將軍麵館

營業中

休息中

好耐無去過新北江食野啦今日咁岩經過睇下有咩食先 好隨心咁樣入左一間小店餐牌都好多選擇 價格又親民可能有外賣關係 人手又唔夠 坐左五分鐘先有人落單叫左個豬大腸粗麵 好入味 分量岩岩好翻食指數

這間店舖算是天水圍區內不錯的麵館。有湯面同埋撈面比顧客選擇。其中最出色的是牛展麵。推介👍👍👍值得一提既係，呢間麵館既麵，麵身較粗，爽口彈牙，食落好有質感！我呢次試既係湯面。 食物方面：牛展麵，味道十分好，牛展爽口，味美，牛味十足。湯既味道麵唔錯，唔會淨係得味精味。麵質爽口，鐘意食粗身麵條既朋友可以一試。價錢唔貴，人均消費：30-50蚊左右。總括而言，會再食。天水圍區不錯既平民食堂。下次我會想試下食撈面。

將軍是我同老公間中會去吃的街坊麵館，位於新北江，在我家搭一程shuttle過去就到，算是很近的了🙈。新北江真的有不少餐廳選擇，而且各餐廳雖然地方小小，質素卻不錯。現在的我眼闊肚窄，明明肚子餓了，可是能真正下肚的，卻不是很多。雞翼豬手麵 - 老公叫的，雞翼和豬手都很入味，很淋。豬腩肉麵 - 我和老公的都是粗麵，我喜歡有口感的，不要煮太久，這個麵是合格的。麵很多，大碗得我吃不完，眼見隔離左右的女士都吃不完，下次還是叫少麵好，不要浪費。都主菜 - 豬腩肉，反而太瘦，所以不好咬也不好吃。是近期豬肉有豬溫貴了，所以質素不好嗎？湯底濃，加上本人喜愛的莞茜，味道更上一層樓。$40左右一碗，CP值高的街坊食店。雞翼豬手麵 - 老公叫的，雞翼和豬手都很入味，很淋。黑豆漿 - 這隻豆漿是好喝的，不過配這樣味濃的麵，還是像凍檸茶這些，透心涼的飲品較配。

今日同朋友做完運動，黎到新北江想搵啲野食，佢就帶左我黎呢間將軍麵館。我叫左個豬頸肉撈粗面，好大份，撈黎講唔會太乾或太濕，岩岩好。平時食個啲有時醬落得太多會好咸，但呢到就岩岩好。粗面口感都唔錯，推廌！

喺新北江商場，好多人都鍾意食米線，所以米線啲鋪頭五花八門，比較新開嘅相信係呢間將軍面，未食之前朋友已經推介過，話用料好足好抵食，再有黃辣椒，麻辣，唔同種類嘅辣醬比你揀，鍾意食辣嘅朋友一定要試！

比起米飯，本人更喜歡麵食，貪其爽滑彈牙，富有口感。 位於天水圍新北江廣場的將軍麵館，是我一個人覓食時頗喜愛的麵食之家。.將軍牛展面（$40)餐枱使用大理石花紋，餐碗與餐更使用青花瓷圖案，富具中國特色。滷水牛展調味剛好，不會過咸，牛展炆得鬆軟、甘香，沒有像其他店鋪一樣，炆煮過短時間，致吃下時又乾又硬，嚼不動。炸醬單吃不過不失，但拌上店鋪的爽滑彈牙粗麵一起吃，卻起了加乘作用。值得一讚的是，店鋪的湯底非常鮮美，細心發現，留意到店鋪湯底是標榜以大量鮮肉及豬骨秏時熬製，無添加味精，天然健康美味，所以食完都吾會口渴。👍🏻

叫左個大辣肥腸幼面利伸係叫foxdpandx 送到過黎個面淋到一夾就斷 完全唔知食緊咩咁🤦🏻‍♀️😪其他野都正正常常 個肥腸都好食既 但就係個面太淋喇 叫外賣既話 就自行參考呢個post啦

係新北江食黎食去都係果幾間，呢排發現多左啲新既食肆，包括呢間麵店，唔知開左幾耐呢！同朋友都係第一次黎食，我點左個豬腳麵$38+豬紅$6 +白豆漿$6其實可以簡番大中小辣，叫完之後先發現，唯有加枱上面既辣椒油就算～～第一個感覺係碗麵真係好大碗，食落幾彈牙有咬口，其實湯就比較濃，食食下有少少咸豬腳正常，都淋既，没有太多調味料豬紅都幾好食，一咬就開，冇異味暴力青瓜$18爽口，重口味，大量蒜同麻醬，午餐食到到夜晚都仲有啲蒜味「陪」徊係喉嚨結論：可以encore!🤗🤗🤗

