富都茶餐廳

營業中

休息中

疫症下，少咗外出食飯。難得今日行街，就去附近搵間餐廳食個tea。。朝炒牛河炒得有點油，但份量好多！牛肉片都好多，又有芽菜洋蔥🧅，熱辣辣好香惹味！焗豬扒飯首先個飯底唔係炒飯底，同啲飯唔係一粒粒係一patpat嘅，所以有點似爛飯。但個蕃茄汁好好食，味道不錯，豬扒都正常嘅餐飲加3蚊可以點紅豆冰紅豆唔夠淋，但唔會太甜所以好飲餐廳好多卡位，不過啲梳化係凹咗落去，唔好坐嘅☹️地下有垃圾，有小小污糟，不過啲員工幾友善又有禮貌。茶餐廳嚟講可以接受啦😬

今天中午到荃灣午餐，只為飽肚，故沒有細選。經過這邊見幾間茶餐廳，因為疫情，都希望坐得闊落一點的座位，見這店有卡位，同鄰座有點距離就一試。叫了梅菜扣肉飯和豉汁炆雞飯。有中湯或西湯作選擇，湯是正常的，中湯也不乏湯揸。飯來了，飯粒軟硬適中，但那炆雞真叫人不好受。除了一件正常的雞背肉外，幾件都雞腿尾端的跟位😔⋯⋯唔通啲肉留返來晚市啫啫雞煲？！🤨 另外的梅菜扣肉，味道正常，但扣肉淋淋，也很薄哩！幸好，杯熱奶茶是正常，而味不苦澀，也香滑。不然就真的只有劣評😔。不過，總括而言，我們都不會再光顧，反正荃灣茶餐廳多的是。

不注重衛生今日繼續搵新地方食早餐，富都系荃灣都算系老牌茶餐廳，外表同裝修都可以睇到幾老，係肺炎緊急的時候，真系無乜衛生意識- 服務員戴口罩戴一半，露出鼻哥-水吧兩個師傅都無戴，仲不斷同外面服務員大聲講野-仲係度剪卡通箱紙皮準備做外賣隔層，卡廷箱運輸途中放系地下或者其他地方邊個知道。叫左兩個餐，基本可以OK-沙爹牛肉幾多但無乜牛肉味-煙肉當然系大部分茶餐廳用的假煙肉啦-cheese腸吾多脆皮-湯底可以接受。

晚飯49蚊薑蔥鷄飯, 有湯, 有熱飲。不過不失，可譄說是十分合理的茶記價錢。應無嘢可COMPLAINT。個例湯似是南瓜煲豬肉。個鷄有薑絲，有蔥粒。份量中上，白飯新鮮。加埋熱奶茶，十分滿足。

平時都有喺呢度食晏，無要求嘅都可以嘅，今日行經見LUNCH有蠔仔湯飯就入去食啦，一放落嚟已覺得好有問題，湯飯，但只有少少湯浸住，最大問題係一食落口先出事，第一啖，有殻，都算，預咗有，第二啖都有殻，加上絲瓜係苦，第三啖都有殻，跟住我就唔想再食，阿姐見到話換過第二樣俾我，我話算，已無胃口再食。。。。。。。。。。我應該唔會再帮襯

想普普通通食個住家飯，所以就來左富都，因為勝左性價比高！我點了一個晚市套餐，咸蛋蒸肉餅飯，肉餅份量超大，加配一碗白飯！ 晚市光顧還送一燉湯！ 今日燉湯係 紅棗燉排骨👍🏻👍🏻👍🏻 每次飲都十分出色👍🏻👍🏻👍🏻

某一晚 , 到 荃灣廣場 睇完午夜場之後 , 突然饑腸轆轆 , 要找點吃的 , 但實在都是夜深 , 大多數餐廳都關了門 , 唯獨是這一間 , 就在戲院對面的 富都茶餐廳 仍然營業 , 於是就衝入去幫襯 ~Menu ~福建炒飯 : 因為夜深的關係 , 本來就對食物沒有什麼預期 , 但這碟 福建炒飯 就是異常的好味 , 而且勁夠鑊氣 , 吃得出這個炒飯的炒飯底 , 廚師是落心機去炒 , 芡汁的稀杰度和味道都煮得不錯 , 食材也絕不馬虎 , 更可以用豐盛來形容 , 讚 ~真的想不到 , 深宵茶餐廳的出品 , 竟可媲美酒家的水準 , 確實有驚喜 ~本篇完 ~

兩個人叫個二人餐抵食d, 其實三個人都夠食～ 二人餐都兩個湯，一個深色同油好多，一個淺色同清好多～ 兩個都好飲，油果個更加濃味～ 兩個都好足料，勁多排骨！最重要係夠熱！二人餐就係多咗碟油菜，要咗芥蘭～ 啫啫雞煲個色水幾靚，但豬潤完全無味～ 反而洋蔥、乾蔥蒜頭好味！不過雞嘅份量都好多～ 依個價錢黎講都OK啦～火腩炆鱔煲火腩嘅份量好多，反而鱔就得大概四件，鱔唔多新鮮，但依個價錢黎講，已經收貨啦～ 都係鍾意食佢嘅料頭～仲有兩個白飯同兩杯餐飲～ 埋單都係156蚊～ 抵食～

