家居坊 (已結業)

9月8日（星期三）中午，是日放假如常地去找女友吃午餐，誰不知一出地鐵站就見到正在下雨，知道女友一定沒有帶傘就下來，惟有找個最近女友工作地點的食肆，之前經過天橋時已經有留意這裡，一於今日就上去試試罷。上到二樓，間局有點像工廠大廈的飯堂，進入餐廳範圍卻見到仍有些空檯，侍應就指示我和女友坐在大電視下的那張檯。這裡的食物選擇甚多，女友拿起其中一張餐牌已想到吃甚麼，結果我們點了一客鎮店海南雞飯和XO醬炸菜煙鴨絲炒烏冬。是日例湯是青紅蘿蔔，雖湯面頗油卻味道很甜，甜得令我不禁懷疑是否下了“師傅”；鎮店海南雞飯有油菜、薑蓉和甜辣醬，還可選擇要白飯、油飯或紅米飯，女友就要了油飯；雞肉很嫩滑卻很肥，懷疑是用油浸出來的效果，油菜並無特別，但油飯香氣四溢，飯粒鬆軟且入味，有點兒驚喜；XO醬炸菜煙鴨絲炒烏冬份量和材料都甚多，洋蔥、芽菜、紅蘿蔔絲、冬菇絲、青和紅椒等，當然還有炸菜和煙鴨絲，惟獨是發現不到XO醬的存在，反而應該是用了老抽來調味，可惜入味卻不上色，弄至味道偏鹹，烏冬是用超市貨色，女友一眼就看得出，而且下了太多油去炒，碟底剩下不少油，；凍咖啡夠大杯，咖啡味甚濃而苦澀味輕，相信是冰塊起了作用所致。此處無論

我地去食飯, 叫左兩個咖喱雞扒飯 $39. 之後發現張單收貴左, 收左 $49.之後就同一個肥仔 (疑似經理或老闆的人理論)佢話原來一間餐廳佢有兩個咖喱雞扒飯, 份量唔同.(得幾件砌碎雞扒, 我唔覺得份量多)佢一個係秘制咖喱雞扒飯, 一個係普通 咖喱雞扒飯.我覺得落單果個侍應, 有責任提醒我地.之後經理幫我地改左張單, 改完之後 pat 張單落張枱度.咁樣既服務, 真係令人氣憤. 好無禮貌. 好耐都未遇到 D 人有如此低水平的服務態度...D 咖喱稀到好似水咁, 溢駿味道, 翠華價錢, 唔抵食!如果真好好食, 我會選擇唔計較. 唔同佢理論.如果一句唔好意思, 態度無咁差, 我會選擇唔寫食評.如果真係好好食, 服務水平 (基本禮貌 ok) 的話, 我會考慮再次光顧.

五月廿九日(星期五)同老公lunch到了家居坊吃,上次吃就是剛剛上班的初期了!不經不覺已經兩年了!時間過得很快呢一直都覺得比較貴的!一餐可能在茶餐廳只要三十元有找的,在家居坊都要五十元,中環就是中環!上到二樓,感覺到震動,因為附近工程正在進行,就展開了地動山搖的午餐了...魚柳香草汁意粉,味道不錯!份量多,魚柳煎得香咖哩雞扒意粉,是分開上的,咖哩味香濃,配上了薯仔,分外好吃呢!飲品是凍檸茶,都可以不過以五十元的一客普通set lunch,的確比較食水深呢!

29/5/2009 (Fri)約了舊同事吃午飯，這是我第一次來的。我們分別叫了兩個餐：焗魚柳菠菜闊麵($48)：闊麵很乾，汁料不夠但味道尚可。而魚柳肉質不錯，有魚味，而且焗到剛剛好金黃色，不會太燶。日式照燒汁雞扒飯($39)：朋友的，我沒吃。雞扒是切成小塊，比較似大塊的雞柳，賣相還算可以。餐飲－－檸茶：有四塊檸檬，很夠茶味和檸檬味。食物的味道尚可，但服務方面，真的如網友所說，很不濟。明明有很多空檯，卻要我搭一張已有幾個人的檯；而且其中一個位沒有墊檯紙和餐具，要我自己拉對面空位的墊檯紙和餐具來用。我吃的是西式的焗麵，卻沒有給予叉。就現場所見，很明顯侍應的數目不足，而服務質素也有待改善。

記得第一次去食佢個lunch係ok嘅~食海南雞同埋糯米雞餐~都叫食得下~點知第二次去食即刻俾人搵笨!中伏左佢嘅雙拼焗飯!隨便搵d汁再加d極差嘅料來焗~ $50~我肯定的說句~佢廿蚊都唔值!仲食左葡汁雞飯~皆水準以下之作~無下次!

最近和同事去呢間在樓上的食店..叫咗個海南雞飯...個飯味道有點椰..同出面用雞油來比我都係喜歡後者還有係我碟雞仲好生....總括來講..都係還算可以..埋飲品...$50....好貴..

食物質素都ok既!不過叫人service但冇人理,真係呼天不應,叫地不聞遲落單,遲上菜,人手不足幾個人要service一百個客,所以service差係正常!諗住有位坐,點知入到去要搭"木台",依樣係大忌!!!!!!!!最憎食野要搭"木台",仲要d位好窄..又要麻煩人地起身比我過...唉....好在,佢地有個令女waitress,份人都幾nice,又會講下笑不過依排唔見佢,佢應該冇做啦....

