寶蓮苑素食 (已結業)

是日和友人血拼完之後搭港鐵返屋企，黎到上環突然想試試呢間素食店。未到下午茶時間，午市也冇特餐。發現外賣反而平好多，不過因為實在太累太肚餓，所以隨便叫碗素餃米粉（朋友要米粉）。估唔到，個餃子都整得好出色！其實要食好味gei餃子，未必一定要蝦餃ga。呢個素餃都可以滿足到個胃！雖然鋪頭的姐姐話唔落味精，不過如果真係唔落，應該做唔到咁鮮吧，可能是落得少一點。之後又試左個茶果，可能因為冇用豬油的緣故吧，唔係好滑好餁。不過就應該健康過傳統個d～買單時，見到搬鋪的通告。依家已經搬到皇后大道西尾去啦～不過呢間淨係做外賣，所以要堂食就剩返西邊街旁邊個間嘍！

最近，再幫襯 <寶蓮苑素食> 時，見到貼上告示：最後營業至5月26日(星期六)；將於6月9 日搬往西環 ( 近西寶城 ) 新址。建議食客到另一分店-西環皇后大道西308號地下。得知即將結業，心感可惜！ 趁尚有一星期，快些買份素食早餐一嚐！ 之前，看到其他食友的食評讚早餐美味又抵食！ 素食早餐粟米粥 + 點心兩件 $19素翅餃：沙葛、粉絲、紅蘿蔔、炸菜，十分惹味！ 略嫌包得鬆散！蘿蔔糕：混合了紅蘿蔔及冬菇粒，味道調教得不錯！ 還食到胡椒粉帶來的微辣！ 不過，質感很"粉"！粟米粥：包括粟米、紅蘿蔔、冬菇粒，只加入鹽，味道天然簡單！清清地總是美味！要幫襯的話，真是趁快嘞！打了這篇食評之後，收到 MJQueen 的留言，提及到蒝荽餅 ，趁著這星期尚在營業，不論味道如何，還是買一件來試試！ 當我買蒝荽餅時，其實我不懂怎樣讀？ 唯有，跟店員講，要一件呢個蓮蓉味！蒝荽餅 (蓮蓉) $4.5賣相一般！不太吸引！ 外層入口清甜！蓮蓉餡軟滑，甜度卻恰到好處！不錯！ 價錢又合理！

今晚到寶蓮苑素食吃晚餐。吃粥和點心。在餐牌上，一碗粟米菇粒粥是$27。另外，晚市點心特價，5件只售$12。點選點心後，看到店員用外賣碗和膠袋包裝給我。於是，我跟她說是堂食。她卻說特價食物只能外賣。原來她只算我共$26！便宜的晚餐，卻要我找地方坐下來吃。想到海旁一定有座位，便走10分鐘的路程。坐下後不久，便開始下微雨……不過，點心和粥的味道不錯。而且，份量亦不少。讓我吃得飽飽的。5件點心亦包括這一串5件的炸麵筋。酸酸甜甜的。圍邊脆，中間有韌度。因時間緊迫，我加快咀嚼，害我牙齒也軟了！

有時，我會走到 <寶蓮苑素食> 買飯盒，貪快、貪平又美味！ 還要食起來夠清，沒有味精的味道！感覺健康！ 雜錦炒飯 $22 菜芯莖粒、素火腿、紅蘿蔔粒、菇類...飯炒得乾身！例湯：紅蘿蔔蓮藕湯味清甜無油，飲完後下午不覺口渴！ 南瓜生根飯 $22冬菇、南瓜與生根的配搭！味道幾夾！不過，生根較為吸油！並非健康呀！例湯：菜乾湯白菜乾其實幾寒涼！孕婦不適合飲。

