富聲魚翅海鮮酒家 (已結業)

可以令人可以好好地享受飲中茶的酒家,  在點心上已經看出師傅的用心, , 味道好好,又有懷舊點心可選擇, 別的酒家已經不易找到, 環境又舒服, 帶點靜, 服務又不錯, 整體非常滿意 可惜據了解, 快要結業, 只可選擇灣仔才可

之前有客戶推薦呢一間富聲魚翅酒家，趁有空檔嘅時間，一於入去試吓。唔知點解四個人點菜，都係以小菜為主，冇點到點心。荷葉飯唔好睇佢細細份，其實分量十足，四個人分唔止分到人人一碗，荷葉飯最吸引之處係荷葉嘅清香會滲入去惹味嘅飯料中，雖然荷葉清香味冇咁突出，但個飯夠晒入味叉燒收叉燒配搭着有少少肥，雖然睇落會好油膩，但食落一啲都唔覺得油膩，配埋個醬汁，一啲都唔覺得‘鞋’口，幾嫩，都算係好好味紅燒乳鴿乳鴿望落色澤油潤，燒到表皮香脆，乳鴿肉幼嫩豬脚仔可能食唔慣豬腳仔，一路食一路覺得有陣味，所以唔太喜歡

掛著米芝蓮的名號，崇尚名牌的友人拉著小人到此茗茶一番，小人姑且一試。水晶鮮蝦餃如何的水晶，不得而知，只知就是蝦餃一粒，皮又黏口……叉燒包爆破的包皮是正常的，然而叉燒激肥，叉燒汁薄弱，滲包不夠多，吃著的包有如乾柴烈火。豬膶豬肚燒賣，屬懷舊點心，不過豬膶鞋、豬肚靭、汁還汁，蒸得不夠透。芋角極之膩滯，外層炸皮未夠鬆化，小人吃完半只已告投降。沒有甘筍味的甘筍流沙包，有流沙的，但吃不出個究竟。馬拉糕不夠熱，自然不夠香，鬆軟度一般。現今的咕嚕肉跟生炒骨都是差不多的物體，分別只在於有骨或無骨。這碟無骨的酸甜炸豬肉無論色澤或味道都差了一點點，酸甜皆不夠，食到嘴都歪。收費絕對是米芝蓮的水平，但食物好像求奇又普通，不大合意。

最近去飲茶嘅頻率不要太多！突然間天氣就轉咗，適應無到咯，有小小感冒咁添，不過完全無阻礙我飲茶嘅心情。下午時分都系有小小疲倦，行經富聲魚翅酒家果時聞到食物 嘅香味，一下子就醒曬神，所以一於入去食野。不得不提嘅叉燒，真系好好味吖，搞到我都想打包一份添。雖然睇落好似好多油好膩咁，其實入口之後一啲都無會覺得油膩吖，口感超級嫩，無似一般嘅叉燒有柴嘅口感，我一個人就搞掂咗半份！見到好多人點咗薑汁雞，乘興點咗一份，味道OK，薑汁味道比較濃郁，個人雖然都喜歡薑味，不過哩個薑汁雞都系覺得有小小香濃過頭，不過雞肉嘅肉質質感好好，好入味。

每年11月，偉大嘅母親大人生日，必會4出搵好野食同佢慶祝。佢話要食魚翅，所以搵了這間，訂了星期六嘅7點枱，點了菜大半個鐘，服務員才同我說點了嘅豆苗同乳鴨都無，再等了好一陣了魚翅終於送到，好濃鹹味，鹹得制叫啤酒，啤酒係室溫嘅，服務員已說係最凍果支，真係喊出黎。炸子雞有雪味-失望。黃金蝦不是鮮蝦-失望，炒粉絲=炒粉碎，不過不得不讚是羊腩煲同紅酒牛尾，係成晚可說是較好嘅菜，羊腩煲成煲都無得輸，紅色牛尾好味（我個人覺得較甜）。

聽到富聲這個名字、食得放心、高質素酒家。曾經是經常來的飯堂之一。今天不是來晩更不是來宵夜。而是朋友請吃中午飯、他竟然午餐也來個紅燒大鮑翅、薑蔥炒蟹及魚香茄子。這些不是晚飯吃的嗎？當然我懶理他的。他的好意照單全收。紅燒大鮑翅滾熱辣辣、翅也非常粗、絕不欺埸很好吃。再來多碗我也不會跟你客氣的啊！奮力的ko完。炒蟹正。肉質新鮮而多肉。吃到這𥚃其實有點飽了。我再吃不下茄子⋯⋯⋯, 但富聲的確是香微辣餸飯的話卻不能錯過。

