影片
又新街食多食肆都已被我倆食通, 這間富都給我的感覺只是普通的茶餐廳, 路過多次都未能吸引我. 但見過其他食家的食評對他們的鐵板餐評價好像不錯啊. 所以今日特別來試一試. 大約七時正店內還有不少卡位, 還有我最愛的大電視. 先看看餐牌有很多很多款色, 包括有西式, 鐵板餐, 中式套餐都有. 一場來到當然要試鐵板餐, 下次再試中式套餐~因看見隔離枱的套餐好像不錯啊~待應一手放下餐具, 手套和一些調味, 我們沒有要求茄汁和椒鹽的, 但不知為何要這樣奉上, 是給春雞的嗎羅宋湯份量不少, 起碼不是細細碗, 酸味不會太濃, 味道剛剛好. 而湯料亦很豐富, 有很多料不會只是剩湯, 有椰菜, 紅蘿蔔, 薯仔, 蕃茄, 西芹等等. 還有牛肉....每人一塊蒜蓉包, 很香新鮮製的熱辣辣, 包不會太硬太脆, 味道很香牛油味和蒜蓉味, 只可惜整件包太油了, 看看手指頭很恐怖呢~待應代淋上黑椒汁, 熱得把汁彈上了我的手上, 很痛啊..她連忙說不好意思, 但你是沒有心的, 不緊要吧~黑椒汁不算太辣對我們來說不夠濃, 大蝦的蝦頭是有膏的, 但蝦身好像有點晦~鴛鴦扒比較薄身啊~~~~~肉質還可以.等了很久的原隻春雞, 我想是即叫即炸的, 因起碼等了四個字有多, 但看看賣相真的不想投訴. 我已急不及待帶上手套, 誰不知真的太熱了, 隔了手套還會熱傷手指啊~~~~~~~~~~令我全晚手指頭都很痛先吃雞翼位不錯不錯, 連埋皮一起吃真是一流, 再到雞脾位很嫩滑, 雞味十足~~~~~~~~~~不要看這隻雞細細的, 其實很多肉, 和比我想像中大隻的~最後吃剩了雞胸位, 雞胸位帶點淡味, 我想椒鹽的用途是用在雞的胸位, 但已吃不下去了, 只吃了幾啖蛋炒飯, 飯只是普普通通沒有太大特別. 熱飲的杯很重啊~~~這個價錢已吃到扒餐和原隻春雞真是不錯, 最開心是我第一次用手把原隻的春雞消滅, 真是很興奮啊~~~~~~~~~
繼續閱讀
今晚一行四大一B又入元朗開餐, 朋友們都話想食西式, 記得之前行過呢間餐廳, 望過門口MENU, 係有中式同西式嘅, 就決定去呢間試下.入到去差唔多七點, 都唔係太多人, 我哋企喺中間睇下坐邊好, 因呢度全部都係四人枱, 但我哋企喺度咁耐, 竟然無人招呼囉, 我哋終於搵到一張勉強可以坐到五個人嘅枱喇, 百厭仔咁瘦無所謂啦. 但有一個人要面壁囉, 算啦, 呢個少意思啫. 到叫阿姐落單, 個阿姐一啲笑容都無, 可以用黑面嚟形容, 但佢啲態度同說話聲線又OK喎. 到晏啲有個疑似老闆娘/太子女嘅就歡容好多喇!我哋叫咗四個扒餐, 全部都係轉酥皮湯 (每個另加$18.00)第一奉上嘅焗法包多士--好脆, 啖啖蒜味同牛油香, 好味!酥皮湯有兩款--忌廉蜆肉同埋海鮮素翅, 兩款都好正, 又足料, 唔會"稀冧冧", 正! 牛柳扒煙肉帶子 $70.00-- 配薯菜, 磨菇汁-- 朋友要求牛柳要全熟, 我哋都笑說食牛柳要全熟? 一定好韌, 但出嚟竟然一啲都唔韌喎, 掂! 美式大雜扒 $60.00--配意粉, 黑椒汁--望落都幾豐富, 有巨腸, 雞翼, 豬扒同牛扒. 朋友略嫌黑椒汁咸咗少許. 吉列豬扒拼雞扒 $63.00 X2--配意粉, 一個蒜蓉汁, 一個磨菇汁--意粉唔係白烚, 而係茄汁炒過嘅, 好味! 百厭仔食咗兩大碗. 吉列豬扒好脆, 但老公果份比個阿姐一個唔該淋咗汁上去, 吉列豬扒"淋"曬!, 我個份就叫住個阿姐千其唔好淋汁, 等我夾起塊吉列豬扒先自己淋汁. 豬扒脆, 雞扒又滑, 味道又唔錯, PERFECT!另外配餐熱飲, 凍飲加兩蚊. 非常滿足!朋友同老公一致好評, 老公仲話好過小巴站果間安X添, 我哋以後想鋸扒, 又多一個選擇喇.
