小富臨 (已結業)

一大班朋友諗住食個飯，見新開就試下。先唔講食物質素，好唔好味都叫個人口味。食完要狂飲水個隻都算。點完菜無啦啦黎個白飯，同個侍應講無叫，咁咪叫佢拎走。再食多陣，朋友想點個白飯比個小朋友，佢黎左個豬油勞飯。咁多隻耳聽住叫白飯都點錯都算，好聲好氣同佢講想要白飯，個侍應走開左個經理走過黎問到底要咩，因為之前取消過白飯而家又要，黎左豬油飯又唔岩，我就話我要白飯，佢夠膽死將個豬油勞飯個豬油拎走就放上台。大佬，佢個豬油勞飯無上個豬油其實個飯都係油飯，仲要有粗米。火火地就同另一個侍應叫多個白飯算。唔係有小朋友我一定爆獲佢。簡單d，無下次，第一次打食評，希望少d人中伏。

富臨集團開設了多間酒樓、韓國料理、火鍋店及茶餐廳，富臨薈於七月底開「小富臨」分店，餐廳以金色和暖色作主調，摩登時尚缺帶著中式風格。( 隻 ) 古法乳鴿古法秘製乳鴿皮薄脆香口，鴿肉結實精煉肉汁豐富，味道惹味香濃。蔥香燒腩燒腩肥瘦紋理清晰，每片厚度偏薄，口感柔軟不油膩，蔥花更帶出肉香。叫化雞店內招牌菜品，叫化雞做法極複雜，除了使用多種配料及調味料，還要以泥緊緊粘牢，再放烤箱烤焗，極耗時間，基本不會在家常菜食譜內出現。原汁原味，雞皮色澤光亮金黃，肉質肥嫩酥爛，腹藏多鮮，口感具特色。荷花蒸飯米飯配上扇貝粒、蝦仁、香菇等再以荷葉包裹再蒸熟，米香帶荷葉清香，飯粒鮮明煙韌中帶糯軟，不用配菜單單米飯已能下肚，味道佳。「小富臨」主打精緻點心、新派粵菜，無論在食物賣相上還是烹調方式也別具風味，環境乾淨舒服，價錢適中合理。

南昌新開左個商場V Walk 好多連鎖店都做緊新優惠 行完街就搵地方去食晚飯見到有間小富臨酒樓就入去試吓啦乳鴿 $29.8有優惠乳鴿買一送一 古法炮製我梗係試吓啦 紅燒好夠味道 肉質真係超嫩滑 仲好有肉汁 係「乳」鴿！！💁‍♂️💁‍♂️💁‍♂️💁‍♂️五星拼盤 $68估唔到晚飯都有點心食 蝦餃燒賣各一粒 雖然蝦餃皮唔算好薄 但勝在蝦好爽口彈牙 又大粒 💁‍♀️相比之下 燒賣出色啲 而豆苗餃都唔錯 好香好足料💁‍♂️薑蓉松露蒸龍蝦 $268龍蝦開邊都好大隻 蒸得好稔 配合超濃郁既松露 成個味道好突出 又帶出左龍蝦嘅鮮味💁‍♀️ 松露落得好大方 我仲留咗啲一陣加落炒飯度食 haha💁‍♀️紅菜頭鹹魚雞粒炒飯 $88造型係桃紅色金字塔 賣相夠特別 鹹魚唔會好重 所以食落唔會太咸 💁‍♀️ 有埋紅菜頭成件炒飯都健康啲 飯炒得粒粒分明 份量好多 幾個人食就岩哂💁‍♀️💁‍♂️花生苗炒蟶子皇 $158近期大熱嘅花生苗 電視介紹過唔係好多間餐廳有得食 估唔到小富臨竟然有 口感好爽脆 男朋友話有啲似大豆芽 味道好鮮甜 仲有一陣新鮮田園蔬菜嘅味道 好特別 蟶子皇就炒得好嫩唔會老 辣辣地夠惹味💁‍♀️💁‍♀️

