富田和食亭 (翠屏北商場) (已結業)

已經睇定食評叫左4道應該無得點差既菜，估唔到可以一個優點都揾唔到.....蒜香牛柳粒：有一大盒汁浸住 已經極咸...d牛柳硬到翻煎左3次咁....金龍反卷：加州卷咁上下樣，但中間只炸蝦又淋又韌仲有d油益味...椒鹽本菇：算係比較唔出事既...但檸檬汁再加沙律醬...好酸.....金菇肥牛卷：同牛柳粒差唔多...一樣既浸住極咸汁...一樣既韌牛肉....呢間野真係無咩前途.....情願食杯麵都無可能再幫襯

星期日是年宵的第一天，行完花市，去附近屋村-翠屏村搵食我見到這間日本店門外餐牌，價錢街坊價，又多人食，決定一試門外貼了告示，被人標籤"藍店" ，其後遭人破壞，表明無政治立場 我替這店遭遇難過，希望早日拘捕暴徒食物街坊價，非常親民，是港式的日本餐廳。不追求日本質素，可一試

星期六日放假在家，通常是去茶記吃下午茶，吃嫌了茶記想試試新嘗試，就去了富田。第一次去是在2時前，沒什麼人，見快2時下午茶時段，便等了一會兒。叫了T3湯烏冬加自選軍艦。個珍珠餃子烏冬不太喜歡，軍艦尚算可以。第二次是2點幾落到去，差不多坐滿了，最後在角落一個收唔到訊號的位置坐下。叫了T11雞扒冷麵。個雞扒冷麵唔錯。我見沒人放過下午茶餐牌出來，就寫個評論及放餐牌出來總結：份量頗足，下午茶來說價錢算可以，會再去吃。

餐廳個啊伯係咁趕人走 仲有個侍應喺度催人落單 叫人快啲食完快啲走 咩服務態度壽司餐嘅烏冬係幼面又唔早啲講 一啲都唔好食 仲有豚肉烏冬一啲味都冇 䐁肉又少難食過屎 南瓜薯餅炸到鬼死咁淋 剩係得啲好難食嘅南瓜味 完全唔值$40 本來嘢食已經好難食 但係啲態度真係唔可以 未齊人 個阿伯問我仲有幾耐啲人會來 都答左5分鐘啦 自己聽錯左10分鐘仲喺度話要我讓張枱出嚟 又話要做生意 其實真係好過份 喺度鬧我地係霸枱 你咁貪錢頂多我咪落咗單先囉 後來仲強行叫人哋坐過嚟張枱 我啲朋友過到嚟冇位坐 最後咪求其搵咗張枱坐 根本都未滿人點解個阿伯可以咁樣迫人 我未見過啲態度咁差嘅員工

進到店裡，環境寬敞，座位舒服。這應該是第四次的光顧。這裡星期一至星期日都有特餐精選系列，全部統一價$39，每天有六款選擇。星期日特餐精選系列：日式醬油湯鮑片蟹柳拉麵 - 味道咸咸帶一點酸，是日本醬油湯的味道，拉麵質地不會過硬過軟，吃上去有點嚼口。自選壽司+烏冬 - 共四件壽司，兩件卷物和一個手卷。三文魚，鰻魚都是大塊的，絕對沒有偷工減料。加上一碗小小，暖暖的湯烏冬，就像是在日本吃上一餐午飯呢！價錢優惠，食物質素也有保證。

食物一般, 店長及收銀係同一個人, 成日黑住面, 無話叫你賣笑, 但態度同個樣歡容D, 仲有表面話星期一至五免加一, 但玩數字遊戲, 加你一蚊, 算啦照比! 套餐話有甜品, 其實得一款(係豆腐花)次次唔會主動比, 嘢食又慢, 食完又唔記得提侍應比, 你D侍應知道個客個餐齊哂, 你唔上埋甜品。

