小南洋 (Citylink)

營業中

休息中

又貴又難食，收得貴仲要唔跟餐飲。無下次。雞肉唔新鮮之餘，燒雞係凍嘅，而且完全無油香。食物份量少，連醬汁都係食過最難食。若果一心想食好味海南雞或新加坡菜，呢間真係唔推介。

出面30幾度，入到黎無冷氣，出面商場都仲涼得多，入黎個個都食到係咁撥手同抹汗，仲有人寫話佢服務好，佢答一句，無得校，已經校左25度。完全感覺唔到有風。叫野食，手機落單，一開頁頁引無，門口電子牌有乜有乜，入到黎。。。如圖啦都唔知有咩可以食，得即食麵，我去茶餐廳食好過啦。又熱又無野飲要散叫，廿幾蚊一杯，我都想起身走。眼見幾枱客入左黎都起身走。叫埋野食黎更加失望，份量少，味普通，見好多粉粒，似係加味粉。咁既價錢，咁既份量同質素，忍唔住寫返個食評。

抵食但店員服務好hea😂下午茶餐 - 西多士條配餐肉蕃茄濃湯通粉 $38 （包熱飲）只係睇個價錢就覺得好抵食，有通粉，小食同埋包埋餐飲都只係38蚊😍 味道正常，份量可以，都飽既，唯一唔開心嘅係我睇餐牌原本諗住叫熔岩多士配通粉，但係佢個點菜apps就冇得揀😢問個店員邊度有得叫，佢淨係好hea咁樣叫我睇茶餐嗰版，自己點😢

睇過食評好多都話店員黑面、冇禮貌🙁🙁，我第一下入去餐廳嘅感覺其實都係差唔多，店員的確係有啲目無表情😑😑講嘢比較倔、冇尾音😧😧，不過態度都係客氣嘅😊😊，最後埋單都會笑住講多謝☺️☺️，我就覺得可以接受，但確實係有改進嘅空間😆😆～～～海南鴛鴦雞飯套餐～～～（跟豆腐）分別係海南雞同燒雞，兩款雞肉都麻麻地，外表唔吸引，雞味亦一般！😐😐但油飯做得幾出色！😙😙重點係跟嘅湯帶有藥材味就怪咗啲😅😅豆腐食落順口，唔會死咸值得一讚☺️☺️～～～雜綿肉骨茶～～～同海南雞飯嘅湯同樣嘅中藥味，但濃味好多似飲緊一個中藥湯😀😀內裏有豬仔髀🍗、大腸、肉片、豆卜😙😙豬仔髀🍗肉質就唔‘ 柴 ’，仲有兩隻添🥳🥳，其他都OK啦😀😀～～～香炸雞中翼～～～味道正常，係乾咗啲😬😬，我同🤴🏻正餐已經夠飽，唔小心叫多咗嘅😆😆，但我哋都有食晒㗎😇😇

食過最難食的海南雞飯， 量少， 鞋口， 汁無味， 唔會再試見佢裝修幾好， 入去試試， 叫了海南雞鴛鴦飯， 個量太約係我平時食概海南雞飯三份之一， 重點係重要唔好食。未試過食完海南雞飯重要出去再食。

第一次幫襯呢間，本身見之前咁多負評話服務唔好，所以打定底。點知服務不單只唔差，反而有中高水平(店員有禮，服務殷勤，上菜收碟快等)，唔知係咪轉左人定做左內部檢討而改善左。至於食物方面，叫左鴛鴦雞喇沙，中規中矩啦！

點野難吃都算了，賣單個時有個老男人無什麼頭發的態度特別差，無知係咪係老板，如果係這種做生意態度可能都係等執笠的啦，黑口黑面，點野難食又貴份量少，服務態度又差，，下次唔會在去

如題，唔係太肚餓唔想排隊，建議大家搵第二間。野食就真係一般，茶記水準。叫左叻沙同肉骨茶跟奶茶同檸檬茶。環境都可以，可能係啲服務員忙住執野，所以就唔得閒理你，語氣態度極差。冇回頭

早兩日同朋友去沙田附近行個短途山，行之前嚟左呢度食brunch，食完就覺得可以唔駛再黎了….⭐️海南雞飯(轉雞髀)💰6️⃣6️⃣由於我好怕食到唔滑既雞，所以專登加$6轉雞髀，但係嚟到見到有接近一半都係唔滑的，而且佢既海南雞係無海南雞皮下面應該有既一層啫喱，好失望……佢嘅雞飯亦都係唔香，口感仲好濕，都幾難食…..😐🙄反而個湯有種好突出既藥材甘味，同平時海南雞通常配嘅冬瓜湯有啲唔同，呢樣都幾特別～⭐️燒雞喇沙摻摻💰6️⃣0️⃣個喇沙湯賣相幾吸引，飲落幾香椰味同帶啲辣既惹味，都唔錯👍摻摻既油麵唔會太淋，米粉爽口，不過用筷子一夾已經見底，份量少得可憐…..😕燒雞望落幾靚，肉質OK，但係只係常溫，如果熱啲會好食好多🙈整體黎講呢個價錢我相信有唔少更好既選擇。。。

