小川滬拉麵小籠包

營業中

休息中

gogomall 真係好多餐廳既地方！難得見到此店有酸辣湯 小籠包 同 生煎包二話不說即刻買黎試試先講酸辣湯 比康麗果間差好遠欠缺豬紅，辣味欠奉！ 薑絲落得太多！廿幾蚊一碗，比樓下果間仲要貴小籠包 皮唔厚，size正常！ 但肉太少，湯汁更少但屯門黎講 叫可以一試生煎包...我覺得又係肉太少，個底煎得太硬好難咬！雲吞 自己手包肉多飽滿！應該係唯一最好食既食物擔擔麵中規中舉，略嫌花生碎太少！麵質 類似幼身 上海麵，未算有驚喜！整體黎講，除左小籠包 會得閒再過黎食之外！其他食物 可以不理！ 全餐總共消費140元左右！性價比就冇乜，遺憾一個人食完都唔飽肚

偶然機會經過屯門，發現呢個food court，都有幾多唔同種類嘅食物，今日選擇左食上海菜，呢間小川滬拉麵小籠包，好似幾吸引，一於試下酸辣湯拉麵套餐，套餐$53，包兩隻生煎包（有幾款不同小食可選擇）+$3有萍果綠茶。付款後，店員講大約等7分鐘，可能因為即刻整，所以要等一陣，出嚟食物熱辣辣唔錯。酸辣湯拉麵，麵質爽彈，吸收晒酸酸辣辣既湯汁，幾惹味。生煎包包底有脆口，不過包皮有啲厚，肉餡無咩湯汁，有少少乾。整體屬於平民小店，價錢平食物都唔差，可以一試。

小川滬拉麵小籠包 ｜ 屯門屯門雅都Gogomall 內的平民小店Gogomall 入面其實真係有好多選擇行過見到依間上海野 員工好似係一個家庭經營咁我就走去試下佢佢有d午餐套餐今次叫左佢既招牌小籠包😋😋😋果然一食第一啖就湯汁爆哂出黎值得一試 皮唔薄唔厚 剛剛好仲試左佢既排骨麵佢既排骨酥炸得岩岩好個麵份量都唔錯食物指數：⭐️⭐️⭐️⭐️⭐️如果可以下次我會試下佢既 擔擔麵因為都見到唔少人係度叫食個套餐😋😋😋

收工去屯門射箭前搵野醫肚，今次又係黎屯門雅都樓上既food count，選擇夠多，今日就試下呢間主打上海野既小店睇下食物質素如何。小店主打賣麵食同一般上海小食，有個全日套餐就算幾抵，另外都有高力豆沙同酒釀丸子呢類甜品，本身都想試下小籠包但今日1個人食就叫個套餐好了。四川擔擔麵擔擔麵麵質偏腍少少，但未去到1夾就斷果隻，唔夠爽口，湯底質地就幾濃，麵都掛湯，但無乜花生香，都唔算辣，比較淡少少，成個麵黎講比較一般d。乳香雞中翼雞皮有少許南乳味唔太濃，雞翼都唔無話炸得好乾，不過都有少許雪味，又係比較一般。招牌生煎包生煎包做得比較好，新鮮煎起夠熱，底部都煎得金黃少脆，肉餡都算新鮮幾厚實，唯獨2個包都食到有粒碎骨。豆漿跟餐加5蚊，不過比較淡，豆味同甜味都比較淡。整體黎講食物就小店黎講都比較一般啦，無話好好又唔叫好差，食得落，價錢叫做合理。

難得由港島去到屯門go go mall，想食嘅都要試一次啦。平時都好鐘意食小籠包，經過見到依間上海菜即刻去試下啦🤩—— 灌湯小籠包 $34/4粒唔好以為food court 就好求其，上碟都係用蒸籠原個上。小籠包爆哂汁啊!!!啲肉汁清甜到好似飲緊燉豬肉湯咁！完全唔捨得整穿佢俾一滴肉汁流出黎🥹小籠包皮雖然唔係最薄，但都厚度適中有韌性，夾起唔易爛。另外都好鐘意個肉餡，咬落好鬆嫩保有肉味，一個人ko一盤冇難度😎

