小清邁 (柯士甸大廈)

營業中

休息中

食泰國菜最緊要係夠地道見到呢間小清邁咁多人推薦，就買外賣返屋企試下，食物即叫即整，價錢合理，而且份量大大兜炒金邊粉炒得夠乾身又夠鑊氣，配上大量的雞絲，芽菜及花生碎材料十足， 醬料酸酸甜甜幾開胃 撈埋花生碎更添口感無骨海南雞飯 海南雞雞肉好滑，啖啖肉，雞皮夠爽，沾上泰式海南雞醬汁，好好味油飯亦夠油香，好惹味！豬肉串燒肉質比較厚，都幾入味，配埋個沙嗲醬一齊食仲正泰式咖啡唔會太甜入口順滑天氣咁熱，黎支梳打水勁消暑

在尖沙咀工作完畢，來到柯士甸路這間「小清邁」買外賣回家吃，店舖門前放了兩個泰式公仔，餐牌見到有各式各樣的泰式食物、甜品和飲品，一些經典傳統的泰菜都有，真是麻雀雖小，五臟俱全。「無骨海南雞飯」$62薄薄的雞皮下沒有一點肥膏，爽口有彈性，雞肉軟腍，雞味濃。雞油香飯粒粒飽滿，香噴噴，好好味。「菠蘿炒飯」$78站在門外見到師傅在廚房內拋鑊炒飯，非常有鑊氣，香噴噴的炒飯幾分鐘就完成，再灑上肉鬆和果仁，回到家仍然熱辣辣，飯內藏著很多菠蘿和雞肉，每一口都有不同嘅味道。「燒豬頸肉」$78豬頸肉份量足夠，咬落彈牙，充滿碳香味。

👩🏻‍🍳小清邁🧑🏻‍🍳👣值得科勞指數：🏃🏻‍🏃🏻🏃🏻‍🏃🏻🏃🏻‍自從搬左出嚟自己住，食得最多一定係外賣。所以，今次又講外賣，不如整個專講外賣嘅系列都好喔！今次試嘅係有好多美食林立嘅尖沙咀，仲要係泰式美食，呢間小清邁只做外賣，果日我6點幾去到老闆已經話有好多單，要等一等，睇嚟呢間一定好味啦我諗！一場嚟到，咁我就即管等下啦！好彩！佢出餐速度都幾快，我等左唔係好耐啫，專做外賣果然係唔同！BTW，我見有一位職員? OR老闆娘好係泰國人？我即刻覺得啲野食好正宗，哈哈！🍽椰香黃咖喱雞飯🍽泰式炒金邊粉 🍽泰式蝦餅🍽冬陰功湯(大)︰呢個份量真係好足，其實我同朋友兩個人食，真係食唔曬，性價比極高，重點係我覺得佢酸同辣嘅比例夾得好好，我飲完再飲，就算第二日我翻煲嚟飲都仲係覺得好正。🍽泰芒糯米飯︰我揀左斑蘭味嘅糯米飯，非常出色，芒果糯米飯，永遠係我嘅飯後HAPPY ENDING。📍地點：尖沙咀柯士甸路

這天公司安排到尖沙咀聽講座， 搞掂曬之時候已經不早了， 大家都選擇買外賣回家吃， 朋友介紹了在尖沙咀 的外賣泰菜店， 原來店裏全是泰國人主理。 果然是泰國人煮泰國菜很好吃😃😃 而且價錢和份量也是 非常親民。無骨海南雞飯雞肉鹹香嫩滑， 最重要是海南雞飯的油飯， 粒粒分明煙韌爽身， 滲透著香料味道， 總是覺得可能雞飯的飯是靈魂。 而且附送的海南雞飯醬汁， 同星加坡或者馬來西亞嗰啲唔同， 醬汁係酸酸鹹鹹的， 好有泰式風情。泰式炒金邊粉分量超級多滿滿的一盒， 酸酸甜甜 加埋花生同埋青檸 在夏天真的很開胃， 配料是傳統標準的蝦肉 豆干 雞蛋。酸辣無骨鳳爪鳳爪的份量不少，加埋 紅蘿蔔絲 芹菜 番茄， 仲有泰式酸辣汁， 味道鹹香酸辣， 鳳爪爽口彈牙 ， 凍冰冰非常開胃。 芒果糯米飯＋椰汁班蘭糕只係幾十蚊好平，糯米飯煙煙韌韌，而且有好多椰漿，芒果酸酸甜甜。班蘭糕層次分明，好香班蘭味。

