小巴黎越南餐廳

營業中

休息中

入屯門順便去小巴黎越南餐廳食個晚餐，鮮牛肉湯河也算不錯，牛肉嫩滑有肉味，湯頭也夠濃味。香茅豬扒糯米飯煎蛋 是我喜愛的一個菜式，薄薄的豬扒有著大量蔥油，我倒喜歡個煎糯米飯煎蛋不會太肥膩。椰汁三色冰是必飲，料多有口感，青檸Soda也不錯。

上個星期同屋企人入嚟屯門買嘢，諗住係到食埋Lunch，點知比我係華都花園搵到間想食好耐嘅餐廳，就係小巴黎越南餐廳。我當日係叫咗一碟沙嗲牛肉炒河加杯凍青檸水。呢碟炒河雖然係其他茶餐廳都可以食到，但佢係加啲花生同香料，令佢變成一款越南風味嘅牛河。至於杯凍青檸水，簡直係好飲過平時飲開嘅凍檸水。

本人係pho愛好者，嗰日去小巴黎食鮮蝦河，湯底就正常味道，冇話特別濃，蝦係彈牙爽脆同原隻嘅！大概有4至5隻到，正常size。而河粉份量比想像中多，正常食量嘅女仔食一定夠飽。我之前都有食過生牛肉河，即係我對面朋友嗰碗，我覺得係好食過鮮蝦河嘅，不過牛嘅質素都唔好期望咁高，中中挺挺唔會話難食，對得住個價錢。如果食下午茶餐就會送椰汁黑糯米，味道正正常常，其實個味有啲似椰汁紫米露。因為個日做完運動消耗咗好多體力，就叫多個餐，$46可以揀兩個小食加糖水/熱飲。叫咗雞肉串同牛肉串，淋咗好多汁，推介雞串！嫩滑，但唔推牛肉串，啲肉好難咬，好老。整體嚟講我覺得唔錯，已經係回頭客🙇🏻‍♀️

唔係講笑，真係由細食到大🤪因為細個媽咪成日帶我黎呢間餐廳食，當然就唔係呢個地址啦，因為都搬咗舖頭😄細細個就同媽咪share食，而家就自己食一兜啦🙌🏻🥰生牛肉河🍲建議落少少魚露，會成個味道都提升👍🏼加返少少酸味，牛肉就非常重牛味啦👍🏼👍🏼冇得彈烤豬肉凍檬我嘅最愛，每次嚟都要食🥰🥰🥰唔好意思已經開始撈緊所以就冇影到before嘅相😆一定要加好多好多魚露，好似湯汁咁做個底，豬肉碎都好香，我睇完張相都流緊口水🤤🤤真係食10次都唔厭豬扒飯🍛今次冇食到嘅但係非常非常推介🤟🏽同埋一定要嗌多葱🌿蔥油再加埋塊豬扒係冇得頂，豬扒係好香好好味😋屯門有幾間分店，大家可以選擇跟自己嘅舖頭👌🏼😄📍 小巴黎越南餐廳 (屯門)屯門屯利街1號華都商場地下58店舖

所以經常都說，外邊的越式餐廳非常之唔抵，因為外邊的越式餐廳很多時候，檬粉又少，荵油又少，連魚露撈汁都要限量給你，根本沒有意思。看看小巴黎，蔥油份量夠多，又香，香得來又不算太過油膩，檬粉份量不多不少，但亦都夠飽，魚露汁亦都可以任食客加入撈檬之中。不過我印象最深刻都是這兒的香茅豬扒飯，的確，看到店內不少其他食客一進來坐低就叫香茅豬扒飯，米飯的質地不算太硬，加些蔥油去拌飯相當香，豬扒亦都算是醃得軟林，但亦都不乏肉味。另外點了個米卷，質地少許煙韌，還算是比較特別的。珍多冰與外間的略有不同，外界的珍多冰用的粉條偏軟，這兒的卻偏向帶點咬口。

🔱今次要介紹嘅食物就係位於來自屯門‼️📜”小巴黎越南餐廳 (屯門)📌 地址:屯門屯利街1號華都商場地下58店舖🕐營業時間:1100-2300 🍽分店地區: 屯門📝評價💬📢1️⃣雞翼撈檬 $422️⃣鮮牛肉可 $42有一日想食越南野近近地搵到間☺️入去試吓👅價錢又真係幾平而且份量都真係好大碗🙆🏻‍♀️🙆🏻‍♀️肉嘅份量又多👍🏻👍🏻反而湯嘅味道就比較少😂感覺上佢只係好油🥺 如果個湯再好啲嘅話佢嘅性價比就真係超高😍KS評分💫 5分最高✨🏵環境指數:⭐️⭐️⭐️ 🏵味道指數:👅👅👅👅🏵抵食指數：💰💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩#美食推介 #foodhk #hkfoodie #美食分享 #hkfood #食好西 #吃貨 #hkfoodig #hkfoodlover #食評 #foodiehk #foodiehk 屯門 #屯門美食 #foodieshk #hkfoodies #foodpics #852food #相機食先 #香港美食指南#hkfoodblog #一路食一路post #美食地圖

🍽扎肉蝦河 ($42)🍽香茅牛肉飯 ($44)抵食越南菜🤤河粉同飯既份量都算幾大但衛生情況就有待改善🙈之前去既時候 枱面會成日都痴笠笠 今次冇 但就見到有隻小強係座位隔離經過...

