉，唔怕食慢少少索曬個湯會乾曬🍜漁香茄子豬爽肉飯（$62）呢個魚香茄子雖然就唔及大排檔用瓦煲裝咁有鑊氣，佢個調味就做得幾好，肉碎粒轉成豬爽肉片我覺得幾好，而最重要佢個餐係包埋碟菜，燉湯同白飯係無限添加，性價比即刻爆曬燈🍆🍚街邊醬炒蜆（$38）呢個炒蜆又係性價比之選，$38食到一碟小炒真係抵，碟炒蜆好惹味，d蜆又冇沙，好高質👏🏻涼伴爽脆魚皮（凍）（$28）呢個魚皮就似平時川味店食到既魚皮，質感爽滑，小小脆口🌶️沙薑豬手（$25）呢個沙薑豬手同我地平時食開既唔同，佢類似係川味風，加左d醋去調味，沙薑味唔太食得出，佢同預期係有唔同，但佢又整得幾好食喎🐷紅糖糍粑（$18）紅糖糍粑係即叫即炸，上碟時都好熱，口感好煙韌，最鐘意新鮮即整既野食👍🏻跟餐果茶（跟餐+$10）佢地跟餐有好多款唔同既水果茶，養生茶，可以按自己喜好去選擇🥤呢間餐廳個午市都幾抵食，個雞湯米好正，小食類幾樣都好食，魚香茄子客飯就正常水平，計埋價錢佢就冇得輸，$62有碟菜仲要任添飯同湯，應該冇咩地方做到，有機會再黎打邊爐試埋佢😆
繼續閱讀
#MC帶你去旺角.最新天氣開始轉涼，又係時候約埋一大班朋友火鍋打邊爐。➖✨ 家嫂.餐廳主打晚市無限時d海鮮火鍋放題，雞煲、新鮮刺身拼盤、蒸海鮮、海鮮拼盤，更設有自助飲品區；火鍋配料有30款以上，可以無限追加！➖🅰️ 環遊海鮮．火鍋放題｜$438.▶️ 小食｜任食▶️ 刺身▶️ 雞煲｜任食▶️ 打邊爐及海鮮船｜任食海鮮及火鍋配料▶️ 任飲所有飲品（包括酒精類飲品）➖🅱️ 無限時火鍋放題｜$298（週末及假期｜$328）.▶️ 小食｜任食▶️ 雞煲｜任食▶️ 蒸海鮮▶️ 打邊爐｜任食火鍋配料▶️ 任飲非酒精類飲品（每位+$20 可任飲酒精類飲品）➖➖➖➖➖➖➖➖➖➖➖➖➖➖➖🥢 滋味食評.晚市無限時任食任飲，最早可以五點半入座。未齊人可以先享用家嫂小食，冷盤熱食都有，可以無限追加；雞煲雞件偏細，骨多過肉，但罕有地有雞腎片；蒸海鮮略嫌簡單，每人只得兩款海鮮，但勝在味道不錯；火鍋湯底味道鮮甜，可以先飲湯後打邊爐；B餐一樣有海鮮拼盤；火鍋配料就正正常常；其中，溫室竹笙就有啲驚喜！原條竹笙！➖➖➖➖➖➖➖➖➖➖➖➖➖➖➖🥢 即叫即製小食｜無限添加.胡麻羅文芯生菜｜沙薑豬手｜經典沙律炸雲吞｜招牌炒蜆｜原汁原味煮什菇｜紅糖糍把｜陳醋小籠包｜𠮩𠹌糖心皮蛋｜松露蝦多士｜椒鹽白飯魚｜鹽燒雞中翼｜蜜糖燒鰻魚｜明太子螺肉｜辣酒煮花螺｜蜜糖芥末醬燒青茄｜➖🥢 雞煲｜無限添加.雞件偏細，骨多過肉，但可以任添任食，除雞件外，罕有地有雞腎片；搭配芫荽及豬皮，吸盡醬汁精華；美中不足，沒有紫洋蔥！➖🥢 蒸海鮮｜✨🅱️餐限定✨.蒸海鮮按人頭數量，有蒜蓉蒸蝗子皇和蒜蓉粉絲蒸扇貝，味道不錯但款式略嫌不足。➖🥢 打邊爐｜四季湯底.養身花膠菌香鍋｜清香椰子湯鍋｜香滑牛味濃湯鍋｜漁民艇家鍋｜芫荽皮蛋茶瓜湯｜路氹豬骨鍋｜➖🥢 即點即叫火鍋配料｜無限添加.豬仔午餐肉｜溫室什菌｜溫室竹笙｜即包韭菜餃｜鮮蝦水餃｜西洋菜餃｜花彫雞中翼｜百福豆腐｜水晶魚蛋｜紫菜墨魚丸｜豚肉餃子｜手打蝦丸｜南昆山炸枝竹｜日本南瓜｜鮮鵝腸｜出前一丁｜小籠包｜芝士腸｜鴨血｜黑豚肉卷｜芝士腸｜牛根丸｜勝瓜｜美國肥牛｜炸芋頭｜腐皮卷｜台灣貢丸｜炸魚皮｜鮮枝竹｜水東芥菜｜西洋菜｜地魚雲吞｜➖🥢 任飲飲品｜自家製茶飲&罐裝飲料.洛神花百香果西柚茶｜杞子雪燕茶｜鴨屎香單縱檸檬茶｜熱竹蔗茅根水｜星加坡鹹檸七梳打｜熱紅棗桂圓茶｜巨峰提子菠蘿梳打｜綠茶香橙特飲｜紅棗桂圓杞子茶｜竹蔗茅根麥冬水｜鮮菠蘿香芒特飲｜金羅漢果山楂茶｜蘋果雪梨茶｜清甜椰青水｜椰子水｜香茅鮮檸薏米水｜西柚百香果茶｜鮮橙檸檬特飲｜水蜜桃梳打｜原味山楂汁｜鮮榨甘蔗汁｜.道地極品鳥龍茶｜道地巨峰玉露｜道地極品無糖烏龍茶｜加多寶｜道地極品纖解烏龍茶｜➖🥢 酒精類飲品｜.Asahi Super Dry 極泡巨罐裝、紅酒、白酒、清酒等等都任飲➖➖➖➖➖➖➖➖➖➖➖➖➖➖➖➖
