影片
以上資料只供參考, 請與餐廳確認詳情
食評 (20)
唔知幾時開始，車仔麵由窮人美食，變咗做窮少少都冇得食。第一次接觸車仔麵，係西灣河基灣小學斜對面，唔記得係送家姐返學or放學？淨係記得每次都係豬紅蘿蔔魚蛋豬皮幼麵，因為兩姐弟食，老闆仲會幫手將麵餸分成兩碗，恐怕現今難有食店會咁做。愉翠唯一一間車仔麵，有賣腸粉碗仔翅煎釀三寶炒麵⋯⋯間唔中都會買腸粉做早餐，午餐就好少幫襯，一來好多學生排隊，二來位太少，一個人食都唔知搵位先定排隊買麵先；今個星期係開學週，唔洗爭食飯，就過嚟食番餐😋豬紅牛腩豬腸油麵再加一份西洋菜，滿滿一大碗，唔夠膽話好食，但就一定抵食！亞姨亦好好人，每個加辣汁的客人，都會提醒：「我哋D辣汁好辣㗎！真係食得到嘛？」是日消費：豬紅牛腩豬腸西洋菜油麵+樽裝可幾共$57 （樽裝可樂貴罐裝可樂$1）
繼續閱讀
和同事去愉翠苑街市外賣午餐，今次選吃未試過的車仔麵。除了車仔麵外，食店還有售粥、炒麵、撈麵、小食如腸粉及粉果等等。見排隊的顧客多買車仔麵，所以我和同事都買車仔麵啊！三餸車仔麵，豬紅、魚皮餃、通菜+油麵配腩汁，配料滿滿的將麵都遮蓋。其他車仔麵店，豬紅的份量最多都是5～6件，這裡的豬紅多到數不到！份量雖多，質素也不差，豬紅軟滑，調味又恰好。魚皮餃的份量正常，魚皮餃大粒，餡料飽滿，肉感分明，帶香氣，而且沒有糊糊漿口的感覺。通菜同樣是大量的，不過就煮得較為稔身，沒有了爽脆口感。蔬菜份量之多，難怪令不少顧客也加份菜做餸啊！雖然三餸麵的價錢要40多元，算不上便宜，但配料份量那麼多，就覺得抵食！
繼續閱讀
之前買左碗菜乾排骨粥做早餐返到公司睇係一粒肉碎都冇..正確係菜乾粥今日轉買腸粉加燒賣13加5點知見佢剪得三條加四份一..本身都食唔哂..所以冇出聲..同埋講完都冇意思..但唔會再幫襯..
繼續閱讀
去開附近路過呢間車仔麵店見幾有人氣就走入去食結果令我後悔不已我同朋友兩個人去食每人嗌一碗三餸麵我嗌左通菜煎餃子雞扒上海麵朋友嗌左豬皮魚肉雞扒粗麵首先老闆娘淥麵嘅時候光明正大地將兩隻煎餃子掉入湯裏煮我睇到眼都突埋心裏面極度想叫佢取消咗煎餃子但係佢已經煮緊我唔好意思冇取消到後悔到而家佢啲餸冇一樣好食首先通菜老過老藕好似食緊草咁個所謂嘅煎餃子難食到一個點破壞我全日嘅心情個雞扒普普通通，鞋鞋地上海麵普普通通湯底叫咗腩汁但冇味我食完之後非常之唔開心同朋友討論佢碗麵嘅時候發現佢嗰碗原來仲差過我其實個魚肉我都有試佢完全只係一堆麵粉浪費我食澱粉質嘅quota佢舊雞扒原來有幾舊碎骨完全唔知發生咩事個豬皮有沙我唯有講句Ok, you win我不嬲寫食評都好有品但係呢間野真心極度差唔明白點解會有咁多人幫襯我以後都唔會再去老闆老闆娘態度幾好都冇用食物質素都唔得加上個老闆娘成日除咗口罩喺度食嘢喺疫情底下更加唔會去呢度食佢一個人中，即係所有人都中
繼續閱讀
昨日先嚟過呢個街市，今日又有機會再嚟，我要試下朋友介紹話好正嘅車仔麵檔。要咗一碗3餸車仔麵，係上海麵配豬皮，蘿蔔同魚皮餃；碗麵都算大碗，啲餸比外面嘅車仔麵多，啲湯睇見好似好濃但其實食落味道唔係太重，蘿蔔炆得好腍好入味，魚皮餃同外面嘅差唔多，豬皮都好腍，不過食咗有啲頸渴，唔知係咪有味精。本來冇叫飲品，但食完麵好想飲野，於是叫了一杯凍檸茶，估唔到杯凍檸茶好好飲，啲檸檬好新鮮，甜度適中，仲要係10蚊杯，完全冇期望過一杯咁普通嘅飲品會俾到我驚喜。
繼續閱讀