富記燒臘飯店 (已結業)

今晚晚餐係位於觀塘協和街嘅富記燒臘飯店，買咗一份排骨瘦叉飯價值港幣$30真係平靚正，啖啖肉，其實仲有其他好多燒味都好吸引呢一間燒臘我一定會再去買，叉燒同排骨好有蜜汁味，極度推介！

呢一間燒味店，有一個YouTuber成日播佢啲片，搞到我都好想試吓。 今日約咗朋友食飯，為咗唔想兩手空空想去佢屋企，所以去咗呢間店舖斬料。本來我係諗住叫叉燒，但係比我見到呢度有金錢雞，所以毫不猶豫咁叫咗金錢雞同埋燒雞翼。開飯嗰陣時拎出嚟，個個好快咁已經食晒嗰啲金錢雞，但係金錢雞呢樣嘢真係唔可以食太多，因為都係好多膽固醇嘅朋友，可一不可再，間唔中食下就算。我哋四個人食飯，除咗呢個斬料之外，仲有其他家常餸，但係唔知點解，食飯途中，三個人都同時間肚痛，真係唔知點解，係我朋友煮飯嗰度出問題，定係其他原因就不得而知

買了一磅叉燒，半隻燒鵝，排隊排完，斬了隻鵝，有其他人來又比其他客，等完又等，唔知自己排乜！返到屋企，打開盒，叉燒大舊到可以一開二；半隻燒鵝肥到不得了，更重要D皮，老到咬唔開，不會再買

以前都仲食得下，最近食叉燒燒肉飯，可能怕變質叉燒鹹過鹹魚，燒肉又係，差好多，最後倒咗以後唔幇襯，附近幾間都有已經做得好過佢，希望佢睇到有改善，唔係踩佢，埋去的食客越來越少

謝天謝地，又到星期五，收工之後唔想周圍去 又懶得煮飯，連開爐煮個即食麵都提唔起勁， 早前洗大咗，臨近月尾窮個鬼，咁樣就唯有買兩盒燒味飯一盒自己食，一盒比room-mate食。我食嘅係切雞飯，呢盒飯其實都好抵食，因為有好多件雞，而且亦有好多飯，好彩我係吃貨而唔係嗰啲顧住話要keep fit嘅中女，要ko盒飯對我嚟講其實係冇難度嘅，唔好睇啲雞好似 樣衰衰咁，雞肉係好嫩滑好入味嘅，仲要係煮得啱啱好嗰種，撈埋啲蔥油嚟食真係正。

去觀塘採訪長者，買了豐富飯盒孝敬。貴妃雞髀頗滑嫩，味道一般，义燒腍，調味無特色。只需57元，對比大集團燒味店，很廉價，便宜了約40%。店員會記著我的需要，拼湊特色飯盒,並送例湯。因此這類店舖積聚了大量街坊客。但面對是裕民坊重建，始終是大危機。珍惜緣份，情誼；天變，人變，地變……，下次再來。

舊式燒臘飯店愈來愈少，年初一光顧此店，更強烈感受舊時的街坊風情。燒臘飯店設堂食，不是很多燒臘店有足夠空間提供這樣服務。其實早期的燒臘店是賣廣東燒味和在冬天時賣臘味。現在已分道揚鑣。正名應是燒味飯店。印象中油麻地上海街新強記是另一經典，堪稱東富西強。路邊掛滿燒味，部份擺在檯上，十分壯觀。其實是違反法例，只是大家都習慣了。傳統上燒味架擺設有規矩，兩旁懸掛葱條。現代部份快餐店的燒味架反而堅持這傳統。買了三種燒味，共248元。舊式食店十分守傳統，在這3日堂食和外賣都每樣加3元。燒肉選腩骨，皮脆肉腍。評價中上。义燒選最肥，要多汁。水準一般。貴妃雞太大隻，肉質不夠嫩。

附近做完野食午飯,就是但走入呢一間我點了燒肉燻蹄飯先嚟例湯，乜料都無還有點過鹹…所以我只喝了一些些就放棄囉燒肉感覺很瘦啊,全部肉一啲脂坊都無皮不夠香脆,肉鞋恰恰唯一值得一讚燻蹄皮夠爽口,飯粒尚算不錯印象中很久前有吃過一次燒肉飯好好味皮又脆又有肉味,今日呢個飯真係大失所望地方很細，環境尚算企理路過都會試終於回家找到當時去這裡食的相片相簿當中紀錄了相片超過一年年多之前食過燒肉切雞，燒肉皮相當脆肉是半皮瘦，印象中好有肉味雞仲係肶位，例湯雖然影吾哂在相片右上角見到，仍然好多渣看到相片無論燒肉及例湯有一個強烈對比因為比較上次真的差很多，所以有感而發寫下食評年多前價錢$32送例湯今天收$35送例湯(富記牆上價錢)

四月上旬‧有雨繼續試這一區的叉燒，行上協和衙就見這一間店也有很多人在買燒臘，就買一條叉燒試試。選了一條，是整盒中最好的部位。口感軟化，不甜有肉味，果然是不錯。在等斬叉燒的時侯已經差一點給隔離的師奶「認領」了我選的那一條，有時懂選也要小心才可以吃到心頭好。

媽媽回家時去到富記，第一次買了鹽焗雞回來，但眼看又不太像樣，吃下又沒有多像鹽焗雞的味道，或許未焗得夠時候，就如一般的油雞，味道一般，卻不是太有咸味，若是油雞，卻是合格，但若是鹽焗雞，就要好好再調．