小巴黎越南餐廳 (已結業)

起初我地３個人竟然俾張兩人位，後尾等左陣先有４人位坐～其實多數都要搭ｔａｂｌｅ，ｄ呀姐服務又唔好～幫你落落下單可以行去第２度整野。扎肉雞絲撈懞－１般啦～始終撈懞都係一埋懞粉，再加ｄ送，其實都冇咩廚藝可言。香茅雞翼撈懞－１般啦～但ｄ雞翼好多油好肥，我情願食返扎肉雞絲。香茅豬扒湯河－豬扒又係多油好肥～味道唔錯o既，個湯底好濃。下午茶全部都係廿蚊倒～仲連凍飲。但凍檸茶ｄ檸檬真係.... 完全吉唔開的=_______= 仲叫o左個串燒(雞+ 牛) 25 蚊6 串～抵食又好味。ｄ肉好稔，ｄ汁都唔錯但唔夠熱，好似整定咁。總之所有野都係多油好肥～覺得好運果間好味ｄ。雖然依間新開，但衛生好似仲差過好運果間。

我同男友到呢間又迫,服務又差,D食品又難食,點解會有咁多客人還食呢,是否沙田區冇其他選擇呢?莫明其妙!我叫香艼豬扒飯,D豬扒好肥,我男友叫烤豬湯檬~~勁肥,咖啡唔得極難飲,坐得又迫,張枱又細,想叫碟春卷食,都冇位放,對住個亞伯~~三唔識七,好惡頂,佢又吐痰又包雲吞,我真反胃,D亞姐大聲到嚇食人,突然在你背後大叫,膽細D都唔掂!!!我絕對不能再坐下去,結果走到批&撻坐在長椅還舒服得多~~~真係好惡頂

叫一個烤牛肉湯檬,肥到想嘔,叫D亞姐換,D亞姐話係咁ka la~~~~~ ??? ~~~~~唔係wa~~~~~~睇見就想嘔,成廿幾蚊比D咁嘅野人食,重咁冇禮貌,我忍住度氣,幾乎爆炸!!!!各位食家下次千祈米食烤牛肉湯檬呀!!!!!!!!

有同事推介，便與友人去試，叫左兩碗蕃茄牛肉湯檬、兩杯飲品及半打燒烤羊串，蕃茄牛肉麵無咩驚喜，屬一般質素，食慣味精既人都會覺得佢重手左，食完即刻要搵水源，相信這個是關乎做生意策略，變相又可賺多客人兩杯飲品錢了，最後我們前後共叫了四杯飲品；另外，羊肉就真係好唔掂，食落完全不似羊肉，似咬緊雞多D，最衰果樣就係明明是燒羊肉串，卻變了炸羊肉串，相信大家都會知道炸比燒省時，可能以為食客食唔出，但我們這些對食有鑽研的人，只需用肉眼一看便能分辦！看得出這碟羊肉串燒，在製作時很馬虎，作為一個廚師應有之專業態度，完全搵唔到，用料配菜也欠新鮮，唔駛講食落一定係豪無誠意及愛心可言啦！題外話：我個人認為一位肯用心烹調食物之廚師，食客會從其食物裡領略到廚師那份誠意及愛心(這兩樣東西是製作美味食物不可缺少之原素)，每當不知到那間食店用膳之際，客人自不然會想起那裡有關心客人的廚師。

我亞細在星期日同幾個朋友約埋在老地方,小巴黎食下午茶,原本一群人大家都食得開開心心,點知突然有個大肥佬,又惡又大聲罵個經理倒瀉茶在他身(少少濕啦),個經理比佢罵到頭DUM DUM .很可憐呵!其實單野我亞細就睇得一清ニ楚,人地執好左張檯比佢坐,佢就唔坐,坐張未執的,經理忙着幫他執檯時就倒瀉荼,個經理已經即刻拿布幫他抹,他又話人地塊布污漕又話人地比得一張紙巾,係度嘈喧巴弊,我都想幫手出聲話佢,人地又唔係專登,人地執好的檯佢又唔座,正一囉黎jin.我地男人出黎食野有Ｄ風度,大亭廣眾,失禮死人.我真係想企起身教罰佢~~~希望其他食家有時都體諒佢地,唔好像呢Ｄ冇風度的男人,影衰我們.

