富臨漁港囍臨門酒家 (已結業)

公司開年飯，所以順理成章食酒樓了！ 第一次食這間富臨，味道普普通通！ 最差係乳鴿勁大舊，好心就斬細多刀啦！ 本身隻乳鴿已經唔細，仲要淨係分開左一半，邊會有人食半隻乳鴿架！ 最嬲係，食完富臨！ 夜晚搞到我腸胃炎，雖然係得我一個又痾又嘔，其同事大多都冇事！ 只係有1/2個同事，覺得食完有小小肚唔舒服，共冇我咁嚴重！ 但我十分確定係富臨，因為我食完午餐，到痾嘔前都冇食過任何野！ 十分負皮！ 以後都不會食這間富臨，好地地既開年飯，搞到腸胃炎！

蛋白炒飯不油，不太鹹，飯粒＋菜粒都很有口感，是健康人士不錯選擇。酒樓必叫之一的傳統油雞瀨粉，價錢平又飽肚，味道不錯。叉燒腸非常滑，皮不會太厚。內裡有芫茜加多叉燒，如果唔鍾意芫茜嘅朋友可能要揀另一款腸如蝦腸都係一個唔錯嘅選擇。冬天更推出特別設計嘅冬日火鍋套餐，好合時！富麗堂皇嘅入口！招牌非常清晰，顯而易見。洒樓剛裝修完成，環境，衛生一般，可以接受。

本應天氣涼涼想打下邊爐，放工後就到土瓜灣富臨啦，點知坐底見餐牌得套餐選擇不多，但雞煲好像不錯，當時又肚餓，所以還是坐下來，點知？！雞煲骨多過雞，煲就真係超大囉，然後其他都不詳述，當我好奇問出前一丁公仔麵無錢想點多個時，一問之下，竟然幾位職員都不知，而收銀竟說求其啦，火鍋收28蚊一個啦(我當時就坐係收銀前)，真係要咁貴。。。。。所以無下一次！

老友生日我提議來這裡。亦即係我既飯堂...壽星仔佢話要有鮑魚龍蝦。我當然好好安排...六點鐘去到很少客...四個人的食物如下先上檯的是蠔皇扣鮑魚花菇鮑魚都吾細隻原隻八頭鮑魚是一個食得美味的菜色不是因為有鮑魚食叫美味菜色原因用蠔油去扣鮑魚比起用鮑汁去扣鮑魚，更能帶出鮑魚的原有鮮香味。冬茹炆得入味，味道十分之香濃鮑魚由於早就安排每人兩隻！呢碟大家都滿意又滿足！花膠豆腐，其實魚唇與花膠顏色相近有取巧之嫌, 與菜單名稱有出入。魚唇份量少，炆得好淋，食落更加有花膠果種舔口嘅感覺豆腐表面香口， 內裡軟滑幾條菜心伴著翠綠爽口，淥得剛好芝士龍蝦伊麵底，汁嘅色好黃，味道唔錯但唔夠重芝士味！汁多料少，龍蝦好似細隻咗啲啲但好爽好彈牙...仲有叉燒一碟半肥瘦叉燒蜜味十足，十分鬆化。加上熱烘烘的，份量充足，好好味！座位舒適，枱與枱有足夠距離！餸菜夠大碟，又夠精緻，服務態度很好！上菜很快，是朋友聚餐的好地方。今餐壽星仔實在開心相信好快又見面

今晚同老公兩個人諗住打邊爐，咁就落樓下富臨食，完全覺得中伏，叫左個$268既清湯牛四寶鍋，牛四寶得幾舊，送牛肉，公仔麵，金菇同菜，完全食唔飽之後叫左兩三碟配料，叫多左碟肥牛，待應冇落單都算，叫佢落返單、佢落兩碟俾佢激死，碟肥牛都係得三片咁多😵以後唔會再幫襯。

外賣部的點心不新鮮⚠️⚠️⚠️⚠️上星期日買左蝦餃同叉燒包⚠️叉燒包：入面的包有部分是白色糊狀🤮🤮🧡蝦餃：正常味道，都算好味今日只買蝦餃⚠️蝦餃：回到家，食左1粒有臭餿味🤮🤮$20四粒，甘差的質素，冇辦法俾小朋友食😤😤😤😤😤😤😤😤😤😤😤拎三粒🥟🥟🥟去返外賣部換第二籠⚠️蝦餃：即場試左1啖，🥟D蝦肉都係鞋同埋唔新鮮😤😤😤😤😤😤😤😤😤😤😤要求退款，阿姐的態度極差😡😡😡😡😡😡😡😡😡😡😡之後去對面點心專門店買即蒸蝦餃$24⭕️⭕️⭕️⭕️⭕️⭕️⭕️⭕️⭕️⭕️⭕️強烈建議大家不要貪快貪方便富臨外賣部的點心好明顯⚠️不⚠️是⚠️新⚠️鮮⚠️點⚠️心⚠️

