專業咖喱皇 (已結業)

記得大約兩年前無意中經過這間店, 見到門口貼著很多食評, 冒險入去試一試, 對此店的乾咖哩印象極深! 當然還有塗紅唇膏的事頭婆啦! 早前再睇飲食雜誌, 說他們隨時退休關門大吉, 心血來潮又再探訪今次繼續乾咖哩, 選了牛柳 估不到的正! 牛柳勁淋且入味, 仲要剛剛好熟的(我們沒有事先要求, 我相信想要求都未必得!) 乾咖哩是其店特色, 沒有稀稀的咖哩汁, 只有一些咖哩膽碎, 非常開胃, 送飯或naan也很好另外叫了咖哩焗豬扒米線, 餐牌上沒有的, 是我們記得上次有米線食, 而且勁好味, 一問之下可以選焗或炒, 要了前者。等了很久很久, 米線幼幼的, 豬扒淋淋的, 而且焗得面頭有些燶了的米線, 脆脆的勁正! 那個咖啡呢, 要不是要開夜車就夜晚唔好飲了, 味道是極好的, 又香又滑又有咖啡味, 不過我真的晚上久久都還很精神!好多人說事頭婆態度差, 其實我覺得是睇心情的。我們去的那一晚她就勁好心情, 還跟我們開玩笑, 又同其他客人有講有笑! 其實佢一把年紀仲要日日開鋪, 有時心情差也是可以理解的~

出面個門口貼哂d剪報好似好猛料咁。入去打開個Menu, d 咖喱成4,5十元, 估佢賣咁貴唔知係咪好食好多?? 最後選咖喱羊。向個半唐番阿嬸落order, 點知叫佢幾次都唔應佢淨係執檯!!!! (唔得閒都應講聲"等等"吧!!! ) 等左幾分鍾先同你落order。個咖喱勁咸, 食完之後勁口渴!!!! :

睇完雜誌介紹話佢係佐敦至正，就好有期望咁去試下~食左兩個乾咖哩，味道ok，但只屬一般質數，個薄餅就好難食~令我最意外驚訝既係佢超差既服務：個侍應都無心做野：一個鐘已落錯三張枱order~要人客等完又等~我order左30分鐘都無野食！有個客唔等走左tim~個老闆娘同一個熟客得戚甘講佢間鋪一向出名要等好耐先可上菜，但都好多人黎食，皆因d野好食〈但我睇個日鋪頭七八成客係同我甘慕名而來，可能大家都係只此一次，有時雜誌介紹未必啱〉~另外，我想糾正人客等得耐唔係因為d"食物遲來"，而是因為d "order太亂"，攪到早來的人客等30分鐘(我)，但遲來的客只等5至10分鐘，真係好嬲！有些人客call 侍應跟下遲黎既咖哩，侍應"哦"完就無左回事，跟本無唸住去跟單！我好鍾意食野，但今次只係我第一次寫食評，因為今次"專業咖哩"真係差之極品！忍唔住寫！

个waiter完全唔介紹Ｄ咖哩有咩分別，邊樣好味，又唔問我哋要几辣。Ｄ餸出得勁慢，叫咗２个咖哩１棷菜。成歺飯食咗差唔多个半鐘。

濕咖喱好一般,但乾咖喱就好掂,首推印度乾咖喱,佢會跟多碗咖喱汁,但提議唔好撈飯,淨係用佢既乾咖喱撈飯已經可以食兩碟飯,食過印度乾咖喱後,其他咖喱真係比下去,勁推介!!不過佢地既價錢就真係貴左d囉!上次我食個咖喱蝦要260,勁肉赤,但d蝦又唔係真係好食得咁緊要,就算普通一碟咖喱飯都要78蚊,真係唔平,不過個印度乾咖喱就真係抵番囉!!

今次是第二次來，食左地捫乾咖喱雞及阿根廷乾咖喱牛柳。地捫乾咖喱味道濃，香，雞不太入味，滑是滑，不過有小小生生地，小小肥，雞味也不清不楚。阿根廷乾咖喱味道濃，對我來說太烈了，牛柳有幾件，應該是本地貨，切開第一條，有血流出來，比五成熟還生。明天有要事，怕吃後拉過不停，看它，爭扎了一段時間，死就死，吃了一口再一口，味道一般。這店人手不足，出菜慢，要有心理準備。兩個菜分別等了二至三十分鐘。每個咖喱是用心即煮，當然時間是長一點。

以上所指的是特地預訂的生炒糯米飯。本說6位起, 垂知朋友甩底, 訂了四位份量, 難得老闆好好人, 肯幫我煮少d, 是very nice! 雖說是四人份, 可有一個大外帶錫紙盤般大, 滿滿的, 咪話唔多。在街上拿著, 最深印象是其香味, 陣陣瑤柱香剎是吸引! 餡料有大量蝦米, 叉燒, 臘腸同大量蔥花, 仲有不見其樣只嘗其味的瑤柱, 感覺不錯, 不過料多返少少仲好。吃落口是大堆頭, 很好吃。不肯定是否生炒, 只知道不是一般蒸熟的腍身。同埋淡淡的瑤柱味令整體飯味昇華不少。個人認為, 四位用的份量, 加埋其他小食, 6個人分是剛好, 不然像某些不自量力的人般吃壞肚皮就唔好啦!

