小巨蛋 (已結業)

今日黎到原本係想飲人地既招牌黑糖珍珠奶茶的點知媽咪自從上次係輕鬆飲飲過粗胚芽奶茶之後就去到邊都話要飲返佢跟住我就遷就左佢飲胚芽奶茶啦一飲落去D奶茶好香茶味wor我無叫少甜，但佢一d都唔會有過甜既感覺而且佢好冰凍呀，夏天飲真係透心涼 !!!不過佢胚芽份量好似少左d，開頭唔係好飲到反而飲到底就感覺多少少，不過都係覺得份量偏少希望下次可以多返d啦 =)個老細好有禮貌同細心解釋好多野，下次會再黎呀下次一定唔就我媽咪，飲我想飲既黑糖珍珠奶茶 =P

剛剛買了杯苿香綠茶無糖外帶回家喝收錢的叔叔很有禮貎哦～害我也不好意思起來了不消一會便弄好了茉香綠茶夠冰凍冰量不會過多﹝不會影響到茶味﹞淡淡的茉莉花香味　微甘的綠茶令人很清爽我超愛這家的以後就到這裏買飲料好了有時候小店的服務態度是比任何連顉唐或大餐廳要來的好讓人很窩心

第一次泥到呢間店買野飲,,我就叫了一杯沙冰 - 水蜜桃沙冰(無糖)(服務好好,,會好詳盡介紹d產品有咩材料比你聽)飲落味道真係冇咁甜,,仲好有水蜜桃味Tim!唔似得tea o臺tea既蜜桃沙冰,叫左無糖都係咁甜!!完全係好似用糖漿+冰攪拌咁!!小巨蛋就唔同,,真係有果汁味!!唔錯~而且成個沙冰攪拌得好好~唔會有好大舊冰粒或好少冰~~比例岩岩好~~飲完之後超爽快冰涼!依家我要儲印花 Xd!

一個似老闆的人,介紹了黑糖珍珠奶茶唔洗等好耐就有~味道比起格離I茶好十萬倍上次係格離I茶飲完真係想嘔黑糖珍珠奶茶,好易入口,大大杯,唔洗一陣就飲洒香滑,仲有陣茶香停係口,GOOD唔知係咪D黑糖帶到D茶味出黎,好香濃啊媽都愛上了唔會好似其他茶店咁,好似溝左好多水咁店員很NICE,有D特色飲,其他地方冇架係位置隱蔽左D

點了茉香珍珠，不香，也沒有茶味，像喝奶水；冰塊不夠，感覺喝完會肚屙。好失望，一點都不台味。$10一杯，算了。

在朋友眼中~早就認定了小比是個不可缺少黑糖的怪人~~差不多每樣黑糖的零吃都逃不過~~雖然人不在香港~卻盡量抽時間留意新餐廳和新食評~督見太子有新台茶店以黑糖珍珠奶茶做頭牌~~~只好刻意找個時間來慰勞一下自已先經過唉唉聲的台茶店~~不遠就是小比要找的小巨蛋了~~~這個小巷位雖然就在地鐵站出口附近~但人流少之有之~試問自已多年來出出入入太子地鐵站又真的好像沒有走過這小巷~~~不用多想~就先要了個招牌黑糖珍珠奶茶~少甜~~個人而言對這些台式飲品一向興趣不大~多數也是吃得口乾時偶爾喝一喝~這回因是特意來喝~所以也份外期待~~~以黑糖做大字的易拉架多達四五個~~~而且在周日的下午茶時間~~當其他新台茶店人山人海之時~這裡也是零客人呢~~所以小比的黑糖奶不用等太久就有了份量夠大~~珍珠的份驟量眼看也算多吧~不過始終任何野都以質素為標淮來得更客觀~~先呷一口奶茶~對不起~~除了奶奶奶和奶~實在試不出有一點茶味~~沒有奶茶應有的層次~奶的味道獨當一面~~~再嚐珍珠~~不夠chewy不夠Q~過份軟糯~珍珠體積與其他台茶店沒有太大分別~但因為流量不夠而導致珍珠過淋麼??再論黑糖味道~~每天都啃黑糖的小比~

