寶島

營業中

休息中

寶島位處於啟豐商場，係屯門碼頭區啲中學生嘅青春回憶！呢間小店都幾有性格，睇佢哋社交平台成日都話忽然休息，食到食唔到唔係靠彩數，大家食之前睇吓佢哋Page喇😂 小編承認今次係嗌貴咗嘅，不過都係嗰句，小編真係鍾意食鰻魚呀嘛🤣 呢個鰻魚飯唔係普通鰻魚飯咁簡單，佢仲係窩燒飯，即係個石窩熱住，啲痴喺窩邊嘅飯會燶燶地脆脆地。塊鰻魚擺得幾靚，無乜碎骨，係唔錯嘅～不過講真，去啟豐呢啲平民商場仔應該食返經濟啲好，40幾50蚊都有烏冬、炒飯、麵線等等嘅嘢食揀～

唔好睇寶島舖頭細細，台式韓式日式你想食咩式舖頭都煮到俾你。韓式辣醬豆腐窩燒年糕🌶🐣呢個係我嘅摯愛，尤其而家天氣熱熱地唔太開胃，食啲辣嘢反而仲醒神。湯窩嘅材料都幾豐富，除咗年糕，仲有菜、半磚百福豆腐加一隻窩蛋，全部同辣醬都係最佳拍檔。七味雞翼🐔🐤隨窩除咗跟嘢飲仲可以揀一個餸: 豬扒、雞扒、腩片、墨魚腸、辣肉腸、黑椒腸、肉燕餃或雜錦海鮮等等。強烈推介試試佢嘅七味雞翼，醃得勁野味亦炸到好香口。舖頭仲會剪一刀分開兩條雞翼骨，食雞翼唔叻都唔怕，非常貼心。唯一趣緻嘅地方係，舖頭用嘅係一片片嘅上海年糕，而唔係一條條嘅韓式年糕，增添咗街坊嘅感覺🤔。

今天lunch去左呢間，lunch time 見到好多中學生，彷彿回到中學年代，舖位很小，有些桌椅擺放出舖外，講真不是坐得非常舒適，但卻有滿滿的人情味點了：真材實料，雞扒非常入味，配有窩蛋，令整個湯麵沒有咁辣，也多了一重口感和蛋香，芝士融入湯麵一起吃，是久違了的味道

我明白老闆你要做生意，但你同d員工冷漠對待我、我媽咪同bb，對d學生就笑哂口咁叫佢地坐低，我極之不滿意！等位等左10幾分鐘，叫我齊人先入，ok，合理。兩張大枱都寫「留座」，係我面前係咁笑住口叫班學生入黎幫襯，但我等齊媽咪+bb車黎，我問係咪有位，擰轉面唔想理我咁話：「等陣先！」我最後無幫襯，無謂阻你地做生意。之前食過，味道係唔錯，但人情味係「零」！我唔會再幫襯，亦會廣傳你呢間店對我地呢d媽媽係唔歡迎ge，無謂令更多有bb車ge媽咪受咁ge對待！我無打過食評，但你今日咁ge劣到極點ge服務，激發我打呢個食評！

《食過返尋味的屯門黃店》呢間小店之前已經食過一次，今次男朋友要求食多次，佢表示呢間好好食😋今次食完覺得比起上一次揀嘅食物更岩我食👍🏻🔻整體評價：🌕🌕🌕🌕🌑🔻價錢：人均$60佢嘅石鍋飯一如既往熱辣辣，雞扒男友形容非常好食，好入味夠香口；至於我揀左個韓式辣醬豬扒烏冬，我好鍾意個湯底🤤配埋個鍋真心好韓國feel，豬扒仲非常入味，有屋企人整嘅感覺❤️👉🏻另外今次比上次更好嘅係服務態度，上次冇咩特別，但今次有個疑似老闆娘嘅好親切呀😹我地問咩佢都樂意詳細解答📍寶島 (屯門)屯門湖翠路138號啟豐園商場地下25號

今日12點度食飯，未多人，三個大人帶住兩個五歲小朋友加兩個兩歲小朋友⋯又有兩架BB車，坐左張大枱，叫左三個餐食。食了差不多一小時，見到開始多人等位，老細都周圍去搵位，睇下可唔可以俾客坐。當然我地個度又有小朋友又有車就好難加⋯然後老細就話「嘩，咁大張枱呀～」講真，我都食左好多年，老細串串地都知，去到啟豐，好多時都係諗食呢間⋯比老細冷言我地佔佢張大枱！都諗住快d走人嫁啦⋯⋯最後收錢時仲要串我地「咁大張枱，做得$13x 生意」。忍不住話左老細幾句，但我相信佢都唔會在意。心碎了💔，因為真的支持左好多年，估唔到因為有小朋友比人咁對待，請真心留意！（爆左你幾句，唔好意思，請體諒帶小朋友出街食飯的父母）

雖然呢間對好多人黎講唔太就腳係屯門碼頭附近，但CP值幾高，如果大家黎得屯門可以去試下佢呀👍🏻🔻燒汁雞扒鍋燒飯評分：🌕🌕🌕🌗🌑價錢：$52佢呢個石鍋飯就普普通通，佢加左隻蛋入去個底到，覺得唔加有飯焦會仲好食；個雞扒好好食😋而且燒汁醬夠多好惹味🔻炸雞扒咖喱烏冬評分：🌕🌕🌕🌕🌑價錢：$38呢4分都係比個炸雞扒，因為真係好好食呀，唔只夠脆仲唔油膩，而且好入味🤤可惜個烏冬只係普通烏冬，問佢有冇得加錢轉稻庭烏冬都冇，不過個咖喱湯底都幾好飲🔻阿華田珍珠評分：🌕🌕🌕🌕🌗價錢：加$8出乎意料好飲，唔會太淡或太甜📍寶島 (屯門)屯門湖翠路138號啟豐園商場地下25號

