富都茶餐廳

營業中

休息中

打電話叫外賣服務員態度已經很差，可能我只叫一個餐，之後到咗外賣，他說是$65我只是叫一個常餐加凍飲$3，另外出前一丁$3，外賣盒兩蚊都沒可能是$65，我上網查他餐牌是$46，我便之後打去問，服務員態度超級差，佢話佢哋不嬲都係收呢個價錢，之後講咗很久，如果你們收這個價錢，我為什麼要幫襯你們，之後佢就說你以後都不要再幫襯，之後cut我線，我再打去和他說我話你是服務性行業，你不能這樣態度，你沒可能給cut客人的電話，佢就同我講話淨係服侍你一個，其他人要服侍架，還原我阻住佢做嘢，我要你全名投訴，之後唔知叫我搵去邊間搵佢老細投訴，今時今日這種服務態度非常非常非常非常之差，怪不得咁多人返大陸消遣，我是香港人都不幫香港人，麻煩貴舖跟進事件，如果唔係你的員工會將你的舖頭倒米，唔知還以為情人節加價

廚神下午茶E餐，燒汁鰻魚雞粒炒飯，我都估佢冇鰻魚，但點知一粒雞粒都冇，食都尾先火，但我吾會當面教精佢，寫食評同永不再幫襯最實際，附近大把好野食，吾知廚房冇左件事定係佢地炒飯不嬲都吾落料，各位師兄師姐睇路。

晚市過去 選了個二人套餐［$156］套餐包括了：任選兩款小菜/蒸魚+時菜+燉湯+白飯+餐飲 （價錢只包了$78的小菜 如超岀$78需要額外補差價）真的完全是親民的價錢！特別是蒸魚！平時去酒樓先可以食到嘅菜式 一般都已經要$100+了 現在這個價錢已經可以食到咁多·🐟豉汁蒸白膳（即叫即蒸 等候時間會較長）完全是家常小菜 我媽煮飯很愛煮的一道菜🩷吃回了家的感覺🥹豉汁跟白膳真的是很好的拍檔 白膳吸收了豉汁的精華 ·🥘醬爆火腩豆腐煲份量滿滿的一煲 味道很重 特別適合配飯 腩肉瘦而不柴 豆腐綿柔鬆軟 偏鹹·🥬蠔油菜心：有幾條 ·🫕排骨蔘燉湯這個湯是每日限量 幾好飲🥹蔘味十足·🍚白飯：套餐包了兩碗白飯 但食唔哂 就直接要了一碗😜

半夜仲俾蘇拉打緊10號風球，朝早起身已8號風球，搵早餐食，行過如心2敏華排咗10幾人，再去大壩街食街搵食，本身行咁遠想食紅茶☕️點知冇開，成條大壩街食街得返一間茶記富都開，門口已有人等，好彩係等外賣🥡，入面坐滿人，好彩有人食完走先有位。早餐都多選擇，價錢一般。叫咗早餐D，沙爹牛肉公仔🧸面加腿絲炒蛋，提咗炒蛋要滑d，嘢飲叫咗熱央，唔記得叫央走，但費事煩到阿姐冇再叫。上咗央先，冇乜味，要落糖，之後上沙爹牛，諗住等埋炒蛋一齊影相，點知等咗10分鐘都未出，追阿姐，阿姐秒回話落咗單就等一陣😅我唔理想開口食沙爹牛面就嚟咗炒蛋，先有合照。腿絲炒蛋係唔錯👍🏻蛋唔會過熟

再次黎到大壩街富都茶餐廳，以前啲嘢食唔錯，估唔到呢次極之失望. 午市叫左個焗雞扒飯，本身係一個色香味俱全的食物，比他啲整到看見都唔想食，冇曬胃口。差評。快雞扒一看落去就好似蒸出黎咁。

29/10有事通頂係條街流連左成晚，又凍又攰。正當30/10朝早打算等緊頭班車返屋企之際，就係漆黑中嘅街道見到紅噹噹仲著燈嘅招牌，吸引左又凍又餓嘅我入左去。朝早五點都有幾檯客食緊早餐，比我想像中多人。埋位先發現冷氣有點大。普通茶記早餐，但開24小時真係最大優勢，好適合深宵醫肚，如果日光日白好可能唔會俾佢吸引到去幫襯。侍應服務都算快，可能因為太早人未多。等左一陣就有得食，食物質素都ok，中規中矩啦。店面都乾淨企理，食完都冇肚痾。

6uo 話說我媽想買個沙嗲牛肉麵常餐 $53可能佢表達能力冇咁好 條友就撳咗個牛肉公仔麵 $34 再加杯凍檸茶$23正常好啲嘅會同你講返聲杯凍檸茶$23喎你確定要單叫嗎 不如叫個常餐仲抵食喎外賣盒仲要$4 啲盒咁高質素？係咪勁過譚仔三哥啲盒先，三哥啲盒可以洗過再用喎我媽係傻嘅但個店員都唔好得去邊☺️ ☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️☺️

