富記潮州粉麵

營業中

休息中

去完旅行返嚟好肚餓，喺附近搵食。叫咗一碗牛腩牛肚麵🍜，牛腩牛肚都好入味，牛腩唔算好柴，蔥花好足。但湯底比較濃味，有啲鹹，返到屋企要飲多啲水整體來講都幾好味，下次會再幫襯

星期日嘅下午，經過呢條街，好多間都只係做外賣，唯獨呢間有堂食同最光猛，雖然星期日無茶餐，但都俾佢吸左入去。（計過茶餐其實只係平三蚊）呷一口牛雜河的湯，有令我諗起細個食呢類粉嘅味道，加埋d菜甫，好食。辣椒油夠辣，我宜家肚痛到癲都有啲懷疑係敗佢所賜。檸茶就檸茶一杯，無特別出色，用黎解下辣咁。食到尾聲，有個似非常熟客嘅婆婆入黎，店員請佢飲杯水，睇黎係日日黎。呢度街坊食店，牛什味以外，更濃的可能係舊區先有嘅人情味。

年三十周圍都冇開門，成條街得佢一間有開，就入左去啦～～～牛筋河炆得好林，好爽口，比好多粉麵店做得好👍🏻👍🏻崩沙腩麵好足料！牛腩都係好夠林，用料新鮮，好入味👍🏻👍🏻諗住頹食，但整體真係比想像中好喎👍🏻加💲7就有飲品，飲唔晒拎走繼續飲😋

收工去左食宵夜朋友帶我黎第一次食唔知係咪太肚餓覺得好好味呀 可以encore😄😄推薦度：4/5🍴牛筋河牛筋好冧，份量唔少，平時成日都食米線，食返河粉好鬼正😄😄宵夜食佢好滿足最鐘意係佢仲有一兜辣菜脯，任我加😍唔係到處都有哩個，本人好鐘意菜脯，所以會為左佢再encore😄😄下次要試埋佢d辣椒🌶️ 🍴三寶河三寶有牛腩，牛筋，牛肚我好怕食親d牛腩好實，哩間岩哂我口味，牛腩一樣好冧😋🍴炸魚皮超級脆！無油味😋😋好食👍🏻👍🏻