影片
港鐵銅鑼灣站 F1 出口, 步行約6分鐘
繼續閱讀
電話號碼
56464503
開飯介紹
主打醬油湯底拉麵，以秘製鮮魚醬加豬骨、雞骨及蔬菜等熬煮五小時而成。直身的麵條粗幼度適中，掛湯力不錯。另有沾麵、沙律及日本小食等供應。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
-
網上訂座服務暫停
相關文章
身為 mofusand 迷既我，就算銅鑼灣唔係常出沒的地方，都要去富山拉麵，皆因佢哋近排既期間限定主題店就係炸蝦貓 mofusand 啦～揀左平日放工時間去朝聖，遠遠已經見到人龍，但唔算等得好耐還可以接受，排隊時就諗定食咩，坐低無耐就上菜囉 👍🏻特製牛奶拉麵 $98開頭有點擔心湯底會唔會太奶，又唔會喎，反而恰到好處好香滑，拉麵彈牙，仲有豬軟骨、叉燒、炸蝦、半隻流心蛋，同埋貓貓圖案既魚片，好味 😋特製咖喱撈麵 $118這個是朋友點的，炸蝦外脆內軟，就算相機食先都仲熱乎乎，而且連配菜都好有心思，造型有星星同心心，睇見到開心喎～特製章魚燒 $38一口小丸子，岩晒咀仔細細既朋友～特製士多啤梨椰果梳打 $38特製白桃烏龍奶茶 $38上面係滿滿既星星 cream，有貓貓圖案既棉花糖好煙韌，唔會好甜唔錯啊～做得主題店，除咗店舖裏裏外外充滿 mofusand 外，又點小得其他精品呢，有環保袋、拉麵碗套裝、扣針，好吸引呀～
繼續閱讀
今次來到以日本人氣貓咪Mofusand為主題的富山麵家，由門口到餐具都充滿貓咪元素，簡直係貓奴天堂！ 每一樣食物都有Mofusand貓貓，打卡度爆燈～超靚！🍜 必試拉麵：**牛奶鹽味拉麵** ($98) 🌟4.9/5• 湯底混入北海道3.7牛乳，濃郁順滑• 搭配叉燒同埋 豬軟骨• 配搭咗一嚿心心造型既玉子，超可愛！🍛 驚喜之選：**特製咖喱撈麵** ($118) 🌟4.5/5• 日式咖喱加入甜味，甜辣平衡• 連埋炸蝦天婦羅同埋炸雞，嫩滑多汁• 連咖哩入面嘅蘿蔔都係心心型🐙 特製章魚燒 ($38) 🌟4.9/5• 每份5粒，入面有章魚粒粒，外脆內軟，好好食• 表面灑滿會跳舞嘅木魚花🍓 特製三色芭菲 ($48) 🌟4.5/5• 分別有抹茶雪糕，士多啤梨味雪糕，同埋楊枝甘露雪糕• 另外仲有兩粒哈密瓜波波， 必食之選**白桃烏龍奶茶** ($38) • 台灣烏龍茶底+日本白桃果肉• 杯身印有Mofusand貓咪圖案** 士多啤梨椰子梳打** ($38) 🌟• 面頭有一層 鋪滿星星糖嘅cream• 底層有椰果，撈勻嚟飲味道好夾
繼續閱讀
happy friday同其中一位女性朋友喺銅鑼灣行街，行到去希雲街，希雲街畀我嘅感覺，都係隱世高手林立既地方，絕對係搵嘢食嘅寶藏，果然今次都冇令我失望，就比我搵到呢間mofusand 既日式拉麵店。一進入店內，鋪天蓋地的mofusand 貓貓插畫，已令我明確知道，這裏絕對是一間高質打卡餐廳，貓控必定要到此一遊。由牆身，枱櫈，碗碟，細微至一個牙籤套，你都會見到mofusand的身影，那份幸福感，狠狠地把你籠罩著。