自從翻新過後，一直都被餐廳的外觀吸引，每次經過都有推門進去用餐的衝動。可惜每一次都會被同行的友人、家人阻止，用一個極其嫌棄的眼神，說著：「我才不要吃甚麼富都！那裏只有資深的老行專才會進去吃！」直至昨天（4/8），我的友人在麻雀比賽中奪冠，榮獲選擇在哪裡享用晚餐的權利。友人在我的勸說下，決定要去翻新過後的富都一探究竟……我與金蘭姊妹們一行4人踏進了那個名為富都秘境，抬頭迎接我們的並不是令人暖心的安心出行條碼，而是一個個職員們臉上露出的微笑，實在令人倍感窩心！欲知是次餐點質素如何，請透過淘寶的朋友圈私訊我，我非常樂意為各位食客解答疑難。

每次打去問午餐有啲咩野食啦，一輪咀係咁講啲老人家又點聽到呢，莫講老人家，我後生都聽唔清楚啦！一啲耐性都冇，好似成日吹你收線咁，又話要收錢，收錢既話可以叫個客等陣先架嘛，既然個客都已經幫襯完你啦，咪叫對方等陣先囉！一啲耐性都冇！唔想做咪唔好做囉！接生意唔係咁接架！我自己都做飲食會明白，但我地係唔會好似妳咁樣做囉！希望個阿姐會有改善啦!

原來淨係荃灣都有兩三間🤣我自己喺附近食咗嘢朋友叫幫手買外賣價錢來講佢算平民化我朋友嗰碟楊州炒飯雖然係外賣 我拎左少少嚟食鑊氣都OK不過佢嘅服務質素有待改善雖然唔係堂食 只不過係外賣但係香港人始終重視禮貌禮多人不怪

今日加班後相當肚餓, 急走在荃灣尋找美食, 看見富都茶餐廳, 裏面食客頗多, 心想儘快滿足肚皮去, 坐下卡位, 舒適闊落, 食物選擇相當分, 最後點選了雪耳勝瓜炒雞球, 另有例湯, 白飯和飲品.只等了不久, 例湯和餸菜己到, 真的很快, 例湯熱辣辣的, 帶點藥材味, 也有雞腳, 也算認真; 至於餸菜方面, 大大碟, 有很多勝瓜和雪耳, 但雞球就較少了, 不過相當入味, 炒得好有煱氣, 配合白飯, 感覺滿足, 真的可以加多一碗白飯呢.最後配以熱嘅香滑奶茶, 可以足夠滿足了肚餓的問題, 可以回家休息了.

我以為香港冇哂平過$50嘅lunch 我搬咗上荃灣西鐵上蓋屋苑 食過lunch 周不時都要成舊水 喺附近搵間茶餐廳都要$7-80 等我以為香港物價咁高 今日畀我搵到呢間$44個lunch 先知荃灣真係乜都有午餐送湯＋凍飲加$3 地方企理 食物ok 要寫番個OpenRice 食評先得我食咗個豬頸肉炒烏冬 微辣 夠熱 係有啲多油 豬頸肉太少 但味道尚可 個白湯都好夠熱夠味真心覺得物有所值#荃灣光榮冰室隔離

食得多快餐都想食下鑊氣野，同🤴🏻間唔中會嚟食呢間兩餸套餐，有兩個餸+一個菜+白飯+湯+飲品😍😍今次叫左～～三杯雞+西檸豬扒+時菜～～先講個湯！蘿蔔煲豬肉，真係有料唔係例水hea你嚟嘅😋😋白飯唔係傳統嘅白米飯🍚，比較大粒及粗‘鞋’時菜就正正常常🙂🙂三杯雞非常重口味好，適合撈飯食，可惜雞骨比較多，如果多番啲雞髀肉就好啦！😂😂西檸豬扒就好開胃，檸檬味好清香鮮甜，配飯亦都一流😄😄豬扒炸得好脆口，裡面嫩滑🥰🥰有時兩小口子冇時間煮飯，不如試吓去呢類型茶餐廳食飯，會有一種食住家飯嘅感覺😍😍

近半年來開始在這區返工一直間中都會專登行過去食早餐，一星期都最少有一次，因為覺得佢哋嘅奶茶咖啡做得好，食物亦如一般茶記的正常，甚至比較同區嘅茶記來講好少少，早兩日再去食早餐，出事了，啲鴛鴦、咖啡差得好離譜，沙爹牛又無曬味。開頭還以為係咁啱撞正佢啲員工放假，直接問過佢又話無放假都係平時嗰啲師傅。最嚴重係當喺杯鴛鴦飲到粒檸檬核之後，佢嘅處理方法竟然只係回應一句：「我們會改善。」相信今次真係最後一次嚟光顧，返唔到轉頭了！

今日想到吃中菜但酒樓又有點貴就去了我們常常吃的茶餐廳吃二人餐，餸選擇都不少，我們選了二個餸再加其他約一百五十元都可以，十分飽肚都吃不完。每次來都有燉湯好味道又夠熱，感覺味精不多，入面仲有蟲草花和排骨在內。豉汁白鱔有七舊底部仲有豆卜，不過醬十分咸。豆豉雞炒得幾香而且味道都可以，通菜的腐乳勁咸，最後只留了少許混菜一起食，2個白飯都十分大碗，食了一半都已飽，配2杯凍檸檬茶，在茶餐廳飲這個一定不會太難飲。