富寶會所私房菜

營業中

休息中

今晚來到富寶私房菜點了三個菜，也是一向的高質素。這𥚃環境舒適，服務十分好。小炒王，有獲氣火喉。韭菜花、辣椒、腰果、魷魚和蝦乾等炒得香氣四溢，口感層次豐富，鹹香帶點微辣，一定要來送飯。冰鎮鮑魚，鮑魚新鮮，保留了原始的海味和彈性，入口爽滑。冰鎮後口感更清爽，搭配淡淡的醬油或芥末增添層次。上湯龍蝦伊麵，色香味俱全，是典型的中式名菜。龍蝦鮮甜彈牙，上湯伊麵十分入味，味道濃郁，突顯了龍蝦的鮮香，必食之選。

十號風球落波即刻搵嘢食， 餐廳格局係小型酒樓 ，好多人上嚟打雀局 。食物出品都有水準。 芝士焗龍蝦伊麵底，芡汁唔會太傑， 不過龍蝦就細吾夠肉，二斤要1500元太貴了。 冰鎮咕嚕肉，脆漿唔算太厚， 都好有水準。推介炸子雞，皮薄好香好脆， 雞肉好juicy。美中不足係冇糖水送。

第一次食私房菜，估唔到都幾好味！最鍾意呢條蒸魚，夠晒新鮮，仲有呢個椒鹽龍躉，好高級又好好味，真係多謝老闆帶我嚟見識咗乜嘢叫好味，如果有分店開在市區就好啦。新年聚餐都可以係呢度食。

同事話好耐冇出嚟gathering啦！所以我哋又一齊嚟包房食好野，食完仲可以打麻雀！呢度真係好適合一大班人聚會，慶祝生日仲可以叫餐廳安排自訂祝福語展示係餐廳屏幕上。要食海鮮餐就要提前預訂。🥢清蒸三刀我真係超鍾意食魚，呢條魚我真係好滿意，無論賣相抑或味道都值得攞滿分💯💯💯。條魚幾大條，肉質好鮮嫩，加上面頭有大量嘅蔥絲，更加突出魚嘅鮮味😋😋🥢黑松露花枝帶子王呢個小炒有齊晒我最鍾意食嘅嘢🤤，每一嚿蝦同帶子都充滿黑松露嘅香味，搭配埋西芹一齊炒，識落爽脆又開胃。🥢龍躉兩味—椒鹽骨腩＆翠綠炒球呢個椒鹽骨腩真係冇得輸😚😚，火候控制得剛剛好，炸到外脆內軟，龍躉肉質煙靭，充滿椒鹽味。

九龍城私隱度勁高私房菜屋企人生日提早打左電話去訂位餐廳提供包場包房服務，私隱度勁高！！豉汁蒸白鱔食落超滑！仲好惹味！份量都算多～～要再嚟食椒鹽瀨尿蝦瀨尿蝦勁新鮮，超鮮甜冰鎮鮑魚花螺花螺都好彈牙！鮑魚都好鮮甜洗得超乾淨～～📍 富寶會所私房菜 (九龍城)九龍城侯王道28號一至2樓 #九龍城 #私房菜 #會所 #粵菜 #富寶會所私房菜 #美食尋寶#九龍城美食 #美食推薦 #香港美食#私房菜推薦 #潮州菜 #粵菜 #侯王道28號

今日同朋友嚟到呢間私房餐廳食嘢 環境好好食物都好出色，坐得好舒服，嘢食價錢都合理，好啱帶屋企人過嚟食😍我地試咗冬瓜炆燒腩，炎炎夏日非常消暑！冬瓜非常清甜，腩肉肥美不膩，汁都好清甜，配白飯食一流🫶🏻啱曬夏天食冰鎮鮑魚口感厚實飽滿，肉質鮮嫩又好juicy，食到貝類特有嘅甘美味道，非常新鮮，值得推薦！不過我地最鍾意嘅都係清蒸三刀，魚肉新鮮嫩滑，調味都非常出色，老人家非常喜歡呢道菜，係咁話下次要再嚟！