繼續閱讀
今日同呀哥&佢個FD一齊去食宵夜, 係元朗行下行下就入左呢間餐廳試下啦~都成點幾, 間餐廳都有4~5成full, D客就咩人都有, 好大眾化睇埋張menu, 佢真係好大眾化, 咩餐都有, 有中式, 西式咩都有~~禁我地3個就叫左2個套餐, 一個餐$47, 白飯+一個菜， 包餐飲同包餐湯都唔錯哦1. 芙蓉炒蛋外貌唔錯, 味道食落都幾香, 但係加左過多蔥, 令唔食蔥ge我好困擾2. 土魷蒸肉餅呢個肉餅味道很好, 份量都ok , 有嚼感, 唔會一夾就散但係可能落得太少油, 所以''痴''底overall, 都抵食ge, 宵夜黎講都算唔錯, 仲有電視睇tim~~
繼續閱讀
某個週日到元朗買完新衣, 本打算到天鴻吃出爐燒鵝,可是還沒過馬路已看到連門口也坐滿客人,反而有冷氣的富都餐廳仍有少許舒適卡座,那就轉投富都涼涼冷氣。密密麻麻的餐廳看得人眼花撩亂,鄰座的燒春雞吸引, 前面的炒粉麵也吸引,其他客人的西式意粉也像很吸引,結果還是選了拿筷子的小菜二人餐。二人餐少有的有幾款湯羹可供選擇,什麼香茜皮蛋魚雲羹之類也有,可惜是日例湯為清補涼湯, 不對口味!改選了西湖牛肉羹。一大窩牛肉羹3-4人享用也應足夠,清澈芡汁做成的湯底除了有不少牛肉末外,還有著絲絲蛋白,蛋白推得滑溜也不會一團團,煮得也蠻有心機;牛肉末間中有點筋,當作增加嚼頭好了,牛肉沒加調味味道但也沒有牛肉味,可是份量極足,交足貨了。看似配菜的香茜反而為湯頭增添不少香氣,味道也變得沒那麼單調,加上大量古月粉後,久沒嘗試的牛肉也不會難吃。在家難以駕馭的其中一道鹹魚肉片炒白菜仔,白菜仔幼嫩無沙,以實肉鹹魚粒炒得香氣十足! 不是死鹹的鹹魚粒鹹香有致, 切成粒狀為數也不少, 用來送飯真的很好;豬肉片切得大大片,只是被食用粉招呼過, 以致肉質太軟了,不太像豬肉感覺,很怪!簡單一道鹹魚炒白菜還更值得欣賞。本來點的涼瓜雞球,誰知送來了一碟疑似辣子/蔥爆雞的東西?! 請阿姐拿回廚房一問,原來廚房炒錯了,幸好這味菜我們也不介意,既來之則安之。可是這道菜看似多辣椒但沒辣味,蔥頭多也沒蔥頭香,只餘滑軟雞肉份量多,味道很平平!大人的餐飲熱檸蜜,蜜糖夠重手,可吃甜的大人也要加水才可以,一杯變兩杯,抵飲!!自己的凍檸茶茶味足夠,檸檬酸度夠,舒適!!飽得想光顧對面的甜品店也不能, 那窩牛肉羹實在令我太飽足了!
繼續閱讀
17-10-2009 Sat為男友預祝生日,想去元朗鐵皇日式鐵板燒食,去到時應該係7:25pm,等到7:44pm,重諗好o左叫咩食時,入面o既女侍應至講有幾個客打電話book o左位,都要等幾耐,叫我o地留電話.有冇攪錯?我o地等o左咁耐至講,而且佢限定每個客人只有60分鐘時間食飯,咁更加應該預計到幾時有位畀我o地啦.我o地留o左電話後, 咁我o地就行吓,男友話搵第二啲o野食.啊.,我記得交通廣場有間西餐廳又好似好好食,就帶佢行過去,係New York Café & Bar,點知一樣係fully booking,咁我o地又唯有走人啦.由於我同男友都唔係好餓,我就問佢再去唔去天鴻食?佢話好,但都係邊行邊睇,經過呢間,睇見佢o地晚餐又好似幾好咁,男友就決定呢間.我o地坐到差唔多最入o個個卡位,我o地要同樣係$46.00o既晚餐,男友要紐西蘭黑椒汁T骨扒飯轉薯菜,我要焗芝士菠菜蘑菇龍利柳飯,但可轉意粉.同樣,男友要羅宋湯,我要忌廉湯.佢要凍檸茶,我要熱檸水.落好單,我就影底menu,以防老人癡呆症,點知亞姐拎餐具o黎時見到,問我係咪抄o野?我答唔係.男友幫我補一句話係寫食評.之後,餐湯同蒜蓉多士到o黎,羅宋湯o既色好淡,我o既忌廉湯裡面有磨菇同長長o既火腿條. 飲落,夠杰,但味道就肯定唔係鮮忌廉湯,係一般茶餐廳會做o既忌廉湯.而男友o既羅宋湯,我問佢新唔新鮮?佢答可以啦,味道淡淡,溝水太多.而大大塊o既蒜蓉多士有啲韌,味道都可以.之後竟然係餐茶先到,但畀錯熱檸茶我,我就叫佢換返.然後兩個主菜一齊到o黎,都好大碟吓,男友o既薯條又係熱辣辣,好好味,黑椒汁味道怪怪,原來係燒汁加黑椒粒,所以唔辣,T骨扒亦當然夠腍呢.而我o既焗意粉呢,樣樣都OK o既,只係味道淡啲,龍利柳就煎到白裡透紅.服務:唔錯,都好快手.環境:裝修比o衣o家好輕簡約o既裝修好,因為天化都有花過心思,而卡位背係好高o既.總括o黎講,如果食物再做好啲,呢o度會好抵食.後記:原來經過埋呢間餐廳,轉個灣就係天鴻啦.而鐵皇日式鐵板燒呢,就o係8:32pm call過我,(我當時聽唔到),我都差唔多食完飯走人啦.
繼續閱讀