今晚突然心血來潮想食龍蝦伊麵，可惜屋企樓下的海x酒家正在裝修中，所以便選了附近的富臨食晚餐，兩個人點選了芝士波士頓龍蝦伊麵、豉油雞及欖菜四季豆，上菜時間很快，豉油雞賣相可以，但味道不佳，而且肉質又乾又舊！令人非常失望！！主角終於到了，賣相麻麻，芝士汁非常少！伊麵味道尚可；但只吃到牛油味沒有芝士味，再來一口龍蝦，一鼓亞摩尼亞味直湧口腔，吐都吐唔切！再訓試另一塊，情況亦都一樣！很明顯是沒有處理好龍蝦（俗稱方放尿）真的令人非常氣憤！我當時已吃了大半碟伊面，向經理反映，也只是草草了事⋯⋯完全沒有歉意！貼錢買難受🤬🤬以後也不會再幫襯！

老友中六合彩，捉佢食飯梗係要食好啲喇又嚟我的飯堂富臨贏得十幾萬，又不能屈太多...食唔起天九翅都食鮑翅啦早2日訂枱已經訂妥七點鐘去到即刻有得食....鮑魚雞燉砂窩煲翅賣相甚有氣勢，用gas爐上即場有專人幫你煲好足料竟意想不到用南非鮮鮑約八頭煲原隻老雞湯是天然甜，亮點落在那一梳梳的排翅令這湯水更顯大方體面。喝一口，雞湯底呈奶黃色很鮮味而全部料都好好吃而魚翅的份量真的很多，話有八兩潻的鮑魚雖然已餚過湯咀嚼間，仍能吃出鮑魚的味。點些蠔油更帶鮮味...此煲翅本應該四至六人用不過今天得兩個人每人飲足四碗上湯焗龍蝦伊麵，龍蝦好多肉！龍蝦肉鮮甜而肉質爽彈，質素非常好伊麵份量好多味道亦都煮得啱啱好，絕對抵食蔬菜方面點了一個金銀蛋莧菜賣相不錯，蔬菜新鮮，有鹹蛋皮蛋一齊，清得黎唔會太寡。就算唔中六日彩間中奢侈去食些好嘢善待一下自己，也是減壓的好方法

放假又來到我們的飯堂晚飯聚餐！至於食物因見到報紙廣告..仲有上個月去過另一分店。今天大概都知叫甚麼！因為得我同細妹兩個人關係！故此亦不會太多....蠔皇原隻八頭鮑魚扣花菇！當日特價菜$19.8 一份～每人只可以叫一份下面相片一煲是兩隻計兩份....鮑魚不大，但味道十分之香濃且柔嫩鮮味的而且我覺得，鮑魚同冬菇用蠔油去扣.是比用鮑汁或鮮醬油來得更鮮味的。這是我最喜歡食的一道菜原因！白灼海生蝦，剪coupon 特價（$88）斤簡單一碟最不考功夫的白灼蝦因為只要蝦新鮮就會好食，而我們面前的一碟蝦，不太大隻，算是爽口鮮甜....其實在酒摟來說！蝦並不是什麼貴價野！又不多用功夫！所以酒樓特價都會有蝦食。是日的蝦尚算新鮮。點一點辣豉油已經很可口。但是話就一斤，似乎十兩也不足！龍蝦晚市優惠特價$388約斤半跟伊麵！份量也很大，沒有欺場。可以選擇上湯焗或芝士焗...我們選了後者！配伊麵底，芝士汁滿瀉...邪惡組合.麵與汁愛恨纏綿...近幾年，龍蝦售價暴漲。龍蝦伊麵是全線分店的均一特價對於三百多元的特價龍蝦伊麵！沒抱太大的期望。這碟芝士汁龍蝦伊麵！讓人有著意外的驚喜！

禮拜日 , 我們到教堂參與過彌撒之後 , 就和老教友 輝叔 去飲茶吹吹水 , 聯誼一下 ~Menu & 點心紙 ~ 焗酥皮叉燒包 : 即叫即焗 , 外觀的的骰骰 , 一碟有三個 , 包仔細細但頗為重手 , 叉燒包外皮酥脆香甜 , 包的質地也鬆軟 , 叉燒餡料滿滿 , 足料又好吃 ~ 來到 富臨漁港囍臨門 當然要點這裏的招牌貨 脆炸豆腐 來吃 , 事關這店的脆炸豆腐 做得非常出色 , 外皮炸得金黃鬆脆 , 經鹵過的豆腐豆香滿溢 , 沾白醋來吃 , 其味無窮也 ~ 蟹子燒賣 : 對我來說 , 沒有吃過 蝦餃、燒賣 就等於沒有去過飲茶一樣 , 一籠有四粒燒賣 , 這家的燒賣既大粒又紮紮實實 , 豬肉餡料的肥瘦比例剛好 , 配合了冬菇和蟹子 , 實在好吃 ~ 蝦餃 : 一籠有四粒蝦餃 , 我不是 "食神" 並沒有細心去考究這個蝦餃的皮究竟是有幾多摺 , 只是吃進口裏 , 蝦餃的皮是煙煙韌韌的 , 蝦肉餡料大大件 , 爽口又彈牙 , 而且吃到有筍在內 , 未算是超級好吃 , 但也很滿意 ~本篇完 ~