放工去尖沙咀看結婚的東西，突然之間就想吃泰國菜，起初以為以尖沙咀是韓國食品的天地！但原來也有泰國菜！站在金巴利道的尾端，很容易被看見，門外有兩個像「運財童子」的sa-wa-dee-cup！未見餐牌，先見其甜品，一個個芒果糯米飯叠加得好好！很有特色，再加上有我兒時最愛的椰子糖，未吃已經先高興！看了一看餐牌，就點了1）209菠蘿炒飯$782）314紅咖喱豬$783）椰青$38由於店鋪只設外賣，故我們只好另覓地方吃飯！10分鐘後，終於找到了好去處! 翻開菠蘿炒飯的蓋子，仍然看到熱騰騰的蒸氣～菠蘿炒飯好大兜，雖然不是整個菠蘿上，但也保持了菠蘿炒飯的鮮味！菠蘿炒飯用了蠟腸，肉鬆，洋蔥，提子，菠蘿，蘿蔔，雞肉/做主要的原材料，菠蘿唔酸，唔會好油，即叫即炒，炒得好乾身！個飯外賣到指定地方也好好味！整體感覺很不錯，最特別是店家用了新鮮菠蘿來弄的，🍍大大粒甜而不膩的，出面食唔到的！另外吃了紅咖喱豬，材料有西蘭花，豆角，瘦豬肉片，蘿蔔，蕃茄仔等！瘦肉得黎但吃下去肉片唔銀，而且個湯底不是很辣，不喜歡的辣也可以把它拿來撈飯！另外，椰青也是不錯！店員很貼心開了洞給我，只要解除保鮮紙就可以喝了！我很久沒喝過了！店

今日去朋友屋企housewarming，每個人都買少少食物，我就揀咗呢間泰式外賣店。見到店鋪內店員都係泰國人，令我對呢餐嘅食物非常期待。點左以下食物：托文蝦餅（ $88）呢個蝦餅非常好味，炸到香脆入面係滿滿彈牙嘅蝦膠有少少蝦粒有咬口。外皮炸到香酥，一份有八件，好食！特式紅咖哩雞 （$78）份量十足，雞件多，咖哩好香唔算好辣，香濃惹味，送飯同點薄餅都非常一流，醬汁好食到朋友話要留起聽日再食！ 芒果糯米飯 （$45）呢個芒果糯米飯真係非常有驚喜，絕對要推介。佢嘅糯米飯係綠色，用上斑蘭而且熱辣辣，煙韌口感一流。芒果亦係香甜到不得了，芒果香充滿口腔，食落無渣，加埋椰汁，每啖香甜煙韌，非常好吃！

今日天氣落雨濕濕，老婆突然話想食泰國菜但又唔想出街，咁我唯有睇下公司附近有咩泰國菜，search一陣竟然俾我搵到依間只做外賣冇堂食既泰菜（小清邁），雖然店鋪唔大，但大部份講得出既泰式菜都有，咁我緊係點番幾款食親泰菜都點既小炒。乾炒肉片河：好有鑊氣，份量又足，夠晒乾身。泰式炒金邊粉：甜酸配合得剛剛好，配埋花生碎/砂糖/青檸汁，非常之夾。無骨海南雞飯：雞好新鮮，又唔會太肥，好滑又入味，啖啖肉。總結：店舖係由正宗泰國人主理，所以品質都有一定保證。

近排好多朋友都去左泰國旅行，忙到癲嘅我就唯有食下泰國菜黎頂癮🥲 今日喺尖沙嘴經過開左差唔多6年嘅「小清邁」，見到門面擺左兩隻泰式公仔，雪櫃裡面有各式各樣嘅小食同甜品，忍唔住買啲返屋企試下🥰 佢地嘅老細同埋員工全部都係泰國人，而且大部分香料同食材都來自泰國，保證你食到正宗嘅風味🇹🇭 This takeaway shop in TST offers traditional Thai cuisines, guaranteed by chef and workers who came from Thailand. 無骨海南雞飯 $62Boneless Hainese Chicken Rice 每次食泰國菜都一定會叫海南雞飯，今次仲要幫你去埋骨，可以食到啖啖鮮雞肉🤪 鮮嫩多汁嘅海南雞皮下脂肪分佈均勻，肉味濃郁🐔 同埋香氣四溢嘅黃姜雞油飯一齊食簡直係絕配🍚 如果俾埋三色醬應該更惹味😉The hainese chicken was tender with the perfect fat ratio. The essence of it flowed within the yellow rice, a

臨急臨忙要去尖沙咀交文件，又要趕返公司見客，咁啱經過柯士甸路，見到有間泰國菜外賣店叫小青邁，一於買啲返公司和同事一齊食。無骨海南雞飯，雞和飯的份量充足，十分抵食。雞已去骨啖啖肉，肉質夠滑又有口感。雞油飯粒粒分明，夠香夠味！滷豬髀飯，豬髀滷得非常透徹，光看色澤就知道算是重口味的，瘦肉部份不會過柴，肥肉的地方帶點Q彈，很適合配飯。菠蘿炒飯：飯炒得夠鑊氣，菠蘿的香甜再配上脆口的鹽焗腰果和肉鬆，非常美味！

