小南洋 (Citylink)

營業中

休息中

我啱啱去咗一間小南洋餐廳，不過用餐體驗真係一般。佢哋下午茶都幾多選擇，價錢都算親民。我叫咗個下午茶，份量唔算少，不過等餸嘅時間真係較長啦，等到我都有啲不耐煩。我試咗佢哋嘅喇沙米線，味道真係唔ok！啲雞肉好老，好「鞋」。喇沙嘅味道都唔夠香，好淡啊。我都試咗佢哋嘅沙嗲牛肉公仔麵，但味道真係好普通啊。湯底好鹹，公仔麵味道都唔出色。佢哋嘅咖央多士都好林，令我有啲失望。南洋咖啡都唔係咁好飲，成餐都覺得唔好食。另外個地方餐具嘅竹籃發晒霉，衛生都真係要加強。

【沙田區】【小南洋】確診新冠之後，稿件數量愈來愈少，不過因為之前怕封城，所以都食定咗啲嘢打打底。我嘅意思當然唔係囤積住啲脂肪啦，而係食定多幾間餐廳，寫好稿就可以留喺幾日裡面用。睇得耐嘅朋友都應該習慣咗呢種模式，非常感激。擁抱武汉第四日當然係繼續留家休息，有啲讀者見我每日都出 post 以為我係一個「勞動模範」，其實我真人懶過鬼，而且又貪玩。呢幾日都係打住機咁過，冇乜生產力，冇乜做過啲乜嘢，仲摷晒啲嘢出嚟搞到啲嘢鬼咁亂。呢日嘅傍晚時份更加喺我打打吓機嘅時候發生咗件全港討論嘅事，就係政府出緊急通知，喺全港手機上顯示緊急訊息，表示伊利沙伯醫院而家係肺炎醫院。不過有人嚇親時，亦有人收唔到，究竟呢個動作幾有用，我就睇唔透。搵稿出嚟寫唔容易，雖然每日寫嚟寫去嘅嘢都差唔多，都要有啲食物擠出嚟至係架，起碼有 a little bit 資訊性咁先係嘛。喺沙田火車站連城廣場食過呢間星馬菜，今日就可以拎出嚟講吓，再之前佢成日有人排隊所以最近先食到。諗唔到食乜就不如乜都食，「星洲雜錦叻沙」有「海南雞」、「蝦」同「魚蛋」，都幫到手。啲料亦都冇令我失望，因為本身冇乜希望，都係預咗係正常嘢。麵底食「滲滲」即係「米粉

下午茶餐叫做個海南雞飯 50蚊雞得細細地四舊 細到冇眼睇跟住全部都係白飯我知50蚊平 但見到嗰幾舊細過手指尾嘅雞食起同大家樂冇分別真係嬲 blacklist🙃男朋友份肉骨茶就仲離譜 100蚊得兩塊五花肉，一舊骨肉其他全部都係齋菜 仲要冇飯嘢飲真係好搶錢

位於新城市廣場既小南洋位置夠哂方便，平日中午12點半去都唔洗排隊，叫左個喇沙試下~套餐（$77）價錢都算合理（加左特飲）味道同平時食開既差唔多，椰香味唔算重，麵質唔錯，冇過硬過軟

weekend到沙田，商場超多人，餐廳全部都排隊，行入少少見到呢間麵幾開場，即刻有位咗就試一試一坐低就比左個qr code落單，都幾方便叫左個豬頸肉喇沙米線豬頸肉都幾好食，唔會乾身都幾juicy反而個喇沙湯真係好普通，連啲豆卜都係唔入味🥲係有小小失望嘅

從來未寫過食評，但今次真係唔寫唔得😤本來諗住冇乜特別唔影相，已經將啲牛肉同米粉撈咗，所以呢張相碗嘢個賣相再差啲😅沙嗲牛肉米粉～除咗啲米粉同湯係小熱之外，上面啲洋蔥同牛肉，凍到好似啱啱喺雪櫃攞出嚟就咁放上面！我以為係廚房煮得唔夠熱，話俾經理知啦。。點知佢竟然答我「係咁㗎！」我話凍㗎喎！佢唔幫我攞去煮返熱不特止，仲講多次「我哋呢度係咁㗎！」竟然咁嘅態度都有😠 炒蛋同火腿OK，奶茶唔及一般茶餐廳好飲。咁樣凍食加服務態度，一定唔會有下次！

叫左個燒雞星洲叻沙，好彩啲雞係另上。碟雞黎到嘅時候有啲嚇親冇諗過啲雞咁細舊...賣相同想像中有幾多出入，而味道竟然遠比想像中鹹個味完全唔得。叻沙方面，我叫左摻摻（米粉＋油麵），麵同湯份量又係好少...連啲湯都唔夠送麵...成碗嘢仲要唔熱，完全唔值63蚊張二人枱好細張，基本上只係啱啱好擺到碗麵同一碟野，嘢飲要小心，唔好撞跌。見隔離冇人所以將背囊擺喺隔離張凳到，點知俾個阿姐話，叫我拎開佢，但係之後都係冇其他人坐...對客態度有待改善

