小桃園餐廳小廚

營業中

休息中

星期日最好不過是慢慢享受一個下午茶和喝一杯港式熱奶茶。公司三文治下午茶餐三文治好足料有好多層，厚厚既番茄、咸牛肉、椰菜、午餐肉身、火腿、炒蛋和千島醬，麵包烤到微脆，一啖咬下，可以食到好多材料，口感好豐富又多汁。熱奶茶茶和奶比例剛剛好，入口順滑。 

一間街坊餐廳，但我感覺它食物質素唔算街坊，我有好多次下午茶都點魚柳飽，雖然已加到$27個，包一杯熱飲，凍飲加$3，但我仍會食，因為好有水準，相比老麥所謂的魚柳包，差太遠了。魚柳包大大個，大過一般成年人的手掌，入面的魚柳新鮮炸好，次次食都熱辣辣，加上千島醫、蕃茄、菜，真係好好食。仲有一杯凍OT，茶味keep住茶香濃味，下午茶最好的配搭。

早睡早起，七點幾起了身落街食個早餐飽肚先。屯門碼頭區都有幾間茶餐廳，但自己比較喜歡這間，因為份早餐較飽肚，杯茶又好飲。早餐C：沙嗲牛肉麵、火腿奄列方飽、餐茶沙嗲牛肉麵：個人喜歡沙嗲牛肉，我認為早上各茶餐廳的早餐都是差不多，技巧又唔多，沙嗲牛肉麵較為看到廚房的功力。沙嗲汁好香濃，牛肉應該有炒過，看到微燶的色，牛肉好鬆，個麵似大光麵及伊麵，份量算大，所以夠飽肚。火腿奄列方飽：個奄列煎得好靚，慢火製作，沒有過燶，又大大隻，可惜個方飽好普通，個樣唔新鮮，是一般茶餐廳的通病。餐茶：我點了熱鴛鴦，其實這間的茶好鬼好飲，特別奶茶、檸茶，茶香味好正，一飲就知道，所以鴛鴦無比咖啡搶晒味，仍有茶的甘香，好多茶餐廳都做唔到。👍👍👍

冬至早收工，愛人準時收工，苦等了要加班開會二個鐘的我；是晚與家人冬至晚餐，到了小桃園晚飯，冬至最開心莫過於一家團聚食餐飯，可惜是晚哥哥與他未婚妻家人晚飯不能在一起聚餐；特別一提，是日很多餐廳酒樓都很多位，未知是否天氣太凍，很多人叫外賣回家團聚。是晚晚飯後，送了愛人回家後，再回家跑步，跑完步後去了滿記買了薑汁芝麻湯圓到愛人家下面的公園冰涼涼地在公園吃熱騰騰的湯圓，感覺幸福😊

中午十二點叫左碗滑雞粥同油炸鬼，所謂雞粥查實入面有嘅係雞皮連骨，雞翼尖同雞腳骨，冇兩啖肉！而且雞皮雞肉呈現粉紅色，亞so話即係落左鬆肉粉！查實骨多過肉真係唔使嘥哂D鬆肉粉!再加上林哂淨返油味慨油炸鬼…食唔落口！最後比左三十幾蚊淨係食粥水😫美好既一日比一個難食嘅＂早餐＂影嚮左！😡如果是因為成本問題而做出如此劣質食品，建議從餐牌上取消此項食品，因顧客真金白銀去買，卻換到的是難以入口的食品，這的確令人氣憤！

呢間店選擇多.有粥有麵.有燒味..有餐廰食物.價錢都合理的...服務.都唔差...不過環境都幾迫...衛生一般...點了一碗沙爹牛肉通.煎雙蛋.凍華田.......凍華田-------好淡...只是冰多..煎雙蛋有水準...蛋無黑邊....黃無散....沙爹牛肉通----牛肉偏少而無味..湯都淡...通彈牙....只是中規中矩

記得之前附近都冇咩餐廳,係冇選擇下,只好黎小桃園.以前食物既質素好好多,甚至好到個個星期都會食,仲會推介俾親戚.但現在明顯質素插水式下降,多咗競爭,仲不發力,難道等倒閉?今次吃了沙薑雞腳,牛脷酥,狀元及第粥+蝦米腸,菠蘿漢堡+凍檸水,乾炒牛河+凍檸茶.沙薑雞腳又貴咗,又難食咗,個沙薑醬好油,又冇沙薑味,好彩雞腳係熱既.牛脷酥好難食!又唔脆,又多油.狀元及第粥個粥底不錯,不是稀稀的,足料,豬肉丸爽口彈牙.蝦米腸個腸粉夠薄,但蝦米十分劣質,甜醬任落.菠蘿漢堡一個奇怪的組合,又甜又咸咁.都係芝麻漢堡飽最夾.凍檸水最簡單,應不會出錯,叫佢少冰都咁多冰.乾炒牛河夠鑊氣,條條河粉都有汁,牛肉不會炒得過火,但太油.凍檸茶最簡單,應不會出錯,叫佢少冰都咁多冰.侍應上菜可以輕手一些,弄至乒乒乓乓,客人都不開胃.

