富東閣海鮮酒家 (已結業)

本人與家人到此酒家慶祝生日，享用圖中的2688套餐，點了這個套餐後，並起上起第一道菜「白灼海生蝦」，張經理才跟我們說「黃金海皇卷」沒有，需要提前訂，感到不滿，為何要上菜後才提出此問題？好笑的，叫我們轉「雞翼」？海皇卷與雞翼相差那麼多？因此，本人感被欺騙。其後，「醬皇西芹彩鳳花姿」一上枱，便聞到一陣怪味，先吃一口花枝，像擦子膠一樣，咬不開之餘，有變壞既味道，於是向張經理提出，他吃了一口，便向廚房方向離開，到他出來樓面，沒有主動向我們交代及跟進，在樓面四圍行走，無視我們要求，感到不受尊重，於是由我們截停他，要求交代。誰知其態度惡劣，堅持說這道菜沒有問題，然後用看不起我們既態度問：「要轉咩菜啊咁？」於是我們提出結帳，其後既菜不用上，但沒有提到仍不停地上，還要我們付1千9百多元。感到無理！我們來慶祝家人生日，不是買難受，結果飯沒吃到，一肚氣就有總結，1）銷售技巧有問題（如果明知菜單上有菜式做不到，為何不在客人落單時提出）2）食物質素甚差（不只是「花之片」有問題，其他食物都不新鮮）3）經理態度惡劣（沒有跟進客人的問題，瞧不起客人，語氣差）

最近聽我老大媽子講...屋企附近呢間酒樓出左呢個放題...佢已經食左幾次...根據我媽子講...11-1230，58蚊超過1230埋單要加10蚊14-1530，都係58蚊..超過1530埋單又係加10蚊...價錢已經包晒茶錢同加一....講到咁...我同男人都忍唔住約我媽子一試！都有幾多野食喎！最普通大家食開嘅燒賣呀、牛肉球呀、金錢肚呀、鳳爪呀、排骨呀、小籠包呀都有..大約有10款啦蝦餃呢就要搭菜苗餃同燒賣各一粒咁叫個點心併盤...推薦要叫鳳爪、金錢肚、燒賣同小籠包...甜品有4樣...桂花糕、椰汁糕、麥米粥同紅豆沙....仲有4、5款油菜揀...又有多款小食...炒粉麵飯...湯粉麵飯...價錢上係抵嘅！而食物個味道方面只係不過不失！

今次約了很久沒見的朋友去馬鞍山飲茶，他介紹這間位於馬鞍山耀安邨的屋邨酒樓，酒樓格局以街坊客為主。叫了一個二人午市套餐$148，包括兩個點心，一個小食和一個炒粉麵飯和糖水。豉汁蒸排骨-排骨下面有一塊麵筋，味道不錯，但有一舊比較大的排骨未熟。蜜汁义燒腸-腸粉軟滑，义燒正路。鮮茄珍菌魚片湯米線-魚片新鮮，湯底淸甜，還有很多什菇和蕃茄。脆皮黃金豆腐-豆腐炸得剛剛好，不會過火，外脆內軟。糖水-還有紅豆沙糖水。

今日到富東閣，啲點心有好大改變，有幾樣點心有食返小時候味道。招呼比其他食巿好，呀姐好勤力摯枱收食完的吉蘢吉碟，同跟足茶水。蘿蔔糕，雞包仔，虾腸粉，潮州粉果，四寶雞扎都是我的最愛，希望保持水準。加油富東閣我會多幫襯。

呢間屋村酒家耐唔耐都會黎食, 晚市送每人半隻乳鴿, 價錢又唔貴! 今晚契細佬帶埋小朋友黎探我搵我食飯, 近近地又黎食啦…餐牌價錢都係$60有找, 款式都吸引瑤柱貴妃雞半隻$98 忘記左影相, 但暖暖地又夠味, 係好食既茄子牛仔骨煲, 好多塊牛仔骨, 比較淋身粉絲什菜煲, 好大煲好多菜名醬龍躉球, 第一次黎既時候份量好足, 因為好食, 每次黎都會叫, 雖然一次比一次少, 已經好失望! 但今次真係少到呢 好稀虛囉… 問過姐姐佢話係咁, 唉... 下次唔會再叫

