富泰家 (已搬遷) 新店位置

黑雨除下後返工前同男友去食個快下午茶醫左肚先，一人點左個芝士撈麵，話曬係招牌菜，不過不失啦，但愛好芝士既我覺得有點太咸…男友就覺得太"蘇＂…大家都食左一半就放棄了。不過餐前送生果又幾好！個西瓜仲好甜Tim

呀呀,芝士!芝士什麼的,大愛哦 (喂,腦殘的滾到一邊去(被打)(￣ε(#￣) 因為以上原因就走進去試一下~店員的服務不錯(是指一位架眼鏡的男店員,因為下單和上菜都只有他兼顧我們這枱客人)只要有一位店員用心,就很好了(￣▽￣)~*先來前菜,甜得來帶少少酸,不錯的開胃品份量也不少哦,牛柳粒很入味,和麵的份量配合很好（￣︶￣）這個芝士醬的味,沒預期中的濃(俺要濃芝士(被打),不過這樣吃的不會溜,另外吉列什麼,沾這芝士醬吃都不錯,很脆,好吃ｂ（￣▽￣）ｄ　燒羊架,肉質較軟,味道不會蘇,醬汁很特別,淡淡的,又能帶出羊架味道(●′ω`●) 夠爽,醬汁的都廷不錯,如果能再濃一點就更好少少一件,淡淡的芝士味,不太甜也不覺得溜,很好 (ー∀ー)(但如果是濃濃的芝士那種,俺都愛哦) (滾!不用理這傢伙%@#)吃得飽飽的,喝一杯淡淡的冰凍綠茶,最好不過了~◑ω◐

一入去坐低，有個黑口黑面的哥仔幫我地落單，我地只叫一客，佢話唔得！每人最低消費16蚊，唔可以總數除2，OK，咁叫多樣囉！等左好耐，好期待！嚟到立即夾豬頸肉食，好硬，咬唔開。豬頸肉唔好食姐，或者撈麵好食呢？一擺入口，又係中招....D麵未淥開架喎！本人雖偏愛麵條較硬身，但絕非呢種「未淥熟」狀態！立即同朋友講句：「哈！原來呢個世界真係有人唔識淥即食麵架喎！難為佢仲煮咁耐......」連公仔麵都未識煮，點解膽敢開舖？點解膽敢收咁貴？好多人話佢平，所以包容個質素，但我真係無法接受一家食店連即食都唔識煮！亦相信廣大食客返屋企煮營多都比佢好味！反而杯熱綠茶又幾好飲喎！

在旺角區行走，始終覺得多野食同選擇最多的地方，就是一列埋藏在女人街排檔後的一眾小食肆。陪太太行街，找地方食野向來都是一個挑戰。她不想我們吃貴，又要有啱大家胃口的素食選擇，在女人街尋覓多次，找到了這一家小店，芝士撈公，雖然已經沒有新意，但勝在 vegetarian friendly。這兒的環境感覺比起馳名的鄗記要好，而且更好的，是有套餐供應，芝士公仔麵種類繁多，配什麼都得，可以說是總有一款合你心意。素食的芝士公，是野菌配上芝士汁，其實這些芝士麵，製法非常之簡單，味道好壞就主要取決於芝士同淋上面的食材。造一個素食的野菌，幸是芝士味道夠濃郁，沒有芝士的話，只用上了罐頭冬菇，及少量的金菇，根本上味道是不足的。 肉食的，我點了一個件牛肉芝士公，有肉味，自然地比較濃香，不過肉就比較韌，在旺角女人街的一眾小食肆，對像是一班得百令二百元食野既MK，質素，站一邊好了，味道OK便可。 另外一個在MK生存的重要因素，就是要抵食，加少少錢就可以多一件甜蜜的 cheese cake，氹女仔最是合適。而這

放工已經十點幾，趕去試新野。因為差不多關門原故，好多野食都賣曬唔再出。最後叫左個豬頸肉湯天使面和芝士撈面。湯天使面無味，亦亳無口感!芝士撈面就唔夠乾身，面質亦唔夠彈，因為6得太耐原故。值得一讚的是每個餐都有生果附送，感覺好清新，亦適合經常外出食飯的都市人。埋單加埋$82，平!希望下次早d去食果時,食物質素會好點!

