小巴黎越南餐廳 (已搬遷) 新店位置

今天同埋一班舊同事gathering, 之後就同男友食飯行下街男友仔話知我第2日要返早wor, 所以想返返屯門食完野傾下計方便我返屋企 返到市中心, 市中心講真真係好多野食, 咩都有, 不過今次是但咩都得睇左好多間都好想食, 不過都夜了, 行下行到呢間餐廳, 見都好多人食緊, 應該都唔錯吧, 就入去食啦侍應唔多, 但都好快速咁過黎俾水我地. 睇睇menu, 都幾多野食, 不過有d好似唔多似係越南野......本小姐就鐘意食炒粉面多d既, 男友仔就鐘意食飯多d, 於是就一人選左一款share食我就叫左個越式炒河(唔多知入面有d咩....), 男友仔就叫左個香茅牛肉飯, 同埋一個大蝦豬肉卷d野食好快就到嚕, 先黎既係個豬肉卷, 味道一般吧, 不過d蝦幾爽口, 加埋佢地一台一大樽既酸辣醋, 唔錯唔錯^^之後就到個牛肉飯, 個份量都唔小, d牛肉碎碎的, 仲以為係一塊塊的.....不過都整得幾好食, 味道剛剛好, 加埋d醋仲正~ 到個炒河, 講真有dd失望....因為只係好似濕炒牛河咁.....味道普通吧, d料唔多.....不過以佢地既價錢唔好要求咁高XD埋單96, 夠經濟, HAHA!

大約8黠幾去到,2個人唔洗等位就入得得兩4個侍應...唔係太好咁叫左:豬排雞翼飯(多蔥)豬排好硬好難咬開...雞翼就正常o的o的飯好"爛"以前係一粒粒咁架嘛,食落仲好似溝左其他米咁雞翼金邊粉雞翼竟然得2隻以前有3隻架嘛金邊粉就無咩點變...春卷唯一一樣正常!春卷炸到好脆但仍然都係唔夠生菜包雞肉牛肉沙嗲串燒沙嗲帶甜,燒得未夠脆總括黎講,,,唔會再幫趁去返舊鋪好過

去機場前先同媽媽o係度食個快既晚餐~因為拉住喼..所以只好去o係地下既餐廳..今次比多次機會呢間分店~因為記得佢岩岩開既時候食過一次~味道及質素都係冇咁好~座低後幾乎唔駛諗~只係叫番我常食既烤牛肉凍檬同埋媽媽既生牛肉湯河~烤牛肉凍檬-$26, 唔駛5mins就送到面前…超多蔥油…所以食落好油膩~要落好多魚露黎平衡番~烤牛肉幾好~完全唔韌又夠味~檬粉份量多~口感爽硬~但係點解會冇芽菜架…我記得o係舊店一定有~乜唔同分店做法都唔同?!至於生牛肉湯河-$23, 賣相唔錯喎~仲另外用個碗仔比半粒青檸同少少辣椒碎~食落湯底好清甜..好重香草味~不過唔明點解會辣既(冇落到辣椒碎)..反正我食得辣..冇所謂~~河粉要讚~又薄又滑~正~但係生牛肉就唔得喇~韌到咬唔開~咬開又痴牙喎~媽媽食淨大半碗~我幫佢清埋d河粉~滑到停唔到口呢~^^總括黎講~呢間店較大~座得舒服d~人流冇上面o個間咁多~平日基本上唔駛等位..服務都幾好既~d呀姐會幫你加下水~又會提你d檬粉落多d魚露冇咁乾~但食物味道真係冇上面o個間咁好~

其實野食既味道問題唔大..都ok!!!!但食飯食到受氣又睇人面色咁,有mood都食到無mood啦~話說我朋友叫左個濛..明明叫凍濛,但個男人落單落左湯濛...拎到過黎,發現錯左~我朋友再同個阿姐講...阿姐個樣都已經不太好！但都算..間野d人係度講左一大輪..落單個男仔突然走埋黎我朋友度,話我地明明係講湯濛!個樣好似想兇我朋友要咁!!!!我真係唔明...普通餐聽落錯單都好正常..度度都會幫你換過,仲識講句唔好意思...但落單個男人完全無講唔好意思都算!!!仲要黑口黑面望住我朋友!!尼間野d人o既服務態度絕對有問題...如果大家同朋友仔開開心心咁想去食飯既話..我建議尼度都唔太值得考慮....免得開開心心食到你條氣頂住頂住咁出番黎