Big Master時不時都發起去打邊爐, 試過有一排每星期去一次, 所以每次都會揀任飲任食嘅, 但來來去去都同一間, 食到好鬼悶架….加雲無意中發現富東閣都有做任食邊爐, 所以今次轉下場嚟試下D質數, 門面及裡面嘅裝修都係一般屋邨酒樓, 佢都光光猛猛, 乾乾淨淨.識食當然要揀宵夜時段, 平日一至五20:30後入座就成人$128, 小童及長者任何時段都$108, 全包任食任飲2小時, 無茶芥加一, 每位加送2隻海蝦.坐低先細心睇個餐牌, 佢D湯底唔係一般行貨喎, 有重慶雞煲, 濃湯豬骨煲, 胡椒豬肚雞煲, 椰子雞煲, 都唔洗加錢可以叫, 嘩嘩嘩…. 出面D酒樓一定要另加$68-88起碼啦, 唔洗加錢咁筍當然叫番個啦.  再睇下個邊爐嘅配料, 有象拔蚌片同廣島蠔都係我嘅至愛, 喺一般任食火鍋少見嘅, 我之前食開個間就無呢2樣喇, 當然我一定會叫嚟試下啦, 仲有花膠片呢! 而湯底方面, 我地叫咗個” 胡椒豬肚雞煲”, 佢地用黑色嘅鑄鐵鍋同GAS 爐, 有別於一般酒樓嘅火鍋煲, 咁樣較快傳熱.  而個湯底出來後我地撈過, 豬肚同雞都有好多, 都有一碟餸嘅份量, 絕無戲場喎. 湯底味道好正,

之前去過呢一間嘅瀝源分店，覺得都唔錯，不過嗰時都覺得啲腸粉點解咁難食，成浸奶味，今日再嚟呢間喺耀安嘅分店，我之前一直都冇嚟過。入到去冇人同我哋排位，我哋入去搵位， 見到個舖頭啲人，之後佢同我哋一路行一路揾位咁。見到都好多一個人坐四人枱嗰啲，就覺得 特別嬲囉，搞到我哋依啲四人客，又冇位坐， 不過算喇可能都係舖頭嘅風氣，唔太關啲客事。幾經辛苦搵到位 (同人搭枱之後)， 我坐低拉張凳出嚟嗰下望到個地下 ，真係 污糟到 冇曬食慾呀。嗌咗兩個孖寶， 腸粉，同埋一啲炸嘢食。 我覺得炸嘢食都係照舊唔錯: 嗌咗家鄉煎薄餅同埋嗰個沙律炸雲吞。 嗌咗個個皮蛋瘦肉粥，都唔錯，有類似炸雲吞d皮嗰啲碎片畀埋。 個雞飯我記得啲雞好似 麻麻地 。個蝦腸粉真係最難食， 我都想繼續食落去呀 ，但係嗰種奶味呀真係越嚟越難受，我真係從來都未食過一間酒樓啲腸粉喺咁大陣奶味，咁奇怪，咁難食呀。 最後我淨係食咗入面粒蝦，而啲腸粉皮係最大浸難食嘅味， 我就冇食到 。我真係呢一世都唔會再食呢間酒樓嘅任何腸粉。

晉豬又黎同嫲嫲食晚飯，耀安村想食小菜，其實真係無咩選擇，爺爺又鍾意去酒樓，所以晚飯決定黎呢間富東閣，開業幾年，晚晚都坐滿人，每一晚都有野送，今晚就送果皮鮑魚仔，一蚊銀咁大粒，不過送既就當然無所謂喇！每一位送果皮蒸鮑魚仔，其實味道普通，一蚊雞咁大粒！紅燒乳鴿，即叫即整，熱辣辣好好味，皮又夠脆，因為老人家唔食乳鴿，所以只叫了一隻比晉豬，佢食左大半隻。咸魚雞粒豆腐煲，食黎食去都無咸魚味，豆腐炸過很滑，雞肉夠入味，基本都燜得幾好食涼瓜炒牛肉，爺爺好鍾意食，牛肉好鬆軟，涼瓜好爽口又唔太苦，呢碟味道好好，推介瑤柱扒菜苗，菜無味有少少生，成碟菜要靠瑤柱汁吊味，有點失望，唔好食！

中國人就最鍾意飲茶，我都唔例外，今日同外父外母出去飲茶，去耀安邨飲，自己未去過耀安邨，原來都幾大幾靚。吆妹子家鄉驚薄罉薄罉都算大塊，煎到黃金色，顏色好吸引，餡料我就覺得稍為多左蔥粒，食完成口都蔥懷舊風情原籠馬拉糕個名就夠響啦！食落都OK，鬆軟，甜度適中，原籠以為佢好大籠添，正常Size啦！香麻擂沙包芝麻味香濃又起沙，咬開唔係空心的，Full of芝麻，但有啲不足，如果係流沙的話會更好！斗門水晶蝦餃皇蝦餃夠大粒，又唔霉，但只得雪味。蝦餃皮唔夠晶瑩剔透，但蝦肉大粒到好似迫到啲皮爆開咁，貨真價實喎！蟹籽北菇燒賣喜出望外燒賣通常都係特點，頂點，呢度係大點，夠平！燒賣豬肉豐厚，搓得幾好，豬肉肥肉都唔多，幾好味