在上環要嚐中式的素菜，除了哈佛提素，就係寶蓮苑了。喜歡食素的我，也算是這兩間素菜店的常客。其實食寶蓮苑的下午茶是最便宜的。包白果或粟米粥，揀抄粉麵或齋滷味或自選點心，$20也有找。晚上用餐就要茶錢$6位，還要加一。今晚吃得很少，只叫了南乳粗齋煲和齋滷味（中）兩碟餸。南乳粗齋煲 - 有雲耳，蘿蔔，冬菇，草菇，蘑菇，黃芽白，粉絲，豆腐乾，腐竹等。不過我就嫌南乳味唔夠濃郁，蘿蔔不甜不入味，其他料尚可，夠大煲。齋滷味（中）我不愛吃酸齋，走晒酸齋的，可能好多真正食素的人不太喜歡這些假素肉，但我就好鬼鐘意食。尤其喜歡食炸腐皮。所以個人喜好就一定話好食。下次食多啲其他野再報告。

蘇杭街算是中上環一帶的食街，隨了食店林立，價錢也較大街那邊的便宜一點。今早就想到吃素食早餐，清清腸胃。這是早餐餐牌，點了炒米粉，山渣汁。米粉很幼很碎，用筷子吃也有點困難，而且材料真的很少，勉強找到幾條冬茹絲、椰菜絲、紅蘿蔔絲。味道十分一般。山渣汁是凍的，味道也較淡。看來下次要考慮其他早餐了。

午飯吃不飽，又想吃飯後甜品，見這裡有些糕點，於是買了一件試試。芝麻糕($3)：是一個正方立體，頗大件。軟軟的又不會太焾，有芝麻香味，不會太甜，很好。另外還有桂花糕、馬荳糕、西米角、糯米糍等多款小食糕點，價錢不貴，有機會一定會再試。

學佛之人不吃五辛亦無味精，這碗白果粥談不上綿滑，輕淡帶點腐竹香，天天吃肉，偶爾一碗水多米少的清心養胃粥，也不錯；炒麵不能下肉，只能以乾菇提味，醬油不香味道偏甜，吃不慣，野菜配料不多口感難免單調，油太多了，只好將麵浸在吃不完的白粥稀釋，去掉膩溜本質吃起來舒服多了。更多分享＠http://foodxfile.blogspot.com/2010/09/blog-post_26.html

講到素與齋分別，兩者不食動物、素比較齋多點選擇；素包括蛋、奶、五辛，所謂五辛即係蔥、蒜、洋蔥、韭及興渠。所以，素唔係想像中咁齋！當中，有些素食製品以大豆蛋白纖維或冬菇蒂為材料，做出各式各樣嘅素食品如素雞、素丸類. 素海鮮類. 素香腸類. 素扒類. 素點心類. 素鴨、......等等。今次，我幫襯呢度嘅外賣午餐，<豆醬香芋素肉生根飯> $21，雖然顏色方面有點出入，素肉係粉紅色，略似火腿顏色；不過，口感有點似真豬肉！不是想像中稔，有點似食豬肉撕開嘅感覺。味道尚可接受！呢個飯盒最多嘅係芋頭，全部都係粉同入味，就算食幾多嚿都唔會覺得餾。生根應該係會出幾多油，大約三、四嚿，面豉汁唔係太油！冬菇爽身入味！仲有粟米花芯粒，有咬感！至於，例湯：粉葛湯，除了以粉葛煲之外，還有紅蘿蔔、蜜棗、扁豆、眉豆。無油，味道甜美，媲美有豬肉嘅濃湯，飲完唔口渴。久唔久食餐素都好嘅，一來對健康好，二來又環保！

The place is right next to my Yoga place, so we decided to give it a try after our practice. The chestnut tofu pot is pretty good, but the corn tofu soup has too much MSG in it...

This was a Friday night dinner. 2 people order 2 dishes with mini veggie & corn coggee~The portion was larger than expected and we can only pack it homeHere is what we order:蕃茄豆腐飯 - Taste good, with lots of fresh tomatoes & beancurd 海鮮雜菜煲 - The veggie seafood looks & taste real, but the portion is unexpected BIG!齋滷味 - Average standard but not oily栗米粥 - Very good texture congee Overall, the food is great and the price is not expensive! Will definitely try again later!