南昌站上蓋又一新商場，於是約埋為食好友去搵下有咩新食肆，行過見到尼間餐廳格調時代感設計，比人有輕盈素雅又舒適的感覺，一於入去試試打開餐牌，食物配搭新頴，選擇也很多$68五星拼盤，原味蝦餃，鳳眼餃，出色燒賣，鮮蝦菜苗餃，即製小籠包，即叫即蒸，上枱食物熱辣辣，食料新鮮，蝦大大隻，新鮮彈牙，小籠包皮薄多汁，內裏包住豬肉碎$268薑茸松露鮮龍蝦，賣相討好，開邊龍蝦大大隻，新鮮彈牙啖啖肉加上黑松露香味更有層次感，蟹拑都好大嚿肉，配菜有二款菌，帶甜的豉油油浸入菌內，更惹味原價$48，$29.8 沙田燒乳鴿，滷得出色，骨都充滿滷水味，肉質有口感，一點也不韌，怪不得枱枱都叫黎食$158花生苗紫金將炒聖子皇， 第一次食花生苗，貌似荳芽變大了十倍，很有趣，食落有點草青味也有點似芽菜，聖子當然鮮甜無比$88 紅菜頭鹹魚雞粒炒飯，堆得像一座紅色的山的紅菜頭炒飯，入口微微的咸香加上嫩滑切粒的雞肉伴著幽香的葱花，夏天食就最啱整體感覺很好，店員有禮，環境舒服，食物有水準，值得再來

朋友搬到南昌住，這天就專程來到她家house warming，不過她不善廚藝，所以一早book了餐廳，晚上在V Walk的小富臨開餐。  餐廳是新開張，佔地大，裝修亦非常新淨，感覺開揚，坐下感覺寬敞舒適。乳鴿  - 乳鴿是必點菜，因為一隻HK$29.8，每一限點一隻，乳鴿外層閃閃亮，入口微脆，內層嫩滑多汁，抵食!  五星拼盤 拼盤包括5款餃子，包括:原味蝦餃、鳳眼餃、出色燒賣、鮮蝦菜苗餃及 即製小籠包。 原味蝦餃餃皮超薄，內裏裝了原隻大蝦，蝦肉彈牙爽彈鳳眼餃外皮是綠色的，餃皮不厚不薄，口感煙韌，口感與蝦餃差不多   即製小籠包餡料多，湯汁豐富，帶有濃濃肉香。 薑茸松露鮮龍蝦 原隻龍蝦開邊，一分為二，碟上還放了大量爽口雜菌，送上來時菌香處處，龍蝦上放了大量薑茸及黑松露醬，龍蝦肉鮮味十足，肉質爽彈鮮甜，伴著黑松露獨有的香味，100分! 花生苗紫金醬炒蟶子皇 第一次吃花生苗，口感很特別，爽爽脆脆，外型有點像巨型板豆芽，而蟶子大大隻，非常新鮮，味道甘甜，用上紫金醬炒香，辣辣的，很惹味。 紅菜頭鹹魚雞粒炒飯 全個以紅菜頭汁炒成，但就完全沒有紅菜頭的草青味，相反，飯粒帶有淡淡鹹魚香，飯