中環搵食唔係一件易事。除了外買同訂檯之外，Walk-in食的都冇一次係好。成日出去經過見到呢間，今日終於同同事一試。心諗想一食小菜，點知Lunch只可以叫Set。叫左海雞 x 2 + 天婦羅拉面 + 加喱牛脷。先上牛脷，ok再上天婦羅拉面，原來係小童餐，拉面少到喊，同食剩冇咩分別。都係海穩陣。賣單$203個大洋。真係上o左賊船，唔會耍來

今日係西貢出黎, 預早左時間出到中環, 又試試新地頭. 上次中午想黎, 但一上到黎, 人潮已令我回頭.看一看餐牌, $22 有個紅湯牛肉通, 加炒麵, OK! 買盒野返Office 玩電腦. 服務員阿姐收錢時說$18!!! 不是$22 嗎. 原來外賣自取八折, 堂食/送餐九折. 食物到, 好大包, 因有麵同通粉. 回到Office, 打開, 通粉湯底(紅湯), 就是我最愛的羅宋湯. 有料, 有肉, 有通粉. 連湯到飲埋.另外一個火腿麵, 又係一人份量, 要留作午餐食.

今日同2個同事一齊上黎食lunch, 由於時間尚早,大概12:30pm 我地完全唔使等位之下就坐低左~由於係3人行既關係, 係唔使搭檯架, 呢方面相當滿意~雖然佢有好多lunch set選擇, 不過我地太肚餓喇, 好快我地就叫左咖哩雞扒飯,x菜肉餅油飯同金菇肥牛煲配油飯. 幾樣野都係5分鐘到就黎齊喇, 包括野飲, d野好ok喎, 仲有包個碟油菜都係勁新鮮~整體黎講算掂呀~~~~~小小意見, 我覺得佢地人手都ok足夠, 除非被安排入房, 否則都好容易搵人serve你~~~~可能我今次早左少少去, 12:30到, 所以冇漏單既情況~ps. 我今次係去2/F, 未知3/F會唔會有唔同~不過就我而言, 都去得過~

稀客來電約食飯當然敬謝不敏立即答應景觀算是開揚光猛午餐來說選擇還不算少一同點了豬扒飯/意粉份量也算不少味精也不算重手吃的來說還是可以接受的老友說宜家唔捱幾時捱呀?對對對捱就捱囉就像這兒食物不難吃但服務正如其他網友所說實在離譜得可以漏單,遲上菜,上錯餐,叫天不應,態度差樣樣齊全仍要天天爆棚等餐懵也許是不介意捱的實在很多吧

同林準大狀食左個快lunch。set lunch叫左個海南雞飯。味道一般。不過好同意人手唔夠，上菜落單好呢hei。個餐上枱時d薑蓉同酸汁倒瀉左3/4....整體環境認真麻麻，擠迫得有d嚇人，如果各位有興趣食，記住要搭升降機上三樓，千祈唔好行樓梯。因為樓梯地氈實在污糟得很，諗起到反胃．．．．．

我打字好慢，不過都要寫一寫投訴家居坊的service，真係太差!!!! 今天同朋友1:13pm一起去食lunch，2樓waiter叫我地上3樓，話3樓有位，於是我地上去，點知冇位，都算喇，等左陣，有位坐後，我地叫左curry beef rice & 雞扒飯，currry beef rice & drinks 十分鐘後到，但雞扒飯遲遲未到，我催左3次，個waitress都話就到，我懷疑她只是敷衍我，等左30mins都未有，我朋友已經成個curry beef rice食完，我實在冇咁多時間，於是叫佢改take away，叫完，個waitress叫我埋單先，點知個飯又突然出左來，我真係好懷疑waitress 同廚房係點溝通的，最後take away，兩個set比左$104，我覺得一d都唔抵，service太差!!!!!!!!!!!!! 番到公司食個雞扒飯，d飯硬到呢!!!!!!!食完胃痛，一d都冇誇張........好失望.....成層得兩個waitress, serve約一百人，有冇離譜d，中環lunch hour，間間食肆都咁多人架啦，唔係淨係家居坊先多人，再加上佢地唔係第一日開張，一早

lunch time去到二樓,勁多人等位,上到三樓,ok喎有位!但係就唔夠staff serve,要自己行去叫佢.order左咖哩石班配麵包--咖哩係港式咖哩,但係食完唔會成日要飲水,都ok.個石班塊係炸的.個係好有質感,唔似d cheap 魚塊.用料都算上等.個包係三塊法包.少少脆同暖.跟餐叫左個熱檸水,都足料,有4片lemon

第一次在此餐廳食Lunch,約於12:45落咗order後，等咗成半個小時才上第一碟飯，心想咁standard嘅海南雞飯都咁耐，已知不妙，故即時催促侍應；忽見另一邊廂，有個淑女向侍應投訴(當時仍未發火)說道：「碟餸已到了10分鐘，但紅米飯仍未到，勞煩幫我跟跟。」再過了一會，忽然又聽到呢班淑女開始有點火氣，說道：「我碟餸己到咗好耐，唔該快d比碗飯嚟啦！使唔使我去廚房自己裝呀！」我心想，實在好離譜，其實此時成間餐廳只得3個侍應，但要serve超過80人，佢地根本做唔切，淨係應付投訴都唔得閒，只有見招拆招，我隔離一對客人，想要一套刀叉，都等咗超過5分鐘啦(仲要經過多次催促)!最後，聽到個淑女忍無可忍，當碗"白飯"來到時，好惡咁發洩：「我碗係紅米飯，唔係白飯，仲有，我等碟餸等咗20分鐘，等碗飯又再等咗半個鐘，你地真係好離譜,點做嘢！」我最終也等到1:30pm才有得食，慶幸係飯餸一齊上，唔使多等半個鐘。