喺翠屏邨食嘢，真係冇乜選擇。不過唔代表喺翠屏邨住嘅人，就冇啖好食。富田依一間日本餐廳係唔錯嘅選擇。佢價錢唔貴，但有好多選擇。唯一要彈嘅，就係佢啲侍應態度唔係幾好。一家大細三個人，叫咗三個下午茶餐。個仔揀咗自選壽司，可以揀四款唔同嘅壽司，每款有兩件。我哋揀咗鰻魚、蟹子、蟹柳、玉子。四款都唔錯，我個仔食得好開心。老公揀咗雞扒烏冬，個湯底用豬骨湯熬，件雞排都好厚好大塊，不過無乜味。但只係$36，唯有忍下啦！我自己揀咗鰻魚飯，熱辣辣，有勁多鰻魚汁，我就覺得好好味好滿足啦！

期望不要咁高就ok la🤪位置唔近地鐵站，係觀塘站行去都要10幾分鐘主要做屋邨生意，老闆啲態度麻麻地（唔怪得咁多人插）我都係趁佢有折先黎食，如果正價我唔黎食佢啦佢星期一至四晚上6點有半價（只限壽司）星期五六日晚上8:30後先有半價（只限壽司）餐牌，食物都唔係好貴！我地叫左40幾件壽司，兩個人食都算多！啲壽司普普通通咁啦！吞拿魚唔得🙅🏻‍♀️鰻魚、燒三文魚腩都很好，食完追加！玉子、魷魚普通！海蜇好酸、螺肉ok天婦羅蟹柳棒好好味！追加！芝士蟹柳卷 $30三件（好貴，好彩有半價）總結，如果正價一定唔黎食，質素同爭鮮差不多係某啲壽司好少少外，無野想再食！特登跑入黎食既人，要三思！

今日我地成班人去探位朋友順便食埋晚飯，跟住朋友推介話佢住的屋邨裏面有間日本餐廳好抵食咁我地就試下啦，入到去發覺間野都幾大，人多都有大枱可以坐而且食物款式有好多，就連鰻魚飯，焗蠔都有而且價錢唔貴！我地一行人都叫左唔同野黎試，最驚喜係佢地的刺身好新鮮，唔係出面個d普通日式放題質素可比！我地成班朋友難得有個地方可以一路食一路飲住sake吹水，大家都食得好痛快，呢d有質素的屋邨小店真係買少見少，確實要支持一下！

我透過e字頭網站訂枱(因為有八折)，準時和太太去到諗住可以即刻有枱，點知店長一聽到我們是有折的訂枱，就即刻黑面，俾張飛叫我排隊，仲要跟隊尾。我見等候的人不多，便唯有等下啦！等咗十五分鐘左右，輪到下一張是叫我們的號碼，店長突然跳過我的號碼叫下一個號碼，我即時着燈，質問店長原因，店長即時扮傻，叫我唔好勞氣，即刻安排我們入座。入座後點咗幾樣食物，味道一般，價格也不便宜，打了折兩個人也要二百蚊落樓。以後也不會再去，特別是有這樣不知所謂的店長。食物方面，我們點了石煱咖喱豬扒飯、炸生蠔、軟殼蟹手卷和炸牛肉餅。石煱咖哩豬扒飯，石煱夠熱味道一般； 炸生蠔也算脆口，味道尚算可以；但軟殻蟹手卷的蟹太林，一點也不脆；炸牛肉餅就無乜味，而且粉太多。所以這樣的食物，要二百多元埋單，而且店長態度其差，實在太不值得光顧。

喺朋友介紹下試咗呢間餐廳！一試難忘！刺身都幾新鮮，每款都係$50左右牛柳粒唔韌,大大粒，好抵食😋咁多樣最鍾意個椒鹽本菇，炸得好香口，唔油，唔會食到成口炸粉價錢親民，食咗咁多嘢都係$130/人！唯一一個美中不足之處就係佢嘅地點唔係喺地鐵站附近，要喺地鐵站行10分鐘過嚟，不過食好嘢真係唔計較得咁多！搭埋的士過嚟都抵下次會再同朋友嚟食物：煙鴨胸伴凱撒沙律風味花魚燒椒鹽本菇芝麻雞翼三文魚風沙卷蒜香牛柳粒炭燒雞泡魚乾和風四色拼盤刺身：活赤貝帶子劍魚腩牡丹蝦