🔹菜粒蝦仁炒飯 ($55)..一打開個外賣....大大兜好靚仔喎！撩幾吓仲要超足料，落咗十幾隻蝦、加入椰菜絲、雞蛋、青椒、洋蔥同炒，珍珠米每啖都充滿秘製燒汁嘅香氣！不過敗筆係蝦仁唔係好彈牙個種，但佢呢隻色又似係鮮蝦🤳🏻啖啖都好滿足啊，最衰外賣無得瘋狂落佢嗰枝燒汁😹食吓食吓竟然食哂.....飽到小pin🤯🤯🤯🤯..突然諗起佢個蝦仁/蠔仔煎蛋飯都好好食！

有食開寶島，細個到現在食都係，一直有新意，有好多選擇，今次嚐新，嗌左個意大利蟹棒芝士蓋飯，不定期出新餐牌 ，唔細份，鐘意佢哩到有海鮮配 ，有行開碼頭可以試下，推推推

無去多時再去食，坐下落單已沒有服務都不在話下，不時也會見到老闆及員工對等候落單的客人黑面的對答，等待外賣也是一樣，黑面的遞上外賣！而嗌了一份豬軟骨鍋燒飯$58不包飲品，飯是爛的，材料亦麻麻而已，不值那價

姐姐一家入屯門探我，我作為地膽，緊要介绍好嘢食。哩間寶島我經常食，味道質素可靠，實冇問題。今午突然即興游車河野餐，又已經午餐時間，决定買幾盒飯盒外賣去野餐。姐夫喜歡食苦瓜，叫左苦瓜蝦仁炒旦。蝦仁竟然有中蝦大小，爽口弹牙。苦瓜份量反而太少，唔係好滿足到苦瓜控。姨甥女食豬扒肉燥飯，豬扒好多塊，份量不少，大件夹抵食。两個小朋友一盒都够。我和姐姐分享蚵仔炒旦飯。蚵仔幾新鮮，鮮甜唔腥。連餐飲都係$40左右，一般茶記價錢，但非一般茶記頹菜式。

當天我在隔壁屯門湖山足球場練球，然後就有朋友推介說寶島餐廳的滑蛋鰻魚飯非常美味，甚至寫包單說如果不美味就他結帳。所以我們一行十人就在寶島餐廳要了十碗滑蛋鰻魚飯! 真的非常美味! 鰻魚絕對比得上高級日本餐廳的質素! 但價錢卻只是$56，平民價錢，高級美味!絕對值得推介。而且店舖位於海旁，沿路可以觀看美麗的風景。即使坐下了，亦能感受舒適的海風。還有不同的特飲，珍珠奶茶, 咸檸檬七喜...應有盡有。十人結帳也只是$600，每個人都只是$60。

今日晏就去左寶島食咁耐無去 貴左勁多以前曾經食過既雞扒炒烏冬 竟然索價$52不包餐飲咁唯有食普通雞扒烏冬 普通不過既野 竟然要成4個字先煮好其間老闆不停對客人呼呼喝喝話唔齊人你做乜坐 但明明個時先係12點正人煙稀少 根本唔需要等位 點解要趕人出去呢？-雞扒烏冬 本身想唔熱氣先叫呢個點知黎到係炸既🙂仲要炸到得雞皮 無肉食咁食左一舊都覺得好漏碗烏冬啲菜係我加5蚊加既全碗最好食就係啲菜烏冬呢 就清湯 白烚好似比醫院食咁 但雞扒又勁鹹喎總括黎講 45蚊又難食又受氣我寧願跌左都唔食-以前寶島好高質 搞到咁 都係因為出名 老細愈搞愈囂

一個人去食晚飯最適合就係去小店，今晚又來到啟豐商場，想試下其他食店經過寶島，見到門口餐牌有好多選擇，睇到呢度除左有碟頭飯，仲有食店誠意推介嘅韓式泡飯，辛辣麵，窩燒飯，自己平時都好少食韓國餐，接觸得最多都係辛辣麵，而且幾鍾意食，不過今次想試下泡飯，就叫咗個韓式辣醬豆腐泡飯配雞扒，個辣醬湯真係幾正，味道適中，配料有豆腐、雞蛋同椰菜 ，飯嘅份量都幾多，可惜個雞扒唔夠熱，如果係即刻炸翻熱就更加正，泡飯加埋凍飲都係50蚊，抵食。

下午肚餓去左屋企兩個屋苑距離既寶島，其實呢間野中學時期食到而家，都開左好耐，亦係我覺得比較有性格既餐廳，因為會突然無開想放假就放既餐廳。我地午餐加六蚊要左杯忌廉益力多。老實説，真係果罐忌廉同益力多溝既味，屋企都整到。味道當然好，都無溝稀到。煎蛋蠔仔飯，有蛋，青椒，蠔仔，食落無腥味，我個人再加多小小燒汁撈飯，十分美味，$41都係可以接受。女朋友點左炸豬排咖哩烏冬，咖哩烏冬係日式咖哩磚既味，豬扒炸得爽脆唔太咸，整體都幾好。