富臨漁港囍臨門酒家 (已結業)

為提早慶祝母親節,因父母住黃大仙,而平時在此飲茶價錢算幾平,於是便揀了此酒樓,點知出事.我們一行十六人(其中十四個大人,兩個嬰兒),之前訂位,已吩咐需最大的桌子,但去到,見到桌子還是偏小,我們坐得很逼.是日星期五,非母親節正日,但還是只有三個套餐選擇: $2,680, $3,XXX, $4,XXX, 另外還要收茶芥及加一服務費, 我和大家姐看到餐牌上寫5月X日至X日有八折,五月八日當天有九折,我們還說即是免加一啦. 我們便選了＄２６８０的套餐，餐單如下：芝士焗龍蝦：不過不失，但面條黏埋一團金豬大拼盤：有豬舌，海哲，燻蹄，雞，味道正常。碧綠鴛鴦蚌：用西芹炒，味道可以。脆奶黃金卷：這個要催，好遲先上，應該是漏了單，我無食，唔知。紅燒蟹肉翅：都見到有些細翅和蟹肉。蠔皇花膠扣玉掌：花膠好腥，未處理好，這個唔得。清蒸大海斑：魚肉算滑。當好炸子雞：我只食了隻雞翼，味道也可以。五谷豐登：即是臘味糯米飯。蓮蓉蟠桃合時鮮果總括來說，味道可以，但服務就要人無人，等到有人，如叫取刀和碟食蛋糕，就等了又等。數最激氣的是在叫找數，張單需要三千一百多，茶錢收足十六位，連手抱嬰兒也照收，我們問為什麼？酒樓說你們訂了

有老友生日，乘機一棚人約埋食番餐，雖然得7個人，但有個6人餐睇落D餸菜又啱食，份量都應該夠，所以就費事諗就扑鎚叫哩個魚翅海鮮餐：花膠竹笙燴魚翅、蒜片煎牛柳粒、避風塘大海蝦、濃湯粒粒泡翡翠、雲腿片蒸倉魚、蔥油走地雞、野菌上素包，包埋甜品（南瓜西米露）同生果盤，因為係生日飯，再追加多半打壽包嚟賀一賀。本來個餐仲送2支啤酒，因我哋無人好所以換汽水，但佢哋只可以1支啤酒換得2罐汽水咁大把，有D唔抵，而且，仲要計番前菜、菜芥、加一，埋單都成八舊半（已經折扣埋），所以計吓計吓又唔算話好平！- 花膠竹笙燴魚翅，唔錯喎，當然唔好期望佢D翅好大好粗，但花膠同竹笙都算幾足料，唔會話得三幾條扮個樣。- 蒜片煎牛柳粒就做得好好，因為牛柳粒牛肉味濃，又夠蒜香。- 避風塘大海蝦亦都正，海蝦新鮮彈牙，避風塘炒法加添惹味。- 濃湯粒粒泡翡翠，話叫濃湯，但「淡茂茂」喎，所以哩個菜真係麻麻哋。- 雲腿片蒸倉魚，蒸魚都做到基本功，倉魚蒸得既嫩且滑，不過係無乜雲腿嘅鹹香，感覺只係將兩者放埋一切，自各修行，食味上有D分離。- 蔥油走地雞，OK啦，起碼唔係雪雞有鮮雞味，但唔算突出。- 野菌上素包，反而做得好對辦，一來野菌做餡夠健

$5.8 @ 碟 北菇雞飯: 雞無解凍就由得幾舊連住一起蒸, 重雪藏味 鳳爪排骨飯: ok--- 今次蒸飯偏稔, 落得太多水 ----$7.8 @ 碟 牛肉球: 牛肉打得結實, 不過等左好耐阿姐都找不到喼汁俾我們 煎蘿蔔糕: 一夾就散, 仲見到一舊舊未切好絲的蘿蔔 $8.8 @ 碟 粉果算足料, 皮厚了些少, ok$10.8 @ 碟 燒賣: ok 韭黃鮮蝦腸: 正, 爽蝦大大隻, 雖然係雪藏蝦, 因調味夠所以唔覺有雪味, 腸粉皮又滑 早茶飲左45 min都無加過水, 因茶壺蓋揭開咁耐都無人走過來加水