我其實好鐘意食擔擔麵🥺，但唔係間間都啱我口味😌，最好食嗰間金雋得返荃灣先有☹️。呢間之前同朋友試過一次覺得都唔錯，今次再試下有冇跌watt 😋。睇完戲散場差唔多9點先去到，好彩未收舖。簡單叫左排骨擔擔麵，等大約10min。去到已拎得，店員好好人見我未拎，麵同豬扒都有蓋cum住先，好貼心👍🏻。🔅排骨擔擔麵 ($49)湯少少辣，有香濃花生味，加埋少少蔥🤤。麵唔算太掛湯，不過煮得啱啱好，份量都夠食。豬扒炸得好酥脆😍，炸粉唔算厚又完美包住塊豬扒，唔會食食下甩晒皮😂。雖然幾大塊，但炸既火喉啱啱好，豬扒都唔算鞋。💬呢間食物價錢唔算貴，又幾啱我胃口，可惜唔係成日黎呢邊🙈。

小川滬拉麵小籠包💚雞絲粉皮 $28酒釀桂花丸子 $26羅漢果茶 $8人均消費: $43 (2人)-雞絲粉皮成個聞落去好香🤤晶瑩剔透🔍但係雞絲偏少🥺不過對素食者嚟講 容易挑走但其實都唔太容易 因為好絲🤣同埋 口感嫰滑啲花生醬啱啱好🥜撈勻晒成個粉皮唔會話多得滯/少得滯佢啲芝麻幾香😚·酒釀桂花丸子🍡熱辣辣 好好食😋桂花味 配米酒好match 感覺清新🤤適合於女仔嚟M /尤其是冬天食❄️丸子唔會太軟琳琳 唔錯嘅中式甜品🧧酒味都唔係太出 容易接受😚丸子份量都多👻👻👻·羅漢果茶🍵佢比我想中淺色前勁係有浸菊花茶嘅味🌼後勁先有嗰種羅漢果嘅甜味🥰·以上評價 同🐹一齊寫所以帶返頭盔先👷🏽-28/6/2022 ate & drank 買完先知 佢張單係用殘體字🥲-好味程度：🌕🌕🌕🌑🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑·#od屯門覓食之旅·希望疫情快啲完結啦💛大家都要身體健康💛

食在屯門💛小川滬拉麵小籠包位於屯門雅都商場美食廣場，心心帶大家品嚐上海料理。第二次試依間，今次晚餐點了兩份小食雞絲粉皮，主菜係四川擔擔麵，另加小籠包，飲品一杯豆漿，一杯羅漢果茶。雞絲粉皮（跟餐）滿滿一盒，好抵食所以今次又點。四川擔擔麵滿滿一碗，想睇有幾多記得追蹤我IG！小籠包，外賣回到家，皮已經破了有點硬，不過料超滿，下次可以堂食再試！豆漿（+$5/杯），比正常再少一點甜。羅漢果茶（+$5/杯），少少甜。好滿足的一餐，下次再食。📌 小川滬拉麵小籠包☎️ 9704 1899📍屯門鄉事會路112-140號雅都商場Go Go Mall1樓S76號舖#food #foodie #手機食先 #相機食先 #美食 #健康 #吃貨 #like #follow #ig #hkkol #blogger #vtuber #心心美食小本本 #屯門 #1008_sumqq #foodlover_sumqq

屯門💜小川滬拉麵小籠包位於屯門雅都商場美食廣場，心心帶大家品嚐上海料理。第一次試依間，雖然是間小店但有齊小編係上海婆婆中意食的食物，晚餐點了小食鎮江肴肉和雞絲粉皮，主菜係酸辣湯麵和四川擔擔麵，另加高力豆沙，飲品兩杯豆漿。鎮江肴肉（跟餐）有四粒，就甘食差一點點汁配搭，口感尚可。雞絲粉皮（跟餐）滿滿一盒，好抵食而且味道不錯。酸辣湯麵同四川擔擔麵都滿滿一碗，食完連湯都飲埋，好吃喲！高力豆沙（$28/3個），價錢超抵，CP值很高，上海婆婆那裡也不是每次能吃到，這個滿滿的紅豆料，超級推薦必點！豆漿（+$5/杯），比正常再少一點甜。好滿足的一餐，下次再食。📌 小川滬拉麵小籠包☎️ 9704 1899📍屯門鄉事會路112-140號雅都商場Go Go Mall1樓S76號舖#food #foodie #手機食先 #相機食先 #美食 #健康 #吃貨 #like #follow #ig #hkkol #blogger #vtuber #心心美食小本本 #屯門 #1008_sumqq #foodlover_sumqq