小巴黎越南餐廳屯門屯利街1號華都商場地下58店舖細細個已經好鐘意食小巴黎，個陣成日同屋企人幫襯，通常會去荃灣分店，但後期荃灣分店執左之後好少有機會食到啦，知道而家淨係得返屯門有，難得今日入到黎當然要去回味下啦，我地大約7點到黎到，好彩唔使等位，但都已經坐左7成人，餐廳既風格都係同細個食既時候一樣，好有親切感。我自己最欣賞就係呢到既香茅豬扒雞翼飯，肉質腌得好好味，而且重點一定要加蔥油，好好味呀，除此之外，豬肉蝦片、咖哩牛腩煲、串燒仲有三色冰都好吸引。我地3個人食到勁飽，呢D地道特式小店已經買少見少，下次再入黎屯門一定會再幫襯。

見咁耐無幫親， 今日試下， 點知差極點， 食物質素下降不單止， 餐廳環境十分污糟，係呢個肺炎疫症之下， 人人都講求衛生， 保護自己等於保護別人， 見到阿姐抺完鼻涕， 可以唔洗手， 因為佢手上戴住手套， 覺得自己好乾淨。 但佢對手套已經係充滿細菌， 仲要拎食物比客人。🥺🥺 何等嘔心⋯🤮🤮🤮 仲好意思講， 生意差咗， 有你地， 點會唔差🙄🙄🙄一啲衛生常識都無🤬

因為今日入開屯門順便嚟呢度搵食由於對屯門係完全唔熟悉嘅關係我都係隨便搵一個地方食由於係星期六下晝四點嘅時候好多地方都係落場時間 未開有小巴黎開就即刻左黎喇小巴黎係一個平民嘅茶餐廳我有個價錢都係非常之合理由於星期六冇下午茶餐只可以叫午餐我叫咗一個香茅豬扒飯大約$48包嘢飲又平又大份而且味道尚可美中不足嘅係豬扒係凍嘅可能因為我去嘅時間係比較晏啦腐乳通菜亦都啱啱好唔會太重口味唔會太鹹仲叫咗一個濕炒曚不過吾記得影相一飯一麵一菜 包野飲食左$141好抵

係華都商場都有好多食店選擇，因為我地成4點幾先食lunch，有啲舖頭會落場，最後揀左小巴黎。.我地嗌左一碗牛肉河同一碗春卷撈檬，野飲方面就一杯紅豆冰一杯綠豆冰。兩杯野飲教冇乜紅豆綠豆味，但椰子味都幾重，鐘意椰子嘅朋友可以試下。但杯綠豆冰飲飲下撩到條頭髮出黎😖。.野食方面，牛肉河不過不失，但食食下又有條頭髮，冇乜心機再食落去。碗春卷撈檬都幾好味，春卷炸得唔錯，咬落有層次。佢呢到好似豬扒比較出名，好多人嗌，大家可以試下。

每隔一段時間，總會念掛小巴黎嘅香茅豬扒飯。呢度嘅豬扒飯布滿左蔥油，以豬扒肥瘦適中，每一片都有香濃嘅香茅味，完全係撈飯嘅最佳之選！呢度嘅生牛肉河粉都唔錯，調味都香濃，不過都係香茅豬扒飯更出色！

記得以前荃灣有兩間小巴黎，細個成日食。以前未有咁多越南野，小巴黎真心算高質。而家得返好少分店，今日下午買個香茅豬排飯回憶從前的味道。豬排依然好香，尤其是小小肥肉的部分。成個飯撈大量的蔥好好味！

越南菜 我會諗起小巴黎屯門人 應該無邊個唔識小巴黎呢間鋪次次黎都坐滿人 兩個人黎食 叫左 豬排雞翼飯 三絲湯濛 三色冰 椰汁紅豆冰我個人覺得不過不失 三絲湯濛都還可以 不過黎個餐就有少少耐 湯底都夠味既 雞絲都唔會好老易咬男朋友就覺得雞翼比起豬排好食 因為豬排比較乾身 至於蔥油 真係頂呱呱既！到兩杯野飲我地都覺得比較水 無咩椰汁味 有點遜色

再食真係會後悔！從細食小巴黎十幾年，一直覺得好好食，好有特色！但搬左去華都之後，好少再食，因為店面一路都吸引唔到我，直到尋晚見咁耐冇去，先再去食！食物質素比以前差不在話下，原全唔及以前水平！更加嬲係服務態度差到一個極點，人手少，出菜慢，問咩都話做唔到！而且店面衛生比以前差好多，檯面好油，地下更加多油，隨時會跌倒！小巴黎真係令我極度失望！呢幾年華都開左好多有特色嘅小店，情願支持小店都唔會再幫襯小巴黎！