將軍撈米線🍜($26)➕豬軟骨($6)首先個撈米線本身配料都已經好豐富,有芽菜,甘筍絲,京式炸醬,花生,蔥花,芫茜😋京式炸醬既味道本物都好濃郁再加埋芫茜同蔥花既香味好正🥰豬軟骨都有3-4大件,煮得好軟身好正,重點係米線軟硬度剛好而且夠爽身🤩餐廳仲有好多唔同種類既麵物同小食選擇,太子都開左分店,所以唔想入到黎咁遠食既朋友可以考慮下去太子

今日就食左個麻醬撈麵 呢到好多餸揀 所以岩晒唔同口味既人 講返個麵先 麻醬就味道一般 另外我就加左豬大腸 豬大腸都算乾淨同埋味道唔錯 仲加左炸醬 炸醬應該係自家制 味道幾好食 黎到呢到一定要試下

食物質素 8.5/10咁岩黎開天水圍，知道新北江好多好野食，一於就黎搵好野食！舖頭都唔少，唔知點揀好，一見到尼間係食北京麵就話要入黎試試！麻醬麵我地入到黎差唔多14:30，係下午茶時段，叫一碗麵送野飲，而我就叫左枝豆漿，$30一大碗麵再送枝豆漿，抵食到爛！尼度既麵條應該係手打既，好有咬口，勁正！配菜有啲青瓜同紅蘿蔔絲，再加埋啲花生同麻醬，清新得黎又好惹味，好味！尼度碗麵偏大，一個普通女仔食應該會太多，而男仔就岩岩好！環境衛生 7/10環境唔算大，但都算坐得舒服，係午餐下午茶既好選擇！服務質素 8/10上菜好快，店員亦好有禮貌！

顧名思義是一間小店食肆，有3張四人枱，3張圓枱，可坐4-5人，很多時都客滿，坐滿人時，真的很擠迫，當然要搭枱，除非4人光顧呢我喜歡的牛𦟌幼麵，都不過是$38，內裏有白菜絲、京式炸醬、蔥花、芫茜等，如追加配料，每款$6如不是胃口特別大，女性可能吃不晒，若能吃晒都會好飽，因一碗大湯麵的份量都很多的牛𦟌好味，薄切且淋，喜歡；京式炸醬惹味，好送麵🍜，麵條又彈牙牛𦟌麵是湯麵系列裏最貴的，但個人覺得這碗有肉的大湯麵才$38，很抵吃呢😁；溫馨提示😉，下午茶時段送飲品，當天選了罐裝可樂👏🏼

痲疹在機場肆虐，所以媽媽上機前都不去機場吃午餐，只在家中附近的將軍麵館吃碗麵，然後再前往機場。媽媽吃將軍酸辣炸醬麵，不過她趕時間我就沒拍她所吃的。我猶豫吃將軍京醬麵好，還是將軍麻醬麵好時，媽媽說吃京醬麵吧，最後我都聽了媽媽的建議。將軍麵館的份量素來給得不手軟，今次亦不例外，一大碗麵上密鋪各式配料，蘿蔔，青瓜，黃豆色彩繽紛，配色漂亮，又夠清爽。炸醬攪拌均勻，彈牙的麵條吸飽其醬汁，非常入味，肥牛亦是，且不油膩。水餃皮薄飽滿，肉餡挺有肉汁，配京醬麵吃確實蠻不賴的。

天水圍新北江商場 食店有好多間， 但係要排隊等位嘅就很少， 呢間將軍麵館 經常去到都係要等位嘅， 可見餐廳質素係有番咁上下， 而且 價錢仲好 抵食！將軍 腩肉粗麵$32用上手工麵， 爽口彈牙， 有嚼勁， 湯底 味道 比較濃， 腩肉亦 很爽口， 不會過肥， 再加埋秘製肉碎，很惹味！將軍炸醬撈麵$26以$26呢個價錢 真係冇得輸， 記得一定要撈勻嚟食， 因為撈唔搵食到最尾會有點鹹！冰凍雀巢檸檬茶$6， 喺惠康士多買都唔知呢個價喇人均消費$30元真係很難得！

午餐嚟到新北江搵嘢食， 發現一間生面孔嘅麵館， 價錢幾平下，就決定係度lunch. 其實已經係下午茶時段， 不過weekend冇tea time， 只係得午餐價錢。**平日14:30-18:00有下午茶優惠** 今次叫咗5號將軍撈幼麵 (中辣) 一黎到賣相幾好， 佢有好多配料(芫茜、蘿蔔絲、蔥花、芽菜、花生)， 餸方面我點了豬軟骨。食落我覺得佢撈麵醬偏鹹 小辣對我嚟講真係太少辣😂 不過佢喺枱面都放咗兩款唔同嘅辣醬，呢個都幾令人意外，因為好少餐廳會放黃辣椒醬。😂佢個黃辣椒醬比紅辣椒醬香， 撈麵一流! 將個面升級變得又香又辣。😂不過令人有少少失望嘅係豬軟骨比較硬， 要啲牙力先可以食到， 同埋唔係好入味。🤔總括而言環境同服務都好好， 價錢平， 食物就一般般。