有時候雖然餐廳距離屋企好近 但都會攰到連個幾步都懶得行💁🏻‍♀️所以就算近近地都決定叫個外賣.排骨擔擔麵 HKD58擔擔麵個湯超級濃郁🤤麵既份量都幾多 我一個人係食唔哂一碗-紅油抄手 HKD38味道麻麻🤷🏻‍♀️一咬開就散哂 食得好麻煩😅-招牌灌湯小籠包 HKD38外賣黎講算係幾好 雖然唔係熱辣辣而且有少少痴皮搞到好昜流汁😭但要平反番 係現場食係好好食咖👍🏻-秘製牛肉餅 HKD18好食既程度係食到得番一啖先記得未影相🤣滿滿肉汁🤤好juicy好正 大推‼️

食小籠包除咗要新鮮熱辣之外，最緊要係皮薄餡靚，呢間小籠包皮算好薄（除咗包頂啲摺位啦），而可能我筷子未用到出神入化，所以夾到最後一隻時穿咗🙄，好彩有隻匙羹兜住佢啲湯汁。肉餡方面，調味偏清淡，個人覺得濃翻少少更好。整體係合格有餘嘅，想食小籠包又多個選擇，下次可能會試埋佢嘅湯麵🍜同其他點心！

小籠包係即包即蒸，皮薄好好食，今次無影到相添，32蚊4個。疫情關係，經常都外賣，返到屋企都仲好好食，包薄餡靚多汁😋😋招牌酸菜魚呢度啲酸菜魚唔油，湯都可以直接飲，外賣返屋企做餸，湯撈飯超正。酸菜魚係跟紅薯粉或者上海麵，外賣可以分兜，大大碗。魚係魚柳，可能有人覺得唔正宗，但呢啲魚柳岩哂我口味，無皮無骨又唔腥，走左辣小朋友都食得。會有酸菜芹菜金菇冬菇，好多料，即煮又好味，每個星期都要買黎食先安樂🤪。每次都要買兩碗返屋企，食濟唔會倒，第二日蒸熱再食。良心店，老闆娘好好禮貌😄大力支持😄！

上年至今年頭，我跟睇戲好友，經常在屯門睇戲！我們通常走到屯門凱都戲院，既平宜又裝修過，更新音響設備及座位也舒適！我們發現附近的雅都商場1樓的 Go Go Mall，這裡有多間不同類型菜式口味的小店！ 價錢大眾化！場內另設有餐桌椅子！不時有清潔工人清潔餐桌及收拾即棄餐具！我們找到一間供應上海美食的 <小川滬拉麵小籠包>！西洋菜水餃麵 $38飽滿的西洋菜水餃有5 粒，咬開薄身帶煙韌的水餃皮，散發西洋菜的清香，還有豬肉鮮美的肉汁，上海麵軟硬適中，份量充足！加上榨菜絲，別有一番風味！招牌灌湯小籠包 $32小籠包幾薄身，滿載鮮美的湯汁！

食過幾次，食過小籠包、韭菜餃上海麵、嫩雞煨面、同埋最近一次食嘅上海雲吞。小籠包普普通通皮比較厚都有汁，但係以小食都買到小籠包來講已經好好。韭菜餃上海麵， 韭菜餃幾好味，鮮又有肉汁，但係啲面好普通，似乾面煮成，用粗身少少嘅新鮮面會好啲。嫩雞煨面價錢太貴，42蚊無咩料，湯似史雲生個啲， 食過屯門嘅醉上海啲湯就好鮮，啲雞肉都食得出係新鮮雞。呢間嘅雞肉冇咩味， 面又唔係特別出色，太貴。今次食嘅上海雲吞食到有少少嬲，大佬，一收到成個廣東雲吞咁嘅外表，一口咬落，娃娃菜豬肉。娃娃菜？同埋咁樣包法？是但google9成9都應該包成元寶咁啦係咪呀？上海雲吞黎講。同埋勁唔好食，肥肥地，散散地，衰過屋企包。32蚊我唔去對面街食26蚊四大粒既鮮蝦乒乓雲吞？

小川滬的小籠包頗受歡迎，不論在網上分享還是現場食客紛紛購買，充分反映大家的喜愛程度，故我也點上一籠試試看，另外再加一碗招牌酸菜魚。小籠包滿有重量，一夾已感受到它的沉甸甸，小籠包皮不薄不厚，以小店人手包製來說，水準算不錯，小籠包肉餡扎實，肉味濃厚多汁 ，沾上醋汁，小籠包鮮上加鮮。招牌酸菜魚好壞參半，個人略嫌酸菜湯酸度不足，喝來不夠過癮，薯粉過於軟綿欠彈性，我都沒把薯粉吃完。不過魚肉採用的魚柳非常軟嫩，味帶甘甜，而且給得不手軟，每件魚柳既大塊又有厚度，絕對令人飽足。