同前一位食評家講法一樣,服務態度好左,Ｄ出品靚左, Ｄ亞姐好人左.呢間的香竽豬扒首選,又香又滑,蒜茸包及串燒必吃,又平又正.椰汁紅豆冰有真正的椰汁味,好好飲.雖然座位窄少少,但就給我和女友有親密Ｄ( FEEL )SO , 首選呢間.

以前去親小巴黎食野一定有心理準備去比Ｄ亞姐呼呼喝喝,受佢地氣,我食完好伕會拿拿聲走人.但依家就唔同哂,佢地真的轉變了,不像過往未爆場都要坐到迫埋一邊,語氣的確都轉埋, 好有禮貌及要你坐埋一邊時都非常唔好意思咁,其實我都慣左,只要Ｄ亞姐態度好Ｄ我都冇乜所謂.學佢話:講番小巴黎Ｄ野食呀.......雞肉串燒...軟殼蟹....豬扒....賓海春卷~~~~~~~必吃.

我之前因為嬲好運的小巴黎Ｄ呀姐衰,服務差,態度惡劣,所以有半年未去過,就算好想食都唔去食.今天,偶然經過呢間沙田廣場小巴黎,有個姐姐好似好有禮貌的話有下午茶餐呀,入黎試啦! 見佢咁有禮貌,好~~~我真係好掛住Ｄ豬扒和春卷,無食半年了~~~~呢位姐姐Ｄ制服好明顯有所不同~~~她的服務亦明顯比班亞姐好~~~今次令我對小巴黎改觀了~~~哇~~~~豬扒依然保持水準,好味到我再要多碟剩豬扒食,包埋比Ｄ亞媽食~~~打算星期日再同屋企人食~~好味,好好味.各位~~呢間小巴黎確實不同~~服務好~~~品質好~~~乾淨~~~坐得都算舒服~~~ 令你完全改觀~~~好~正~又平

下午茶餐好抵,$19有我至愛既豬扒凍濛,豬扒味濃薄身,精華係凍濛加汁,凍到死都要食.不過,椰汁黑米露就唔得,勁傑加唔熱,不過平時d野飲都係唔得,都估倒呢個都一樣。

因為我住沙田既關係, 所以成日係沙田食野, 之前都介紹過佢係好運中心分店, 今次就第一次去沙田廣場既分店, 裝修好似靚d, 又冇咁多人等位講真, 佢既野食唔係話100分, 但佢既價錢食咁呢個質素既野, 你會覺得係超值今日我地男友食佐1/ 生牛肉金邊粉$172/ 香芧豬扒雞亦飯$223/ 粉倦$164/ 春卷$18總數$73, 真係好低第一次係食飯既地方影相, 我男友都叫我唔好架啦, 話有閃光燈, d人會望, 我唔信, 點知一影, 周圍既人見有閃光燈, 都周圍望, 嚇到我唔敢再用相機, 用手提影走時見到一家外籍人士, 阿爸阿媽, 再加三個仔女, 五個人一人一碟串燒, 每碟十幾串, 真係笑死人, 可能d侍應英文唔係幾好, 唔識介紹野食, 佢地自己叫既, 我男友話外國人食野係一人一份, 好似食牛扒咁, 唉....

食物唔錯，幾好味，不過細碟左少少下午茶餐都好好味扎肉飯同牛肉飯都好正

雖然地方有d 細但係d野都幾好食,我推介佢地o既豬頸肉同香茅豬扒, 真係唔錯!!兩個人食$150有找