家家頌餅店

營業中

休息中

今日放工去朋友屋企攞少少嘢攞完之後發覺屋企樓下有一間好可愛標誌寫住家家頌餅店 咁就一於買啲蛋糕麵包當早餐啦呢度價錢唔貴，所有嘢十零蚊有交易～包都係幾蚊起要咗個雞批，蓮蓉皮蛋酥 ，雜錦卷蛋同朱古力曲奇 雜錦卷蛋好有特色係將唔同味道嘅卷蛋例如朱古力原味等等放埋一齊 顏色鮮艷又好睇 蛋糕鬆軟好吃雞批足料又好吃 蓮蓉皮蛋酥係真係用月餅罐嘅蓮蓉當餡料 配上皮蛋吃非常正曲奇一盒大概有20多塊性價比高 曲奇牛油味好香又香脆 當小吃食不錯呢！

🍞澱粉控必食-🔸朱古力曲奇 $28/盒🔸曲奇蛋撻 $10/3個🔸提子鬆餅 $5/個-時不時澱粉癮就會出現，今次揀咗食港式傳統飽店，又平又多選擇。一入到去見到朱古力曲奇非常吸引，即刻拎咗一盒，食落好香牛油香味同好鬆化。聽店員介紹提子鬆餅好味，又夾咗一件。又見到好多街坊排住隊買蛋撻，嘩！！！仲要係我最鍾意嘅牛油曲奇底，當然要試試佢啦！果然食落熱辣辣、超鬆化，而且大大件，好耐冇食蛋撻嘅我食完超滿足啊！

呢排Work from Home一日幾餐都要係屋企搞掂，一日食到黑，屋企附近有間烘焙店家家頌，就解決晒我早餐、下午茶同甜品嘅需要🤗.早餐食嘅紙包蛋糕🍰同埋椰絲賓呢啲經典嘅麵包呢度都有，紙包蛋糕蛋香味濃，口感鬆軟，椰絲賓中間嘅cream就好香奶油味又滑，兩個都係水準之作😋😋.下午茶食返塊朱古力曲奇🍪，仲有牛油曲奇，牛油味香，在配返杯熱茶👍🏻👍🏻.夜晚甜品再食埋芒果糯米糍，就滿足晒啦😋

而家個個都work from home，唔通個個都想work from home咩？有時忙起上嚟，又落唔到街買外賣，堂食又多人。經過呢間麵包舖，比香噴噴嘅麵包吸引咗入去。雖然係小店，無論西式蛋糕、麵包，曲奇餅，連中式酥餅都有，仲要唔止一兩款，有幾十款。日本拉絲芝士包，柔軟嘅麵包裏面有濃厚芝士。鹽可頌，絕對唔係硬轟轟打死人嗰種法包，麵包比較挺身又香牛油味。老婆餅，裏面有粒粒冬瓜蓉，好有口感。蛋白蛋糕，用手㩒下會彈返轉頭，超鬆軟，好香蛋白味。

好多街坊都對家家頌餅店不陌生~ 開左20年咁有歷史，最近餅店翻新左，裝修明亮簡潔，揀麵包都揀得舒服，而家仲有位清潔姐姐好勤力咁抹野清潔，係呢個非常時間感到一絲安心。細個在屋邨長大的我，每朝就係食媽媽由屋邨麵包鋪買的麵包做早餐返學，對我黎講麵包就係兒時回憶，價錢經濟實惠，食包飽充滿能量返學剛出爐的吞拿魚麵包香氣撲鼻、佈滿砂糖的冬甩甜甜圈是兒時的最愛、還有總要先吃光麵包最後才享用腸仔的腸仔包😂曲奇吃下去有牛油香，鹹鹹香香十分好吃甜品方面我還吃了芒果布甸及牛乳布甸，口感軟綿、幼滑；兩款千層蛋糕是心機之作，口裡是滿滿的綿密忌簾，充滿住幸福感仲有造型蛋糕，超靚!