又一間新台式飲品店面世，位於太子港鐵站對出『唉茶』的旁邊，小巨蛋賣的珍珠奶茶以黑糖炮制，有說比一般店舖用的果糖來得正宗。新開張期內大送免費珍珠，遂要了黑糖奶茶巨冰 ($14) 及黑芝麻奶茶 ($12)，務求盡量試多幾款口味。據收銀妹妹表示，以黑糖配製的奶茶巨冰(即沙冰)，是此店獨家供應的飲品，另外也有一些較傳統的，如青蛙下蛋可選擇，感覺的確『台味十足』。由於杯內附送大量珍珠，飲品一拎上手即感到份量十足，淺嚐幾口覺得甜度剛好，茶味相對較淡但巨冰入口十分涼爽，是大熱天時消暑的良品。另一杯黑芝麻奶茶，入口感覺與芝麻糊極為相似，但女友表示黑芝麻下得不夠多，味道再濃郁一些會更好。跟其他食友一樣，我不知道以黑糖炮製的奶茶味道上有何分別，但杯內珍珠真的多得驚人，差不多每一口都會吸到大大粒、有嚼頭的粉圓，所以小巨蛋的出品不但解渴，更可飽肚。話雖如此，若果珍珠太多，奶茶便變了閒角，實在有點本未倒置，或者下次再幫襯時除了要少甜外，要加多一句少珠。太子這個彈丸之地，竟接連湧現四間台式飲品店，看來必定會有一番龍爭虎鬥，率先被淘汰的會是誰？答案好像已呼之欲出．．．

最近見到食評 又有新開台式飲品店黑糖珍珠奶茶 好似有D特色姑且一試*一飲落去頓時覺得甘香茶 / 奶 / 糖 比例剛好老實講黑糖既味道唔太識分但奶茶香味比較接近港式奶茶味道 -- 唔知係咪因為用左黑糖平時只會叫中或細杯 因為一向飲唔落大杯有時買到品質差既奶茶...太重奶味或太"漏" 500cc 既份量都飲唔到一半但lee杯奶茶(只有700cc裝) 飲下飲下差唔多飲哂好易入口比嘗過既comebuy, 貢茶, 麼麼茶還要好值得一讚....

今日天氣熱熱地行左去太子道狂街~發現一間台式潮飲"小巨蛋",店內寫住主打推介"黑糖珍珠奶茶"諗住睇下有幾主打推介係咪真係咁好飲先??????嘩.........我試過咁多間既珍珠奶茶都係好普通,好果糖味!!點知,第一啖已經感覺到茶同珍珠既香味,真係會口中停留........我只係等左2分鐘已經買到la~但係5分鐘已經飲完la~仲要係700cc........雖然佢係$12,但係我覺得值得,佢果份甘中可以停留口中,令我回味!!我試過隔離果間"i茶"佢個茶味唔係咁得,唔夠香"tea一tea"都係麻麻地~D人話"come buy"好好飲,但係我又覺得無乜特別好飲可以令我再去買~可能我等左好耐既關係,等左15分鐘左右,第一啖已經感覺好普通咁!!"小巨蛋"佢個黑糖又真係做得幾特別,唔會太甜~ok呀~唔駛去台灣都飲到咁香既珍珠奶茶

今晚去左小巨蛋試左個黑糖奶茶巨冰~我見出面台式飲吅都無得飲到呢個.......睇下有幾巨先~嘩..............真係一試著迷,第一啖已經可以令我回味~唔知佢既黑糖點整呢?好似令有獨特既味道!!仲可以免費加珍珠添呀~真係好低飲呀~好大杯添ar~解決到夏天的煩惱..............下次試埋芋香奶茶同埋榴槤飄香先,我見我等緊果時都好多人叫..........

