小時光 (已結業)

第一次到來「小時光」☘️位於工廈內的台式餐廳，以台式懷舊校園風作主題：餐桌餐椅全是上課用的木桌椅，有一列列的漫畫書架作分隔，而且跟校園食堂一樣，用膳後要自行收拾桌面哦～非常適合一班老同學聚舊、打卡👯‍♀️👯‍♂️夜市香酥雞便當。 7.5/10雞肉份量多，炸得香脆，但肉質略嫌乾身，而且辣粉分佈不平均，吃到尾段才發現旁邊的辣粉😅台南鹽水意麵套餐。 8/10意麵有驚喜，以為係鹼水麵既味道，但冇鹼水味，反而似幼身版既關廟麵，拌魯肉非常適合套餐既主菜係滷水大雜燴：雞蛋、雞翼、海帶、豆腐干.......最欣賞係個滷水海帶，一啲腥味都冇但滷水主菜再配魯肉意麵就有啲唔夾，因為兩樣都係咸味重既食物，食晒就嫌咸得滯肉鬆蛋餅。 8/10蛋餅餅底有彈性，肉鬆亦新鮮，但醬汁有點鹹😅還是阿木家的蛋餅好吃～洛神梳打。 8/10造型滿分 💯飲前要先攪拌好底部的糖漿哦(o^^o)

聽咗呢間小時光好耐，見到好多朋友都嚟試過，今次就係我嘅第一次。一入到你覺得我自己好似返返去中學咁，啲枱櫈都係用返中學嘅枱，仲要係比較舊嘅，啲筷子仲有鉛筆頭添，好得意。食物價錢來講呢， $60就有好大份量。我就帶咗滷肉面加台灣滷水拼盤。味道就OK啦，唔算好突出，不過就勝在大件夾抵食，個滷水拼盤有豆腐、海帶、豬耳同雞翼。唔算好入味，個腦入面就游咗少少同埋咸咗啲。我覺得間餐廳就食氣氛啦，又味道好好食，下次諗緊會唔會再嚟。

由於有同事想試呢間台式店, 所以LUNCH特登行過嚟食, 其實多年前我都食過, 記得係做我的少女時代時有個晚上嚟食既, 當時都覺得OK, 但今日再試就覺得有所保留滷水拼盤 - 滷水味都好濃, 乾豆腐口感死實, 實體上麻麻地好食麻辣雞絲冷麵配蘋果梳打- 其實都係一般, 乾拌麵類同湯麵類比較, 湯麵穩陣啲炸甜不辣 - 肉質比較死實, 唔彈口夜市香酥雞便當 - 炸粉太厚而且好乾藍帶起司豬排 - 賣相還可以, 豬排煮得過火了台式三杯雞便當配洛神花梳打 - 三杯雞味道唔太濃, 雖然雞肉嫩口, 但冇特別總結 : 同區其實都開咗好多間台式店, 我亦都試過好多間, 亦都有寫過食評, 相比下呢到真係好差, 最大問題係價錢又唔係平, 同區相比差唔多, 如果係講食物質素既我係唔會揀呢間

網上平台觀塘區外賣自取月⚡️觀塘區15間餐廳用拎得有額外自取優惠，低至七折添啊🔥今次我用左網上平台買小時光好抵，四十零蚊食到個餐喇🌈.小時光位於工業大廈，內裏好大，多座位，裝修有心思，木桌椅裝修都好似番番小學既童年。✨食物味道75分，環境75分。.🔸台式魯肉飯便當 ($58-> $40.5)⭐️推介⭐️魯肉肥瘦剛剛好，份量多，撈飯勁香。滷水有豬耳，豆腐乾，雞翼，蛋，海帶絲，白蘿蔔。滷得好入味，又唔會太鹹，又唔韌。.🔸台式紅燒牛肉便當 ($60-> $42)紅燒牛肉好稔，幾入味，牛味香，唔痴牙旁邊有埋較濃味酸菜，配飯味道剛好。.🔸麻辣牛肉麵 ($62-> $$43)⭐️推介⭐️湯底辣辣地惹味，湯底都幾濃。紅蘿蔔同牛肉好稔，一啲都唔痴牙，麵質軟硬適中。.🔸藍帶起司豬排 ($65-> $45.5)不推介😣比較遜色，豬排好薄，而且太乾，可能外賣番屋企已經凍左啲，見唔到豬排有芝士。.🔸麻醬乾麵套餐 ($50-> $35)我錯手落得太多湯😣sosad麵質粗身，有咬口，麻醬味香。較多綠色蔬菜🥬青菜，青瓜，西蘭花。附送一粒豬肉丸。.以上套餐都奉送飲品：🔸台式奶茶奶茶正常，

