富記美食堂

營業中

休息中

成日去到打算買嚟食 間鋪係開咗 但係冇人係度 等咗勁耐都係冇人 次次都係咁 咁即係點？？可唔可以改善下呢點 我見每次都其實唔係得我等 一係就唔該你地寫清楚個營業時間 唔好次次D客人係度等

上2個星期午餐時間，去睇下竹園街市有咩食，見到呢間有花甲粉，就試下，外賣自取$42，粉絲自動幫我分湯，非常好啊！！食完數數d花甲有成12隻，有2隻有沙，細細隻唔算太肥味，但要讚午餐時份個姐姐十分好禮貌！！咁我見幾好食，早幾日夜晚去想再買碗酸辣粉試下，但係有個男人，態度唔好，我係收銀位等左好耐都唔幫我落單，又無尾音，咁串唔休做我咪幫襯第二間囉。雖然唔係話咩貴野，但其實都要專重人，咁既態度下次都唔想幫襯

現在喺黃大仙返工，所以成日都去到竹園街市掃街呢一間係我成日都會去買嘢食每次早半個鐘落定order之後去到就即刻有得攞啦而我最常就係食清湯嘅米線同埋手抓餅因為佢夠平呀，米線兩餸都係$29咋And 覺得佢整得幾好雖然可能大家覺得係好普通嘅餸，但我覺得好滿足同埋個女服務員都好好人呀🤭

味道都還可以，但係真係越做越小氣買左雙肥牛都係得果四五塊仲要鬼死咁細舊以前買一份肥牛都比呢個多最憎呢種商家加價都好過啲料越比越少lor越做越垃圾人生第一次嬲到要寫負評

買過幾多外賣，味道個幾正好惹味。不過工作人員真係好串，特別係夜晚個金毛眼鏡男仔。試過2次外賣買返公司，揸車返到去已經倒瀉哂。想打電話鬧佢地又無電話打到！ 架車係白色皮櫈真係抹到我死！一次又係咁 兩次又係咁到底我想要個蓋 有幾難？

好耐之前舖頭開張嘅時候 我幫襯過幾次 到想回味返個味道嘅時候 覺得個味道唔同咗 覺得之前好食啲 不過唔知幾年前同 依家嘅味道到底有咩唔同到 諗唔起了 如果依家來講嘅話 覺得個米线唔係好辣 剩係得個麻字 對我依一個好辣之人來講 爭咁啲…

平日中午買外賣等超過一個鐘，返到去都仲未出到，原本果個四眼仔立立亂，但態度都仲算勉強可以，跟住另一個男既返嚟態度極差，直頭係呼喝等緊既客，佢所謂既錫紙粉絲原來只係煮完倒落錫紙，咁不如就咁放落膠盒算啦，味道極普通，粉絲杯麵仲好味過佢

本來都有買開外賣，但以前就會買麻辣燙同海鮮粉絲煲，全部都份量足又好好味，今日見到有麻辣小龍蝦就忍唔住買咗一份試下，點知非常之驚喜，一打開個盒就好香，以為個盒細細盒份量唔多但食落就有好多，食咗成半個鐘先食曬成盒，個味少少麻少少辣，我覺得啱啱好，仲價錢都非常抵食今晚除咗小龍蝦之外，仲嗌咗涼拌牛柏葉同春卷，兩樣都一樣咁好食！春卷炸到卜卜脆，面頭有少少鹽同胡椒食落更惹味

外賣就是這樣！外賣就是這樣！外賣就是這樣！外賣就是外賣就是這樣！外賣就是這樣！外賣就是這樣！外賣就是這樣！外賣就是這樣！外賣就是這樣！這樣！外賣就是這樣！外賣就是這樣！外賣就是這樣！外賣就是這樣！外賣就是這樣！外賣就是這樣！外賣就是這樣！外賣就是這樣！外賣就是這樣！

香港有唔少街市大翻新😯，外觀上有些少西式feel，又乾淨咗✨。更加有唔少食肆都會係街市出現，可以係街市堂食都幾特別🤔。今日我就去到竹園街市入面一間富記美食堂，特別想試下佢地啲酸辣粉🍜。🎈富記酸辣粉 $27淨一碗酸辣粉就要27蚊，加一款配料就要加6蚊，價錢相算合理。我就外賣叫咗小辣🌶️，小辣就唔係好辣，唔係好食得辣嘅朋友都應該接受得到👏，喜歡食辣嘅就嗌中辣以上啦。酸辣粉同樣可以揀薯粉/米線/粉絲🍝，當然食酸辣粉自然就係揀薯粉食，呢間嘅薯粉幼身，易夾同爽口，幾啱大眾口味👀。另外，富記美食堂有少見嘅錫紙鍋🍲，台灣手抓餅🌮，亦都有部隊鍋。以街市食肆嚟講真係好多選擇，幾吸引👏，我亦都好有興趣再一試其他款式。

