寶島

營業中

休息中

之前都唔知道這間小店有泡飯食，直至爸爸就話不如去食泡飯，原來就係這間 。之後都有食開這裏的魚腩泡飯，味道食咗幾次講真都保持到水準唔錯，但係其實佢咗好多唔同嘅嘢食， 我見到人哋嘅牛肉飯都好大碗，而且價錢都唔貴。其實可以下次再嚟試下食其他嘢 。勝瓜 蕃茄 魚腩米線 加 凍檸檬茶 $46講真話十分之好食又未至於，但對一個冇湯水既人黎講，這裡可選不同料面魚腩而湯底吾似味精湯已十分好，米線淋左才少但十分滑身，魚腩份量吾算多但十分新鮮。其實小店仲有其他選擇，大大碗價錢都吾貴，由中學食到而家，味道咁多年黎都保持到水準。

呢間寶島食過冇數次，舖頭細細，但客人多多，一個人來必食「窩燒辛辣麵配肥牛」，帶細路來食，推薦大家試下「茄子肉燥飯」，個女成日食到lam lam脷。講下呢個「窩燒辛辣麵配肥牛」先，點解禁鍾意食？因為平時响其他地方食，d湯都會煮到好稀，而佢地呢度湯底會煮得比較濃，而且好似加左d秘製嘅方法落去咁，食起來香濃而惹味，d餸除左本薄片身肥牛外，另外會打隻生蛋旦落去，加上呢個窩嘅熱度，搞兩下，蛋旦會變左d蛋花，好好食，辣度又適中，由頭食到尾都會保持温度，keep住熱辣辣 另外「茄子肉燥飯」d肉燥汁撈飯都好好味架，不過肉燥份量多d更好。見到佢最近新出「部隊鍋」，真係好想試下，睇介紹嘅相，應該要兩個大人先食得晒。

我明白晚市會比較忙一dd事源我今晚屋企無煮飯，落街買外賣返屋企。咁我買左3個飯啦，落左單未叫野飲。咁我諗唔到飲咩好，我話一陣再叫飲品啦。點知個老闆一句撻過黎「忙啊 無得後落單啊 無得叫野飲」你一個飯40幾50幾 加2-6蚊叫飲品我唔係叫一個飯喎 雖然幫襯你100幾200蚊野唔係要你拜我咁 但基本禮貌都要啦？我係一個消費者，係你舖頭消費，你因為忙而態度差到咁？我唔會當面同你嘈如果係呢間舖食，你就要忍受下佢脾氣。野食真係麻麻地，

寶島的外貌似足一間普通港式茶餐廳，但其實它的食物種類有很多選擇，除了一般茶餐廳的炒麵炒飯外，也有日式鰻魚及韓式辛辣麵等。今日我就叫左個窩燒芝士麵配牛肉，一上枱已經聞到芝士香噴噴，面頭的牛肉份量不少，雖然有少少過熟但都不算太韌，可以接受。辛辣麵的軟硬度剛剛好，因為我比較喜歡偏硬的麵，不怕會越食越淋。牛肉之前已經用洋蔥煮過，所以食落有陣陣洋蔥香甜味。*如果芝士可以多D就更好啦

查實屯門碼頭間唔中都有D好野食!今日返工前, 過左啟豐食LUNCH,入左呢間試下,叫左兩樣野都幾好食喎!滑蛋吉列豬扒飯滑蛋汁真係好滑, 好似隻生蛋打落去咁吉豬亦鬆脆軟滑!肉燥蠔仔雞翼麵線麵條果然好幼細, 好似食緊台灣麵線咁. 軟度適中, 唔會好一patpat.肉燥蠔仔份量好足, 蠔仔仲好大粒!!雞翼係鹵水既~味道其實係唔錯的~~~