富都茶餐廳 (已結業)

今日午餐去左富都食海南雞飯,味道都ok,但雞很小囉,加2條菜和一個例湯和油飯…d菜又黃,例湯好多味精,飲完超級口渴呀!!油飯仲要真係好鬼油呀,似食油浸飯多d仲要+$7先有杯飲品,連埋飲品都要$55個人感覺唔低…..我唔會再去

九時左右, 返工時間剛過, 餐廳內人漸少, 但外賣多, 因坐近水吧位, 見到不斷出外賣, 早餐, 五香肉丁麵 配 腸仔煎蛋和餐包 送奶茶, 肉丁只有五小粒左右, 但都是全瘦的, 而麵是”福字麵”口味, 尚算彈口, 而且熱, 好!, 腸仔肉實實, 不及超市一般的雞肉腸, 煎蛋十分好, 反了兩面, 而且均勻, 內裡又漏黃, 正! 餐包尚算軟熟, 但略為細件, 不夠喉! 奶茶味濃, 合格有餘! 全只$22, 總體而言, 好!

以前經常會叫富都既外賣做午餐，因為在公司附近，但佢地叫十次起碼有七次以上落錯單或收錯錢，打去問佢，態度又差，都唔知去邊度請埋d咁既收銀，換極人都係咁。今日見咁耐無叫，又再叫一次囉，點知又係送錯野，打返去，阿收銀話送返比你，不過可能要等耐d，問佢大概幾耐，佢話又唔係佢炒，你唔岩食呢個都無法架.... 我想話，之前個外賣已經等左一個鐘，但係又真係唔想食送錯嚟既食物，因為實在太唔吸引..一句講晒，我真係命苦，叫個外賣食唔到自己想食既野，仲比人講到好似自己錯咁...

準時2點打去叫下午茶,叫了個油雞米和紅豆冰。20分鐘之後阿姐送到公司來。打開盒,湯沒有了一點,看來是放了一會,不過還好是熱的,內邊的湯也在。而且是雞翼位,好味道!!再加上附了我最愛的辣椒油,正!米粉是比較幼的那種,很吸湯,好味。雞也算滑嫩,而且夠味道!紅豆冰不太甜,而且豆也夠淋夠大粒,肥但好吃。26元,也是合理吧!(不過未加價前才廿蚊)沒那麼多人的時候,倣的東西應該是比較好吃吧,我還是幫襯下午茶好了。

睇 Sammi 前醫肚，冇叫晚市套餐，散叫蕃茄牛肉飯同鯪魚球米線，加兩杯嘢飲，埋單＄64！ 服務一般，你又有咩五星級嘅期望呢？ 起碼冇咩味精，食完唔口渴。

2010第一日返工叫外賣，又是遇上一向錯漏百出的富都，以往的亂收錢，送錯食物之外，今次是新野，首先是叫肥叉燒鵝飯，卻是瘦過埃賽俄比亞的叉燒及燒鵝，這個食物質數的問題也不要求，算了。 飯裡竟是一點豉油也沒有，點燒鵝的酸梅醬也沒有，這個乾涸的飯盒，還是要等45分鐘才送到，2點才叫的午餐，來到已是下午荼... 無奈....

果晚同朋友入左呢間茶餐廳，點知食到一肚火。我地叫左一個炒飯同意粉，等左15分鐘仲未見，當時間餐廳又冇乜客，於是我就問幫我地落單個伙計，佢冇去跟下張單，仲毫不禮貌咁同我地講：焗飯冇咁快，要焗架嘛。當時真係O咀，都冇叫焗飯。再等左10分鐘，我地今次問另外一個伙計，佢話同我地睇下，點知幫我地落單個伙計走過黎同我地講：趕時間食燒味飯啦，走黎叫焗飯。真係火都黎，我又唔係問你，我又唔係叫焗飯，都唔知呢條友係唔係有幻覺。最後等左30幾分鐘先有野食。自問自己當時都幾好禮貌，而家黎幫襯你仲要受你氣。雖然d食物質素ok，但間茶餐廳有呢d伙計，個老細同d客都冇運行！

今日一個人．．經過呢間，費時再行就入去食個tea...至於環境都算大,坐位都算多特別之處係個電視真係幾大~~~食物選擇咁多！但最後我只叫了個下午茶餐-- 沙爹肉包+咖啡個包烘過加埋沙爹牛一齊食又幾好味，杯咖啡都唔錯，都幾香！！睇住個大電視, 不經不覺半小時就過去總括食物的味道是OK,環境舒適,服務良好

上課之前食小小野...我食的係特餐...朋友的係湯面...特餐係以特快的速度送上的...奄列的分量同味道都可以的...只係太多油了...... 而通粉就好一般... 好淡... 而d通粉冇咬口... 唔"林" 又唔係彈牙... 有d似未煮熟的粉的感覺....唔知係唔係因為煙肉.... 好多油....餐包就幾好... 面好脆~~只係朋友的湯面一問再問先來...當時我差不多食完了... 而分量都唔係好多...食完之後... 我決定要搵其他野食...