兩杯飲品一上場時，忍唔住嘩一聲，喺幼滑嘅忌廉上面，竟然有一塊mofusand 既棉花糖，又可愛，又好食，草莓椰果梳打，豐富椰果肉，口感豐富，白桃烏龍奶茶，充滿幸福感的甜度！到主角上場，特製黑醬油拉麵，咖哩撈麵配炸雞拼盤，呢個黑醬油拉麵一入口嗰下，成個人醒咗，開頭見到呢間餐廳，以為只係純粹嘅一間主題打卡餐廳，估唔到呢個拉麵咁有質素，佢唔太鹹，有好香嘅胡椒味，湯底亦好重濃香，係同類型既拉麵店之中，絕對已經贏在起跑線。咖哩撈麵鋪滿天婦羅脆脆，口感特別！章魚燒，細碎的木魚絲，可見師父的細心程度，醬汁不比專業的章魚燒店差，值得一讚！甜品，三色芭菲，巴菲果味濃厚，配合合到好處的時令水果，正，在穿個巴菲的陣地後，遇上外脆內軟的千層消化餅，在充滿mofusand氛圍下，享受著呢份甜品，實在令我迷失在mofusand和日式拉麵的世界之中。
繼續閱讀
今日嚟到希雲街一間以日本人氣貓咪Mofusand為主題的富山麵家，店舖由門口到餐具都充滿貓貓元素，每道食物都搭配可愛的Mofusand貓貓造型，氛圍滿分～ 貓奴一大推薦😄打開餐牌，梗係要食佢哋主題款式嘅菜式啦～1. 特製黑醬油拉麵 醬油湯底濃厚，搭配蛋、炸蝦天婦羅、叉燒同豬軟骨，仲有就係Mofusand貓貓魚片，真係好可愛啊～2. 特製咖喱撈麵 - 日式咖喱甜辣平衡，都係有蛋、炸蝦天婦羅同炸雞，炸雞都做到外脆內軟，而蘿蔔都入味。3. 特製章魚燒 - 外脆內軟，伴隨着啲木魚飄飄下，都唔錯呀～4. 特製三色芭菲 - 抹茶、士多啤梨、楊枝甘露三味雪糕組合，搭配哈密瓜波波，飯後甜品啱晒。我哋仲叫咗兩杯主題飲品 ～白桃烏龍奶茶： 除咗烏龍茶底、白桃果肉個面仲有口口奶油同埋Mofusand貓貓棉花糖，唔好話太甜～士多啤梨椰果梳打：奶油加底層椰果，亦都有唔同圖案嘅Mofusand 貓貓棉花糖。打卡啱晒。順帶一提，因為呢期係Mofusand貓貓主題，所以店家都有出售限定商品，有拉麵碗同湯匙套裝仲有唔同款式嘅環保袋，同埋扣針，貓奴嘅你哋，真係不容錯過😂😂😂
繼續閱讀
社交平台見到有frd po左呢間Mofusand嘅餐廳🐱俾佢燒到黎朝聖原來呢間餐廳每幾個月就會轉一個主題🐾今次係超可愛嘅Mofusand貓貓貓咪限定主題本身6月尾就完，但由於反應熱烈🔥鋪頭延期至7月13日！！fans們快啲衝啊！今次叫曬期間限定嘅嘢食，全部都睇得又食得📸餐廳連裝水嘅紙杯、筷子套都印有Mofusand，真係好有心思🍤咖喱撈麵配炸雞拼盤 $118呢個撈麵還原左炸蝦貓咪，裝飾嘅蘿蔔仲要係心心形狀！真係超可愛，唔捨得破壞佢。撈麵仲配左個炸雞炸蝦拼盤🥛牛奶拉麵 $98牛奶拉麵都有隻貓咪訓係麵上面，食落原來係魚糕黎嘅，拉麵牛奶味濃郁，叉燒都大大塊，仲有個心心玉子🍹特製草莓椰果梳打 $38🍹特製白桃烏龍奶茶 $38另外order左兩杯飲品，賣相都係好靚，貓咪造型嘅棉花糖(波子汽水味)鋪係cream係上面，打卡一流。🍨三色芭菲 $48三色芭菲有三隻唔同味嘅雪糕球，配上新鮮水果，中間仲有個蜂蜜味好重嘅蛋糕仔，完結滿足嘅一餐！
繼續閱讀