天氣咁熱，室內活動最好，朋友帶我去新商場行街，南昌站A出口就到嘅V Walk，好多商舖同食肆，正！云云食肆之中揀左小富臨，好多人排隊，$6一位茶錢，抵丫，仲可以夜晚嘆到小菜同點心，中菜又啱食！ 五星拼盤一次可以食齊蝦餃、鳳眼餃、燒賣、小籠包、菜菌餃，小蒸籠特別精緻！ 我最鍾意鳳眼餃，翠綠色好靚，入面仲有蝦肉添。沙田燒乳鴿係富臨招牌菜之一，都算幾大隻，$29.8勁抵食！ 可以叫一隻先，食完覺得正再叫都唔遲，大量供應！薑茸松露鮮龍蝦 ，龍蝦開邊，啖啖肉，食得方便。 肉質鮮甜彈牙！ 但係薑茸同松露份量太多，搶左龍蝦鮮味，建議減量！花生苗紫金醬炒蟶子皇呢度菜都幾特別，花生苗唔係成日會食到，望落似巨型芽菜，但就多一份清甜味同少一份青澀味，加左紫金醬去炒又再多一分惹味。  不過蟶子皇只得四件，唔多夠喉。紅菜頭鹹魚雞粒炒飯係驚喜菜式，本來只係為飽肚，估唔到咁靚，賣相一流。 入口無乜紅菜頭味，但鹹魚咸香味就好香，再加上飯粒煙韌，食完一碗又一碗！

適憑星期五晚約左daddy mami食晚飯，佢地係屯門出來，就佢地近近地去左南昌站新開商場Vwalk既小富臨食。新開張第一日人山人海，八點半先有得食，門口仲排緊隊🤭餐廳格局似西餐廳多過中餐，坐得好舒服！🐔 叫化雞 $398 不得了不得了！ 原隻雞醃焗製，新店開張送你黃金槌揼開表面既泥，店員仲會講恭賀說話祝福食客😍肉汁完美保留，超級juicy，肉質嫩滑雖則係醃製，醃料味道唔算太濃，反而突出到雞味👍🏻🉐🉐🉐隻雞都幾大隻，六人份量每日限量九隻，售完即止，好好彩嗌到最後一隻😍 首一百名惠顧既客人仲會得到黃金搥，下次翻黎再嗌叫化雞會有半價🤤😍🦆金屋藏鴿 $38 (新店開張買一送一) 乳鴿唔大隻，得我隻手咁大但烤得好好‼️ 正宗皮脆肉嫩！ 味道岩岩好偏鹹少少！ 推介🉐🉐🉐五星拼盤 $68 共五款招牌點心，包括蝦餃、鮮蝦菜苗餃、燒賣、小籠包同鳳眼餃！小籠包好出色！ 皮唔厚，夾起唔會穿，最重要係多湯!!!!!!!$68 五粒點心係有d貴，但可以一次過試曬五款招牌點心係幾吸引既🤭花生苗紫金醬炒蟶子皇 (4隻) $158全晚最野味同濃味既一個菜🤤紫金醬重口味🤭 送白飯一流！第一次食花生苗，口感同味道都好似大

南昌站上盖的新商場開幕，家母是個貪新鮮又愛熱鬧的人，逛新商場逛到迷失在其中，所以忘了煮飯。咁我放工，唯有去會合母親，去吃開幕的第一餐飯。嘩！人滿為患，商場處處都是貴客，每間餐店都擠滿人客，拎籌都要等廿幾張枱，等到9pm,終於可以入內晉膳。內裏裝修有格調，但属於比較西式的環境，與內裏所賣的食物，好像格格不入。睇餐牌，竟不知這家餐館的菜系，彷似大雜燴，又賣粵菜，又有㸃心，又夾雜着幾道滬菜，巴蜀菜，其實這樣是很難把菜肴做得精做得好。既然一場來到，也要叫幾道菜捧捧場的。節日限定，乳鴿買一送一，叫了兩隻嚐嚐。很小的一隻，味道不過不失，醃得够入味，但調味不突出，而且又没有蘸料。整體表現僅僅合格。然後是老壇酸菜魚，味道可以用古怪來形容，酸菜下得不够多，所以不够酸。魚肉選用了鱸魚，但不知道是否没有泡油，魚肉極為腥臭和易碎，配料有薯粉，白萝卜片，窝荀片等，配搭算不上出色。而此道菜的敗筆，在於沒有加入泡椒，簡直失去了酸菜魚的靈魂，令整道菜單調平板。再來是小籠包，皮厚肉汁少，肉餡巳加了薑粒，所以伴吃的醋內就没有加薑絲，母親對此表示不滿。最後，是生炸麵，賣相精緻吸引，但炸得太乾，而伴随的芡汁太少，而且吸不到麵