之前都食過這間荃灣茶餐廳質素不錯，位置都方便坐車回家又有電視睇，當然最重要這餐廳收得偏夜岩晒我地。今次十點多來到都有一半客人在，我地最後坐了四人桌叫了二人餐，價錢都幾合理而且份量都多，整體味道都可以。不久有紙包頂的燉湯就來到，入面可看到有不少材料而且味道味精不多，咸度剛好不過偏熱，這燉湯都是我每次最期待的湯品。
 
菜凍晒而且新鮮度一般，食左一半冇食。燒味併盤叫了叉燒和燒鵝，叉燒偏瘦但味道都可以，燒鵝肉不多，只屬一般。加了十多元的煲仔菜: 涼瓜班腩都來到了，味道夠惹味而且涼瓜煮得不錯味道剛好，班腩口感吾太淋身，配上醬汁送飯不錯，飲品檸檬茶的茶底不錯，檸檬都夠酸但奶茶就多奶咗少少。

突然好想食咖喱牛腩。個人麻麻日本／甜／唔辣／印度咖喱，即係想食嗰種濃味又辣辣地嘅咖喱。😂 行左一陣求其入左間茶餐廳，環境同衛生都麻麻，但是但啦，叫個咖喱牛腩飯先。盛惠$52無野飲，都算平過出面食了。見個環境同員工個樣都咁頹, 以為今次實中伏，應該係一pat咖喱隔離係白飯就算。點知！有驚喜喎，個樣唔頹，仲有啲胡麻醬沙律菜。再試下個咖喱，好夠味喎，又夠香辣，牛腩大部份都炆得夠林同入味，仲有埋牛根！好鍾意食牛根，通常出面要加錢，但呢度啲牛根又真係唔錯，炆到林哂同入味。牛腩同牛根分量都好夠，好滿足。Overall，地方唔算好坐, 但食物性價比高，會再黎食。

今晚睇完劉華演唱會,都成11點幾,又餓餓地咁就同朋友四周搵下有咩好野食食咩都好啦,醫一醫肚先一人一個常餐香煎雞扒米線/湯意配牛油厚多士加火腿奄列,加個熱檸茶及熱華田香煎雞扒米線/湯意-雞扒煎得唔錯,粉就硬左少少,湯冇咩味牛油厚多士加火腿奄列-厚多士都唔錯,幾香口,火腿奄列都OK熱檸茶及熱華田飲野係正常野

做我尼行，真係好難就到同事一齊放飯，通常都係獨食，今晚竟然就到五個同事一齊放飯，梗係去富都叫餸食飯啦！基本上諗得出嘅小菜都會有得叫，我地五個人叫左五個小菜開心share五指毛桃湯正正子呀！好香椰子味，清潤靚湯，無味精西蘭花🥦班塊，加左小小xo醬增加惹味，不錯豆腐火腩飯，屬於男人嘅餸，我食豆腐算了，都幾嫩滑支竹牛腩煲，熱辣辣好香柱候醬味，海量嘅支竹正合我心意，好好味蝦仁炒蛋，蛋好多，蝦又多，好足料，蛋炒得又香又滑魚香茄子煲，咸魚味好濃，我頂唔順咸魚味同太油，但同事們話非常惹味好送飯仲送左兩碟白烚青菜比我地，姐姐好好一班人食飯真係好開心

晚餐同父母諗住便便地就入呢間野。估唔到佢個晚餐set 都幾掋食，一上黎俾個燉湯你，wow,入面足料 排骨都好正。之後上嘅小菜， 份量大件，又唔會太重味精，比起d 連鎖茶記，無得輸。推薦！

星期日 放假日 諗住heahea地落樓下茶餐廳食一個午飯 自己一個孤獨的去咗富都食 叫咗午餐瑤柱蛋白海鮮炒飯叫完發現有啲伏位 不過要提返炒飯上有一住幾大住的青口是不錯的但炒飯炒得好濕 唔少飯都痴埋一舊 而且食而無味瑤柱同蛋白少之有少 只係見到唔少蟹柳絲同魚蛋片 成個飯真係無乜味 可能叫炒飯以外嘅會無咁伏

忍唔住要打...呢篇食評。黎左荃灣工作三年，近幾個月先從友人口中得知呢個天大嘅秘密！<富都24小茶餐廳>說實，晚餐6x-70蚊白飯任裝即造小菜燉湯，二人同行仲送靚靚油菜。生意都幾難做！係，不過因為有心、食材新鮮、製作美味，加上經驗侍應識做，手腳快！廿四小時，還記得第一次經過果陣心諗，乜料呀！我唔放多款小菜嘞，只係放一啲燉湯相片，係我每次另一位朋友黎唔倒食嘅時候我串佢嘅，好似有張係佢比我🤧。試下丫，支持用心美食及燉湯！🤤冷氣兩部大電視。(據消息晚上8:30前去先有燉湯，要記得啊！)