富東閣海鮮酒家

營業中

休息中

放假同屋企人食野，最好就係去飲茶，本身以為下午茶時段係2點先開始，點知呢度原來1點30已經係下午茶。一入到門口就見到有個員工係呢4個爐到拎餐具比我地，所以啲杯碗碟全部都熱辣辣，唔洗再自己搵水洗，呢個十分讚👍🏻鵪鶉蛋燒賣 $18好少係酒樓會見到鵪鶉蛋既燒賣，個皮唔係平時食燒賣既黃色皮，而係似雲吞既皮，燒賣下面重有枝竹。鮮蝦菜苗餃 $19皮薄、入面既蝦都大隻，啖啖都食到蝦肉🔸星期六、日或公眾假期+$2

今日有個朋友車左我同我媽咪嚟咗沙田飲茶！喺瀝源邨有間街坊酒樓，咁就黎試吓啦！野食整體來講都唔差，味道就都好食，味精就唔算太多，可以接受嘅！中午點心就買四送一，今日就叫咗六樣點心，六樣點心，除咗生菜唔太理想之外，其他全部都好滿意鳳爪同金錢肚林度適中，即叫即做，上菜嗰時仲熱辣辣，味道濃厚，但唔係好鹹個隻！頭先話個菜唔太理想，係因為個菜有少少老！相信係個別例子！鵪鶉蛋燒賣，咬落去真係辣親，即叫即做嘅關係，大家記得唔好一下放落口！慢慢細細啖食，味道係非常非常之好食，而且都好足料下，裏面見蝦都頗為新鮮👍！牛肉就賣相就一般，食落去都覺得好食嘅，配上馬蹄感覺好美好！而且又唔會好實，值得加分最後大包，裏面真係太多料，一個人好難食得晒，最好有人Share ！喺出邊啲酒樓已經好少見到有大包，我就比較年輕啦！我相信老一輩嘅長輩都好鍾意整返個大包！裏邊又有肉又有冬菇，仲有叉燒⋯⋯最後呢間酒樓，佢哋會將所有筷子碗同杯用滾水煲過，喺疫情下，大家可以好安心咁使用，同埋記住要小心，一拎過嚟啲碗快好熱㗎！小心避免燙傷！

假日出去沙田探親戚，長輩級都喜愛飲茶🍵所以簡左黎富東閣去到只係1點幾，問下知客今日會唔會有下午茶啦，點知1點半就開始，岩岩好一入到去見到有個位置專門烚碗筷，高温消毒侍應姐姐帶好位後，就去拎餐具比我地啦。星期六，日，公眾假期每款點心加2蚊我地總共叫左8款點心，其中藥膳浸雞腳好好食，湯好濃藥材味不太鹹雞腳又夠淋，好易食😋 虎皮尖椒，不太辣，鯪魚肉煎得香口，無腥味潮州粉果有4件咁多，一般酒樓都係得3件味道都正常👍🏻埋單都係大約230蚊😲真係幾抵食

適逢中秋前夕想食中菜，便來到這家之前已經來過幾次，吃過火鍋🥘及片皮鴨🦆的酒樓，試試他們的小菜如何。當日是平日，所以人不多，可以直接入座。裝修方面採用老式酒樓風格，整體環境上亦有不少歲月痕跡。酒樓正中央以熱水♨️消毒餐具，客人入座時才從熱水♨️中取出，感覺上很乾淨衞生。👍菜色方面種類繁多，火鍋、小菜、燒臘、片皮鴨……等。價錢相宜，份量充足。員工服務方面，是一般老式酒樓水準。🙈味道方面因各人口味不盡相同，故不作評論。(請參考附圖)

呢度飲茶真係好抵 飲下午茶十幾蚊起 仲有用傳統紙仔點心吸印~環境就不過不失,起碼都乾淨既 一個人食返幾件點心當午餐!鮮蝦餃,菜苗餃,馬拉糕,生煎包蝦餃呈圓形,好飽滿,幾乎爆餡,薄身既餃皮包住2隻大蝦 鮮味爽甜菜苗餃,中間都係放左2隻蝦即係加左蝦同菜既餃 更加大隻要2啖先食到一隻,菜苗好嫩切到好細碎,蝦肉爽甜馬拉糕夠大件 鬆軟香甜生煎包 中間係肉碎粉絲 個皮厚夠飽肚沙田瀝源街6號瀝源廣場1樓5號舖消費$111

叫左個片皮鴨冬瓜盅套餐皮脆肉厚，甜醬好香好味冬瓜盅，足料好味薑葱焗生蠔，味道唔錯，唔太咸仲有椒鹽肉排，好夠味，送飯送啤酒一流蒜蓉開邊蒸蝦，粉絲吸晒鮮味，正仲有個上湯青菜（當晚係白菜）4人食，計埋茶錢（冇叫飯或酒水），埋單810。

