小木屋之自悠廚房

營業中

休息中

估唔到喺觀塘嘅呢一間小店 $70就可以食到花膠同鮑魚嘅雞湯飯 真係超級抵食🤑花膠份量一啲都唔小 大大塊！鮑魚都好鮮甜🤤個墨魚滑都好出色 爽口彈牙 仲好有墨魚香味🦑湯底都超級濃郁🐔

今日又一個人去觀塘工作，鑒於昨日下午二時二十分到達已經唔再接待客人，所以今日提早到中午十二時二十分已經到達，但在門口仍然要排隊等了四十分鐘才安排到座位，我點了一客花膠雞髀湯，但好不幸，老闆娘漏單，所以我由落單到有飯食又等了三十五分鐘！好，大大話話等了七十五分鐘才有得食，希望值得，飲啖湯，偏淡，有少少雞味，但應該冇味精，真係用新鮮雞煲出來的，用小小金華火腿調味，花膠偏淋，但因為湯偏淡，所以似冇味的！有些少魚翅和金菇。到雞髀方面，有驚喜，有雞味，肉質鮮嫩多汁又滑，可以挽回一點點分數！最後俾我感覺係，老闆娘真係好nice，如果唔洗排隊都可以再試其他，否則真係咪攪我，因為真係唔值得！順帶一提係他們可以預早一日訂位或者訂外賣的！但座位真係有限，如果以一般上班一族，只得一小時食飯，真係自求多福，因為就算俾到枱都未必整得切！

講真，平時我真係唔會排隊！上星期來嘅時候摸門釘，因為老闆病咗。今日好早嚟到，排到入店坐～ 落咗單之後就靜靜等候了…. 一個鐘。（真係唔知係咪因為今日特別多預約咗嘅客人）進入店舖時，老闆娘已經講明真係要等好耐。所以都有心理準備…. 唔知係咪等得耐嘅嘢食係特別好味，不過真心覺得佢哋好用心製作！食落去好清甜，雞髀亦都好滑好滑，係嗰種久違了嘅白切雞鮮味。湯底入邊仲有豆腐、粉絲、昆布、金華火腿、花膠！呢個價錢，真係好抵。不過要計埋time cost~ 我坐既位置望到廚房，見到老闆其實都不斷默默做，真係用心機逐個逐個製作。如果lunch time唔夠時間，就真係未必食到。同事揀呢個鮑魚鍋，配料都好豐富。冇嘢做，唯有影吓相。不過大家真係有心理準備，真係要很有耐心耐心去等候。你問值唔值得呢，我覺得都都值得既。可能有預約會好好多啦～ 支持小店，辛苦晒，衷心覺得好味！同埋老闆娘真係好友善，對住咁多客人都好有禮貌。

這個價錢，吃到的是卻是兩夫婦用心製作的美食，即叫即造，材料豐富，雞好滑，好好食呀，下次去要試埋其他。真係值得再來，但下一次一定要早點來排隊，因為未開門已經有長人龍。

依間餐廳係觀塘熟食市場，環境都幾乾淨同整齊，舖頭有自己嘅冷氣，同埋座位都唔太迫，都幾舒服，叫左黑白肉骨茶，材料都幾豐富，價錢又幾抵，都係$65，非常抵食。佢有其他餐，價錢都係差唔多，但材料都好足。

今日同組長同貓同事食飯組長話帶我地去試新野然後去到發現佢話介紹嗰間鋪頭已經唔喺度所以我哋喺附近遊走睇吓邊一間好食啲發現呢間鋪頭個餐牌有一樣野叫暗黑料理記得意就坐咗入嚟然後發現佢呢度幾乎全部都係湯加個飯我就嗌左花膠雞髀B餐貓同事叫咗肉骨茶A餐組長叫咗C餐鮑魚雞所以我哋ABC各一冇諗過佢個湯煲得咁好味我個碗湯感覺膠到不得了唔怪得之我環觀四周圍全部都係飲晒成煲嘢個雞髀仲好好食添😋😋佢呢度仲送咗杯羅漢果茶俾我哋飲超級好飲雖然$65來講lunch價錢就貴左少少但講返個煲湯來講我又覺得性價比非常之高👍🏻

今日朋友帶我嚟呢到食lunch,推薦花膠雞腿湯，所以我揀咗呢個嚟食一坐低會俾杯嘢飲，甜甜地幾好飲啲煲應該係即叫即煲，等咗3個字左右就有得食煲入面有一隻大雞脾，少少菜同埋幾舊細舊花膠雞脾好嫩，個雞湯好好飲，配飯食好正，差唔多飲哂啲湯同食哂啲飯，好滿足朋友揀咗蝦仁炒蛋，佢話都好食，不過食唔哂，大家都好飽間店有啲細，我諗得十幾廿個位，街市冇冷氣不過間店有自己嘅冷風機，我地早到有得揀位，涼浸浸，唔係應該會食到熱臨走嗰陣已經差唔多full哂

支持小店上次試肉骨茶嗰時，見到同事食嗰個花膠雞腿幾已經諗定下次來食乜𠺢喇。點知，間鋪頭之後就無開到等左一排先又開返。今日特登打去問老闆有無開鋪丫。。。好彩終於都食到喇！早左5分鐘放lunch，去到都有3枱客。我同個frd二話不說就可以點餐。今次佢試肉骨茶，我就試期待已久的雞腿老闆先奉上自家制飲品，但我已經唔記得叫乜名。但酸酸甜甜，唔錯傾左兩句計，我個雞腿來喇個湯有啲啲傑，味道啱啱好，有金華火腿的香味。花膠細size,都好似有5嚿。雞腿異常嫩滑，超正雞腿要用手食先滋味𠺢嘛差唔多飲曬啲湯（驚唔小心跌左落啲湯度就彈到成身都係）我就開始解決佢喇呢度有手套提供𠺢。。。好滿足不過啲飯就好似乾身左啲。睇下下次試乜先

本來今日諗住試間日本野的，點知係樓下俾呢間野個餐牌吸引左所以轉移陣地入到去有3枱客，唔full。好快就決定食肉骨茶，兩個同事一個揀雲吞雞，一個揀花膠雞脾是日餐飲係自家洛神花茶，唔太酸，幾好飲。個肉骨茶好多料：排骨，扎肉，生菜，豆卜，金菇，肉丸，仲有唔知豬脷定牛脷的野一上枱已經好香藥材味，同事都話要試下啲湯。飲落唔係太重味，但又唔會好淡。不過再濃少少會好啲。為一覺得可以做得好啲的係排骨，少少嚡另外，見到個同事的花膠雞脾真係好吸引丫！聽日要encore

同事帶我來呢間，小木屋，原來係食馬拉野的。位於熟食中心內，預左衞生麻麻。坐位唔算多。齊齊坐圓櫈，唔算好迫夾，但絕對講唔上係舒服的。餐牌一張，由A 至 F 。第一次食，當然試試佢的肉骨茶。要食就要耐心的等待，大約二十分鐘左右先有。份量都幾多的，一個 man 都夠飽。新鮮逐煲煮，算熱辣辣嘅。肉骨兩條，有豆 pop , 特製扎肉同肉丸，仲有D金菇同生菜，講真係算足料的。可惜湯底偏淡，冇乜味，唔算咸亦冇乜藥材味。記得去馬拉食的肉骨茶係好重藥材味好補架麻，少少失望。套餐送特飲，係羅漢果陳皮甘草茶，味道可以的，飮得出自已煲冇添加。可惜係唔凍唔熱的常溫飲品，感覺唔衞生，個人唔太喜愛。