今日同學們話有2粒鐘食飯去小巴黎食我即刻舉腳贊成因為1直聽人地講小巴黎好好食但始終未食過今次終於可以去喇勁興奮呢1去到諗食咩叫好多同學都食香芧豬扒飯所以我都跟住叫另外叫左1杯椰汁紅豆冰加5蚊豬扒飯有好2大舊豬扒唔會un好香而飯會跟好多蔥但我想佢既飯加ddd香dd既"是"油會好ddd因為ddd飯既味道好齋加小小調味會好dddd而椰汁紅豆冰好大陣椰汁味道本身自己唔多鐘意但黎種味道唔錯紅豆唔會太硬或者太林好適中味道唔錯但唯1要講既係服務員既態度黑口黑面好似覺得我地好麻煩咁我地11個人叫左9個餐跟住我地問係咪叫左11個餐之後佢話"你地11個人叫左9個餐炸 何來11個也"咁樣之後就走左去我地勁嬲由此證明服務態度係幾唔要得下次或者到樓上既小巴黎好過了

AUG 10,2009 (MON) LUNCH 香茅豬扖雞翼飯 $28 配什果冰 +$5豬扖一塊幾好味，仲好大塊添！雞翼兩隻都好乾，仲好細隻添！上面舖滿好多好新觧好香嘅蔥，不過都幾油！本來想飲椰汁涼粉冰，不過呀姐話呢個天氣無，咁唔知邊個天氣先有呢？？因為好口渴唔想飲三色冰嗰啲，於是叫咗杯什果冰！什果冰啲味有D奇怪，但都唔難飲！不過下次都係唔好再叫好 lu！香茅豬扖飯 $25 配菠蘿冰 +$5豬扖有兩大大塊，比前一碟仲大D添！原來咁大塊豬扖 = 兩隻雞乳翼 (大乳鴿少少啦)咁呢個飯抵好多，仲平D添，不過都係咁油！菠蘿冰都好多罐頭菠蘿，OK 好味！

同屋企人去左食越南野小巴黎一向都又平又有保證今日食左香矛豬扒飯同雞絲扎肉湯河粉香矛豬扒飯個味就夠喇不過我覺得個豬扒'林'得際應該落得太多鬆肉粉有２大塊雖然好夠食不過寧願佢質素好d雞絲扎肉湯河粉好大碗清清地好岩大熱天食服務就真係麻麻d人個個都黑口黑面d 野未食完就成日係隔離行黎行去想收走果然一放低筷子佢就收走左下次都係去２樓個間算

放工返到屯門，見餓餓地同女友行到市中心有咩食店未關門，見小巴黎仲未收，趕去吃個宵夜先，香茅豬扒紅飯（多蔥）…飯食落有茄汁味，配有蛋絲，豬扒好有味，又大塊，吃哂後都行唔郁。咖哩雞河粉…咖哩有少少辣，份量都多，雞肉都可以。去得小巴黎我都係吃香茅豬扒，其餘食品不太吸引。

今日同男朋友黎呢度食lunch~~12點9黎度, 呢度都幾多人等位嫁...我地都等左半個鐘先有得食....雖然有好多人,但係d食物都唔會話太耐先黎...我地點左香茅豬排紅飯, 雞絲扎肉湯河粉, 炸春卷, 椰汁紅豆冰......野食同野飲都好好味...價錢又經濟... 香茅豬排紅飯 ( $33 ) : 紅飯係西炒飯底, 即點即炒, 又有落蛋炒,有誠意...豬排味道好食, 但係鞋左D, 但係D蔥油就好鬼好味 雞絲扎肉湯河粉 ( $21 ) : 雞絲得好少, 扎肉都夠份量,又好食, 呢度個湯底好過市廣場果間, 河粉唔會過淋, 芽菜都唔少.... 炸春卷 ( $20 ) : 即點即炸, 好脆卜卜同熱辣辣, 而配菜既生菜都好新鮮, 食落好爽脆... 椰汁紅豆冰 ( 跟餐加 $5 ) : 好好飲, 紅豆夠淋, 椰汁底夠濃, 拍得住椰汁大王..兩個人食到好鬼飽都係 $79.....

