富怡粉麵專家

營業中

休息中

去開北角做嘢一心諗住走去傳說中嘅「道生」朝聖一下，誰不知今日竟然係休息日真係黑仔到爆，預咗要食牛腩河，咁就行去附近睇下有邊間好食，行到新光附近見有呢間「富怡」同對面「正九」，心諗反正正九有咁多分店就揀咗呢間。亞姐都幾有禮貌招呼亦好，牛腩其實唔算太差，不過有一兩舊唔知係咪擺得太耐肉質有啲硬，湯底普普通通。原本平平凡凡嘅一餐就偏偏畀我見到最精彩嘅一幕，隔離座位冷氣機滴水滴到成地都係都算，個阿姐行行下突然走去用條祝君早安毛巾走去抹佢對鱷魚仔涼鞋嘅鞋面，之後又走去用返嚟抹枱，見到呢一幕當堂呆咗冇曬胃口，早知去對面正九食個下午茶清湯牛腩好過......😣😮😳

2024年2月21日晚上八時許北角富怡粉麵本人每次食都係柯打爽腩飯，每個月都食四至六次，佢今次整咗碟普通嘅牛腩飯比我，咁我立刻話佢知整錯咗，跟住個老闆娘仲要同我死撐，話啱啱轉咗師傅所以切法唔同咗，佢真係當我唔識㗎，咁我當然話唔要啦，跟住兩分鐘唔使，佢就整番碟正常嘅爽腩飯出來，如果買外賣就肯定中咗伏，牛腩、爽腩、坑腩、崩沙腩，當中就以牛腩最平，間間都係一樣，個客識食先至叫，唔係咁好呃㗎，唔該比番啲良心啦！

昨晚23:45分，叫左外賣自取「四寶肉碎粥+紫菜」，一拿上手就見到袋底漏湯，之後坐低打開就發覺冇紫菜！如果好多人外賣 好忙，一時失魂漏左都算，但昨晚冇乜人，呢D粗心大意唔係噤好！

話說小妹收工番屋企嘅時候已經係晚上12點 見有啲肚餓就諗住去ok 買野食 嘅時候見到有間鋪頭著住燈 就好奇咁夜麵未關門 就走左去望下 原來係一間粉麵店 我就諗都唔諗走左入去 叫左個雞絲撈薯粉 見到碟野我個人呆左 諗住食少少點知都幾大份 個薯粉係好似西餐啲意粉卷起 個賣相幾靚💗💗 睇得出啲師傅都好用心去整 食落幾開胃酸酸辣辣 但唔會太辣 岩曬我呢啲想食辣但唔食得辣嘅人👍👍 然後我食完 走去埋單順便去問下老闆收幾點 原來呢到收1點至2點 一直都唔知😯😯其實呢間真係唔錯 大家經過不防試吓‼️

今日同女朋友👱‍♀️行到北角 突然見到一間牛雜麵店有酸辣粉食，女朋友都幾鐘意食酸辣粉🤤所以我哋入左佢食 一行到入去 比我想像中嘅環境要好 以前去食牛雜全部都係圓枱 四五個人迫埋一齊 😵‍💫😵‍💫但呢間枱櫈都算闊落 有卡位👍👍 唔使同人迫呢間嘅酸辣粉啲餸選擇太多 所以我哋嗌咗一碗酸辣豬頸肉魚蛋薯粉同麻辣牛丸肥牛薯粉 試下 當黎到嘅時侯 我同女朋友一開始都好疑惑啲薯粉同出面食嘅唔同 會唔會中伏 點知有啲驚喜🙀🙀薯粉好有咬感 而啲豬頸肉唔會話太乾太韌 魚蛋都好彈牙 不過有少少酸 食完先知原來可以叫小酸 整體都幾好食嘅 小弟就食麻辣 嗰個麻辣味麻得來又唔係話好辣 ，唔食得辣嘅朋友都可以試吓 加埋佢個牛丸係好夾 下次會同女朋友再嚟試其他餸