小時光喺工廈內，但一入餐廳就會俾佢地既裝修帶左入懷舊mode~一張張既木枱木凳，有種細個返學既感覺～紅燒牛肉麵（$60）我係為左食牛根而叫牛腩飯既人，但試過一條牛筋都冇！不過今次我喺小時光食紅燒牛肉麵 ，意外地有好多牛根！！餐牌標左辣椒仔，預左佢少少辣。辣味程度我接受到（本人只接受到譚仔10小辣😆），但湯底感覺上真係得嗰少少辣味。麵亦由於太粗身，湯底未能滲入而變成麵還麵，湯還湯。不過值得一讚既係牛腩同牛筋，好入味好腍！係好食既～👍🏻👍🏻👍🏻

再次回到小時光，餐牌有個新菜式「鳳梨牛肉麵」，相信是期間限定，當然要試試。鳳梨偏酸，廚師很聰明的把它切成薄身，所以都容易入口。牛筋及麵條彈牙，牛肉味濃，具水準之作。但最正的仍然是環境，那些年的書桌以及上手的字，很有小時候讀書的感覺。餐廳亦跟隨著這兩年的環境變遷，多了不少新的佈置，加上小時候很渴望班房會找得到的玩具及漫畫，恍似進入理想的平行時空，夢幻又真實。

今日同朋友嚟咗小時光食午餐，見到餐單上唯獨是呢一款鳳梨牛肉麵係附有圖片，加上最近台灣鳳梨咁出名，當然要試一試佢啦！鳳梨相對薄身，偏酸，口感一般。牛肉量多，包含牛肉及牛筋，味道正常，啖啖肉都幾正。麵條有口感，但係相對可能難消化啲。整體而言一般，唔會難食但係亦都未能稱得上好味。另外嗌咗杯岩鹽焦糖咖啡，同普通樓上咖啡店味道差唔多，正常冇咩特別。餐廳風格偏向校園氛圍，有好多小配件同玩具，我諗呢間餐廳都係主要食環境。係一個影相打卡很不錯的地方！

🍴台灣魯肉飯套餐 HKD58一個餐包左一碗魯肉飯同埋一碟滷水拼盤👅先講魯肉飯先 份量唔算話好大碗 魯肉一粒粒但都係偏少 唔夠食一碗飯🤔味道亦都偏淡味 食食下要撈埋啲滷水汁食先叫做有啲味🤭而個拼盤就有兩隻好瘦嘅雞翼 海帶 豬耳 蘿蔔 豆腐乾 蛋🧐味道叫做比個飯濃味少少 但絕對唔係正常滷水汁嘅濃味咁 成個餐係推介 但個人覺得有啲失望☹️-🍴炸甜不辣 HKD40呢款一碟有兩種甜不辣 條狀嘅比較實感同埋魚肉味出啲 扁身果種就煙韌啲🥰就咁炸好難唔好食 不過都真係油左少少 同埋呢個價錢得幾舊唔算話好抵食😶-🍴美祿恐龍 HKD20呢個就稍為特別啲 比枝美祿同埋美祿粉自己倒 外觀都靚嘅🤣味道都夠濃🙈(不過留意返本身餐牌寫特飲跟餐減10蚊 係只限平日 星期六日係無嫁❌ 所以🧜🏻‍♀️都係比原價嘅😹)-呢間其實都開左好耐嫁啦🙈 🧜🏻‍♀️覺得如果for打卡嘅話啲裝修係真係幾靚幾懷舊嘅 不過食物就真係有待改善 同埋位置都幾偏辟😐💛味道覺醒指數: 2.8/5 抵食指數: 3/5 服務指數: 3.2/5.

隔離無book位所以嚟呢間試下。滷肉飯無滷肉味，又細碗。配菜食落好淡味道，似無鹽。西蘭花唔熟，只係過咗下熱水，加無味道。朋友點個醉雞冷面，又係伏。唔係話難食（西蘭花係真難食），不過真係唔好食。用openrice咁耐都無俾過差評，但呢個真係差評。唔係話有立場就唔駛諗服務同味道，但真係難以入口。同朋友嚟食其實都幾尷尬。唔好味又要尷尬笑住食。反正就以後都唔好嚟食就啱了。走嘅時候諗住去一下廁所。唔去唔知，一去嚇一跳！！廁所真係仲恐怖過恐怖電影，陰到隨時有只鬼跳出嚟嚇你咁。配合佢工廈嘅位置，同埋課室嘅裝修，真係拍恐怖戲嘅絕配。簡單講就係邋遢。完