同老人家食飯都離唔開去茶樓食，約左兩個老人家去佢附近既茶樓食番餐。男人至愛: 脆皮燒腩仔+紅燒乳鴿估唔到茶樓既燒腩仔可以整得咁好食，等都值得，皮脆肉嫩，唔點芥茉都好好味，肉味好出，少少既咸香，都只係58蚊，好過X記果D。紅燒乳鴿，正常水平，夠熱，重點係好平，上次妹記食要78蚊隻，呢度無記錯38蚊，勁抵食豪食海鮮:東星斑老人家鐘意食魚，叫左條貴少少既魚，但當然比係大排擋食既平，條魚都大條，最好味都係腩位，好滑。健康之選: 什菜煲好大既一煲，勁多菜，中和下之前咁多肉。

星期日既例牌節目~ 飲茶! 今日呢間真係有驚喜，點心熱辣辣，好新鮮! d 賴粉又夠味，唔會冇除冇味。咁多間富臨，呢間真係下次可以再黎食多次呀！一家4口都係2百幾蚊，好抵食！

見天氣涼涼地，係土瓜灣又諗唔到食乜好，一於就去間酒樓食雞煲啦！諗住應該都係正常野嫁姐，咁就真係大錯特錯啦！晚市時間入到去見無乜人都怯一怯，心諗：可能自己早左姐，所以就照坐底點知惡魔就出現了點了雞煲中辣，其實係密全無味，要自己調醬加味，但都係覺得超淡完全無雞煲果種濃味！而且每件雞都好散好多碎骨，好似食骨多過食肉咁之後當然都會點下配料咁啦，但真係好令人失望，望到肥牛都已經唔想再食、睇到個色澤好似擺過夜咁，唔多似新鮮。另外魚皮餃係有臭味嘅，我唔知點解連咁簡單嘅食物都可以做到咁，無心做不如唔好做啦而我由6點入座坐到8:30，前後加埋都唔夠10枱，真係好靜局

今日去左土瓜灣睇比賽，睇完一於同屋企人食埋飯先反屋企！諗左好耐決定去打邊爐食雞煲，附近有兩家酒家，一家漢寶，一家富臨，大家諗住富臨會比較好啲，點知....中伏了一上到去眼見個場比較靜，諗住只係比較早，其實都六點鐘，只有兩三台客！$158任食任飲，點知原來雞係要另加$38，都唔緊要啦！今次揀左要中辣，點知個雞煲黎到，淡而無味，我自己調的醬汁仲比佢似雞煲味！其他配料都係一般，炸魚皮不只唔脆口，仲要係韌口，滾完都仲咬唔開，問你死未個人比較鍾意食魚皮餃，點知佢個魚皮餃食落好怪，滾完都好似唔熟咁！唯獨粟米比較正常，比較甜！其他餸都不予置評啦利申：食完搭車反屋企途中，已經開始攪肚了，奉勸大家小心

我同老友周圍食野經常在報紙留意有乜著數今期見到富臨雞煲翅原價$488剪報紙Coupon$288咁就專登走去試試我地係星期四去的六點去到，我地係第二枱客人坐低交了特價Coupon比待應跟住好快已經有個Gas爐放在枱面連同一煲雞湯及一碟翅至於碟翅份量都幾多廣告講話有八兩，相信應該有待應先將翅放入煲內煲十分鐘再放派到我地碗上兩個人每人接近三碗真的啖啖都係翅湯底好鲜甜同濃郁喔我地一路食翅中再研究食乜因為得兩個人，吾食得多所以叫咗份孖寶上湯浸時菜同蒜茸粉絲蒸大聖子上湯浸菜苖其實就是白菜菜夠新鮮浸在雞湯內都幾甜蒜茸粉絲蒸大聖子估吾到有六隻，而且真係大隻新鮮不在講好爽口並且彈牙雖然共三款野，基本我地都足夠而且碟菜苗都食吾哂潻可能我地係呢度常客食完之後店員話送甜品比我地不過等咗十多分鐘都未到可能七點多客人已經滿店員忙碌到吾記得連埋單都叫第二次足足等成二十分先埋到單埋單共五百零幾，都幾低呢度經常做龍蝦同木桶雞特價大大話話都做咗三年我地都食咗好多次不過今晚食雞煲翅就吾可以食仲有見到大部分枱都食呢個翅估吾到都咁多人識食可惜呢個特價只是做五天我宜家寫食評都已經完咗希望下次有機會再食