已忘了咩原因來到旺角揾食，選了富泰家，起初聽名字還以為是吃泰國菜的，原來係臺式餐廳，仲係主打健康餐。 係門口睇餐牌，一份主菜，一杯餐飲，再加一份生果都係四十幾蚊，好大眾化嘅價錢，一於試下佢啦。 叫左兩份餐，要了凍緑茶，要真其他臺式飲料要加錢五蚊，其實唔貴，不過綠茶都係賣飛佛，唔轉了。 先來了兩份生果，一份係菠蘿，一份西瓜。一早切定係雪櫃拎出黎，好冰凍。菠蘿勁酸，西瓜就好甜，好大對比。 等左一段頗長時間主菜先到，第一份係蒜香牛柳粒芝士撈麵，好勁蒜味，不過一啲牛味都無，下次唔會要呢款。 另一個係吉列豬扒芝士撈麵，新炸起好脆好香口，豬扒有肉汁唔鞋，好食。麵韌彈口，芝士汁勁濃，上面仲加左芝士粉，鐘意食芝士嘅人要黎試下！ 餐飲嘅凍綠茶（可以選紅茶），有茶香少少甜，好飲（好飲過大x活多多聲）。 坐位有點迫，服務尚算ok，這個價錢抵食！

尋日同父親大人拎部電話去銀城整，落樓都2:30pm...我地決定行去女人街嗰邊食返個下午茶...不過沿途見到其他餐廳個afternoon tea都要成40蚊...見呢間都係$2x-$3x見到個老闆娘又咁落力sell, 加上係Openrice好多人都話唔錯 好啦 就去試下 我地一人叫左一個餐，我爸+5蚊叫左杯香芋珍珠，我就+4蚊叫左杯茉香珍珠由於爸叫既係lunch set所以跟餐有生果先上既係飲品： 茉香珍珠(跟餐+$4) 6.5/10由於我本人係非常鐘意茉莉味既飲品，每次見到餐單上面有茉香珍珠，我一定會叫...我特別鍾意shake出黎唔係台式飲品舖溝出黎既味道...不過可惜既係，可能落得太重手，太甜!!我本身都食得甜，但係佢既甜已經令到茉莉味好唔自然，好似飲緊茉莉味syrup落肚既感覺...不過值得一讚既係，佢既冰唔算好多，重係咁啦 香芋珍珠(跟餐+$5) 7/10我自己就冇問過阿爸拎黎飲，不過阿爸話唔錯既過左一陣，可能人唔太多既關係，所以好快有得食 蒜蓉牛柳粒撈麵($28) 6/10聞說呢度既撈麵好出名，於是我就叫左佢....雖然個碟好大，但係份量唔多 岩岩好一個營多撈麵既size

不太認識旺角的好吃處, 於是在通菜街一直行, 看見這店的食物和價錢好像錯, 而店員在門口又說有位, 不用等, 於是就入了去。看餐牌大多都是$3X - $5X 不等, 價格合理, 而且不用加一, 有水果又有菜又有飲料, 抵於是我點了個帆立貝讚歧烏冬餐 (包紅茶/綠茶和三件小水果), 飲品叫了熱紅茶。等了不久, 水果和飲料先來, 接著食物就來, 店員有禮地問餐是誰的, 好讓不用移來移去首先說說水果, 我和同行兩個朋友都是菠蘿好吃好甜又新鮮, 一看就知是不隻pineapple批出來的, 是心形的very good!!此外, 熱紅茶亦十分好飲, 因為加入了糖, 味道卻又剛剛好!! 香香的又不苦澀 十分欣賞!而每份餐都會有一堆菜, 而且是靚菜, 又煮得夠"林", 合我口味! 十分健康!我的餐我烏冬不錯, 但未算突出, 帆立貝也是普通。但它的醬料才是重點, 看似蠔油, 但應該不是, 可是卻為清清的湯帶來美味, 使食物不單調了!!一間小小的餐廳但也能做出如此高的水準, 並且食物健康 (有菜有水果有紅米飯), 態度不錯,實在在香港少見了!! 而且我們食完都在談天, 並沒有感到被趕和騷擾! 店員定時會收

去完尖咀博物館, 就去左MK搵食好耐無食過芝士撈就入左去富泰家1. 青口豬頸肉牛柳粒芝士撈: 青口大隻, 肥美, 牛粒都好味, 豬頸肉朋友話好味2. 豬仔脾芝士撈: 豬肉脾幾香同JUICY. 芝士汁份量同稀傑度岩岩好 3. 吉列海鮮拚盤: 蝦好好味, 岩岩熟. 魚太薄, 咬落啖啖粉TOTAL $148

食過幾次，都覺得好味。可單點或叫set(有3小件水果、飲料)。上次我點了野箘烏冬set，有好多菇(3種菇:金針菇…)，鍾意食菇的人會喜歡，因為菇好香又新蘚。但因為烏冬已經食飽左我，所以食唔晒d菇。除左菇，仲有其他材料，有菜、粟米粒、紅蘿蔔條。烏冬好好咬，好有彈性，讚~! 湯都好好味。上次的飲品係鵉鴦奶茶，咖啡味香濃，好飲。昨晚去旺角，晚餐當然又係佢。今次食酢鹽雞翼撈麵。麵好好咬，似印尼撈麵(可能就係印尼撈麵^^)。D汁都好味，如果多少少汁就更好。雞翼夠熱，似即叫即做。外皮脆，而入面d肉嫩，而且好入味，有少少辣(好少，因為有少少紅椒、黑椒)，好香。今次飲檸檬玉露。如果唔拮檸檬，完全無檸檬味，只係甜味。但檸檬得3片簿的，拮完當然5太夠檸檬味。而玉露亦唔多，得底下兩、三啖。雖然料唔多，但杯野味道都好味。下次會再食。