🔅午市優惠點心 (優惠紙上點心每款$26；仲可以揀選4款送1款;選8款送2款; 選12款送3款）1️⃣雞包仔2️⃣燒賣3️⃣鵪鶉蛋燒賣4️⃣蝦餃拼潮州粉果5️⃣炸雲吞6️⃣鮮蝦菜苗餃7️⃣春卷8️⃣蘿蔔糕9️⃣蝦腸拼牛肉腸🔟馬拉糕1️⃣1️⃣珍珠雞呢度既點食抵食之餘又幾好食～而且仲有啲懷舊少少既點心，例如鵪鶉蛋燒賣、炸雲吞同馬拉糕。呢幾樣點心都唔係間間酒樓有得食！而咁了多款點心我最欣賞有蝦既點心，燒賣、蝦餃、菜苗餃，因為蝦好爽口～另外尸，馬拉糕都好出色，夠鬆軟，又唔會太甜！

一家4口👨‍👩‍👧‍👧 終於集齊人去富東閣食酸菜龍躉,三佰幾蚊超大煲,除咗基本野酸菜,芽菜,仲有軟綿綿嘅年糕,確實有驚喜😬用咗龍躉魚,D魚唔會碎濕濕,仲有厚厚嘅魚皮,即刻feel 到D骨膠原😍 滑嘟嘟全個煲都好入味,仲加多咗個紅薯粉,4個人都食唔哂,仲忍唔住打包 個煲仲有少辣同大辣可以揀,小朋友都食得每人佰幾蚊有湯有菜仲有魚,真係超抵食👍🏻

好耐冇食中菜喇，又到星期五happy friday，當然要同媽媽食餐好嘅富東閣相信大家都有聽過，平實良心酒樓，好多街坊幫襯，我地7點半到，等咗15分鐘到就入得～晚餐menu好豐富，海鮮、中式小炒都應有盡有。我同媽媽最後揀咗三寶，叫咗清蒸沙巴仔（2條）、全隻蒜香燒雞、金銀蛋浸時蔬（小白菜）燒雞一嚟到我地真係「哇」咗一聲！好大份呀！雞皮燒得香脆，食得好爽！雞肉出乎意料地嫩滑，油香十足，多肉少骨，好很正呀 金銀蛋浸小白菜發揮正常，最鍾意係入面嘅炸蒜，好提香又話係沙巴仔，點知一嚟勁大條，搞到我又要打包肉質偏結實，勝在分量十足冇腥味，仲有滿滿的蛋白質 咁豐富嘅一餐加埋茶錢加一都係$499，正呀！我地附近兩枱都有叫片皮鴨，下次我又要食

好想食片皮鴨 睇好多人都讚呢間好食去左食啦叫左3樣野 片皮鴨一食 薑蔥蠔煲 魚湯鮮茄勝瓜龍躉頭腩 片皮鴨 （＄178 星期日＋10）預左酒樓呢d平平地一定係切定擺係度個片皮鴨就唔評論啦 只可以講係食得既野配料既青瓜同葱同係唔新鮮（我估擺左起碼一日）梅既 個皮雖然都係即蒸 但係超級厚 一塊包2～3塊肉先得 如果唔係應該都幾難食 薑蔥蠔煲 唔記得幾錢見到個名可能我都有少少誤會 以為係上枱好有獲氣個種 上到嚟只係暖（擺多幾分鐘就凍個種） 同侍應反映反仲話無問題 再問多2句先同我地拎去再整熱 完全無蠔味 仲要係一早炸／過左油擺係到再翻炒d味嚟 超級多油 魚湯鮮茄勝瓜龍躉頭腩 ＄138上到嚟都諗緊係咪我地叫個樣（畢左一人一碗先醒起影相）份量ok既 但係同佢個圖兩回事嚟 照佢個圖睇應該係魚湯加左鮮茄勝瓜點知嚟到變左蕃茄湯 諗住算啦照食 佢個蕃茄湯甜到以為食緊糖水 d瓜又勁大浸草腥味個魚整到超鞋🚫🚫 總結 如果淨係食片皮鴨應該無咁伏 最多都係唔算好食 但佢其他小菜真係不了✖無下次 仲要係收完加一又有茶芥 連碟花生都無🤣🤣🤣🤣🤣可能呢間都係岩食下點心算（睇open rice d食評）2個人食左＄515

朋友生日，當然要食豐富啲啦，一定要試呢度嘅馳名片皮鴨，必食推介👍二百幾蚊就可以食返個兩食，真心超值仲有都要推介呢度既濃湯雞煲翅😋😋😋真係唔會比澳門差，湯濃而且啱啱翅，真係好食到不得了👍食完飯一定要試試姐姐推介既紅豆沙，紅豆超大粒，每一啖都有幸福綿綿既感覺😍今晚我哋主要係食團餐，3仟幾蚊就可以食乳豬全體😋上湯龍蝦😋濃湯雞煲翅😋真係超值呀👍待應服務又好又細心，最緊要係香港人幫襯返香港人既酒樓😍

