富臨酒家

營業中

休息中

今天外出晚飯，有同事推介富臨，因為見他經常去，説平靚正，就想去試試，附近長沙灣剛巧有分店，因我從未惠顧過，抱有很大祈望，6點半到達2大1小，即時有位，看看餐牌，沒有我同事說的很多特價嘢食，自己又突然想吃火鍋，於是點了火鍋放題，點了牛肉，青菜，丸類，餃子等，上菜了，那碟牛肉嚇我一跳，百份之90是肥榚（忘了拍照），伙計說你可以不吃再點過，不過我直到我結賑，廚房也再沒給過我牛肉吃了。其他配料，只是外型像，豆腐像豆腐，魚餃像魚餃，丸子像丸子罷了，只有咸味，青菜點了3次，也只給了我1次，公仔麵也不是出前一丁，茶餐廳的大光麵比它好吃多了。結賬，說我不夠3佰元，停車場優惠欠奉。我是第一次寫食評，平時也沒有寫過，因為今次經驗實在太差，實在忍不住要寫出來。比食肆永遠不會再光顧。

富臨下午茶，我可以話由細飲到大，大概經驗值冇十年也有五年。最喜歡的是其燒鵝瀨同蝦餃同燒茄子。喜歡的原因，好簡單，大件夾抵食。寫左幾年都冇特別諗寫這裡，不過今天，發生了點有趣的事，繼潮福後又見到了些有趣的姐姐，我決定記下一點。平常吃的燒鵝瀨，也算對辦，12.8一碗，由於本身冇想過寫，冇影相，不過要說的有時有鵝脾供應，值得食，雖然你明知其實佢啲質素不是最好....起碼你知道自己唔係食一樂和天鴻。當來到我第二最愛時，操，我以為自己去左李克勤同容祖兒的演唱會，唱的是世界真細小，舊茄子平時係大舊一倍，今日食嘅係平日份量嘅一半，連豉油都少左，唔通生意真係咁難做，其實我知九蚊一碟冇乜可以要求，但如果真係細份到那刻我心情真係好似在街上見到前度的心情那麼無奈，世界真的那麼小，小得可憐到容不下吃大舊一點的茄子嗎。幸好，質素還可以保持，那個魚肉雖然細舊左，但配合茄子還是簡單而好吃。對面搭枱的阿姐搭訕，話:"係啦，冇生意就派傳單，好生意你就食少啲。"我無言，香港人似乎好唔開心，一碟茄子也可引來不絕於耳的巨浪，說的都是社會的不快，香港越來越難住，你看到那個鑽嶺嗎?劏到得番二百呎都要搶購，仲要五蚊管理費。茄子都要

我見未試過呢間富臨酒家既耶，所以琴日經已同FD約定2：00下午茶，入到去D冷氣吾夠囉，拎左位後，入左房座，間房好熱囉，原來按左27℃，吾怪得甘Hot啦，他媽的呢樣都可以算，見到甘多客人，我心唸:應該幾好食既食物到喇…蝦餃，蟹籽燒賣，黑椒牛仔粒，鮮蝦腸粉以為好好味？點知食左先知道無想像中甘好食囉，始終理想同現實係相差好遠架認真麻麻，呢度既點心，吾係講笑…蝦餃，蝦肉食落有D怪怪地既Feel,Next,蟹籽燒賣,講真麻麻地，跟本上叫左甘多耶，唯一得鮮蝦腸粉同黑椒牛仔粒係好味早知去第二間好過

今晚食飯真gg,book左台，5位就比4位台，唔要，6人台先啱數呀嘛。唔好意思，帶位姐姐好禮貌咁話，我都好想搵人清左張台比你，人手唔夠，重點係勁多台無人坐，侍應行來行去，換張火鍋台比你，fine。8 點鐘無燒鵝，咁早賣哂咩，全場得幾張台食小菜，唔通每台一隻堂食一隻外賣？？1蚊雞未試過咁鞋，叻在連雞屎忽都鞋，fine。好有誠意既啫啫介蘭煲，灼完再炒再放落個用手都拎得起既煲，個煲有幾熱，鮑魚成個殼都係螺殼，仲要短過我隻手指公，絕，再絕既係紅燒乳鴿係微暖，唔通冷氣大，最正常係冬瓜盅，因為只落上湯同幾粒蝦毛，真係好食到呢，不過呢，我發現佢既技巧真係好高，個冬瓜係穿架，咁點叫冬瓜盅。

星期日中午, 帶著祝福的心情到鯉魚門渡假村參與奶奶娘家的婚禮, 渡假村前身為英軍軍營, 而結婚禮堂前身是小教堂, 屬於已評級歷史建築物, 氣氛莊嚴浪漫。 就在婚禮後, 一舉男家女家親朋戚友都在禮堂前與新人來影多幅大合照, 就在女家親戚合照後(我們屬女家), 熊爸上前向新娘子(熊爸的親表妹)握手恭賀, 忽然間新娘子把手上的花球丟向熊爸還「問候娘親」, 最初我以為是表妹向表哥開玩笑, 後來卻演變成新婚表妹夫向熊爸動粗推撞, 幸好沒有大打出手 這麼野蠻婚禮還是第一次遇見, 奶奶於是與我們提早離場 為了俾臉奶奶, 晚上我們只好繼續出席婚宴選址這兒是因為地點方便老人家......話就話準8時開席, 不過就唔知點解足足遲了50分鐘才正式開席, 所以上菜速度就加快加密咗。幸好廳房有電視, 侍應生亦提早送上嘉士伯啤酒、百事系汽水、智利紅酒, 大家都可以暢飲傾談近況 侍應生很盡責, 當有汽水啤酒飲完, 他/她都會立刻添補乳豬全體 ... 麻皮唔夠鬆化, 皮底下脂肪幾油膩, 乳豬肉嫩滑而味道淡淡, 沾砂糖來吃會比乳豬醬來得搭味西芹炒帶子、象拔蚌 ... 西芹爽脆無渣, 帶子就煎得比較老、韌, 象拔