今日同屋企人出街食飯，上網見到呢間comment唔錯，服務態度良好，食物質素都有水準，所以最後揀咗呢間嚟試吓，最後都冇令我地失望， 好滿意， 下次可以encore .清蒸海參斑：蒸得剛剛好，唔會Over cook,條魚好新鮮又大條、食落肉質鮮嫩，好滑，平時唔係好鍾意食魚嘅囡囡都爭住食.蒜香安格斯牛柳粒；蒜香味濃，有鑊氣，安格斯牛柳粒牛味濃，好淋身，同埋都好大碟鮑魚花膠響螺燉竹絲雞湯： 超級足料，老火湯火候十足，味道清甜。

講起九龍城高質私房菜，一定要推介富寶會所私房菜，環境私隱度高又闊落，仲提供包場包房服務，聚餐慶祝都非常岩🐔招牌炸子雞炸子雞一上枱就已經香氣撲鼻，皮薄脆口，啖啖肉質嫩滑，雞味濃郁。外皮金黃，唔會太油膩，真係停唔到口。🦞上湯龍蝦伊麵底龍蝦件件厚肉鮮甜，上湯底味道濃郁，將龍蝦嘅鮮味完全帶出嚟。伊麵吸盡湯汁精華，每啖都掛住龍蝦香氣🥘富寶漁家小炒王呢道小炒王鑊氣十足，材料豐富，有魷魚、蝦仁、腰果等，炒得香口又惹味，送飯一流！如果食海鮮，記得預早book位試下啦！

今日想食豪啲嘅中菜，就去咗九龍城侯王道28號一至2樓嘅餐廳，試咗幾款招牌菜😋 佢哋嘅海鮮真係新鮮到不得了，記得提前預訂😉首先要講嘅係佢哋嘅XO醬櫻花蝦炒飯🍚 一上枱就聞到好香嘅XO醬味，啲飯炒得粒粒分明，櫻花蝦又夠曬香脆，食落真係好惹味！🤤跟住就試咗鮑魚響螺燉竹絲雞湯，滋補養顏！🥣 湯底清甜，鮑魚同響螺嘅鮮味完全滲入湯裡面，竹絲雞又夠曬嫩滑，飲落去暖笠笠，好舒服！👍 清蒸海石班都一定要試！🐟清蒸嘅做法最能夠帶出魚嘅鮮味，肉質嫩滑，配埋啲豉油同蔥花，真係好好味！😋 記得要提前預訂，確保食到新鮮嘅海鮮！除咗啲嘢食好味之外，呢間餐廳仲有麻雀檯提供，食飽飯可以同朋友打返幾圈，輕鬆下！🀄️ 如果你想搞生日party或者其他慶祝活動，仲提供包場包房服務，夠曬方便！🎉

前排去咗九龍城呢間私房菜食飯試咗幾道招牌菜每樣都好滿意😋✨冬瓜炆燒腩仔 $148冬瓜煮到軟腍入味 入口即化燒腩仔肥瘦恰到好處 肉質軟嫩多汁 一啲都唔乾柴✨碧綠炒海斑球 $228用料新鮮 色澤鮮艷西蘭花炒得翠綠爽脆 海斑球口感彈牙鮮甜 兩者互相襯托 如想果想食海鮮 最好提前預訂✨蘿蔔清湯腩 $148份量好足 湯底味道清甜暖胃牛腩同蘿蔔燉到軟腍入味 蘿蔔吸收曬腩汁嘅精華 配飯食真係一流😋😋提外話😛 餐廳設有麻雀檯🀄️仲提供包場包房服務 適合一大班人聚會富寶會所私房菜📍九龍城侯王道28號1-2樓

老豆生日話想食中菜 一定要聽壽星話啦即刻就諗到黎富寶會所食私房菜提早打電話訂位就最Firm啦🐳 冰鎮鮑魚花螺出街最驚食到啲洗得唔乾淨嘅海鮮呢度啲海鮮洗得好乾淨冰鎮鮑魚肉質彈牙 花螺都唔錯🦞 上湯龍蝦伊麵生日必食既上湯龍蝦伊麵食碟長壽麵 祝我老豆同老媽子長壽健康 龍蝦啖啖肉 肉質鮮嫩師傅拆咗大部分既殼 好方便就食到啲龍蝦肉伊麵份量好足 食完好飽🍲 枝竹火腩炆骨腩色香味俱全 超好送飯啲火腩鹹鹹香香骨腩又好軟腍入味 幾好食