話說同一班人去左尼間餐廳食野，因為人多有十個，所以都叫左唔少野食。凱撒沙律食落唔會有苦味，非常醒胃。幸運地當日預訂到一條鱒紅做刺生，原來每個部位都有唔同味道，食落口新鮮又厚肉，另外赤貝大大粒，亦值得一試。我地仲試左牛肉粒，肥牛金菇卷，咬落去牛肉唔會太熟口唔開，大大舊，味道唔錯。蝦天婦羅既水準保持一貫食開好食既味道，唔會話太多粉漿。燒雞泡魚干又是一個特色，唔係到到都有，好香bbq味道。炒飯同拉麵就無太大特別。野飲我地飲左清酒，芒果及士多啤梨乳酸，非常正。係屋邨食到一間質素唔錯既日本餐廳，我覺得值得推介。

同班同學仔去食飯慶功，因為怕出旺角人又多又要等，所以就揀左間係觀塘翠屏邨既日式餐廳黎試一下。或者時間都比較早，下午六時左右，唔使等位就入得去食啦！屋邨黎講，門面都算唔錯。黎左件燒雞泡魚，每人食住少少，送住酒先。坐低叫左啲前菜食住先。叫左個金菇肥牛，開胃菜。繼續都係叫牛，呢個牛肉粒值得一試。沙律我唔太好，所以我冇乜點食過，純記錄。印象中不過不失呢個真係送酒一流，香脆可口。水準之中既天婦羅，不太驚喜。賣相平平無奇既豆腐，但我覺得係全最好食既其中之一。正常水準既雞翼。同雞翼既水準差唔多，送酒野。水準之上既燒魚頭，因為我個人喜好燒物，所以呢個係我心目中既高分。呢個真係冇得輸，燒物永遠都係我最愛。入正題黎了，鱆紅魚、活赤貝、牡丹蝦都好新鮮，雖然我好少食魚生，我都覺得唔腥。中意食魚生既記得去試。大家仲未夠飽，叫左份羊架，我唔太食羊，冇試，但賣相十分吸引。正常街坊拉麪，我唔食辣所以試左少少，我覺得一般。呢個炒飯一定要食，我食左好多。又多肉，又魚生，清酒一定要，呢啲清酒唔LA喉，好飲！

不是期望高，只是期望屋邨水平，但都十分失望...壽司A餐($66):壽司飯很爛，是比爭鮮更差，但價錢一點不便宜喔...沖繩牛肉冷烏冬($56): 牛肉是肥牛款 但又肥又韌，食不落口唯有轉了這個...和風千層冷烏冬($56): 只是一般蟹籽青瓜蟹柳沙律放在烏冬上，烏冬當然不是讚崎烏冬那種啦！鰻魚石鍋飯($65): 很中肯，應讚即讚番，鰻魚正常，這個是唯一可以推薦的，飯裡面有紫菜拌，挺好吃服務方面，要轉那不能吃的烏冬時，店員沒有經驗，不知如何應對，也沒有道歉，有種不耐煩的感覺。等餐的甜品要主動催2次，等好久究竟是什麼。原來是雪米糍。

今日用左app優惠9:30 入座 主餐牌半價以為有好野食點知差到喊出黎其實我平日食野冇咩要求今次同男友真係失望到呢要寫篇野講下個海膽炒飯淡到呢 閉上雙眼完全唔知食緊咩貝子係有既 海膽就唔覺最差可算是稻庭烏冬其實我覺得可以去消費者委員會投訴你以為55蚊半價有稻庭烏冬你食？諗太多魚目混珠俾金邊粉你個汁又淡到呢仲有個清酒蜆又凍又瘦又淡我們兩個人一點酒味都試唔到當然 有d野食係ok 既燒物例如蘆筍牛肉 羊鞍都ok見到人地食魚都唔錯壽司一般剌身好似係見過最細塊另外OpenRice 有人post 既相差唔多係3-4 倍大大佬我半價你都俾番一半我啦你咪以為半價抵佢資素差到呢仲有 餐牌大大字寫平日係免加一架但因我地半價食野 要用全價價錢加一 差別待遇你埋單先知好搵笨 埋單160 一位。食得好唔開心早知去和民食望多次個APP同OpenRice 只能慨嘆太多打手冇下次因為太失望 相都唔想影得一張金邊粉相