4-6-2009由太子 en route 太子道西行路返屋企, 先買杯珍珠奶茶飲解解渴充充電. 呢頭選擇比登打士街更多, 上次已試過 Tea 噎 Tea (http://www.openrice.com/restaurant/commentdetail.htm?commentid=1999031), 又無膽挑戰 i 茶 (詳見 Lemon Tea 飲評!), 就試試隔0黎呢間「小巨蛋」吧.買了「招牌黑糖珍珠奶茶」($12)... 茶味幾香, 亦真係飲到「黑糖」的香甜味道, 不過無 special request 的情況下, 我覺得甜0左 d, 下次叫「少甜」吧; 珍珠稍腍身, 唔夠 Q, 份量就勁多, 飲晒 d 奶茶底部仍然剩返勁多珍珠; 無要求「少冰」, end up d 冰亦真係唔少, 加上大熱天時溶得快, 飲到最後沖淡了唔少, 下次一定要記得「少 / 走冰」先得. 都幾好飲的一杯台式奶茶, 雖然 Tea 噎 Tea 好飲 d. 店員們幾 nice, 不過位置-wise 呢間鋪其實好蝕底, 企正0係對面馬路, 仍然好大機會走漏眼.700cc 由太子地鐵站飲到聖德肋撒教堂, $

試過小巨蛋既炭燒咖啡, 一試就忘不了…炭燒咖啡超好飲! 後來仲試埋炭燒咖啡冰沙我覺得同某大型咖啡店既星冰樂比較之下佢唔輸蝕而且價錢仲平佢好多

會去而間店,純粹是1.對"黑糖" 的好感,2. 近期珍珠奶茶又興起3. 其他出名的店要等十幾分鐘, 小巨蛋不用排隊 怎知一試之下有驚喜~~小巨蛋標榜全部材料也是台灣入口, 我點了重點推介"黑糖珍珠奶茶".第一啖, 只覺得沒有其他店一味的死甜, 淡淡的茶味在口腔散開第二啖, 咬到珍珠, 台灣的珍珠真的不同, 有咬感, 又不會太大粒好像咬香口膠般, 大小剛好~~第三啖, 奶的香滑, 黑糖的清甜, 與茶味互相配合, 帶出了多重味道. 總括而言, 是一杯非常好味的珍珠奶茶~~而且價錢比其他店平宜, Good~~ ps. 一般白糖只有一味的死甜, 而黑糖是有甘庶的清甜, 亦比白糖健康.

前下子台式珍珠奶茶店開到一發不可收拾的地步, 近來好像慢了下來, 看起來更有少許倒退的跡象, 例如數星期前才發表首個飲評的 "冰菓阿爽" 原來已經悄悄地倒閉了。可是, 原來只是一個假象...... 正當大家繼續潮拜 "Tea 壹 Tea" 時, 原來附近已經出現了一位新的挑戰者 - "小巨蛋"。話說那天正是我到外地公幹前的一晚, 原本鎖定要到 "Tea 壹 Tea" 止一止茶癮, 誰不知當日收到某 "茶友" 的留言, 提到太子區剛剛開了一家新的台式珍珠奶茶店, 於是便去看過究竟。心想, 假如這裡有甚麼 "意外" - 茶癮未止的話, 也有 "Plan B" - 返回 "Tea 壹 Tea" 補飛吧~ "小巨蛋" 位於太子站 B2 出口, 即別樹華軒樓下, 與 "愛爾蘭瘋薯" 和 地獄奶茶店 "i 茶" 為鄰, 看來 "小巨蛋" 的老闆也和我一樣, 看 "i 茶" 不過眼, 誓要教訓一下這家苟且偷生的店子, 並遠眺 "Tea 壹 Tea", 各據一方。可是, 其位置上患了一個弊病, 就是好像剛倒閉了的 "冰菓阿爽" 和新店 "渴" 一樣, 舖位前面被一大個地鐵隧道出口遮擋著, 不真真正正