星期二，外婆那邊提早團年，訂了兩圍枱。是晚雖然有散叫菜式，但部長說散叫要等好耐，最後還是點套餐。經商量後要了兩席躉翅餐，全包價 $2,788，菜式如下︰五味拼盤︰有海蜇、鴨胸、油雞、叉澆、燒肉和燻蹢，味道不過不失，但燒內好多肥膏。炸鮮奶拼海鮮卷︰試咗半條蟹柳餡，雖然幾香口，但餡料只得蟹柳和沙律醬，有點寡。發財好市鵝掌︰賀年必備菜式，最好味是墊底的生菜，發菜啲質感勁奇怪，好懷疑是假貨。燉湯︰侍應說是羅漢果燉雞腳，味道超甘甜，火喉夠，好好飲，扒豆苗︰本來是蟹粉扒豆苗，由於有兩位家庭成員不能吃蟹，取消了蟹粉，只是蒜茸豆苗，好多油，亦好多味精。炸子雞︰雞皮脆肉嫩，炸得甚有水準。枝竹炆龍躉翅頭︰個茨汁實在太溜太杰，龍躉肉質偏嚡，翅頭亦欠奉，搵笨。生炒糯米飯︰又係勁多油，但飯煙煙韌韧亦不太鹹，ok紅豆沙︰一個字甜，但足料有起少少沙。生果︰十多個超甜無渣大柑。是晚雖然人多，但服務不錯︳價錢合理。

Is the restaurant always keeping up with the standard? the food is still ok...We ordered: pork rib + green pepper fried noodles* this is good, crispy noodles* the sauce is just right, not too salty and not tasteless dry scallope + egg white fried rice* this is WAY too greasy!!!* i like how they put the chinese red medicine "kee chi" in there, it's good for the eye* they also put the "won yi" chinese medicine, good for your body and crunchy* the rice is a bit dryer than usual Veggie hot pot* a

It was my father's BD last Thursday so we booked 2 tables of 12 each to celebrate. We chose their set dinner "Foo Lum" menu. At first I was afraid that their food will let me down - because some of my family members are quite fussy. Glad that both the food and the service turned out great and they liked it. Best of all, we were given a private room. The menu is well balanced and most of the dishes are great - especially the steam fish, the vegetables dishes and the fried noodles. The f

星期六一行7人來下午茶,由2點排隊到差不多3點才入座,因為大家都好餓,一坐下先點了5碗燒鵝瀨($9.8each), 燒鵝瀨係呢度的招牌菜,而且又抵, 每碗有7-8件鵝,5碗中有3碗係成脾上,鵝的皮脆肉香-正!!!下午茶的特價點心選擇多價錢由$5.8-8.8-10.8...,叫了以下多款:碗仔翅:細細碗,普通魚湯雲吞:魚湯好甜蒸鯪魚球:一般,平時吃慣的蜆蚧魚球好的煎茄子:正奶皇包/义燒包/蝦交/排骨/鳳爪/南瓜西米露....都好有水準

呢封信我fax去佢地公司,佢地收到後話會跟進......半年了........冇回音致 富臨集團顧客服務部黃小姐本人是貴集團的支持者,一向喜歡到黃大仙分店用餐,由貴集團在該區成立分店以來便一直惠顧至今天不過在2008年1月26日, 發生了一件不愉快的事件,令本人和家人對貴 集團形象大打折扣.原定數天後在該分店舉行入伙及彌月宴會, 也打消念頭.當日下午二時,本人和母親到貴 集團位於九龍黃大仙龍翔道 120號新光中心3樓的富臨魚港用餐,坐於155號枱.到下午3時許結帳有一位女職員拿着賬單前來,當我收到賬單時,金額是84元,我發覺金額比正常多了,細心覆核時,發覺有一個16元的點心不是我們點的(是答抬155 A顧客點的),我向該位職員提出賬單出見了問題後, 該位職員面上立即出見不悅的面色,拿回我的賬單後, 前後揭了數次,之後她從口袋拿出一張小白紙,就在上面寫了: “67” 二字.她遞回賬單給我, 便對我說:”67蚊啦!”從她的臉上和語氣我感受不到她有任何一絲的歉意.我拿了帳單, 用手提電話的計算機覆核一次, 發覺應該是66元.我向她提出銀碼不符後, 她說是將84元減17元便是67元, 我說該

有張一隻燒鵝贈卷,所以舉家由原本食開既荃灣區轉移到黃大仙,其實呢間野都食過2次(阿麻阿爺生日飯),覺得都OK,所以全家都和議去呢間食飯,預早慶祝父親節及做埋節(端午節)我地18個人,張檯勉強夠坐,我地預先BOOK左隻小乳豬,一隻燒鵝,跟住阿爸要多條4斤重既斑做兩味,再加幾個小菜o先黎隻雞,唔記得叫咩名,好似白切雞,好好味,好有雞味o小乳豬,皮夠脆,上檯仲暖暖地o金銀蛋莧菜 ,炒通菜,普通啦,不過不失九肚魚ok啦條斑2味(一味西芹炒斑球,一味蒸)都幾好味生炒排骨,好大碟,好好味, 一流燒鵝都ok,唔差過出面出名個d,總括黎講,呢餐我地都好滿意,埋單$2600,都ok啦! 話晒拾幾人食