行開果頭..見佢自稱"專業咖哩" 咪入去睇下係咩料子羅.... 個餐牌都有好多唔同種類咖哩,`多都唔知係咩黎...我鍾意食芝士,所以叫左個有芝士果種(唔記得叫咩名lu), 炒米線& 唔知咩咖哩蝦....咖哩米線好多油不過好食芝士咖哩牛飯都好好味, 送飯無得頂...最好食係個咖哩蝦...蝦大隻仲食到係新鮮蝦, 個汁係幾個咖哩中最好味..唔知可唔可以用呢個汁黎整d 豬,牛,雞.....呢?! 因為個蝦好貴..$168 (我聽錯左係$68,所以叫左...呵呵..仲要比我bf串我)

有投訴它的咖哩不夠辣，有投訴它的咖哩不正宗。算了吧：單看它的餐牌- 特種印度皇族咖喱、特種馬來西亞咖喱、特種英國紳士咖喱、特種印尼沙爹咖喱、特種意大利芝士蒜茸咖喱、特種地捫酸辣咖喱…還有馬來西亞乾咖喱、地捫乾咖喱、意大利香草蒜茸乾咖喱、特級亞根廷乾咖喱、特級亞根廷乾咖喱…「特種」又不等於正宗：別投訴它「八國聯軍」吧。（更何況李師傅是做俄國菜出身的）是日要求「勁辣」「地捫酸辣咖喱羊腩」乙份（跟薄餅）：只可用「化骨羊」形容是日的羊骨腩- 十分稔，連碎骨都散散地；羊本身是有羊味的（羊腩煲用的那種）- 不可能用如斯香料、有如斯辣度、煮如斯耐的時間下，仲有點羶味。薯仔粉絲們，要你們失望了：咖哩是沒有馬鈴薯的。（即「亞龍」、「亞郭」等的「近親」）期間，靚姐不斷對著水吧喊「朋友！落D 落D」…因為她是印度人，因為我的roti 嗎？[ 辣度指數：微辣、小辣、中辣、大辣、勁辣]

終於有機會一試呢間好壞參半嘅咖哩餐廳叫咗一個乾咖哩牛，正，牛肉唔太熟，少少腍，香口帶點"so"，有肉味，乾咖哩加埋d松子食唔錯，夠特別，值得一試(不過有d貴，4、5塊肉+飯要78蚊)另外叫咗個英國咖哩雞，d雞大多數係骨無乜肉，咖哩太咸亦都唔覺得點樣『英國』法，比較港式個餅係超市都有得賣果d，個人嚟講唔鐘意兩個人食埋單118，略貴

我同個同事今日去食LUNCH，諗住試新野，行過見到這間係俄羅斯野，餐湯又有周打魚湯，咪試下囉。入到去，間野細唔緊要，間野得兩個人招呼，一個男人同一個唔知乜國藉的女人啦..坐左3分鐘冇人理，算啦, 大聲叫人, 個男人行埋來叫左野兩客吉列朱扒飯, 夠簡單啦, 但轉頭話冇, 算, 再叫過其他, 此時, 隔離枱又有人叫飯, 後來又有幾個人入來叫飯, 全部人的飯到了, 我地連湯都未有, 再催佢, 佢懶懶閒咁, 都人地差唔多食哂, 來埋野飲品, 我地都依然乜都冇, 由12點8等到1點1都係乜都冇, 我問係未做生意嫁?, 佢又扮聽唔到, 淨係話好快好快..LUNCH呀大佬, 要返工呀, 激到我死死下..催左幾次都乜都冇, 仲問返我地幾次吃乜, 我頂佢呀, 坐到搭1頂唔順, 乜都冇得食, 今日仲鬼死咁肚餓..激死我喇!! 走左之後, 咪用15分鐘極速走去食左碗米線就返公司...嬲爆呀!!!

呢日係係我生日正日，諗住試下講左好耐都未食的專業咖哩。佢話明乜乜俄羅斯咖哩，原來係有俄菜，又有咖喱。個老闆猛推薦我地食乾咖哩，咁咪試下囉。我地叫左個乾咖哩羊同意大利咖哩雞。老闆話羊肉已經有乾咖哩，唔駛再點汁，點知食落去冇咖哩味既，邊有乾咖哩呀？最後又要點汁。個意大利芝士咖哩冇芝士味，講真，意大利邊有咖哩架？最後咪又係印度咖哩味。之前對呢間野都幾大期望，以為好食，點知期望越大失望越大，價錢又貴又少，去佐敦咖哩屋食好過。

此處食物及價錢都頗參差。好多乾咖哩都幾好味，例如牛，乾咖喱炒飯等，不過就比套餐貴d，份量都幾多，最好share食。上次同朋友2人叫左個咖哩扖餐(左馬來西亞咖哩,約35元)、乾咖哩牛(好味,不過多到食唔晒,約70元-80元)、羅宋湯(比較多薑那種辣、沒有了以前在紅磡開店時又香又渨的感覺，約30多元)及椰子冰。

估都估唔到一間咖哩屋, 午市套餐係俄羅斯餐! 都唔緊要, 就散叫兩客馬來咖哩魚&印度咖哩雞!嘩, 食入口成口粉的感覺, 從未食過如此差的咖哩!!! >_<

今日行過,見呢度好似唔錯就入o左去試.呢度有好多種咖喱,例如印度,馬來西亞,英國,印尼,意大利同地捫酸辣咖喱.試o左個印度皇族咖喱牛腩飯.牛腩很"淋",咖喱少少辣,比較杰,味道唔錯.但係以咁o既格局同地點o黎講,呢度D野食係絕對貴!呢度見識過就算,要食咖喱我寧願幫襯大快活,味道相差不遠但價錢差好遠!!