富華冰室 (葵涌廣場)

營業中

休息中

經過個幾月介澱粉質，完成了婚禮就好好破戒一下訓醒就去富華食個大早餐蕃茄午餐肉通粉，配一個菠蘿油。原本以為是mini的菠蘿油，但原來不是，仲要係勁大個。通粉湯底香濃，而午餐肉也不少，再食菠蘿油已十分滿足

一行4人朋友仔約食Lunch, 大家都揀左就腳嘅葵涌廣場，而茶記林立，富華門口一條長龍就吸引左我地去食由於平日午膳時間，人滿為患，大約等左15分鐘左右啦，一坐低因為趕返工，侍應姐姐見到都即刻幫我地落單，快狠準啦，轉過頭茶水餐具都提供埋，果然係茶記特點，掂。然後因為有啲肚餓，我就揀左份量大啲嘅午餐炒烏冬，朋友們俾圖片吸引左一致揀all day breakfast食物，飲品都好快上左枱，的確適合趕返工嘅上班一族至於味道就不過不失啦，烏冬有鑊氣，味道不錯，而all day breakfast 的話，朋友們都講比較普通，都係茶餐常餐會出色啲。綜合評價：可以試試

同老婆去葵廣嘅富華冰室食晚飯，間嘢真係差到離譜當時我哋各自叫咗一個餐，我老婆個餐都食哂了，由落單開始計已經過咗半個鐘，我個餐催咗兩次都未嚟，我仲要聽到個女侍應同另一個後生仔侍應講：「呢個唔算(等得)耐啦！」我在場都聽到其他客人催單，即係啲客等得耐係應份嘅？？之後我梗係爆佢啦，跟住另一個資深男職員就識做啲，即刻同我講唔好意思，又入廚房幫我追，但我已經一肚氣，同佢講我唔食啦，cancel咗我個餐，直接去收銀俾我老婆個餐錢就算，個資深男職員都話好呀冇問題。點知去到收銀，呢個女侍應夠膽死收我老婆個餐錢之外，仲收我杯餐飮錢，仲要係收我淨飮$21一杯，真係無恥到極，佢仲要黑住面同我講：「你入嚟嗰陣我已經講咗要等耐啲架啦」哦，即係你講咗，所以客人要等幾耐都冇得怨？係咪就算等你一個鐘兩個鐘都唔可以投訴？你係有講等得耐啲，但都要合理時間先得架？！大佬我叫嗰個只係粟米魚柳飯，即係正常茶餐廳用五分鐘、十分鐘就出到嘅碟頭飯，你要我等半個鐘仲要係我錯呀？最後反而係個資深男侍應叫個女侍應減埋杯嘢飮錢，但佢個樣keep住勁黑勁west😒😒

今日嚟到呢個葵涌廣場你喺度搵一搵個晚餐食今晚你食晚餐嘅時間比較早六點幾我哋已經走入呢間茶餐廳食喇 點解葵涌廣場地下嘅一間茶餐廳由其佢嘅下午茶時間係去到夜晚七點所以我哋六點幾食嘅晚餐都係叫下午茶餐食下午茶嘅價錢係比較平啲嘅對比晚餐牛扒薯角$42一塊好薄好薄嘅煎牛扒好似快餐店入面邊啲早餐煎牛扒咁所以質素都同快餐店嘅其實爭唔遠近期有一碗薯角味道不過不失 但有啲似翻炸嘅黑椒乾炒牛肉意粉$48呢個黑椒乾炒牛肉意粉嘅賣相係茶餐質素嘅賣相黎而食落佢比較冇黑椒味但佢都算唱得OK嘅牛肉唔算靭最後仲一人點咗一杯凍嘅餐飲我覺得呢個價錢都算抵食嘅不過係下午茶餐嚟只係我哋比較早去到六點幾去到食晚餐變咗食下午茶餐質素就係一般茶餐廳嘅質素啊唔算有驚喜但亦都唔算難食環境來講就唔算乾淨囉

呢度有all day breakfast 吃阿好豐富阿 都系50幾蚊 我想講出面食一個都要成100蚊既餐呢度半價已經食到：）*好開心阿 比大家睇下有d 咩食先啦有茄汁豆啦 一般野佢地自家制墨西哥包包又系不錯的味道～ 但我中意菠蘿包多d好滑既炒蛋！ 賣相好好 圓波波咁煙肉唔會太肥同太咸 都好正然後個腸仔都好食 個外皮都脆口～火腿扒都好味 有兩大片阿～炸魚柳系熱辣辣好香脆 一咬落去d 熱氣升起然後點埋d 沙律醬真系十分出色💓😳大家得閒都可以吃下all day breakfast