這個星期日，一家人試試本年度的米芝蓮車胎人美食！這家食店位處銅鑼灣，地㸃還算便利！這兒的㸃心都很美味，尤其是九肚鱼、蛋撻仔和乳鴿，令人回味！我想我們還會再來，雖然價錢稍貴！

參加母校校慶前, 先跟家人飲茶醫肚。揀了這間在oprnrice 評語不錯的「富聲魚翅海鮮酒家」。老闆在上環開設海味店, 主要銷售鮑參翅肚及冬蟲草, 老闆仔於是在2004年在灣仔創辨「富聲魚翅海鮮酒家」, 而這家銅鑼灣店在2009年開業。12點到達不太多食客, 過了半個鐘酒樓已經差不多坐滿, 看來沒有揀錯地點。酒樓一貫傳統酒樓的格局與裝潢, 沒有大驚喜。勝在酒樓呈長形, 而且有一列窗讓充足的光線射入, 尚且舒適。甫坐下店員送上茶、醬油及小食($25/位)。即是什麼食物都不叫, 都要俾$50。這就是中式酒樓獨有的文化, 合理與否真是因人而異。就筆者的個人而言, 這種「硬食」的行為不太合理。幸好這個銀魚花生小食脆口惹味, 有鴻星的影子。用上不同顔色分辨食品的類别。點心選擇叫豐富, 價錢定位稍高, 小點$38、中點$42, 大點$48。《水晶鮮蝦餃 $48(大)》蝦餃皮不算得上晶瑩剔透, 但蝦餃的摺紋又密又多, 漲卜卜, 賣相對辨。《鮮竹牛肉球 $38(小)》 $38的牛肉球不太便宜, 味道上找不到特別取勝的地方。只能説牛肉球調味合宜, 牛肉球不太死實。《蠔皇叉燒包 $38(小)》叉燒是富聲的

今日同男友&家人去飲茶, 去左富聲, 估唔到D野幾好食喎! 仲樣樣都好味!脆皮叉燒飽, 外脆裡軟!珍珠雞, MY FAVORITE! 足料好JUICY! 我最LIKE個疍黃! 梅菜排骨飯! 嘩! 即叫即整, D梅菜絲同D排骨個味好夾! 足料足分量, 應該有5-6碗甘荀奶黃飽, 雖然食唔到個甘荀味, 不過個飽個色黃黃地, 感覺好甘荀, 裡面主打既奶黃好流, 好沙, 好正, 小心好熱呀!芒果炸鮮奶, 呢個係炸鮮奶再點芒果醬汁, 好好食! 唔係度度有.合挑叉燒酥, 個餅皮好鬆化, 叉燒同合桃既配搭都唔錯!富聲蝦餃, 皮薄餡靚, 得!XO醬炒牛脷, 牛脷好腍, 有鮮味, D大蒜剛剛熟, 食落岩岩好, 唔太辣, 好味呀~~

媽咪生日，就帶佢黎呢間我覺得好有heart既酒家飲茶，呢度環境舒服，我以前有朋友講呢度腸粉係暖住上台，咁淋上腸粉既時候就唔會整凍腸粉，所以真心覺得呢樣野好細心，我就帶媽咪過黎食，叫左個皮蛋粥，好綿滑，叫左個炒飯，飯粒乾身香口，最重要個牛腸，皮薄餡靚，牛肉加上馬蒂，腍腍爽爽，好加上暖鼓油，好味

有幾個月冇去富聲, 今日去飲茶, 發覺他們的服務變得越來越差, 全店只得四五名伙記, 明顯人手不足, 叫極都無人理, 我們叫的米粉, 豬腳薑和牛什放在出菜的枱上十幾分鐘仍沒有人得閒拿過來給我們,最後唯有自己行過去取, 然後來了碟叉燒腸, 但有電油味, 唔食得, 牛什有三份之一煲係豬皮及豬大腸, 我同個男經理講點解牛什煲有咁多豬有關嘅食材, 佢竟然話我哋香港嘅牛什係咁嘅, 係會有豬皮和豬大腸, 然後就行開了,但我身為香港出生百份百香港人, 在其他食店都未見過牛什裏面會混合這些食材, 這間所謂米芝蓮, 不單止沒有服務可言, 連食物水準也強差人意,!