呢個疫症陰影籠罩的年代出街食嘢，其實都有點忐忑，係可見嘅條件之下，富記食嘢都算係令我幾安心首先，我叫嘅粉絲蜆肉粉絲鍋，佢係會用一個發泡膠碗，上面仲有一層錫紙形成一個碗型裝着食物，使用一次性的食具，感覺上幾衛生，起碼可以減低交叉感染的機會當時食嘢唔多人，店員即使閑着，都係會戴住口罩好啦講返食物個方面，我可以話係一試愛上，個湯底惹味，蒜味都好濃，粉絲彈牙，啲餸又足料 蜆雖然唔係隻隻都出晒沙，不過隻隻都開晒口，煮熟晒， 我叫嘅係蜆肉粉絲鍋，加$6加送，我揀加肥牛，蜆肉都有十隻八隻架，肥牛五六片或更多，$46我覺得係好抵有時12點幾上到嚟，想幫襯佢已經關左門，今日偷聽到店員之間嘅對話先知道原來佢哋12點就關門，希望可以趕得切嘅話多啲上嚟再幫襯

同屋企人都幾中意幫襯呢間食酸辣粉，因為佢個湯底的確係幾出色。去幫襯通常見到鋪頭入面一係有個有禮貌既姨姨 有時就係有個男仔喺度打理，不過我奉勸各位如果去到係見到有個男嘅就盡量唔好幫襯！條友冇乜禮貌之餘仲成日比錯野人，明明冇其他客等緊 佢已經吾算忙 ，但我叫米線佢都仲係比錯薯粉，有次叫粉絲佢又係比錯薯粉，比錯野呢個情況係佢身上已經吾止出現一次！有時都怕左佢所以會即場打開望吓有冇比錯，佢錯之餘仲要道歉都冇句，我同身邊嘅親友都中過伏！我覺得你打開門做生意至少比個心出黎做！如果唔係即使味道幾好 服務差一樣彌補唔到！

早前係竹園夜市行過，見到有手抓餅食，只售25蚊，因為我本身都幾鍾意食手抓餅，加上佢有三款餡料套餐選擇，我擇左b餐，係芝士火腿蛋加生菜同茄汁底手抓餅，因為手抓餅始終係即叫即做，加上都多人叫酸辣粉、錫紙鍋等，所以都要等一段時間先有得拎，叫了之後大約十至十五分鐘左右就有得拎，拎返屋企先食。整個手抓餅我覺得ok，但不可算是非常好吃，個餅底煎得不算太香脆，有少少淋身，可能因為係Q餅，餡料正常，不算太多，加上佢比像夾餅，同一般捲住的有少少分別，啲餡容易洩漏，同埋比較難以一啖咬到晒，佢的醬汁用左茄汁，所以都有少少酸，唔算太夾。或者佢其實食物係ok，但是手抓餅比我預期中失望，可能下次試下佢的錫紙鍋。以下評分以5⭐️為滿分推介⭐️⭐️

我本身係一個食辣愛好者🤪，近排比朋友拉左入一個食辣愛好者既群組，係群入面識左唔少人，大家一齊討論食辣心得同推薦😋，當中有大部份會員都討論竹園有間美食，價錢實惠之餘仲要性比價高，之後就約左幾個朋友一齊上去食。由於等一次打食評，所以唔記得記得影相😅😅我叫左個招牌錫紙蜆肉粉絲鍋（小辣），可能我下午茶去既時間無咁忙，落單2分鐘都無已經有得食😋😍❤️個湯底好正，係會上隱果種，啲粉絲又吸曬湯底啲味，蜆肉鮮甜冇沙，如果我樓下都有間就好！😭咁平，可以差唔多日日落去食🤭

今日食左依間味道幾好，價錢實惠，飛的入黎食都覺得抵。平時係深水埗食傷心酸辣粉食親都$60-90/位，依度$50已經好夠。依次食下個招牌鮮蝦錫紙粉絲鍋小辣，啲蝦ok，主要都係粉絲同湯底，湯底好好飲，個粉絲吸哂湯底，放入口真係好正！味道夠，辣道都夠，唔會話太強烈。另外之前我平時食開個富記酸辣粉+涼拌金菇肥牛+可樂都係$50，扺到爛！推介配搭！同埋仲有好多野都好食同平，影左餐牌。個錫紙鮮蝦粉絲鍋我汁左靚靚先影