上網睇到好多人介紹用懷舊台灣課室背景食台灣料理嘅餐廳，位於觀塘就去試吓，叫咗個滷肉飯，滷水送到幾多，但感覺上咸咗啲同真係喺台灣食嘅滷肉飯差好遠，但係$58唔算貴，因為我去係星期日佢話星期日飲品冇得跟餐另計咁就叫咗個黑糖奶茶$28，全程自助式自己出去點餐自己攞餐，所以價錢其實都唔算貴又唔使+1，不過味道就唔係話太好食冇乜特別只係嚟呢度影吓相可以嚟一次，佢嘅餐具用鉛筆木筷子同埋木匙羹感覺上洗完再用唔係太乾淨衛生😅

觀塘真係好多台灣野，食過嘅都不在少數，今日嚟介紹一下小時光😆😆-小時光離地鐵站都算幾遠，無15分鐘都行唔到，而且工廈入口比較難搵，所以唔太就腳。-環境嚟講，店面係行懷舊風同學校。有好多漫畫，筷子係木顏色造型，連野飲都係用conical flask裝！-食過兩次，兩次食物嘅質素都麻麻，碗野入面嘅味道比較分離，不過小食都唔錯。野飲大多都好濃，推薦美祿恐龍！價錢對學生嚟講都唔算平，但係冇記錯個話，兩點後有7折優惠，唔知依家仲有冇呢。

今日又同老公去食好野，6點幾係附近行到累累地，即刻上去搵個靚位先 好彩時間都早，唔算太多人，坐左10分鐘左右差不多full曬！同老公兩個人叫左個鹽酥雞扒，拼盤同埋叫左個滷肉飯，真係好有台灣風味！味道唔錯，價錢都唔算貴！

裝潢幾特別，食物還可吧。今日諗唔到去邊行咗入工廈，保安阿姐叫我上一樓有餐廳。咁就第一次試呢間小時光。店內裝修特別，以學校課室為主題。如果你懷念以前讀書嗰陣時就幾唔錯嘅，要是你係學校工作中午去食飯就⋯⋯不過係俾足心機裝修嘅就值得一讚枱凳都係學校用的枱凳，還有旁邊教你脊骨位置的poster，可能上緊biology食物方面，我叫了麻辣牛肉麵，唔辣乜滯，麵夠多，麵質幾好，唔會淋成一團。不過d麵有陣味我一般（我講唔出乜味，我初初以為是木筷子傳出，但後來感覺係個麵d味，唔係雙筷子）舊牛腩幾好食杯特飲蜂蜜綠茶幾好飲，相信係d蜜糖幾靚。不過嗌了少甜仲仍然幾甜下。六十蚊，加十八蚊綠茶，78蚊其實唔算話好抵。下次去叫返普通餐飲抵啲。

好想去... 好想去台灣食嘢... 無得飛又嚟到觀塘區，真係要嚟呢度感受吓!穿過工廈走廊，一打開餐廳度門就好似用咗叮噹度隨意門咁 ; 秒變台灣。出嚟迎接嘅店員係台灣人，店內裝修係懷舊嘅校園風 ; 桌面同牆邊都堆放大量漫畫比人免費睇。餐廳入面坐位都算幾多，好彩的話可以搵到好位打吓卡。呢度唔單止食氣氛嘅，食物嘅性價比都高。今日就叫咗紅燒牛肉麵、滷水拼盤、冬瓜檸檬茶，古早味餐... 牛肉麵用到半筋半肉, 手工麵麵質彈牙，好台灣口味。拼盤份量好足(滷蛋脈見到3件就知啦))，各樣食材都滷得非常入味。杯嘢飲係用實驗室三角錐樽仔裝住，好得意。冬瓜味足，味道唔算太:。

開返晚市堂食試下小時光。但黃店真係無令人失望，真係好多間都差差差！入口難搵要行停車場入。6點幾上到去，一開門有陣懷舊既up味，坐低抹下張台先，勁黑勁大塵！靠牆坐，個牆身有陣泥水臭味漂出嚟！好臭！炸炸臨食完閃，個水餃面皮好厚，好抵食如果鐘意皮厚既話。個面係煮唔淋硬身既。湯底得陣油味！最好應該係杯蘇打飲品。賣懷舊既連環境都真係舊，舊都所有野都唔想掂到！勁大塵！食完要自己拎返個盤去收 ，可能咁樣所以張台係無人抹過！咁既環境同食物質素真係無下次！