富臨漁港囍臨門酒家 (已結業)

明知節日去酒樓一定人多、伙計少、選擇少，不過唔想煮，無辦法。今晚五個人連兩個老人家，六點二、三已經到酒樓，果然個餐牌得一張紙咁大把，另一張餐牌係套餐。我地六點半叫餸，個女部長仲覆我地d order，等等下成半個鐘，一碟餸都無，已經醒目叫第二個部長check 單，回覆係漏單。人多伙計少，漏單好平常，點知之前落單部女部長仲死撐，拿張食品卡和電腦單過來，話"唔係漏單，係現在先至得閒拿張單過來"，小喇叭佢，當我地低B ，定第一次出街食飯，張電腦單係印有時間，仲死撐，做錯野好平常，講聲" sorry 或者對不起"唔係好難啫。管理高層應該好好教育下d 下屬，有錯要認，唔係撐。ps:個女部長唔係叫鄭xx

今日考完試早放...就同媽媽,表妹,麻麻黎飲茶~我地12:30坐右入座~而呢度係可以坐到2點等佢下午茶優惠架!!真係好~~而12:30時都有優惠點心!!因為見到人地食魷魚鬚,坐底就即刻叫左~18蚊碟,但係佢就十分之大碟,熱辣辣,而且仲好好味!炸得好脆,不會太多粉漿,魷魚一d都唔un,又有d咬口媽媽同麻麻都覺得好好味!!仲有叫左..蘿蔔絲春卷---又係熱辣辣,好脆好好味山竹牛肉--正常白菜豬肉餃--正常之後坐到下午茶~叫左..燒鵝米線--幾好味,幾多肉~南瓜煎堆仔--溫度岩岩好,暖暖地,好香!不過多左d油..但都好好味!醬汁蒸鳳爪--個味好好~不過d鳳爪就細隻d蝦餃皇---呢個係一個敗筆!唔好食!個皮好稔,d蝦有陣唔知咩味...流沙包---一咬落去,我覺得俾人呃左,因為一d都唔流..個涵係固體..都奶皇包無異...好失望><我一心諗住試下流沙包...點知...原來流既..紫米露--呢個普通啦,甜左d,不過唔要求得咁多總括黎講我覺得好好味~而且好抵食!!地方又唔錯,好過觀塘廣場果間多多聲!但係上菜就慢左d,同埋唔知係咪地方大,成日都冇waiter...

舅仔生日，約了辣椒女家人一起晚飯；見未來這裡食過，就決定來一試。我們叫了特式素鵝、燒味拼盆、醬肉爆雜菌、菩提素食、脆奶鳳梨骨、黃金海鮮卷、頭抽走地雞和麵醬唐生菜。特式素鵝- 腐皮外皮炸得好脆，味道幾好，可惜份量唔多，每人只有一件。燒味拼盆- 叉燒比想象中肥美，雞肉唔算太韌又唔會太多肥肉、幾好，海蜇很爽口、加上芝麻粒、增加了不少香味，燻蹄感覺一般，味道很普通。醬肉爆雜菌- 醬肉味道太濃，配上清淡的雜菌和豆角，感覺唔多配合，因此只食了少許。菩提素食- 味道幾好，可惜油份過多。脆奶鳳梨骨- 脆奶外脆內軟，味道幾好，可惜比較偏韌；鳳梨骨和生炒骨沒有什麼分別，酸甜醬偏濃，肉質偏韌，普普通通啦。黃金海鮮卷- 外皮炸得金黃色，很吸引，餡內的沒海鮮醬也很香濃，算係幾好食的一味。頭抽走地雞- 雞肉過份韌，又偏肥，叫做走地雞，真係唔多配合，豉油唔覺特別香，係唔係頭抽，真係唔多敢說，因雞肉太韌，大家食唔到一半也放棄了。麵醬唐生菜- 最色的一味菜式，唐生菜新鮮，麵醬味調配得幾好。價錢平，食物水準一般，但作為一餐晚飯，也算是合格的。