暑假喇、去完同學仔屋企gathering , 黃昏六點就喺商場揀左小富臨食早飯，接待員給我介紹餐單，有好多創意點心、招牌燒乳鴿仲做緊優惠，啱曬胃口喔😍😍😍BB乳鴿，色澤光亮嘅golden brown , 肉質嫩滑，醃味合度，唔駛淮盀、唔駛喼汁，原隻開邊食到手指都吮埋，不慚係招牌菜式👍👍👍師奶兵團為咗攞盡優惠，試過乳鴿咁掂，一於點埋限量嘅叫化雞🐔，餐車上像舊水泥一樣嘅叫化雞🐔，雖然唔靚仔，但係揭幕儀式就非常隆重咁😝😝😝店員先交我們一個木槌，每敲一下就道出一句意頭説話，一時之間食客都熱情❤️起來，影相祝福十分高興，一層荷葉、一層錫紙、再封一層泥，店員逐一拆解，倒起雞油，叫化雞終於真身展現，如此排場絕對值得一試👍再說叫化🐔雞 ，集菇菌雞什火腿高溫烤焗，原隻雞油滲透內涵，料頭甘香，雞肉帶點菇味荷香，相得益彰，非常好味👍乳鴿加埋叫化雞，本意加碗白米飯，團友話四碗白飯不如叫個荷花蒸飯試下，加左料蒸嘅米飯不油不膩，食落仲有陣陣荷葉清香，啱曬呢個大熱天時。⭐️⭐️⭐️⭐️⭐️雀籠點心拼盤又係主打之作，小富臨不分早晚，提供多款特色點心，我地未幫襯過，叫個拼盤樣樣試吓，雙天鵝原來係榴酥，酥皮一層層的非常鬆化，軟心係飽

屋企人住昵區，所以成日都會係昵區食飯，南唱開左個商場好多嘢食都未去過，今日約左呀姨食反，呀姨鐘意食中菜，所以同左佢去洒樓食，見到間小富臨，門口望好靚，應該係新開，又有特價嘢食好抵，所以決定係到食😊呢個五色點心拼盆好正———-有🦐餃，小龍包，鳳眼餃、菜苗餃、燒賣😋😋蝦餃—隻🦐大大隻，皮又薄，彈牙又好味✌️燒賣—又係大大隻🦐，味道又係舐舐脷😝鳳眼餃—-面頭鋪左D黑松露，帶出更鮮甜好味道😋😋小龍包—-皮夠薄，咬落囗裡面既湯又鮮甜✌️菜苗餃—-皮薄彈牙有口感，呢間酒樓個廚師做既皮既手工認真唔錯👍應該係話呢到既廚師廚藝好了得😂😂有🐔先定有蛋先——（咸水角配芒果布甸）真係得意到呢，唔到你唔食，價錢仲吸引，只係38元😃😃想唔食都唔得👏👏👏👏乳鴿仲扺食到呢29.9兩隻，仲係即炸脆口熱辣辣上枱，簡直好食到無可抗拒😋😋😋黑松露龍蝦—-開邊蒸，黑松露又鮮甜好味道，龍🦐肉爽口彈牙又新鮮😋😋食得好滋味✌️✌️👍👍花生苗炒蟶子—-花生苗味道似大豆芽，但比大豆芽大條好多，而且仲好有口感同爽脆，蟶子新鮮肉鮮甜嫩滑👍👍👍👍👍紅菜頭咸魚雞粒炒飯——炒飯好香，而且食落應該似係珍珠米，好有口感，咸魚味道好香，雞粒又夠多料座位又舒適，

