富都茶餐廳

營業中

休息中

$124, 有燉湯，時菜，兩碟小炒加熱飲，小炒和白飯份量夠，最值得讚係小炒唔太咸，京都排唔太酸，味道剛剛好，紅燒豆腐又夠滑又有濃濃豆味，熱奶茶夠熱又夠滑，下次會再嚟食其他小炒

眾安街都出名多野食，但好少食茶餐廳。行過見門面都幾光猛一於入去試下啦Dinner around $62起佢個餐湯可以選擇燉湯/中湯。燉湯是蟲草花燉排骨。幾滋潤但有少少偏鹹點左個豉汁蒸白鱔 $72幾滑同新鮮。價錢重幾抵豆鼓味好香，加埋豆卜吸曬d鮮味海鮮什菜煲 $62用木桶上，幾有特式，入面包括有什菜，蝦，魷魚，魚柳，什菇，粉絲。配上上湯，熱辣辣

老公話荃灣有間好好食嘅茶餐廳，喺荃灣返工嘅我決定同老公去試下☺️入到餐廳，格局寬敞，最緊要係員工上下十分有禮貌，喺宜家香港嘅茶餐廳十分少有！揀二人餐仲有燉湯送！十分難得！平時食開魚香茄子煲，今日試下魚香玉子豆腐煲，味道十分香濃。黃金鮮魷味道充滿香濃咸蛋味☺️是夜晚餐吃的除了美食，還有人情味☺️

一直是家人飯堂, 晚餐120元, 就有兩個小菜, 一個烚菜, 兩個燉湯連白飯及飲品, 而且小菜即煮, 很不錯呢. 通常必點是蒸魚, 然後加個肉, 例如咕嚕肉/燒味必吃,不過今晚想吃清一點，叫了雜菜煲。 很豐富的一餐了. 通常兩個人都吃不完, 要帶走呢。順帶一提，侍應有禮，態度照好。

本身之前去過食物ok，中湯最好飲所以今日先諗住再食。開始個時聽電話個服務員咩都唔問，個外賣送到黎個外賣仔幾好禮貌，但張單多兩蚊，算啦心諗應該係外賣盒收錢，最後我發現無俾野飲我，我打返電話去問點解無野飲ge，佢同我講你無講我未唔俾lo，嘩個時團火開始上升，咁我話我第一次叫外賣我點知je同埋外賣係未要收多兩蚊ga，佢話咁你自己過黎拎lo我唔會送多次wo，我就上火即刻cut線。喂大佬我係睇緊鋪ga點去拎啊，我拎到唔叫外賣啦，我唔講妳又唔問，咁妳俾杯熱茶我條氣都順D啊，妳咩都唔俾都算啦，我問下都係得個知字je，妳求其俾個答案我我都由佢啦。妳咁串我真係想即刻閂門過去同妳對鬧，講真大家做野都有壓力我可以理解，但妳都係服務行業黎ga禮貌係基本啊，邊有人咁趕客ga⋯⋯真係越講越火，最衰無投訴部門

早前去玩完Tissot 既障礙賽大家都非常肚餓出返荃灣是但搵間野醫飽個肚咁去到 是是但但咁就入左黎呢間茶就 感覺上都多野食簡我就叫左個等餐個煎蛋好油差燒好硬個麵既湯底無咩味凍檸樂 應該係最正常掛？正野 得一片檸檬而個到侍應佢地係好得閒既忙又無記性咩事 一樣野要講幾次

今日收工,行去mtr途中,見有d肚餓,就求其入左依間茶餐聽食飯,我叫左芙蓉蛋飯,蛋表面煎到脆脆的,但d飯就林林的,食落環有小小泠,不熱的,失敗之作!芙蓉蛋食落,味道就麻麻,因為無乜味,要加上鼓油調1調味,不言就無乜味道,加左鼓油調味,之後,好食左好多呢.......

行完商場攰攰地, 諗住搵個地方坐低休息下順便醫下肚. 就響商場對面有幾間茶記, 是但入左一間. 睇睇餐牌樣樣都唔平, 最後揀左食特餐($40), 凍飲+$3.五香肉丁, 午餐肉公仔麵, 麵係大光麵, 幾硬下. 五香肉丁自己醃果D, 所以味道無罐頭咁好味. 午餐肉正常囉, 不過唔算太厚.跟餐既火煺奄列+蒜蓉多士, 奄列都算正常, 係少D火煺吧. 蒜蓉多士唔熱既, 又凍又硬, 唔知想點, 有點咬唔開.凍奶茶算係最正常既野, 可以飲得過.