細個個陣都會成日去食，都好多年架啦兩年因為係佢對面返工，所以日日都食個陣因為佢d員工識得我，所以服務態度都可以但不嬲呢間野係我心目中都係麻麻架啦今日同媽媽買野買到攰攰地，佢話想食呢度ge水餃佢叫左碗水餃瀨，我就要左個雞排餐+熱朱古力佢d水餃又係真係好食ge，一定唔會有肥豬肉，女士們可以安心食用份量都可以之後媽媽加返杯涷奶茶小冰，個陣佢先加返個價上張單度佢話：瀨粉要俾多兩蚊下，聽到我地兩個0晒，食左咁多年都唔知ge??之後同佢講，你地個張meun都無寫明叫瀨粉要俾多兩蚊，e+你話加就加??個侍應話，係牙，e+要加牙我話：唔係wor，食左咁多年都唔知有呢條例，仲有你都無寫明，凍飲加兩蚊都有寫啦，但你都無寫瀨粉要加多兩蚊之後有3個侍應話，總之就要加啦，一係我叫個經理同你解釋啦 但個經理轉個頭又話，唔駛加啦，下次先加!!3個侍應當然唔gar啦，連自己人都唔撐自己人咁搞左一輪，加兩蚊事件終於搞掂，最後都係唔駛加但個侍應為我地送上杯涷奶茶小冰，好似想倒過黎咁仲要係勁大力咁擺係度，態度真係可以再差d lor*都係做街坊生意啫，去得個度食都住係個邊架啦要知道街坊威力幾大架啦，一傳十十傳百佢再係咁，

由於常跟豬豬去打保保球，所以增加了去啟豐吃東西的機會。回想當年的啟豐商場只有數間食肆，今天已暴增至有十多間，其中食物類型各適其適，隱隱然已具備一條小食街的風範。在蝴蝶村商場淪陷於領匯及海翠坊騎呢扮高檔等外圍因素影響下，啟豐食肆相信將會越加興旺，同時挑起為附近居民提供較平宜選擇的重責。惟食肆過早打烊乃其美中不足之處。這晚我們九點九左右到達啟豐，本來首選盈趣園，次選寶莉堡，但兩間均已收爐，其餘大部份均已預備收鋪，結果我們只能選擇歷史悠久的小桃園。豬豬決定了吃碟頭飯，結果我叫了二十八元的燒肉四寶飯，凍飲加八元，豬豬叫了三十二元的魚香茄子飯。四寶飯有燒肉、咸蛋、燒鴨和紅腸，燒肉肉質不錯，但豬豬說燒肉皮不好吃；燒鴨一舨，咸蛋也只是普通。豬豬掠奪了我兩條菜，但沒有吃菜花，因為原來吃了菜花會耳鳴，豬豬當真是見聞廣博，我上了一課寶貴的食物安全課！我也吃了兩口豬豬的魚香茄子飯，也是一般得很，這個價錢還要不連餐飲是收貴了。但我吃這兩口魚香茄子飯也不是白費的，原來豬豬一直誤以為我不吃魚香茄子飯，總算得以澄清。人就是這樣的了，常活在自己的偏見中，認定對方就是如此這樣，即使事實放在眼前，有時仍頑固地選擇相信自己

:我到餐廳坐叫了西多,雞亦朋友叫楊州炒飯,奶茶.之後服務員把餐俱放在我面前,我發覺碗碟洗得不乾淨仲好多沖.西多一般但已是最好的食物了...雞亦炸得太乾又無味.楊州炒飯:無料得飯唔好味奶茶算好飲不差可以一試.總結衛生差差,食物差,飲品算是這餐廳最好的.