今日同frd經過見到北角，見裝修幾靚✨，同其他普遍嘅麵檔唔太一樣，所以入咗去試～買咗個牛筋飯，唔使十分鐘就到左，制作時間唔耐。足料之餘又入味，勁香🥺✨！牛筋又有咬口，唔會太硬，滷水香味好重但唔會太咸！啲飯熱辣辣，咬起嚟唔會太硬，幾軟糯，整體好正❕❕仲有叫炸雲吞，金黃色，香噴噴，咬落有少少肉汁落出嚟，唔會太乾之餘又脆，配埋個醬，酸酸甜甜，個味好搭🤤💖。加埋一齊一啲都唔貴先係重點‼️環境衛生唔錯又舒服💗！服務態度又超好，又體貼🥰！所以大家可以去試吓‼️

朋友親身經歷：好日都唔會寫食評，但今次真係忍無可忍。難食都事少，食物唔乾淨識到人肚痾就離晒譜。話說前幾日夜晚肚餓想叫外賣，打開網上外賣平台一睇唔多選擇下就揀咗呢間富怡…叫咗個牛筋飯。送到上嚟正正常常，點知食完就賴嘢。肚痛左足足三四日，之後仲洗咗唔少錢去睇醫生。呢個宵夜真係貴😂 自問平時都好少肚痛，今次肚痛嘅程度真係破晒記錄，如果大家想感受下肚痛嘅滋味歡迎去呢間富怡專家落order。 寧願你啲嘢難食都唔好咁樣搵顧客腸胃較飛。 食物唔乾淨真係完全忍無可忍接受唔到！

講真用咗呢個OpenRice帳戶已經好一排 都打咗差唔多幾百篇食評🙂大部份都係香港周圍覓食 就算有時食到啲唔係特別好食嘅餐廳 我都好少比負評但今次北角呢間餐廳真係唔俾唔得🙃🙃🙃外賣叫咗牛筋飯 講真送到黎個賣相已經唔係太好 但因為嗰日係好夜先至食 本身都唔會諗住出咩post 所以唔會影相食到落去牛筋已經唔算太新鮮 個口感有啲怪 但味道都尚算可以 心諗求其食咗佢填飽個肚就算🙂但第二日食完呢個飯 係咁嘔係咁屙 直頭去睇私家醫生都話我係中咗腸胃炎⋯⋯嗰日全日冇乜食嘢再加上都係屋企食所以100%係呢間餐廳🙂我覺得食物好唔好食唔係問題 講真喺出邊食嘢真係好難講求乜嘢衛生 但起碼唔好係引致食物中毒 咁樣係好嚴重嘅問題🙂希望大家都唔好貪方便 求其揀啲冇保證有污糟嘅餐廳 呢間絕對係要警告 因為我肚痛左差唔多一個星期 實在太過分真係要出一出評價警惕下世人！

北角粉麵專家😍近排好似成日都分享粉麵👻 但呢一間第一次黎食真係要分享比大家😍😍超抵食！🐃 牛腩河 $35我都數唔得出有幾多舊牛腩😍 勁多勁有份量 啖啖都係肉又唔會太肥 完全有牛腩既味道 咬口超爽 味道超足夠👻 大大碗都只係賣呢個價錢😛 真心會回頭再食🥬 腐乳通菜 ＋$10健康之選一定會叫菜👻🥤 凍檸檬茶 ＋$8茶餐廳風味一啲都唔差整體嚟講價錢超抵 份量又非常足夠 完全係平民價 真係適合做街坊生意😛 抵食 推薦指數 🌕🌕🌕🌕🌗

呢排做野太攰，返屋企訓左個覺起身發現已10點，餐廳大部分都閂門，唯獨見到呢間富怡粉麵專家就去試試，點知誤打誤撞比出發現到一間驚喜小店，食完即刻bookmark 😆我試左佢既牛三寶湯米粉，湯底濃郁又香，蔥香既味同濃郁牛腩湯底非常撲鼻，一D都無誇張，個人非常喜歡，已列入北角心水。牛腩牛筋同牛肚都好好味，D肉唔係腍果隻，係有咬口，本人鐘意食米粉，佢既米粉都煮得幾好食，每條都彷彿索晒湯汁，而佢D米粉又唔會煮到腍或者斷晒或湯底變米糊果隻，個湯仲好清牛腩湯底，湯米分明。香濃既牛腩同爽彈口感加濃郁湯底，一碗簡單既粉麵可以做到咁唔簡單，讚👍🏻😋CC誠意推介我發覺好食到無停口好快食晒..所以無影到相..下次補返一定會再光顧

