富臨飯店阿一鮑魚 (已搬遷) 新店位置

記得N年前第一次出糧就貢獻o左o係呢度；當年用生果日報coupon請曬全家o黎食每位$9xx套餐，包一隻吉品24頭飽魚，飽汁鵝掌，抄飯同甜品。當時先知道原來乾飽同濕飽價錢係爭咁遠o既~~~時至今日，當然唔係時時有coupon可以食特價套餐啦。要食阿一飽魚就要散叫喇；一隻23/4頭飽魚只有一個BB拳頭咁上下大，但已經要起碼$12xx/$13xx。雖然好貴，但整乾飽又真係要好多功夫，而阿一可以整到入味而且裏面係糖心o既，又的確唔容易。呢度o既其他食物都比第二D地方貴，味道卻唔係特別好，唔抵！不過，呢度D糖水整得唔錯，尤其係個杏仁露，好香又夠滑，正。服務方面，o個D上o左年紀o既叔叔嬸嬸只對熟客殷勤；我地呢D生客想佢招呼就要等下喇~~~反而阿一有時都會每檯客都問下D o野滿唔滿意咁。如果大家想知道乜o野叫"肉都赤曬"，o係呢度埋單o既時候就會明白。畢竟，一世人豪一兩次試下聞名中外o既阿一飽魚都值得o既；但係，service又麻麻，其他食物又mark up曬，都唔會再有下次lor！

阿一鮑魚,無人不知無人不曉,亦竟然無網上食客敢品題此名店,其實點講都係錦上添花而已,來者皆是熟客豪友,品嘗名鮑美食,有幸香港,新加坡兩間都得一試,感覺而言新加坡反而會比香港更為大眾化一些,不時推出一些精美套餐以餉食客,哈哈,港客可能口福無咁多囉......食品就唔讚啦,消費也不談啦,大家心中有數,反而我會讚四壁的題辭,有一幅劉海粟大師的字,氣派及技巧都是上品,有技壓群雄之識,真藝術也..哈哈哈.