今天lunch同2位同事一齊食野,呢間餐廳都好大間, 所以唔洗等好耐就有位,同埋坐都舒服, 唔會好迫, 同其他人癡埋一齊食飯。-佢都有好多lunch set簡,好似今日都有燒鵝4寶飯, 咖哩雞排 拼飯/意粉/薯菜,白汁魚柳焗飯/意炒, 海鮮炒烏冬 等等-當然都唔小得有常餐阿果D野, 仲有ALL DAY BREAKFAST 都係50幾蚊,都好Reasonable! -今日我地都簡左lunch set來食,燒鵝4寶飯 勁靚仔,同事說每一樣燒味都好好食,由其係燒肉, 真係皮好脆,燒鵝係佢地signature來的, 食落都肥瘦岩岩好, 唔會食落去成口油。-咖哩雞排薯菜,我同事走汁, 所以食唔到佢個咖哩如何但有點好笑係佢個薯菜 =一個焗薯仔(中間有D麻醬) 同埋一條小棠菜!雞扒好好味 煎得好好,薯仔唔係好夾麻醬,如果有沙律醬/芝士可能會更好!-我就食左芝士白汁魚柳焗意粉一開始以為D汁唔係好夠,誰知食下食下都OK!魚柳比左成2大片我, 都好好味, 無雪味(.__.)最值得一讚就係,佢地既意粉剛剛好, 無6得過熟搞到D意粉林哂肥哂!!所以食落口依然彈牙好味!!!!-同事再叫左個egg tart食一食

葵芳廣場食肆林立，但這冰室仍然顧客眾多，下午茶時段食客在冰室入口旁排了十多人等候入座。這是我們第一次光顧，點了兩客下午茶，分別是燒鵝瀨粉和西西里海蝦意大利粉，飲品則點了凍咖啡和凍檸檬茶。燒鵝瀨粉先上桌，嘩，很大的燒鵝髀！這下午茶雖然要$42 ，不算便宜，但看到這大大的燒鵝髀，已經覺得值回票價。這燒鵝瀨粉湯頭一般，瀨粉亦不多，不過尚算爽口，至於燒鵝，肉質嫩，味道亦算不錯，若燒鵝不是泡在湯中，味道應該更好。接着送上的是西西里海蝦意大利粉，這下午茶$48 ，蝦頗大，但只有兩隻，太少了，另外意粉的醬汁看起來水水的，最初對它不抱期望，但原來意粉內有大量蕃茄粒，所以加了點辣椒仔後，味道還是不錯的。飲品方面，凍咖啡香濃，很好喝，凍檸檬茶茶底不錯，不苦澀，也好喝。這冰室還有一個特色之處，就是麵包是自家製的，每隔一會兒，其中一個侍應便會大聲說有麵包出爐，例如菠蘿包出爐，又或是香腸包出爐，接着其他侍應便會大聲複述，令人食慾大增。

今日去馬灣行完山，遊玩完就搭車去葵芳食下午茶，點知周圍都勁多人，最後去咗葵涌廣場最底層嘅一間茶餐廳度試吓。由於喺門口見到佢啲蛋撻同包好似幾靚，所以我哋叫咗一個雞批，一個菠蘿油餐試吓。雞批一嚟到有驚喜，係熱辣辣咁上，咬落去個皮好鬆脆，入邊啲餡又多，正！🥰🥰而菠蘿油餐亦超值，菠蘿包又熱又大個，包咬落去好鬆軟，入邊塊牛油又夠厚，再加大大杯紅豆冰，都係$25！ ❤️之後覺得唔夠食，就再加多個下午茶粉麵餐，脆脆肉絲炒麵。個餐牌真係冇呃人，啲麵真係好脆，就算有啲汁，啲麵都冇淋到👍🏻👍🏻啲肉絲有咁多，唯一缺點係d麵少咗啲，如果大碟d就perfect!

平日同媽咪行完街想坐低傾下計，講開新開既富華冰室媽咪一直想試試，一於陪下佢啦！估唔到都要排十個人左右，媽咪話次次經過都係咁，究竟有乜野咁吸引人去試呢?下午茶餐都係一般茶記咁。我揀左個熱狗茶餐—唔錯喎，夠熱同埋沙律醬分量適中，最重要係個熱狗包本身有烘過口感少少脆又夠暖，好食。而媽咪就揀左常餐—呢個本身配墨西哥包，可惜個包唔暖既，有少少失望，因為本身期待係新鮮出爐既。通粉同炒蛋都係正正常常。總括而言，食物質量以茶記黎講算係唔錯，不過如果平日下午茶都要排成十幾二十分鐘，就覺得唔係好值（但如果同媽咪或者朋友一路等一路吹下水，其實又無乜所謂既）。P.S. 仲見到佢既燒味好似幾靚咁，媽咪話下次要帶爸爸正餐去試，試完之後好似覺得above average。