南乳豬手飯鹹道飛天！居然可以完全冇南乳味...可惜我冇影相，建議千萬不要選擇這個飯。簡直浪費食材！白飯偏《林》... 紫菜湯味精味多到唔敢飲，這間餐廳真心浪費食材。

昨晚在網上見到呢間北角牛雜小店，很好奇地想知呢間小店是叫乜名，原來呢間店舖叫"富怡粉麵專家" 。今晚刻意專程到來這店舖光顧，門面外觀光亮整潔，舖內也很整潔，感覺很不錯，坐位也很舒適。因為第一次來試一試，只叫了一碗"牛雜拼牛筋伊麵"。不到五分鐘，熱辣辣而又香噴噴嘅"牛雜拼牛筋伊麵 "就在眼前了。首先試吓佢湯底，濃烈醬汁香味，味道濃郁，非常吸引，其次牛雜很焾和十分夠入味，只不過切細件咗些少。再試埋佢嘅牛筋，軟硬剛剛好，入晒腩汁的味道，而伊麵稍為腍了些少，仲有佢嘅辣椒油，很甘香，味道不會太辣。整體味道來講，是值得可以經常去光顧的。而且價錢方面，也是大眾化。

今天有事情辦，所以選擇堂食，下午時段並不多人，叫了魚片頭併雲吞米線、炸鯪魚球。魚片頭彈牙可口，份量是足夠的，另外點了炸鯪魚球，上枱還是熱熱的，挺惹味的，下次試其他小吃。值得一讚是職員主動說，可以調去卡位，因為我是一個人的緣故，最初不會坐卡位啦。環境是光猛衞生，間中我也會買魚片頭回家煮面吃。

上年開始發現北角呢間新小店，陸續比被墨魚頭，牛腩同魚蛋吸引左，食過就知實在唔錯，墨魚頭同魚蛋夠爽，牛腩夠焾，份量又足。呢間小店老闆親切有禮貌，幫襯得好舒服。坦白講，我其實係專登搭四，五個字車過嚟幫襯架！有少少改善的地方：1. 墨魚頭有啲渣，可考慮買細少少嘅墨魚2. 魚蛋質素下降，可試下其他供應商3. 金錢肚更好食4. 清潔可再改善5. 凍檸茶可少啲糖整體嚟講已經唔錯，車仔麵之家無開之後，呢間係不二之選，會繼續嚟幫襯！

今日同兩個friend嚟到北角書局街呢頭覓食，呢度有好多港味餐廳🍴，一定啱晒我呢個淨係鍾意食香港野嘅朋友😋.黎到呢間～富怡粉麵專家，唔好以為淨係得粉麵，佢呢度有好多精美小食同埋傳統嘅牛雜都係好出名👍.🌟牛三寶～牛爽腩、牛肚、牛孖筋，一次過滿足晒三個願望牛爽腩～係牛腩嘅部位，肥瘦適中，亦係我地今餐最鍾意食嘅，食完，忍唔住叫多碟淨食添👍牛肚～師傅切得好細心，條條差不多大小，炆得非常之入味，不過就覺得略為咸咗少少，落返少DD鹽，就完美喇！牛孖筋～炆得好唸，咸度適中，睇得係廚師心機之作👍.🌟爽滑墨魚頭～ 真係冇改錯名，墨魚頭非常之爽和滑，因為墨魚頭係唔可以煮過耐，如果唔係會好韌，呢度完全冇呢個問題😍.🌟小食拼盤～蒜香炸雞翼黃金好香蒜香味，炸得好夠乾身，內裏食落好滑！～炸墨魚丸墨魚丸好彈牙，外面炸到金黃色，好欣賞配上泰式醬料，好夾！～鮮炸鯪魚球 一貫嘅彈口，外面層皮炸得香脆，食落中間仲有少少果皮添，😋老細完全冇孤寒，配過左一大碟蜆介俾我添！另外值得一提，除咗炸嘢每一碟都配有煮好嘅生菜，好爽口，依家啲菜咁貴，老細真係好大方！仲好好服務添，好熱情咁介紹餸菜👍☺️☺️