  還記得早前V Walk開幕時，強勢宣傳，商場內的店舖更推出大量送禮活動，所以一直以來都想到商場逛逛。這個星期六終於有機會了，因為爸爸不在家，我就與媽撐枱腳，行街吃飯。 老人家愛吃中餐，所以開餐地點選擇了「小富臨」，小富臨其實就是富臨集團其下的食店，位放V Walk 2樓。食店地大挺大，空間感足，裝修帶點中西合壁，待應勤快，一坐下就送上熱麥茶，服務窩心。沙田燒乳鴿先點乳鴿，因為價錢太吸引，HK$29.8@，不過每人只可點一隻 (很想買給爸爸試試)，乳鴿非常鮮味，入口啖啖肉，皮脆肉嫩，讚。五星拼盤五星拼盤內容豐富，內裏有5款不同餃子及小籠包，包括蝦餃、鳳眼餃、燒賣、鮮蝦菜苗餃及即製小籠包。小籠包一定要趁熱吃，皮薄餡多，湯汁味道濃稠，肉汁多。蝦餃餃皮晶瑩剔透，口感煙韌不黐牙，蝦肉鮮甜彈牙，燒賣上放了大蝦，蝦肉同樣爽甜彈牙，配上豬肉餡料，又多了一份脂香。薑茸松露鮮龍蝦龍蝦挺大隻，開邊蒸煮足夠我與媽媽享用，而龍蝦用上薑茸及黑松露調味，個人認為味道偏重，遮蓋了龍蝦原本的鮮味，不過，龍蝦確實相當新鮮，蝦肉超爽甜，蝦鉗亦夠大隻，還是值得推介。花生苗紫金醬炒蟶子皇花生苗外型有趣，有點像大豆芽菜的

南昌站期待以久新商場V WALK終於開幕，今日特登約朋友來行下，已經有不少商店、戲院、超市進駐，人流亦不少，旺丁旺財👍🏻不少知名、特式的食肆亦登陸其中，朋友喜歡中菜，決定試試呢間「小富臨」，門口特別推薦「叫化雞」，咦！又幾吸引喎😍由於時間尚早關係，好處就係可以揀個靚位，呢度嘅裝修環境唔算話好豪華，但係以一間中菜餐廳來講，空間感和環境尚算舒適寬躺👍🏻研究過佢哋嘅餐牌，價錢好親民，特別係而家做緊推廣乳鴿係買一送一，仲有佢哋嘅叫化雞，會送埋個金錘仔🔨俾你，下次再嚟惠顧有半價優惠，幾有噱頭喎😬首先嚟咗嘅係乳鴿，買一送一嘅關係，我哋四個人只需比兩隻嘅價錢（$29.8一隻），平均只須$14.9一隻，真係唔食就笨😂最鍾意嘅就係佢將乳鴿分兩邊，食得特別痛快，手口並用，係要咁食先至特別滋味，熱辣辣，又香又入味，必試👍🏻鍾意食點心嘅我，想試多啲款式，呢個雀籠點心拼盤$188，就最啱我，全部都係好特色嘅點心，包括有鮑魚雞粒酥、旋風奶皇包、天鵝榴槤酥、蝦餃、鮑魚燒賣、黑松露野苗餃和鮮蝦菜苗餃，特別係天鵝榴槤酥，除咗造型精緻，栩栩如生之外，榴槤味十足，仲有旋風奶皇包，好味又唔會太甜，全部我都好鍾意😍我最期待嘅主