繼續閱讀
#mochicouple_hk旺角搵食團今次跟住momchi去到旺角家嫂😉係一間主打粵菜同海鮮火鍋放題的餐廳，裝潢中式，氣氛典雅又舒服，非常適合朋友或家庭聚餐😝午時主菜選擇多元，好似梅菜扣肉、蒸魚、滑蛋蝦仁、金銀蒜帶子蒸飯等，充滿「媽媽味道」⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣滑蛋粟米脆皮魚柳飯($62)呢個滑蛋粟米脆皮魚柳飯係家嫂人氣之選！脆皮魚柳炸得金黃酥脆，外脆內嫩，魚肉唔鬆散！配上滑到漏嘅滑蛋同粟米忌廉汁，口感豐富🤤 重點係珍珠米飯+燉湯無限refill，真係冇得輸～但粟米汁稍鹹，建議拌飯一齊食會更夾，啱晒打工仔填飽個肚！🍚2️⃣上湯蝦球燴伊麵($78)Wow～成碗超有份量！蝦球平均每粒都飽滿彈牙，輕咬即爆汁～上湯用蝦殼熬製成金黃色，懶人福音直接掛住啲伊麵，每條麵都吸哂湯精華！加埋爽口青蔬、涼拌前菜，真係Lunch時間enjoy個靚飯好選擇。鹹味偏重，但好重海鮮香～海鮮控必試！🐟🌊3️⃣蜜汁雞中翼($28)無得輸嘅小食之王～蜜汁雞翼燒到外皮帶焦香，一入口就feel到蜜味由皮滲到入肉！佢唔會過甜，帶少少鹹香～肉質嫩滑！4️⃣家嫂陳醋小籠包($28)小籠包皮薄似紙，入口即破，湯汁暖笠笠流晒出嚟～吱埋啲陳醋，酸酸地超開胃！每粒包都飽滿紮實，食完好滿足，無論做前菜定主角都掂！食落有啲似上海街頭風味嗰種，食完唔想停！5️⃣街邊醬炒蜆($38)街邊feel十足！蜆爆炒得香氣四溢！用上「街邊風味」特色醬汁，帶香辣＋鹹香味，非常惹味🔥！蜆肉飽滿，唔乾身!6️⃣香辣魷魚($28)辣辣地又唔過火嘅香辣魷魚，咬落煙韌有咬勁，配碗飯絕配🔥7️⃣清甜椰青水($20)+香橙檸檬特飲($20)食完咁多香濃小菜，一杯解膩特飲就啱晒。椰青水清甜天然，冇添加冇負擔；香橙檸檬飲酸中帶甜，超開胃！⸝⸝⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸📍 旺角西洋菜南街74-84號旺角城市中心4樓🚇 港鐵旺角站D3站出口，步行約1分鐘🕒 Mon-Sun:11:00-22:00
繼續閱讀
本身係做火鍋放題，而家仲有埋超抵食嘅飯麵餐。海鮮、刺身用料超靚！🔸御前三品丼飯（配燉湯/時蔬/水果）$78三文魚/赤蝦粒/海膽/三文魚子見到隔籬枱嘅刺身拼盤好正所以即刻嗌。刺身份量好多，唔係用邊角料。海膽同三文魚子都係用靚料。海膽好甜又冇明礬味。三文魚子鹹鮮得嚟完全唔腥。🔸金銀蒜澳洲帶子蒸飯（配燉湯/菜/水果） $78蒜味超濃郁。帶子又大粒又鮮甜，份量都遠超想像。蒸飯吸收晒啲精華，食落去都幾鮮甜喎。🔸蜜汁雞中翼（3隻）$28蜜味香濃，最誇張係個脆皮，有嗰種脆焦糖嘅感覺。🔸家鄉陳醋小籠包 $28勁多汁嘅小籠包！黑醋直接擠落小籠包好得意。🔸香辣魷魚 $28經典車仔麵餸。爽脆嘅水魷加埋甜辣醬汁超惹味。🔸松露醬蝦多士（3件）$28蝦多士勁多蝦膠，香口鮮甜。🔸鮮榨紅肉火龍果汁 $10🔸星加坡鹹檸七梳打 $10
繼續閱讀
您可能會有興趣的...