甜度適中，用心製作，非常美味，價廉物美，包裝衛生大方得體。·現在好少西餅店師傅會做嘅．50歲以上生日嘅朋友，一定好懷念兒時的味道．感謝店主安排．每次送出一個比朋友，生日會都是全場都嘩言欣賞·連後生的朋友都讚不絕口，平時幾靚嘅鮮忌廉蛋糕都不及這個味道來得實在，未試過嘅朋友必定要去試一試，不枉此生！我非常感謝你們用心製作·店主帶領各店員服務態度非常有禮，親切友善，細心聆聽客人需要，同配合。令到整個訂購、至到領取蛋糕都非常完美．

今日去探個朋友，朋友叫我去呢間餅店買蛋撻。間舖好多人，係街方生意，街坊裝潢，人情味姐姐服務個種，like!每樣出品定價非常親民。蛋撻剛出爐，埋到去買原來已有客等緊出爐蛋撻，我買已經係最後半打.....傳統卡紙餅盒，阿姐好熟練咁逐個蛋撻放好，穩穩陣陣唔會整爛嘅包裝方式，加張卡紙，放多一層蛋撻，完成！傳統曲奇皮蛋撻，熱辣辣！撻皮鬆化好香牛油味，蛋撻嘅蛋有蛋香而唔會過甜。傳統餅店，香港味濃，蛋撻好食，良心老板萬歲！

每當家裏有人生日，我們全家都會為他慶祝,而且蛋糕是必備的食物。曾經試過不同店舖的蛋糕，當中包括幾間連鎖餅店，但最喜歡的都是家家頌餅店的蛋糕。這次買的是朱古力蛋糕，之前試過芒果蛋糕和黑森林蛋糕，所以現在決定轉新口味。再說，之前很少聽聞這店有朱古力蛋糕，所以一定要試試。買了一磅，只是百多元，比大部份連鎖餅店便宜，還可選擇在蛋糕上寫字或者插咭牌。蛋糕完全是新鮮製造的，我們晚上七點去拿，超級新鮮。打開後發現很驚喜，蛋糕的賣相很好，朱古力呈淡啡色，有三朵用忌廉和芒果製成的花和一些雜果，包括士多啤梨、蜜瓜和菠蘿。 蛋糕的味道很好，忌廉部份甜而不膩，蛋糕部份很香很軟，雜果很新鮮，完全吃不出放久了的味道。我們都很滿意這蛋糕，尤其是生日的家人。如果下次再有家裏人生日，我們仍是會選這間餅店。

早上家裡沒早餐，便到樓下買面包。家家頌算是方圓十里內最高性價比的面包店，附近的人都買這店的包做早餐。我選了芝士條，$5.5，記得之前只是$5，愈來愈貴了。面包很軟，芝士味可接受，再濃些會更好。

家人生日，我負責買蛋糕慶祝。不喜歡連鎖店的蛋糕，因為感覺不夠新鮮。選了離家不遠的家家頌，我們一家經常光顧它。1磅的黑森林蛋糕只需$105，味道不錯，水果很新鮮，我們都很滿意。價廉物美，下次還要再光顧。

常吃這家餅店的面包當早餐, 比起其他面包店, 這店價錢不算貴, 但每大半年加價一次吃了芝士條, $5.5, 個人認為是全店最好吃的一款面包包上的芝士烤得很脆, 如果喜歡芝士就不要錯過了份量也尚算合理, 未至於會很飽, 但總好過空氣包

尋日買左個雞批做下午茶,阿姐係個烘爐攞出黎,熱辣辣,好吸引,點知一攞上手食...散晒!個面既皮甩既...竟然一下子就同個批底分開左...激死...佢散晒,我都無法,搞到分開批面同批底(連餡)食,本來好好味架,但係咁食法真係差左...呢度既雞批勝在唔會太油,夠熱,如果再香d同再多d雞會更好!

嘩嘩嘩!估唔到又號風球都照開呀!呢頭既麵包舖當中,又號風球仲營業,真係只一家!買左個車輪包,不過食落好似唔多新鮮,個心唔及以前咁軟熟,但係打風時間,將就下啦!所以都無乜所謂,而且又唔係太過份;提子份量一貫唔會太多但合適,咁既份量就最岩,最好味。不過呢,發覺個包染左少少其他包類既油同埋好似椰絲既物質,雖然都係食得落肚,但係會影響左個車輪包,店方宜小心處理。

自從麵包加左價,都好耐無幫呢間小店lu!尋日買包食,發現車輪包大左好多,提子麥包都係!比起以前,兩款包竟然都大左成半,即係以前既1.5倍!照咁睇,雖然價錢加左,但係又似乎抵番喎!至於味道,好在無乜改變,車輪包依然好味,好似仲鬆軟左添!唔錯!但係提子麥包就比較失色,個底同個包面都有點硬,麥味亦差少少,叫做OK啦!

食完唔飽既車仔麵路過見呢間d叉燒酥個樣唔差好似好正咁就試下雖然仲係暖暖地酥皮幾鬆化但可惜好油油到咬一啖都即時滿口油餡料又唔多少少叉燒粒加d肥膏服務幾好