耀安村內唯一酒樓， 樓底唔高，店面唔大，d 枱都擺得幾迫。 舊屋村老人家多，坐輪椅既都幾唔方便。點心紙：咸水角上到枱時都熱辣辣， 唯皮厚，餡少，咸水角好似空心一樣，但味道都唔錯。牛肉腸粉爸爸同小朋友既至愛，2個人食晒，但我就覺得腸粉皮都幾厚春卷春卷係超大型，都有20cm, 比平時果d 長，一條可以2個人share. 都即叫即炸，另外呢個春卷點沙律醬，都幾好味。蜂巢荔芋角又係即叫即炸， 而且外面炸得好脆， 但個荔芋角size 好似縮水甘，仲細過粒咸水角。燒腩仔超驚喜！皮脆肉滑，加埋芥末醬，一流！粉果size 都係偏細。但一籠有4隻。而餡少我只食到沙角同少量蝦米， 入面無花生無豬肉碎。蝦餃，鳳爪， 金錢肚成餐茶快食快走，份量少但味道ok

今日父親節，一家大細同晉豬爺爺飲茶，唔算難等位，10點半去到呢間富東閣酒樓，等左15-20分鐘就入座，如果晏d黎，可能仲要等耐d，環境唔算大，門口又細，成條村得一間酒樓，諗住都係普通酒樓飲餐茶，每張台都拼得好埋，舒適度一般，最估唔到係d點心，即叫即蒸，又幾好味喎！夠熱夠脆，賣相唔錯，所以話d野食最緊要好味，環境都係其次😂咸水角又熱又脆，好好味！蝦餃都推介，晉豬話要芒果布丁，好甜唔好味！豬腩肉唔太咸，皮夠脆，鳳爪一般，芝麻包好夠熱，好香芝麻味，可惜呢間酒樓無我至愛既麻蓉包😭😭晉豬食哂成碟牛肉腸，証明應該好好味，春卷又長又大條，最緊要又熱又脆，推介👍🏻

燒腩仔外脆內暖，上枱時仲熱乎乎，不太喊，點上芥末，味道不太嗆，脆皮咬起上來察察聲。鳳爪汁濃，約略四至五隻鳳爪，算係抵食，多蒜頭，但不辣。蝦餃唔係太特出，但正常，蝦都算新鮮，皮都好薄。粉果皮厚，食落有d飽，但d飴夠味，點埋辣椒油，整體不錯。

去到沙田想同屋企人飲茶, 於是就由新城市廣場行去瀝源商場, 行咗咁耐, 尼間新開嘅酒樓都冇令我失望  由於係新開嘅關係, 內在環境都比較乾淨企理, 裝修以中國風為主, 尼到坐得咁舒服, 同屋企人食飯傾計簡直一流尼到嘅健康海鮮扎好特別, 好似雞札咁, 但食材就有娃娃菜, 魚肉, 冬菇同蟹柳, 味道以清淡為主, 真係夠哂特別 值得一提嘅仲有尼到嘅鯪魚球, 用料十足, 好彈牙又爽囗, 實在係必叫 尼到嘅福建炒飯都唔差, $68但量超大, 三個人都食咗兩三轉

和—友人到富東閣吃晚飯，把酒談歡，先來—個乳豬，燒腩仔 ，嘩！皮脆肉香，味道一流！甚有水準！再叫一份龍躉兩味來吃，味道也不錯，意猶未盡，再來一客南乳年藕抄肉青，亦是意料不到超好味！加上每碟份量十足，價錢適中，好味抵食！！！再望向隔離枱，有芝士龍蝦伊面，菠蘿京都骨及其他小菜，，，賣相不俗，值得推介！！！

今年中秋節跟親友試吓去富東閣做節啦！想不到呢間酒樓唔單餸菜好味，而且價錢唔貴，仲好抵食呀！我哋先點咗D燒味試吓，嘩! 叉燒正，燒腩仔仲正，個個都爭住食。後來點了十二道菜，媽媽最鍾意龍躉兩味，話好鮮好味，好抵食。我至愛菠蘿咕嚕肉，即叫即炸好脆口，酸甜度一流。家姐最愛瑤柱蛋白炒飯，佢話炒飯睇落簡單，但簡單先可以見到真章，佢話呢碟炒飯乾身、不油膩，係上品！要數最受小朋友歡迎嘅兩道菜係金沙賽螃蟹和芒果布甸，賣相非常吸引，一上菜就去搶住食。最後要讚嘅係壽包，雖然等耐咗D，但值得，因為又係即叫即做即蒸，嗰包好大，阿爸話好食過月餅多多聲，食咗撐到個肚大一大。耀安邨終於有間好嘅酒樓啦！我下次一定會再幫襯!