第一次從某平台叫這家外賣，份量跟食物內容大失所望，一打開完全唔似海南雞應有既樣呀，回電問店員食物情況，er左陣就兩味合併就得幾塊，正常架⋯⋯整體體驗極失望⋯⋯下次不了

下午茶價錢okay. 份量一啲都唔okay.一碗叻沙價錢HKD 50, 有5啖麵嘅份量你冇睇錯，亦冇聽錯，係5啖麵嘅份量。適合絕食人士點用。其實生意難做，大家都明。但係賺錢還賺錢，應該對得住食客。（因為呢間餐廳已經冇服務，冇空間，質素限於okay) 提議：花時間Google學下pricing. Overall menu其實可以稍為加$5-$8 蚊. 絶對唔趕客，而且對得住自己良心同食客。你都想環保啲，長做長有，而唔係一次顧客。

Had 海南雞飯 and 肉骨茶 for lunch today. I would saymediocre taste and food quality. The ribs were hard. The soup was plain with one piece of garlic. The 油炸鬼 was dried and aged. The portion was small. Rice has to paid separately. Given all these factor, these foods are expensive. To make it worse, the cashier was rude.

周末常到沙田連城的小南洋食個靚早餐，真心，佢的早餐係好抵食！環境南洋格局，附送星加坡回憶！周末的沙田連城唔係間間有做早餐，除了米線陣，小南洋是較多人光顧！我們多數order多士+餐肉茄湯通+飲品早餐set, 但其實佢仲有其他多款選擇，但早餐嚟講，我都係喜歡包+粉我們order了﹕👏蕃茄餐肉通粉+咖央多士👏蕃茄餐肉通粉+花生醬多士蕃茄湯底濃度夠，加點酸辣，很開胃，但又唔會辣得誇張，而牛餐內係至愛，厚切粒粒。份量以前是較多，但近來已減少通粉，我而家就食得哂！👏飲品﹕小南洋咖啡(煉奶+花奶)又滑又香，我唔飲開啡都會叫！扺食早餐﹕$37-39

晨早去到沙田，唯一見到小南洋同另一間餐廳有開所以2選1之下，見餐廳裝修同環境坐位位置都頗為舒服，而且餐牌既早餐選擇都算多同幾岩食，所以決定入去試下🙂入到去就選咗S1 蕃茄餐肉通粉+太陽蛋多士!蕃茄湯底都唔差，通粉彈牙，厚切既厚肉粒，份量都非常合理！太陽蛋多士有意外驚喜，多士烘到脆加上太陽蛋，而沾上蛋汁食，正！整體賣相非常好！服務態度都幾好！餐飲我叫左杯熱好立克但就甜度比較甜，所以我就叫左侍應俾杯暖水溝淡杯好立克！真心推介，抵食既早餐之選 $37

週末午市竟然唔洗等位試過之後終於明白點解因為真心覺得個味道唔係太正宗星馬泰菜有啲失望點左海南雞喇沙，肉骨茶同沙爹串燒理論上係最拿手嘅菜色點知真係好普通海南雞算係嫩滑，不過好多油喇沙反之淡而無味，冇麻乜冇香肉骨茶既唔係藥材味又唔係胡椒味，咁即係唔係星/ 馬風情喇唔通係港式？🤔唔鹹又唔淡，唔講唔知係肉骨茶不過有2件幾大舊嘅肉骨🦴呢個就有新加坡影子喇，我記得都有咁上下大舊肉我鍾意新加坡style 多啲，因為係咯咯骨，可以咬，好爽😄至於配左個燒雞，好後悔🥲因為仲遜色過海南雞沙爹串燒要左牛同雞，共3串2款都係好un 😨沙爹汁另上，沒有花生味🙃

叫咗一碗軟殼蟹米粉，價錢為HKD 82，份量稍嫌細碗咗啲，份量真的不多，似下午茶多過午餐晚餐🥣 味道還可以👌🏻👌🏻👌🏻 希望以後份量可以加大一點，否則真係唔多抵

沙田一向係人多嘅地方，尤其是今日係星期六，想搵個地方食飯一唔係就要排長龍，如果唔使排隊嘅，其實個餐廳好極有限。我今日一個人去沙田，唔想食快餐，周圍行咗一圈，最後決定食尼間小南洋。唔知幾時開始，依家越來越多餐廳都要用手機落單。呢間餐廳唔係第一次嚟，記得上一次食嘅係下午茶餐，味道都算OK，今次就選擇咗南洋咖喱牛腩滑蛋飯。尼個咖喱飯個賣相都幾ok，滑蛋包住個飯，咖喱並唔辣，味道方面算係中規中矩。我鍾意佢俾嘅咖喱汁夠多，要撈勻成碟飯唔係一個問題。啲牛腩亦都悶得好淋，但係唔知點解就係有一啲會黐住喺一齊比較難咬開，整體上都叫做還可以接受。埋單$60，貴過茶餐廳少少，OK啦！