富聲出名唔係平, 重要之前拎過米芝蓮一星, 雖然都聽過話灣仔老舖係最好食嘅, 但係諗住佢其他舖都唔會衰得咁差掛, 點知真係中伏囉..........成餐茶得2樣野係值得讚, 第一樣就係合桃雞粒酥, 味道唔錯, 而且好多合桃係入面, 好香, 個皮亦尚算鬆化, 上枱時都係暖嘅, 不錯, 必叫之選!!另一樣就係炸素鵝, 炸得唔油, 外脆內軟, 入面亦都好多菇, 點埋喼汁就正到暈!! 至於其他點心就真係唔係好掂, 其中一樣就係個雪山叉燒餐包, 之前見D人話必叫, 結果好失望, 唔熱, 個皮唔得, 口感一般再叫咗個迷你糯米飯, 嘩, 一上枱, 見到佢油到嚇死人, 反晒光咁......另外坐得好逼, 枱同枱之間都無咩空位, 而且D侍應嘅服務同一般大眾酒樓一樣, 完全唔係呢個Level 嘅酒樓應有嘅態度, 所以真係唔會再去.......

於富豪酒店的富聲，最值得欣賞的是無論新客熟客都招呼妥貼，另外假日點心不斷創新，令食客百吃不厭。叉燒是必吃的，最突出的優點是肉質鬆軟，肥瘦適中，上桌時蜜汁仍熱燙。芝心帶子芋角，屬新派炸物，外皮蜂巢狀，中間白色芝士味清淡，可拉出長長的白絲，芋頭層薄薄，加上爽甜帶子粒，絕不膩滯。魚蓉果皮粥也極足料，主要是泥鯭肉，肉質結實有彈性，粥底充滿果皮香，故吃到的是鮮甜，沒有丁點兒腥氣，唯一美中不足的是有少許碎骨。雪菜帶子作餡的鍋貼較少見，今天鍋貼皮厚，餡偏少，故吃不出有什麼特色，不過自家調的醋仍美好。此處凡有魚肚的點心也值得捧場，皆因每次感覺有一朵盛放的海棉在口中，軟滑，鮮香，蘊藏海味乾貨的精彩之處，蝦膠粉紅彈跳，加上葱花蒜蓉汁，怎能不好吃？所以，弄得出色，粟米魚肚羹，絕不遜佛跳牆。要飽足，必點中國四大發明: 粥粉麵飯。這個西湖牛肉湯米，加入大量芫荽及蛋白，牛肉碎粒仍保持肉味及質感，清淡得來美味。餐後更任揀凍熱糖水，凍的楊枝金露最受人愛戴，熱的更常轉款。今天的馬蹄桂花湯丸簡直一絕，見到朵朵金黄桂花，大量爽脆馬蹄片，芝麻湯丸亦軟糯，吃過，滿口桂花香，良久不散！

第一次食，由老細發板!佢成日食知道咩最正啵一黎就叫左乳豬，佢係炸成沙皮個種，無影到，好脆口肉嫩，唔錯!以上的我覺得豆腐一定要試，好滑但外面夠晒脆。片皮鴨我幾中意，唔係太肥，炸雞翼同餃子都好，哈哈 基本上都無邊樣唔好食。呢張比較清楚影到羅蔔榚同豆腐=]真係成枱野食，好誇張!最後整埋個甜品簡直係飽到上心口，個薑汁好辣下，不過個人黎講好中意。湯圓就無咩特別。仲有食义燒，雞腳，炒麵，合桃撻等等等中意大班人食中菜一定要試呢間，但朋友話銅鑼灣個間仲好，有機會要試下

富聲是其中一間我放進To-eat list良久但就是一直沒有機會清空的中菜館，除了是米芝蓮店之外，還聽說過友人連番讚賞“飲茶”的話是很有水準的，終於在一個周未有機會到訪了。在事前也一如以往的做足功課，看看有甚麼是值得點的。富聲叉燒： 叉燒的話，是來富聲的必點之選，看上去相當對辦，是有質感有咬口的叉燒，相對新派叉燒主打腍身，它的路線是傳統一點的，是不一樣的風格。同樣的是蜜味香濃，肥瘦適中，好吃。分量可約4人一塊分享。上素蒸粉粿： 這個是即興所點的，相對之下個人認為是水準是不過不失的，餃皮是稍稍可薄身一點，也許是皆因我向來不太愛吃這種素粉粿的緣故吧。酥皮叉燒餐包： 做功課的時候發現這個也是必點的，原本是想說點了叉燒就不要點這個好了，但後來經服務大員大力推薦後，就也點了。酥皮是薄層的，是稍稍覺得內面的叉醬稍稍濕了一點，也是非常不錯的，比坊間不少出品要出色。合桃燒雞酥： 這款點心是很少吃到的合桃那凹凹凸凸的質感很明確，熱騰騰的更顯出撻皮滿有牛油香的，分屬必吃之選。甘筍流沙包： 流心的程度雖未算是最強，但也是對辦的，也是飽肚的好選擇。富聲馬拉糕： 這個是我的推薦，馬拉糕已預先一分為四的，入口有一