每次搭shuttle bus落車都會經過呢間小巴黎, 今次下午時間去, 人客唔算多有好多位, 我坐好後便點了春卷凍濛和凍檸茶, 春卷凍濛等咗好耐先嚟, 不過春卷係新鮮即炸熱辣辣, 所以好好食, 凍濛份量夠多, 再配上花生碎, 蔥油, 魚露醋令口感和味道變得好豐富同複雜, 唔錯幾好味! 下次再想食凍濛時, 會考慮嚟呢度encore

上午來了一個mid-term test，考完後整個人也痴痴呆呆，到沙田買乾糧後就打道回府。在市中心下了車，沒有心情再想吃什麼。找個最就近的餐廳吃個便飯算了。有一陣子沒有光顧小巴黎，今天午飯時間去店內明顯少了很多人。在角落的位置坐下來，阿姐快快手手的奉上了熱茶。點了一個香芽雞翼凍檬，很喜歡吃凍檬，全因魚露。酸酸甜甜的魚露份外令人開胃，雞翼有兩隻而且很大隻，炸得很香口。乾蔥，蔥油及花生灑滿在檬粉上，吃進口裡質感十足。可謂是炎夏首選。不知道是檬粉多了還是自己沒有什麼胃口，居然吃剩半碗．．．．

係新墟睇完迦利略，本來老公仔話想去ｂｂｑ，不過都成七點半囉，唔好啦，佢就話想試下小巴黎，ｏｋ丫我地叫左４樣野食，烤豬肉凍濛，軟殼蟹，什錦拼盤，椰汁糯米飯煎蛋，以前食過個拼盤架，覺得好好食，家下唔多掂播，又好似少左咁，成五十幾蚊架，都係情願散叫一樣廿幾蚊小食好過，軟殼蟹就老公仔至愛食物，旦係我覺得呢度都係普通囉，糯米飯煎蛋就整得唔錯，外層脆卜卜好好食，個凍濛都好正，好似第一次食凍濛咋，咁食法真係唔錯原來呢度有咸檸七播，媽咪成日話想試架，１７蚊檸底添，有成粒咸檸架，正，搵日帶媽咪黎試下先

雖然天氣唔熱可以說是有點涼意但依然想食凍檬~因為太喜歡酸酸甜甜的食物!!!要了一個雞絲凍檬 (走花生)上檯只見大大的一碗雞絲同蒜蓉份量夠多淋上魚露酸酸甜甜帶有少許的辣味實在是開胃之選~檬粉底下有青瓜、生菜與檬粉混為一口口感豐富之餘感覺也很清新一個人絕對可以吃下一整碗~值得注意的是星期日人流較多吃畢後侍應會自動幫你收起碗筷不是聊天好地方...要聊天的話可以轉到隔離的滿記...~

中午12時要開始工作至晚上10前...10個小時的工作總不能空著肚子上場吧!先來此處來個麵食~11時半未見人潮...店內小貓幾隻自己一個決定坐在最不當眼的落角位置見時間緊迫快快的order了一碗雞絲湯粉絲很快就上檯湯面是滿滿的雞絲及芽菜粉絲份量剛剛好沒有太多也沒有太少不過粉絲質素不高沒有彈牙~湯底要芫茜的味道$22的lunch不算很飽肚卻很滿意~

下午時段唔想去飲茶決定快快手手解決肚餓的問題見呢到冇乜人入去裡面是但食d野醫醫肚要了烤牛肉凍檬第一次o係到食烤牛肉原本以為係好似吉野家o個隻咁係一塊塊牛肉點知上到檯係牛肉碎失望萬分....之但係加埋酸酸的汁料味道即時加左唔少分不過烤牛肉令成碗野偏油下次都係試下其他口味值得一提o既係碗野夠哂大賣相的確嚇得下人!想講下呢到係時候改善一下阿姐o既服務食完收碟收唔切好似趕客走咁而且個個黑口黑面好似得罪佢咁好難頂囉!埋單多謝$23一個人食...ok啦~算係幾化算~