荃灣廣場附近食店第五間叫了下午茶又係22元，辣肉香腸炒天使麵，我見話炒天使麵，我先至想吃，來到點樣看都唔覺有炒過，似食肉醬意粉，將肉醬撈勻天使麵，幸好個汁好味，令到我開胃，吃哂。

夠了, 此乃最後一個食評, 亦累積了數款早午晚套餐! 這間餐廳在荃灣有三間分店, 呢間是我們幫襯得最多, 說實話, 食物不是樣樣也做得出色, 只是服務最令人滿意, 我們一些小事如碗筷, 習性, 侍應也開始知道, 我們不需多講, 有時蒸魚不想太鹹, 豉油另上, 有時蒸水蛋也走豉油, 他們也能應我們要求做到, 而且也不會多問, 讓我們舒舒服服地用晚餐, 這才是優勝的地方!除了服務, 食物方面總結如下 :早餐是一般, 但跟餐麵包有時會配上牛角包仔, , 方包也是十分鬆軟的!午餐多是三十多元, 有時遇上有蒸餸飯也是不錯的選擇! 這裡的斑片做得較腍滑, 隔離美倫是死實的! 絕不要叫水餃, 雲吞..餡料不太新鮮, 燒味...叉燒通常也要半肥瘦, 個人喜好吧!晚市, 我們多叫些蒸餸, 魚類可選擇不同煮法, 如五柳, 涼瓜炆, 酸菜魚湯...但全也做得一般, 特別是經過炸熟處理的就最差, 好硬!相信大家出外吃飯, 如果那天不想想太多, 便梗有一間是相熟的, 以上只是給大家參考參考吧了!

不知不覺...它由成為我們其中一間家常飯之食肆, 全因老公喜歡它的晚市套餐可以任意加多減少, 碟頭炒粉麵飯可飯/麵, 餸分開上! 以下是我們試過的小菜, 炒粉/麵/飯, 有些出色, 有些較遜色, 大家可參考參考!大馬站煲套餐, $42, 連中式燉湯, 白飯, 聽就成日聽…但卻首次吃到…其實是蝦醬火腩豆腐煲, 味濃, 略鹹, 火腩好鹹, 豆腐好多, 幾腍滑, 中湯顏色好深, 好似好濃, 老公話普通湯一盅!時菜斑腩炒河 + 奶茶, $39, 汁另上…無咁油, 但原來剩河粉都用上幾多油來炒, 食咗三, 四件斑腩, 炸漿厚厚, 魚肉算滑, 油上加油既食品, 耐唔耐先可以食一次啦!地們菠蘿咕嚕肉套餐, $42, 咕嚕肉有咖哩味, 香口, 微脆, 酸味較重, 咕嚕肉份量都有幾多, 但菠蘿, 青椒就唔多!涼瓜炆斑腩飯, $32, 估唔到碟頭飯都可以分開上, 呢個做法唔錯, 因為獻汁可以隨個人喜好加多減少, 不過, 炸漿厚厚, 涼瓜有少少苦味, 獻汁略鹹!瑤柱肉碎蒸水蛋, $44, 上碟時忘了走豉油, 幸而隔走後也不是太鹹, 水蛋滑, 沒有瑤柱多了菜莆, 軟滑之餘多了點咬口!

星期天...沒有出外郊遊, 兩公婆一定留在家準備下星期的工作, 朝早去完 physical....吃了個芝麻卷就停口....能忍口的日子要忍下口, 真的不能餐餐都放肆, 明早開始要戒一星期麵包及食麥皮了, 膽固醇不知是否又再超標??上星期晨早試過泊底車買了麥皮 + 蛋治 + 奶茶套餐, $21, 上車後急不及待拿了份熱辣辣蛋治, 麵包鬆軟加上蛋香....好好味, 反面麥皮就不夠細綿!今天下午再一次光臨, 希望午餐有所改善, 老公叫了中式牛柳飯, 羅宋湯, 奶茶, $30, 我要了紫菜手卷鮮魚札米, 茶走少甜, $30, 以為是新口味, 可惜跟上次一樣是魚皮餃, 實實正正, 米粉送了河粉照吃, 不過, 唔太滑, 奶茶...茶味較重, 但跟奶味是分開的! 上次老公也叫套餐, 同是送上羅宋湯, 和這次一樣如水般稀! 短期內, 午餐晚餐也不會再幫襯, 但戒口後....蛋治是我最期待的!

千璍結業後, 由它頂上, 裝修的時候....多麼希望是翠華 (以前呢條街都有間翠華嫁)!老公自己試過呢間, 話麻麻, 曾試過分店既蒸魚...麻麻地, 下午時段, 各自叫餐食, 我叫了魚皮餃米 + 茶走, $25, 秘製湯底食唔出, 魚皮餃好細粒, 無咩餡, 奶茶帶點酸! 老公叫了午餐, 涼瓜牛肉炒蛋飯 + 奶茶, $30, 食咗件涼瓜, 好苦, 已停步, 我想....應該沒有下次了!