一去到沙田我位公主就食好想去小南洋食飯因為有佢鍾意飲嘅美祿恐龍🦖 。講番間餐廳先，餐廳位於沙田站連城廣場，交通方便，店舖環境算整潔而且寬躺舒適，但店員方面服務只係不過不失，其實可以做得更好。 而家仲可以用手機QR code自己落單，非常方便！不過如果唔係因為我個女鍾意食，我諗我未必會選擇😅因為沙田實在太多選擇❤️今次我哋食咗星洲雜錦喇沙滲滲，有白魚蛋豆卜蝦同海南雞，湯底味道濃郁但唔夠椰奶味辣度就啱哂我☺️ 滲滲係油麵戲同米粉混合，口感特別。另外就係嗌咗每次都會叫嘅海南雞飯，雖然啲雞都幾滑，而且份量足夠。我唔太喜歡嘅原因因為啲雞係室温上，加上佢哋嘅冷氣，即係凍上。 每次都會嗌嘅美祿恐龍，跟餐都要加$17其實有啲貴，但份量都幾大杯味道亦都夠濃郁，阿女就最鍾意食晒面嘅美祿粉先品嚐杯嘢飲🧃 今次額外叫咗牛油咖央傳統多士套餐。 雖然份量偏細，不過味道真係幾好味，多士香脆，中間牛油加滿滿甜甜嘅咖央醬，不會太甜又夠滿足感！

星洲雜錦喇沙滲滲 $68有白魚蛋 豆卜 蝦同海南雞感覺上所有東西都是分開煮的魚蛋就好彈牙 豆卜好新鮮 唔係鄒蚊蚊嘅滲滲係油麵和米粉混合湯底唔夠椰奶味 辣度就剛剛好+$8小南洋紅茶 +煉奶+花奶真係估唔到 比較水 同冇奶味🥲只係飲咗一半Total$76 真係唔滿意🥲

位於沙田站連城廣場，地點交通方便，店舖環境整潔，寬躺舒適，店員服務不過不失有進步空間，我哋一行二人平日午餐，唔使排隊直接入去，用手機QR code自己落單，方便，我哋都係一齊叫左個海南雞飯，嘢飲要另計加錢，海南雞都算滑不過冇乜驚喜，只可說不過不失，油飯粒粒分明不過沒有油香，擺碟好求其食物飛晒出嚟，落單嗰陣時可以選擇走海南雞某部份，我選擇了就走胸，但係到頭來都係照俾你，咁做乜嘢要比客人選擇呢？？整體有待改善。

好味指數😋😋回頭指數 ⭐️開心指數🤗沙田一向都多嘢食，但人都好多，遇啱煩忙時段要搵食都唔太容易，因為有少少趕時間，朋友見到呢間有位就入去試下，點知又中伏！😅🍴南洋咖哩牛腩配法國麵包（$56）其實晚餐時間知道要食嘢，但又唔係太肚餓，就揀咗配法國麵包，呢個都可以配飯嘅！嚟到見到個咖哩好大碗，都幾多料！試下個汁先，嘩，好香呀！好濃厚，好好味！個法包都幾大個仲好香脆tim，滿心歡喜中！點知… 又係牛腩出事，勁勁勁韌，唔係好易咬開，咬到我勁攰！咁多舊牛腩中，得一半可以勉強食到，其他要放棄！😑🍴凍奶茶 + 煉奶（+$11）個奶茶有少少嚡口，加咗好有甜味嘅煉奶後，未至於難入口嘅～好味指數係完全歸功於個咖哩汁同個法包only，成餐就好似冇咗個主菜咁，只有食咖哩汁包… 我唔太肚餓jei，都唔使咁對我丫～ 好難再回頭！🙅🏼‍♀️

📍小南洋 ，沙田 Shatin肥牛叻沙 $68肥牛數量算多！！同埋肥牛唔會有太多肥膏👍🏻👍🏻 不過湯底味道就爭啲, 雖然顏色好似好濃味, 但一食就覺得湯唔夠濃同埋太油😅海南雞飯 $60海南雞飯跟左一碗湯同菜。不過碗湯完全無味😅😅。好彩雞同飯GE味道正常，無驚喜但都唔算差。整體感覺尚可 ，沙田周圍都好多人等位，如果咁岩經過唔駛等位可以試下。但如果想特登走去試, 就真係唔駛啦🙊🙊🙊

話說今晚非常肚餓，本來諗住食越南野，點知滿座要等位，咁見對面間小南洋冇乜客，心諗咪試吓新野囉，點知就真係想講句我知錯了，我應該信自己對眼，間餐廳冇乜人，仲走入去！？點完餐未夠五分鐘就唻齊啲食物，首先嗌咗燒雞喇沙，咦，個碗咁細既？我以為點咗兒童餐，心諗唔緊要啦，好食咪得囉，點知一食個燒雞，嘩，凍既！咦係咪搞錯咗？我叫燒雞唔係海南雞喎，我問個侍應，係凍食架？侍應話係呀，室溫。嘩大佬，你開緊冷氣喎，室溫咪即係凍？凍既燒雞咁盞鬼？然後到個海鮮喇沙，碟軟縠蟹係硬既，唔脆，應該係擺咗好耐之後整熱佢。再唻，隻蝦係冇味既！再唻，隻帶子係韌到車胎咁，我阿婆唻食一定假牙都飛埋出唻！最最最大既大佬係杯龍眼水，嘩！糖漿唻既？！我飲一啖即刻feel到成個喉嚨畀糖漿痴住咗！！我覺得好難得，成間餐廳可以近乎所有野都錯，令我相隔多時再出山打食評，所以佢係得既。公平少少啦，碟雞翼係ok既。不過人生食野quota 寶貴，呢間真係請都不了，真上了一課