又食茶記，今次就來惠顧一間我從來未吃過的連鎖茶餐廳富都，看看其水準如何。隨便點個特餐，有兩隻蒜香雞翼。明顯地，雞翼是炸得過了火位，縮晒水，完全沒有肉汁，很乾身。有否蒜香? 完全察覺不到。特餐可選一款餸配麵食，想吃叉燒，就叫叉燒通粉。很瘦的叉燒，每件都係不帶半點肥肉，還有些韌，我唔鍾意；通粉淡而無味，確是沒有味精，只不過太淡口了，頗難吃的。飲品要杯凍啡，上檯時仍能看見咖啡粉的，太馬虎了。同時，質感亦是不夠濃滑，還好算是夠凍。這類茶記，順路經過都可以入去，但不是專程去嘆茶的好地方。

每一個星期一是上班一族最重要的日子, 竟然俾我食到一個咁的午餐,真係咩胃口都無晒呢間野係岩岩先新開的, 仲要開24小時, 唸住新野應該OK, 於是就叫個外賣試下, 點知跌晒眼鏡, 呢度都叫近尖沙咀, 竟然有D咁的茶餐廳, 如果有一日你話俾我知呢間野摺埋左, 我唔會覺得出奇, 咁的質數.........唉個餐一來到, 以為好好食, 點知打開一睇, D雞翼有問題的, 隻雞翼彎左, 好似生左腫瘤咁, 點解隻雞翼會咁? 因為隻雞翼裡面的骨爆左, 流左血出來, D血俾D雞肉包住左, 炸完之後, D血凝結左就變成咁. 我打去叫佢換俾我, 佢竟然同我講話隻隻雞翼都係咁, 叫我轉做火腿奄列, 於是我就轉左, 點知個奄列仲衰, 都唔係奄列來, 煎熟左D蛋, 再放D火腿夾埋就叫火腿奄列, 火腿同蛋係完全分開, 這並不是奄列呵......真係佩服個廚師, 竟然有咁的水準....雪菜肉絲米粉應該係一樣好好食的野, 俾呢間野整到咁差, 搞到我以後都唔敢食, 竟然係雪菜肉絲裡面加黃椒....OH MY GOD...我第一次聽...而且唔係肉絲, 係肉粒...個餐原本係牛油多士, 來到變左個餐包, 仲要係無牛油的

今天午餐同同事去左呢間新裝修完既富都食lunch，去到都見人多。我地坐左一張4人檯，我叫左一個午餐c (焗飯)，明白焗野會比較耐，但等了4個字，見到隔離檯遲過我地黎但巳經有同一個c餐食，知道唔對路，叫個侍應黎啦 。佢答我 : "黎緊ka la ，即刻到"。好 ! 我算...再等左5-8分鐘，仲未黎，我同佢講 : "你地擺明"流"左單喎，又話即刻黎"。佢又答 : 吹左ka la ，整緊好快。之後佢即刻轉頭走左去冇理我地。再過5分鐘，我頂唔順，前前後後等左35分鐘啦，就同佢講取消算喇，再等我唔洗返工，個阿姐竟然話咁我地收返你個凍飲同個湯錢呀 ! 我真係慶到呀 ! 佢地由頭到尾都不斷叫整緊，最重要係一句唔好意思都冇 ! 倒頭來仲用好串既語氣咁收左我湯+凍飲錢 ! 最後我都比左錢佢算，再唔走真係唔洗返工，不過我以後都唔會再去富都，況且d 野又貴又唔係好食 !

除夕夜陪友人到富都茶餐廳食左個晚餐~友人叫了一個常餐 (沙嗲牛肉 + 煙肉意粉 , 火腿奄列 + 餐包 , 熱檸水)服務員面無表情 , 不過呢o的都算係香港茶餐廳的特色吧!!當食物黎到ge時候 , 其實見到賣相都已經不太討好 , 份量都比較少.味道從朋友口中算是過得去吧!!!不過... ... ... ... 當友人食食下o個時 ... 突然發現意粉入面有隻 "小強".我地立即話比服務員知 , 還好的佢都有講一句唔好意思.不過...就是我們影唔切相...佢就已經收左個意粉!!之後佢幫我地改番個價錢 , 無收個常餐ge錢 , 只係收左一杯熱飲ge價錢!不過可能由於九龍旺區關係 , 所以價錢比平常的為高.一個普通的常餐都要$30 ... 而且無咩特色!所以 ... ... 都應該唔會再有下一次了!!!

唔知點解post唔到,唯有寫多次.呢間以集團形式經營的茶記專揀旺區開鋪,鋪租雖貴但人流旺可以補番絛數.晨早經過裡面唔係好多人,可能附近寫字樓未返工,早餐款式多樣化,好多配搭.由$21 - $25.食咗餐肉煎旦,仲有個餐飽,义燒麵,奶茶.樣樣都OK,服務本來唔差,幾個阿姐都好勤快.隔籬檯有兩個日本人,識睇中文但唔識講,指住個餐牌落單,阿姐驚落錯單,好大聲咁覆單,睇見都好笑,佢又唔係聽唔到,駛乜咁大聲,佢又識聽,駛乜講佢知.

很久沒來了, 晚餐叫了個生牛肉湯河+凍檸茶, 共$29. 碗河粉都幾大碗, 牛肉是新鮮做的, 都算幾多料, 只是牛肉切的比較厚, 如薄些仲入味. 凍檸茶亦夠茶味, 服務亦可, ok啦.