有一段日子無嚟九龍城，發現好多細舖已經執咗，好在呢間私房菜仲喺度。我哋一行五人叫咗唔少肉食🤭招牌脆皮炸子雞原隻雞皮炸得香脆，肉汁保留到，肉質新鮮彈牙，蝦片脆卜卜，口感味道都滿足到蜜汁叉燒肥瘦適中，塊塊都切得好均勻，蜜汁嘅光澤令到碟叉燒好吸引，甜甜哋幾好味😋白灼赤米蝦好多隻蝦，全部都新鮮無臭味，彈牙爽口又解甜，白灼啱晒😋干燒伊麵火喉控制得好好、炒得好香口呢間私房菜早午晚餐都有，水準keep得幾好😉

餐廳環境裝潢以中國傳統風格為主，營造出舒適而典雅的用餐氛圍。柔和的燈光和細緻的布置，讓人進入餐廳時就感受到一種放鬆的心情。椒鹽骨腩椒鹽骨腩是這次用餐的亮點。外皮酥脆，內裡肉質鮮嫩，椒鹽的調味恰到好處，帶有一絲微辣和香味，令人一口接一口翠綠炒球翠綠炒球是一道色香味俱全的素菜，主要由新鮮的季節性蔬菜製作而成。菜品色澤鮮豔，清脆可口，保持了蔬菜的原汁原味。搭配輕微的蒜香和橄欖油，讓這道菜在清爽的口感中增添了香氣，非常適合喜愛健康飲食的人。總括而言 都有驚喜同埋份量超足！適合同朋友一齊早餐或者輕鬆一下 可以坐好耐

🥢富寶會所私房菜 (九龍城)🍚近排九龍城附近餐廳都執左好多😭富寶會所私房菜仲做得住 水準有返咁上下上次試過佢啲海鮮同埋中菜叫餸食飯都好包場包房、搞私人飯局 無得鬥氣 一定係黎呢度👈 ▫️清蒸海石斑🐟新鮮海斑 魚肉嫩滑 部長突登留返條靚魚比我嘆🤤 個葱油用黎撈飯真係無得輸▫️蜜汁叉燒熱辣辣靚叉燒 肥瘦相隔 個汁油而不膩撈埋個白飯真係無得頂呀▫️翠綠炒龍躉球龍躉炒球好厚肉 好夠鑊氣呀👍如果想食靚海鮮記得要提前預訂📞

我阿媽自從嚟過食後，簡直愛上左，陣間中就帶埋我啲仔女嚟食好嘢。今日下晝佢響道雀局完，話一早訂左龍蝦，就叫我湊要粒孫落去搵佢食晚飯。芝士花龍蝦配伊麵底:呢道菜一上枱已經香到爆炸，芝士焗得啱啱好，唔會膩，又唔會遮蓋晒龍蝦嘅鮮味。花龍蝦啖啖肉，爽口彈牙，好有咬口。底下鋪咗伊麵，吸晒啲芝士醬汁同埋龍蝦嘅精華，成個combo真係正到冇朋友。食到最後碟底都唔想放過，攞匙羹刮多兩啖先甘心。😋青紅蘿蔔排骨湯:一入口，真係有返阿嫲煲湯嗰種味道。湯色金黃清澈，飲落去夠晒清甜，青紅蘿蔔煲到腍晒但又保留到口感，唔會腍到散晒。排骨好入味，有啲黏嘴感，明顯係火喉掌握得好。飲完一碗，整個人都暖晒，好有屋企Feel。豉油王乾煎大蝦:簡簡單單，反而最考功夫。啲大蝦好新鮮，乾煎得脆脆地但唔會過火，蝦殼略帶焦香，食落鹹香中帶少少甜，個豉油王調味好Balance，唔會死鹹。成隻蝦都吸晒醬汁，連蝦頭都好惹味，啖啖都係精華。