今晚想加餸，一於試下這間好評眾多的外賣店，提供正宗泰國菜，泰國人店員服務態度很好🥰 食物價格親民，質素很不錯，大大盒 份量好多，食物選擇好多👍🏻 超乎水準的泰國地道小店，絕對要多多支持😚 不設堂食💖💖食評💖💖🍗無骨海南雞 (半隻) ($118)✨必食推薦！半隻雞份量多，真材實料 賣相吸引，配上香辣醬料味道一流👍🏻 雞肉肉質好有驚喜，件件都新鮮嫩滑，皮薄不會多脂肪😚 啖啖肉，好飽肚 好滿足🍖泰式滷豬脾 ($78)✨推薦，有驚喜！份量多，肥美又厚身，醬料調味很好，香濃惹味🤤 豬脾煮得十分軟腍，口感極佳😍

未有假期去泰國旅行，唯有去泰國人主理的外買小店，吃正宗的泰國料理！店員為我推薦了幾款招牌菜，解決了我的選擇困難症😳▫️海南雞飯必吃的泰國料理，雞肉肉質嫩滑，皮爽無骨，配合附送醬料，酸酸甜甜很惹味；油飯粒粒分明，味道調得不錯👍🏻▫️ 甲拋肉碎煎蛋飯煎蛋脆邊流心🍳，肉碎炒得很有鍋氣，用了多種泰國香料，味道香辣又入味，正🤤▫️無骨鳳爪(細)爽口無骨，酸酸甜甜，有小小辣，很開胃！▫️脆炸春卷外皮炸得很香脆，配埋泰式甜酸醬，更添風味😋

係附近做完野，行下經柯士甸路見到幾個人排隊等外賣，我又過去睇下，見到個個都好大盒，價錢唔貴就買左番屋企。鮮菠蘿炒飯炒飯炒到幾乾身，粒粒分明，菠蘿香甜多汁，腰果炸到香脆可口，加埋肉鬆味道幾惹味，一齊食口感豐富。泰式炒金邊粉超足料，炒到好均勻，有芽菜花生碎等一齊食幾有泰國風味。芒果糯米飯芒果好香甜，幾多汁，糯米飯偏硬身，加左椰漿味道濃郁。另外見到有蝦片買左一包，好大包，塊塊都係脆卜卜，味道帶少少脆卜卜味道辣辣地。

個個都去潑水節，搞到人想食泰國嘢。咁啱朋友屋企附近有間就一於買返去食。附近好多間都淨係做外賣#海南雞飯 （$62）- 份量好足雞同飯都好多，拎嚟share食都得。雞好滑冇骨方便懶人去食，油飯粒粒分明唔會癡埋一舊。跟雞既醬汁食得出好俾心機整，酸酸甜甜好惹味，帶出到雞既鮮味😋😋#生菜包 （$78）- 肉碎既分量亦都係好多，雖然比較辣少少🌶️🥵🥵。但係香料撈埋一齊好好味，配埋生菜好正撈飯食一流👍🏻#飛天炒通菜 （$68）- 炒菜食得出好有鑊氣惹味🤤食個一啖去到最尾先會feel到好少好少既辣🤤依間鋪既嘢全部都係即叫即炒，拎到返屋企都仲係熱辣辣👍🏻

今日遲咗收工，唔想煮飯，經過呢間泰式外賣店就買外賣返屋企，呢間泰式外賣店係泰國人主理，即叫即做，保證新鮮熱辣。 無骨海南雞飯$62份量都好足，又1/4隻雞,油飯大大碗。雞肉啖啖肉，肉質嫩滑，雞皮爽滑，沾上泰式海南雞醬汁，好好味。雞油飯調味剛剛好，好香，忍唔住一口接一口。泰式炒金邊粉 $58金邊粉炒得好有鑊氣，香噴噴，加上花生碎，好香口，配料亦都好多，有大量雞絲，豆乾，芽菜同韭菜。金邊粉質地爽彈，酸酸辣辣好味道。牛肉串燒3串 $54牛肉好惹味，啖啖肉，肉質唔嚡。個沙嗲醬汁係靈魂，花生醬味好香，少少辣，會令人食唔停口，係不能抗拒嘅誘惑。總括而言，呢間泰式店嘅食物份量都好大，抵食又好味。

呢間午餐同晚餐都只係 $40-60就有個飯/粉，加杯泰奶都係 $10~ 又幾抵食，整體味道很正宗！甲拋肉碎煎蛋飯 $58肉碎都幾多，同飯有5:5比例，加上香葉同豆角，仲有隻煎蛋~個味都幾正宗惹味泰奶 $10以樽仔裝住，由於冇加冰嘅關係，超濃郁！！超重茶味同煉奶，自己飲有點heavy😆馬拉盞炒通菜 $68好食嘅菜係必須的！夠哂濃味又少少香辣，同朋友share剛剛好！芒果糯米飯 $45超甜冇揸的芒果🥭很正宗的泰國味道🥹