去銀行前，蛇一蛇去食早餐先。突然很想吃傳統早餐，所以就來最近銀行而有這種早餐供應的小桃園。牛油包+奄列+沙嗲牛麵+熱菜蜜：牛油包夾奄列(一向以來的吃法)，奄列中間包著很多火腿絲，而且蛋汁多，如果麵包能夠拎去烘一烘熱的話，相信更添美味，再吃餘下的奄列邊，反而麻麻地，硬；牛麵味道普通喇，勝在夠哂份量。二十蚊吃到飽，抵到笑喇。

睇番之前的食評, 三個中有兩個都係我, 但所俾的分數就愈評愈差, 今次都唔例外, 直情要俾個喊樣.星期六晚同老豆媽子食, 因之前食得太飽, 點菜時只預二人份量, 所以只點了二人餐. 例水, 油雞拼燒鴨, 翠塘豆腐.例水: 青紅蘿白, 有渣但無味油雞拼燒鴨: 落單時慣口叫燒鵝, 個伙計即刻澄清係鴨, 無問題, 照要, 油雞合格, 但略生了一點(呢段時間係咪熟少少會好D呢??), 鴨好瘦, D肉好鞋同un, 唔掂翠塘豆腐: 以前我幾鍾意食呢度的翠塘豆腐, 但今次食完全唔掂, 好鞋, 個"茨"好杰, 唔好食其實早排來食過魚旦粉麵都覺水準差左, 但老豆鍾意來呢間食燒味, 以往水準都唔錯, 估唔到而家差成咁. 最重要係而家的套餐唔抵食喇, 以前套餐的小菜可以在餐牌中任揀(不論價錢), 但而家過$50的要補$10, 過$60的更要加$20. 唔合理囉!另, 呢度多左烏"英"

踩單車前同朋友仔黎食個午餐坐低已經接近十二點諗住叫碗麵算數發覺餐牌有好多選擇有飯,有西式麵食,又有潮州粉麵其中d西式麵食同潮州粉麵連埋熱飲都唔駛二十蚊話就話係早餐但供應時間係由朝早六點至到下午六點呢d都叫早餐咩?似乎係常餐喎!最後叫左個沙爹牛肉加叉燒米,五香肉丁雙腸出前一丁,凍奶茶同凍檸茶沙爹牛肉加叉燒米～真係有好多料,碗米粉一上檯時有一半係沙爹牛肉,一半係叉燒,朋友仔都好驚訝咁話:乜咁多送既? 沙爹牛好夠味,牛肉又唔un,唔錯;而叉燒又夠瘦唔un,都幾好!不過我至鍾意都係佢個米粉煮得夠淋,o岩晒我食! overall 都唔錯架!五香肉丁雙腸出前一丁～我無食,味道冇得comment !但值得一讚係佢會連埋湯粉同麻油俾你自己落,咁就唔會太鹹或者嫌佢無味啦!好細心既服務!凍奶茶同凍檸茶係一般茶餐廳貨色,冇乜特別

一家四口來晚餐, 因家父喜燒味, 而呢度有燒味又有得啤啤佢就最0岩.叫左個四人套餐, 有湯, 雞一碟, 兩款小菜及四碗白飯. 湯要了粟米魚肚羹, 油雞切雞雙拼, 羊腩煲同埋菜遠班塊, 後來多左位朋友, 再追加一薑魚腩煲.個羹無乜粟米味亦無魚肚味, 一般生粉羹咁, 麻麻.碟雞就一半得一半唔得, 切雞幾好, 但油雞就有點兒血漬斑斑, 在家下的時勢就唔太討好, 不過雞皮就幾好味, 真係難為了家嫂!!羊腩煲算幾多料, 羊腩, 荀, 冬菇都有, 另跟一小碟唐生菜, 但略嫌"師傅"重手左少少, 同埋D荀唔夠嫩, 多渣, 同埋D羊腩都幾騷, 媽子就唔多接受, 還有碟付乳醬係無乜付乳味的, 奇怪??菜遠班塊同個魚腩煲水準一般, 無乜特別好介紹. 但想提一提0個幾碗飯就好鬼硬, 好似飯焦咁, 只係八點幾0者, 咁快要食飯焦???前後叫左三枝啤酒, 埋單二百六. 價錢合理, 況且因附近沒有太多類似的餐廳, 都會再去的!

今朝三個人, 要左三份早餐, 雪菜肉絲面配熟旦, 沙爹牛面配火腿奄列, 咸旦瘦肉粥配炒米, 味道幾好, 我最鍾意個沙爹牛, 好好味, 至於個粥同炒米都幾好. 食完一份餐都好飽, 連午餐都唔駛食, 抵!!哈哈!! 其實夜晚佢地d小菜都幾好, 有二人餐同四人餐, 都幾抵食0架!! 自己覺得以小菜來講, 呢度比附近的水準較好!!