爸爸係中廚，所以出街好少食中菜，因為我會覺得間間都一般般，但爸爸退左休享受人生就無好好食過中餐由細到大都唔會出街食咕嚕肉 因為覺得好多嚿肉好大陣雪味，汁又難食！同行友人係咕嚕肉鐵粉，今次就叫左冰鎭咕嚕肉！呢個嚿肉就無雪味，皮脆肉嫩，食落雪味唔勁，而且無咩肥膏，好好送飯！因為我好耐無食過龍蝦伊面，就叫左波士頓龍蝦，點知個伊面大到不得了！份量完全夠四個人食～龍蝦就一般酒樓做法，無咩特別，而龍蝦肉彈牙，都幾新鮮！呢個味道唔係好濃唔霸味，啱清淡口味嘅客人！濃湯響鈴浸娃娃菜就一般般，上湯正常水準，擇呢個係因為我想食菜～本身想擇金銀蛋莧菜，可惜無⋯呀⋯我最想食呢個！！！呢間酒樓水準比一般街坊酒樓好食，唔係好重口味嘅類型，但每碟都非常大碟，我見好多後生仔去都去食，裝修環境比較地道，侍應們嘅服務好好好好👍🏻堪稱近年絕跡！甚至覺得好過逸東嘅服務💛我諗呢間酒樓係沙田友嘅好選擇～行開去果頭都可以一戰喔！

第一次黎試，難得既良心酒樓難得地見到咁傳統既地方有好多好多年輕面孔星期六晚、二人、等左幾分鐘入座見唔少人食雞煲打邊爐我就試左片皮鴨$198（平日$178）同椒鹽龍躉頭腩$138片皮鴨個皮分開上，等左一陣先有等到鴨肉有少少攤凍啲皮勝在岩岩蒸起熱辣辣但比較大塊撕開兩半用會好啲 我地覺得夾住食麻麻地有啲dry又冇乜味後尾就咁食鴨肉覺得仲好，食到少少鴨香都要讚佢幾健康唔係多肥膏果啲鴨肉份量亦幾多青瓜及蔥段都新鮮爽脆 椒鹽龍躉頭腩炸皮咬落有啲硬味道一般般但魚肉係大舊同實淨新鮮的 其實兩味餸老實講都麻麻地下次會試下其他小菜埋單$398 服務態度ok，叫人都好快有人應我飲香片好香沖多次水都夠味

細個最討厭飲茶，又嘈又迫又無凍嘢飲。最緊要係咩呀，係有排都未走得。印象中嘅富東閣up dup又殘，家父家母成日都話啲碗好油，就算作為沙田柚都n年無幫襯過了。一大朝早喺附近有嘢做，同朋友們七點十五分嚟飲個真·早茶。一入到去有啲驚訝，竟然企理咗咁多，仲要接近爆滿咁濟。啲茶幾好飲，所有點心都係即叫即蒸，新鮮滾熱辣，要等20分鐘㗎。埋單每人$50有找，impressive！；香煎黃金糕🏵超級！無敵！好食，帶啲椰汁香味，邊位脆口，入面煙韌，唔會過甜。（勁似菠蘿🍍，let’s 糕！；蝦餃🦐皮薄，煙煙韌韌，蝦新鮮、鮮甜。；鵪鶉蛋燒賣🐥買少見少嘅舊式點心，平時食開無蝦的，呢粒有蝦覺得怪怪的。；皮蛋瘦肉粥🥣粥底綿，啖啖都係瘦肉絲同皮蛋碎，滿滿一大碗食極都食唔完。仲叫咗牛肉腸、鮮竹卷同鹹水角，佢地正常發揮，無特別，不過竟然走漏眼無叫馬拉糕！oopsie，又有值口再嚟飲茶嚕。(୨୧ ❛ᴗ❛)✧

呢排日日都下大雨, 食飯都盡量留係室內，閒日既DINNER就係沙田市中心經有蓋天橋連黎到沙田富東閣吃中菜，聽聞片皮鴨好好味輕輕鬆鬆到達! 嗌左2枝大既藍妹, 必備!我地2個人, 上網睇介紹嗌一個片皮鴨二食, 再加小食已經好夠飽. 為食既我地就跟住嗌, 小食要左海蜇青瓜, 海蜇頭有D唔夠爽口,青瓜好淡, 唔夠入味..片皮鴨二食要加$30, 嗌左醬爆鴨件, 好普通..... 骨多過肉LOL片皮鴨, 份量幾大, 2個人食唔晒.. 不過鴨片味道不錯, 脂肪同肉比例岩岩好可惜麵餅太大塊，太厚，夾2-3舊肉會好食D, 如果唔係會好乾OVERALL呢餐味道都OK既, 但我地嗌多左, 4個人食應該岩岩好. 小食唔夠入味,  下次有機會再黎可以試埋其他熱食~