今晚到南昌見客，客人和她的家人帶我到附近新開的V Walk 食dinner, 其實完全無idea有甚麼好吃的，但剛剛見到今天新開張的小富臨，都好多人在等位，大家都覺得可以一試！咦！原來今日乳鴿做緊開業優惠，買一送一，唔使諗即刻order左一隻，再送多一隻，4個人可以enjoy到每人半隻，好正呀！乳鴿好大隻，炸到金黃色，皮不算好脆，但肉質好嫩滑，肉汁非常豐富，味道醃得好入味，真係好好味，非常驚喜葱香燒腩~充满葱的香味，肉質爽滑，頗有咬口！叫化雞~店員俾左個搥我扑開D泥(當然係扑唔開la)然後送左個搥俾我，原來首100名order叫化雞的客人下次帶埋個搥來再order叫化雞可享半價優惠，真係幾開心ga先把加工好的雞用荷葉和泥土包裹好，然後用烘烤的方法製作出叫化雞，所以雞的肉質好鮮嫩，非常juicy! 入口酥爛肥嫩，還有雞肝，雞膶和冬菇在雞的肚中，充滿荷葉的香味，這道江南名吃值得一試！雀籠點心拼盤~有4款咸點和3款甜點，用雀籠盛着點心拼盤既美觀又別緻，打咭一流！原味蝦餃~蝦餃皮好煙韌，蝦肉亦很爽甜和彈牙！鮮蝦燒賣~燒賣好大粒，還有大大隻蝦在上面，好有口感！黑松露野苗餃~野苗加上黑松露好清新！

南昌站新開咗商場V walk！住係附近既我梗係同友人去睇吓啦 好多好多食肆同各種不同類型商店 行到攰就入咗呢間新派中菜廳 小富臨裝修既摩登又時尚見好多人都嗌乳鴿，原來開業優惠乳鴿買一送一！梗係唔執輸嗌啦熱辣辣新鮮出爐，一開二方便食用 味道啱啱好 唔好話好咸 肉質鮮美多汁 唔錯唔錢五星拼盤蝦餃，鳳眼餃，菜苗餃，燒賣同小籠包 加埋就係五星拼盤啦！款款都好食，不過你問我邊個最推介就係菜苗餃 皮薄餡靚 好少做得咁好食薑茸松露鮮龍蝦（開邊）薑茸同松露係未黎之前係無唸過可以mix埋一齊！當我見到餐牌既時候都懷疑緊究竟會係咩味呢？點知一試就愛上！薑茸加埋松露食落一開頭有種好新鮮同清新既感覺，之後松露既後勁就黎啦 老實講我都唔太形容得到位，想知係咩味就梗係過黎試吓啦講成段都未講主角龍蝦添 大大隻足料 肉質鮮嫩幾甜 個汁咁正都無搶到主角既鮮甜味！掂呀花生苗紫金醬炒蟶子皇友人見到話啲芽菜咁大既，其實係花生苗黎既幾有益身體 好少見出面有得食 呢度見到就嗌咗黎試吓 配合蟶子 配搭都幾新穎 辣辣地咁紅菜頭鹹魚雞粒炒飯鹹魚雞粒炒飯就食得多 加紅菜頭就真係無試過，平時係茶餐廳食呢個飯會好咸同好乾！呢度改良咗之後易入

今日帶埋一家大細嚟呢到食中菜，除咗一般嘅點心之外，呢度仲有啲少見嘅特色小菜，例如叫化雞同黑胡椒蝦等等。為左氹啲小朋友開心，就order左隻叫化雞，貪佢有得玩又有得食。職員會推架車仔過嚟，請我地用小錘打爛外層。期間職員會講一啲祝福說話，夠曬好意頭。雞肉好香滑，而且份量十足，六個人先啱啱好食得晒。金屋藏鴿脆卜卜，好重奶香，造型好趣緻，小朋友好鐘意！雀籠拼盤有多款點心，包括鮑魚雞粒穌、奶皇包、榴槤酥、蝦餃、鮑魚燒賣黑松露野苗餃同鮮蝦菜苗餃。點心都幾足料，蝦餃入面有啖啖蝦肉，奶皇包既流心餡味道香濃，食到好滿足。而小朋友們就最鐘意食乳鴿，帶起手套，一人一隻乳鴿，好滋味。蔥香燒腩夠晒火候，燒腩外脆內軟，一啲都唔肥膩。小貝浸菜苗，海鮮幾新鮮，味道偏淡，可以解膩。最後嗌左荷花蒸飯，食到超級飽，為今餐畫上圓滿嘅句號。