之前無意中睇到有關富泰家的食評,好有興趣試佢個芝士撈面,於是是日出開旺角行街,與友人特意前往!去到果時係大約1pm,都有幾個人等緊位,不過都好快就入得店員安排左我地坐1張2人枱,都幾舒適無乜問題!後來店員拎左2個餐牌黎,我地睇完發現無芝士撈面於是詢問店員,點知原來芝士撈面要2點先有果時先1點3,我地又無理由坐到2點先叫野食(加上當時已經十分肚餓!),於是決定先叫一個是日午餐share,待2點再落order叫芝士撈面我叫左個芝士汁香草雞扒天使面+低糖綠茶後店員問友人食咩,友人答佢一個餐夠了豈料店員說「我地鋪頭有最低消費嫁wor」(但無講幾多錢)於是我代友人答「我地想食果個芝士撈面,2點再叫」店員聽後離去,但不久後又再折返,拿了個有芝士撈面的餐牌叫我地睇定先,甘2點就可以即刻叫後來我地食野途中幾個店員不停輪住過黎問我地諗好叫咩未(但時間未到2點),十分騷擾!!!更說我地可以先落單,佢地會即刻整...給人的感覺是急著趕我們走後來我地追加左個小食酸辣醬豬頸肉就算,因為食完個set lunch已經飽飽地,不想浪費食物富泰家每人最低消費$16,但不可合計其實一個set lunch已經足夠2人最低消

今日Lunch跟同事去左一間叫富泰家既餐廳，行到餐廳門口, 雖然鋪仔細細,但都好多人.我地一行6人等左大約10分鐘就有位坐啦.坐低之後,我發現有好不同既野食,有是日午餐,又有撈麵同紅米飯選擇.最後我叫左是日午餐D~紅酒燴牛腩跟紅米飯,同事們就叫左其他撈麵套餐.首先先黎一份飯前水果~西瓜，再黎一杯餐飲~凍低糖紅茶,好快主棻就黎啦,這個紅酒燴牛腩味道不錯,牛腩煮得啱啱好,而且D紅米飯既口感都幾好,可能係因為第一次食既關係,所以我既胃口亦非常好，成個餐都差唔多比我食哂.食完飯之後,到埋單既先發現我個午餐有生果又有餐飲,個價錢都只是 $34,而同事D撈麵套餐都只係$35左右,仲要唔收加一,呢一餐真係一D都唔貴同事果然無介紹錯,所以我決定下次都要再黎試下其他既撈麵.......

The most RUDE restaurant i have ever experienced in Hong Kong. FIrst they missed one of our order which made us wait and wait....At that time other customer is coming,the waitress asked us to share table with no smile or sorry. Then we stood up to let the customers get to their seat...i picked up some waste on the table and asked if the waitress could throw it for me.THEN.....She began to YELL at me,say u gonna drop them！！ and rushed to open the door and forced me to throw outside...............

這一餐午餐，是一餐挺健康的午餐。其實自己也是隨意地在旺角這附近找個地方吃頓午餐而已，見這兒的午餐價錢合理，又不收加一，便入內幫襯。是日午餐有五款選擇，除了白飯以外，還有天使麵、薯條或紅米飯可揀，餐飲又可以揀低糖紅茶或綠茶，再加上還有鮮果一份奉送，都幾特別。揀了自己較有興趣的「紅酒燴牛腩紅米飯」做午餐，另上的紅酒燴牛腩只是很普通的水準，紅酒味欠奉，醬汁與牛腩肉質也甚為一般，不過這午餐除了有西瓜佐飯外，還有芥蘭油菜和紅米飯各一碟、低糖綠茶一杯，有蔬有果、有低糖飲品，還有健康糙米飯，雖然味道平平，還不是一頓價錢相宜的營養健康餐？

今天走進女人街裡面, 決定找些特別些的食物, 不是隨街都是的種類, 恰巧由家樂那邊街頭進入女人街, 看了一約半條街, 便見到'芝士撈麵'的介紹, 正是今天可試之選!其實賣相是可以的, 撈麵很好, 軟硬適中, 煮得不錯, 芝士汁都很香濃, 芝士味剛好豬扒方面, 都炸都乾身, 夠脆, 不過有點兒過火, 內裡的肉較深色, 希望不是因為番炸的原因呢吃完一個芝士撈麵, 真的比吃一盒飯還飽, 意想不到, 連飲品及送的幾粒西瓜都吃不吃