特色餐包，炒蛋好味！😋之前已經試過買佢哋啲麵包，都好好食。墨西哥包好食，雞批好食！👍🏻👍🏻一經過已經喺門口見到佢哋今日個餐包係綠茶包！所以即刻入去食返個常餐！每次嘅餐包都唔同，睇吓嗰日係配咩餐包！我點了，特餐，配綠茶餐包，叉燒通粉。通粉湯底不錯，唔太鹹，又唔太淡👍🏻但下次我會叫早餐，因為早餐35蚊！我入到去先發現仲有早餐食！當時12:03🙈早餐去到中午12點‼️12點前都仲有得叫早餐！😋佢仲有個全日早餐All day breakfast🍳!下次可以試吓！

依間嘢, 幫襯咗兩次, 兩次都係叫早餐A同早餐B, 其中一個餐係飲凍檸茶走甜, 叫咗兩次外賣, 都係成嗰鍾先送到, 其實都唔緊要, 叫外賣既時候, 我已經重複咗兩次要凍檸茶走甜, 最後送到嚟佢變咗多甜, 兩次都係咁。羅宋湯通心粉, 味道一般, 最大問題喺等佢送到過嚟, 啲湯比通粉索曬, 通粉又淋又難食, 重要成碗野係凍既。而個餐包亦都係, 等佢送到過嚟, 變到硬曬。下次都唔會幫襯。如果大家要叫外賣, 一定有其他更好既選擇, 依間野真係唔值得大家幫襯。

平日同女朋友行葵廣通常都要諗食乜 有一見新開左呢一間茶記就入去試吓啦！美味指數 😋: ⭐️⭐️⭐️環境指數 🏖: ⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ 全日特餐 — 火腿仿包片通粉呢個特餐可以話係非常正 原因係因為佢嘅餐包係菠蘿包🤩 平時識開都會係多士或者方包 但係佢同菠蘿包的確係幾特別嘅 而且整體都唔錯中規中矩啦👍🏻 不過佢通粉嘅湯底胡椒味較重 可能對於食得清淡嘅人來講會濃味 可以留意下但係大家記住要問一問餐包係咪比菠蘿包！另外亦都叫多咗一個菠蘿包 $8但係非常之大個！ 不過可能夜晚嚟食所以個包比較凍🤨

唔知幾時開始，香港多左好多茶仔改晒名叫"冰室"。"冰室"之由來，大概係幾十年前，冷氣開始盛行時，茶餐廳開始有冷氣，所以叫自己做"冰室"。而家好多"冰室" 就會做到澳牛咁，炒蛋常餐為主力，食物款式少d, 流轉快。呢間自稱"冰室" 嘅富華，其實叫茶仔，更適合，由常餐到炒飯，焗飯到燒味都有，我個人不太喜歡呢種百搭，周身刀冇張利嘅餐廳。呢個舖上個幾手都係茶餐廳，食物味道與服務，都不敢恭維。此餐廳亦有相同影子，樓面摩打手，但不代表服務好。一係你串到好似澳牛咁，食物又交足課。叫左個常餐G , 包有炒蛋+火腿+迷你菠蘿包+鮮忌廉雞湯煎豬扒通粉，凍奶茶少甜。炒蛋，蛋香正常，嫩滑程度尚可，但份量太少，半個雪糕球的size。迷你菠蘿包，皮還脆，冰室嘅室溫，凍嘅。俾塊多士仲好。叫G 餐的忌廉雞湯煎豬扒通粉，竟然一送嚟係煎豬扒公仔麵，問個靚仔侍應，佢仲俾人質疑我錯，好快佢知衰轉個頭拎個通粉俾我。我仲火滾，忌廉雞湯煎豬扒通粉，個湯係透明清澈唔杰身！！！！仲係有一個胡椒粉味湯！！！ 即刻問番個位侍應，佢就話個湯係咁！！！我已經唔想同佢爭拗了。轉個頭又收左我隻碟同叉，用匙羹食一塊豬扒同通粉，好應景，我好冇叉用。豬扒

真係要寫篇食評黎讚一讚呢間餐廳..自從第一次黎食佢個揚州炒飯，真係一試難忘。覺得個飯炒得好香又夠足料👍而且味道剛剛好，吾好話太鹹/太淡最重要係依家已經好小有茶記仲會有埋面包買好欣賞佢地每次有咩面包/蛋撻出爐都會一齊叫口號咁😻每次聽到~~~蛋撻出爐都要即刻整返個先d蛋漿仲係熱辣辣脹卜卜架

葵廣呢個位可以話唔錯之前上幾手都係茶餐廳都有幫襯過一係食物麻麻一係D伙記麻麻老老實實富華呢間我覺得唔錯裝修坐位都唔錯尤其廚房水吧位都好整齊乾淨D食物暫時食過下午茶魚柳包-大件魚柳熱辣辣我最鍾意佢個包、好軟！另外佢哋個乾炒牛河好足料！有紅洋蔥、芽菜、冲、荀王正！另外值得一讚佢哋D 伙記個個都好有禮貌大部分都係後生仔女呢點超讚👍🏻👍🏻👍🏻希望可以keep 住見到佢哋D燒味唔錯下次去試吓先另外佢哋自己整包個樣好掂