小巴黎越南餐廳 (已搬遷) 新店位置

午后時段突然想吃點小食良久沒有吃過vietnam食品決定與媽媽一起來這過過癮~本來打算吃雞絲粉後來轉變主意決定試試沒有吃過的雞絲手卷即叫即做的原因(?)等了差不多10分鐘才上檯一碟有4條與媽媽每人兩條配合酸汁的手卷份外美味粉皮不厚不硬不軟卷內料充足有雞絲、檬粉、花生碎、炸香了的蒜蓉吃進口裡很惹味而且很醒胃下次有機會再試試其他口味~

小巴黎越南餐廳，最近我既沙田果間執左，而家得屯門先有，初時好沮喪下架，因為得佢呢度先有烤牛肉凍檬。不過前幾日同男朋友走左黎屯門(我第一次去)，佢知我心意，夜晚帶我黎呢度食~環境同沙田一模一樣，都係咁迫，都係有d污糟，服務態度都係唔好，不過預左啦。最緊要，係食物好味。落單~~當然叫左烤牛肉凍檬啦！仲加多一個豬扒雞翼飯~味道仲係一樣咁好味，豬扒雞翼飯差唔多係次次都點，雞翼又大隻，塊扒份量亦合理，最緊要，係真係好好味！只可惜佢呢度樣樣都要散叫啦。不過，都尚算平既。

平時食開屯門市廣場2期1樓果間小巴黎~一向都對它有讚無彈的0念住屯門時代廣場北翼地下呢間都應該ok掛~~就去左試喇點左個香茅豬扒飯同雜感拼盤1st,等我講下個豬扒飯先～Ｄ豬扒都幾大塊~~有２塊~~不過Ｄ蔥就吾夠~(用蔥low飯幾好食）就同個waiter講額外比d蔥我~佢仲點一點頭話好點知等左好耐。。。佢都係吾送來。。我d飯都差不多食哂啦。。。應承左customer但又做吾到!!吾係好得law!至於雜感拼盤～～基本上一切都ok~但要批評下個蝦餅!個蝦餅我吾覺似蝦肉law!!一Ｄ都吾彈牙!最激氣係佢無比甜酸醬我地點拼盤d蝦餅~我記得不嬲都有醬跟埋ga ma!!問佢～佢話拼盤係無ga woo~叫我地點d"矇"汁來食吾係呀fa?!Ｄ"矇"汁稀到死。。吾點仲好過點。。。實在太令人氣憤喇我下次都係去番屯門市廣場2期1樓果間小巴黎食安心d~!!

首先要讚下佢裏面的佈置,天花掛著D古老嘅越南風扇,佢個廚房有好多竹枝做裝飾刀頗有越南特色!跟著我要左碗烤牛肉凍濛,,d牛肉烤得好入味,正!最緊要係夠大碟,刀幾抵下仲有佢地d魚露整得好好,撈落d凍濛度簡直一流d春卷炸得夠脆同香,,不過老爹就略嫌佢D香芧豬扒油左dMaMa就話d生牛肉河好大碗好多料,,同時個湯好入味而並非出面既味精湯杯三色冰同雜果冰刀吳錯下次再試~~Anyway呢間都係一間抵食兼好味嘅餐廳,不妨一試!

昨晚原本約了老婆去晚飯，但她跑了去練功。唯有獨自一個人去屯門小巴黎食飯。點了兩樣食品，就是越南春卷($20 )及香茅豬扒檬粉($24 )。春卷炸得很脆、香口和熱辣辣的。而檬粉撈了幾種的配料，食落是非常爽口。

星期日落左屯門, 諗唔到食乜之下, 來左小巴黎香茅豬扒飯 $28, 仲係兩塊豬扒, 但SIZE細左, 都OK啦不過D蔥今次完全係生的, 唔好食沙爹蝦粉 $26有五隻無頭既蝦, OK新鮮, 唔太霉, 但亦唔算好鮮味加多一匙沙爹醬而已, 無其他, 味道亦只係一般吸引慘情係, 侍應姐姐執執下台, 有客入左來, 佢立即招呼客戶埋來坐但佢忘記了自己手上有一大堆碗碟的結果, 有一隻水杯, 一個碗跌左落地而我老婆不幸地條褲飲晒水同湯汁我知, 侍應款待客戶係岩的但應該先叫客戶等等, 執好台, 抹埋, 再招呼客戶入來坐未遲以免顧此失彼

想試新野但係唔習慣越南口味既可以黎呢間試下好明顯係調較過d越南野去切合港人口味，但又俾到d新鮮感。當日叫左炸扎肉凍檬，香茅豬扒紅飯。凍檬係唔錯，睇你口味加幾多汁啦，不過要炸扎肉就都係叫返扎肉好過，唔係好味好多，但比起扎肉凍檬貴成10蚊(最貴仲要係炸扎肉檬，扎肉檬偏偏最平= =)。中價位24~28蚊有好多都唔錯，今次試貴野衰左。至於紅飯，我本人較為鐘意食乾身d既飯粒，但佢d紅飯都幾濕下，但係純講味道係好好味的，起碼夠味(唔似某d西餐廳出黎個樣係紅飯，但食落同白飯冇分別)。豬扒就冇乜香茅入味架啦，不過純豬扒而言又ok喎，算係咁。至於服務，本人覺得問題不大，睇得出d阿姐唔會好有禮貌，但手腳快，唔使等得耐，亦冇趕人走既意思(可能我成九點幾先入去，人較少，個場未坐滿)。本人並唔低要求，以晚餐黎講，我同女朋友特登揀左佢d貴野去試都係每人30多d，要食平每人25搞得掂，今時今日食晚餐除m記外有幾多度係可以咁平? 大快活都食你四十蚊啦，仲要係越南野，講真咁平對學生哥黎講真係可以一試，但有要求既人就搵過第間啦。

My husband & I have a dinner here in 13 April 08 - Sunday at 20:00pmFood Too much soup in beef noodle & porkchop noodle. Very few noodle, more pea (lower cost) in dish. Noodle is not tasty. ServiceServers are very rush to deliver food. Some hot soup dropped on my husband leg & neck, careless & dangerous if this happened to any client. Few servers tried to collect our noodle, even we were not finished & waited for the vegetable. We sat down less than 15 minutes and try to kick us out. Not recomme

今日午餐同同事去這間餐廳吃, 叫左3個飯等了起碼20分鐘之後還要追, 叫個滿頭金毛個姐仔加茶, 她的態度好到呀! 係唔係加茶呀,後來加個甜品又等10分鐘已上, 這時又不多人還有個黑糯米甜品是酸的, 還堅持他們黑糯米甜品沒有問題, 咁唔通我地個口有問題,叫佢取消又面黑, 什麼態度呀???????我們不會再去這間餐廳.

六大一細嚟新開呢間,Book咗6:30p.m.,但都要等到七點幾先有位,因為佢比哂兩位兩位入,我地要等到有三張兩位走先入得.同一地區同一間食,唔同店連價錢都唔同,新店樣樣貴一蚊.最唔明個乜鬼煎蛋,收我加蛋價錢又冇蛋比我,問佢又話幅圖唔啱,係冇蛋,唉!我都唔知佢講乜,又多人又混亂,快快比錢走人,冇下次!

星期五晚7:30, 已開始好多人等位, 以為新舖環境好些, 點知地方都好迫下, 要同人搭枱, 好明顯食完要快走囉.老公叫了香矛豬排飯, 他說豬排夠味好食. 我就叫了三絲湯粉+凍檸七, 個粉好少料, 湯味偏淡, 不好食, 個飲品就可以. 埋單共$58.試一次就夠.