今晚同男友及其家人去左呢到食晚飯......提早慶祝母親節哩 哈哈, 估唔到今日開始已經只有指定set叫, 冇散叫....結果叫左個8人餐(我地有9個大人+2個小朋友) + 芝士龍蝦....嘩, 個芝士龍蝦超好味.... d伊麵又入味囉窩.... 一句講晒.. 正~!!!!! 其他咪好似平時去飲甘囉.......不過碟碟都好鬼大碟...... 最搞笑係最尾有壽包架...... 哈哈, 我都唔知原來母親節要食壽包既!?!不過d service 同d 野食我覺得都ok丫~ 下次會再番去食龍蝦.. 哈哈哈~~~

酒樓方面在知悉本人於3月11日刊登之投訴後, 即時作出回應, 連忙聯絡我們一家人到酒樓享用免費贈送的蒸魚,可見酒樓重視聆聽客人的意見, 能夠從善如流, 作出改善, 誠意可嘉。

得閒會去飲茶因為公公住果頭"鮑汁炆鳳爪" 食落,真係好好味鮑汁濃且鳳爪淋身每次我一個人都可以食成兜"泰式香葉雞"平時我好鍾意泰菜呢個香葉雞d 味好好肉質尚算滑但d 肉食落唔夠新鮮"魚湯雲吞"個人來講好鍾意d 味岩岩好!"炸陵魚球"好香皮酥內軟但緊記要趁熱食"鮑魚叉燒餐包"皮香甜餡溜!"蝦餃皇"d 皮成寸厚好怪"瑤柱扒豆苗"d 薑好多搞到成碟野扣晒分"咖喱羅白豬紅"d 咖哩味超淡晚市d 茶芥真係好差豆辨醬又收你十蚊好唔抵上次去灣仔d 茶芥係好好味0既xo 醬值得一讚0既地方平時我經過酒樓d 廚房我覺得好dirty但富臨個廚房好乾淨

奉勸各位千萬不要去這間酒樓, 完全是黑店! 報紙上有免費送鮮魚的coupon, 把coupon交給女部長時她頓時口黑面黑, 責問我們: 點解落單時又唔講! 我們根本不稀罕那一條半條魚, 我們本身已orfder1疆客蘇眉, 有多一條免費的話便吃, 沒有也沒相干, 她之後冷冷拋下一句: 等下啦你地!結果整餐飯差不多吃完, 仍不見魚蹤, 再找另一名侍應查單時, 原來那黑面女部長根本就沒有入單! 這不是欺騙是什麼? 沒有便算, 不要作弄我們, 浪費我們的時間!如果不再三追問豈不是要等到天光?! 堂堂一家大酒樓連送一條魚也這麼小家, 若不想送的話就不要在報紙上登coupon啦!最激氣的是那條蘇眉! 500幾蚊一份, 只有十幾片薄魚肉, 還取巧地問我們要不要魚皮, 魚當然是有皮的, 於是我們便說要, 結果埋單時要多付300幾蚊!! 原來要魚皮的話要額外多給300幾蚊!!! 自問從未吃過300幾蚊的魚皮!!! 幾百蚊食多條魚都綽綽有餘啦!!!總之這間是黑店!!!!! 結果餐飯6個人食, 埋單1600!!!

每人$68任飲任食(包配料同飲品)$48or58湯底每人$12茶介10%服務費(兩人銷費合共$240)肥牛- 係用平價牛肉充當，兼且係"厚切" (5mm以上)羊肉- 都係"厚切"，無乜肉味唔太新鮮丸- 應該係買最平o個隻~ 無言~芝士腸- 唔係我叫得一種睇...我真係唔知佢係芝士腸lor蝦- 一字記之曰~~~ "霉"總括而言，佢只係做到68全包(飲、食、茶、介、湯底、加1)o既水平食物完全無特色/特別(咁o既價錢連桂花蚌、花支片、象拔蚌...都冇，我去食$98全包都有啦)介醬就剩係得碟豆板醬(咁o既價錢我食過廿幾款醬o既火煱)唯一可以讚o既係渣"竹庶矛根水" lor，唯一合格o既野麻麻~ 火煱無水叫幾次先有人加叫野食又要叫幾廿次最慘係漏單情況嚴重，我點左10樣野得3~4樣野黎，結果我入左4張...total唔夠10樣黎左用具都幾唔乾淨~ 最好洗多兩次如果o係黃大仙要去食火煱，我會揀"五十嵐"，富臨......no way la

此店的菜式只屬大路線產品，沒什麽精緻產品，但勝在價錢經濟，一班人敘首吃晚飯打雀局實屬經濟之選，公司飯局此地已是不二之選，除了經濟抵食外，久而久之已和部份員工熟稔起來，二千零蚊張菜單由乳豬食到美點雙輝，再有啤酒汽水，卡拉OK、麻雀耍樂樣樣齊，都是每人二、三百元內找數，雖然食到有點厭倦，但總好過去埋些高消費地方。