我哋兩個嚟呢度食lunch，環境一般，仲要搭枱tim。我哋要一個客飯 - 素肉炒什菜($43)、小齋滷味($35)、咖哩角($10)和魚翅餃($10)。跟客飯有湯和白飯，湯十分清，有少少紅蘿蔔味素肉炒什菜 - 都幾大碟喎，有西蘭花、紅蘿蔔、椰菜花、冬菇和素火煺，味道偏淡，但都OK嘅，食齋都喺想食清D啫。細齋滷味 - 估唔到細齋都咁大碟，款式有好齊tim，有素鵝、素雞、义燒、鴨腎、酸齋、咖哩齋，味道幾好。咖哩角 - 內裡是咖哩薯蓉，味道唔錯，炸得又幾脆。魚翅餃 - 都唔知乜嚟嘅，淋 pad pad 咁， 唔好味。茶位$6 per head，要加一

話說今日嚟買素~同咗個waiter講要10元既素for拜神呀~佢竟然唔比盒我呀~ (態度又差喎)我以前買１０元都比盒我架，現在d人服務態度超唔掂呀~仲有就係我明明話咗要素雞鴨,不要咁多面筋~到最後一粒素雞鴨都無呀....只係得面筋丫..(我下次一定唔會再幫襯呀)

5/7(六) 3pm寶蓮苑素食,欲嘗多時,皆因每每下班總路過此區.趁有空檔,三點三落腳於此.自助形式,先付費購食物,點了下午茶$17下午茶:粟米粥及自選點心2件;另買下燒賣一粒$2.可散買一粒,好極!菜館沒太花巧的裝潢,面積並不大,跟大叔搭桌,沒法子!言歸正傳,粟米粥甚足料,除粟米外,還下了紅蘿蔔,雲耳,雪耳,口感豐富,更令粥底變得格外清甜!而點心們如燒賣及香茜餃,食味乃千篇一律的糊口;慶幸蘿蔔糕挺軟綿的,無奈近乎蘿蔔絲尤欠;蘿蔔味亦不重.味,屬水準以下.但察看其餘點心的長相不賴,價格亦滿相宜,或可再來!

20080512今日佛誕，旺地各間中式齋菜館無不人滿為患，策略起見，選了這裏，果然，預訂即有，抵達之後不需再等馬上入座，而且由於店面有限，充其量五六場客，廚房不致太忙，質素也可相應有保證。與uncle、auntie三人開飯，叫了兩個小菜一個客飯（跟白飯及湯），雖然一碗湯三個人分，作為開胃倒是剛剛好，湯很清甜……誰說湯水一定要放肉類才吊得出味道：）南乳粗齋：種類多配料足，南乳的味道很突出；八珍豆腐煲：上桌的時候“嗤喳”作響，鍋氣足得很，幾種“肉類”都很形肖，不過我最喜歡的還是裏面的馬蹄，爽甜得很：）白果鮮竹時菜（選了菜心）：菜心極之鮮甜，幾味主料搭配得不錯。總的來說味道甚好，唯一是芡汁略厚，似乎不夠健康，美中不足了。佛誕的緣故，預先訂了半打蒝荽餅，有無餡、豆沙、蓮蓉三味，也算應節。順便回應Gourmet KC前輩在四年前的一篇食評：有人叫此物作芫茜餅，其實芫茜蒝荽都不對，正解是欒樨餅，即是採用欒樨樹的葉片熬汁再配合糯米粉、黏米粉等物製成，是故呈此深綠色。在此時節食用，有人說是樹葉當造且取其暖胃去滯的藥用價值，也有人說是入口味香帶甘苦，寓意人生有甜酸苦辣不同境界，可參佛理。到底何故，不得而