小火焰韓式咖啡廳 (觀點中心) (已結業)

以前去親都排長龍，而家已經吾洗排隊，今次吾係太肚餓，點左個烏冬，幾好味，湯底夠味，烏冬又夠滑，不過個蘑菇讓雞翼麻麻地，普通小食雞翼好味好多，夠脆，飲品係紅棗茶，少少甜

本人來講呢最鍾意啲嘅飲大大杯，呢一間嘢就滿足左我嘅想法。第一次午餐過嚟食，真係好抵食又好味呀，三人行嗌咗三樣嘢再加埋午餐加錢小食，話就話加錢，但係一啲都唔求其，加$15有3大嚿芝士炸雞。嗌咗個湯粉絲個味道都好夠，本身間嘢係要自己落單嘅，但係如果要半份或者一份炸雞就可以另外叫。

早幾日同同事喺附近做嘢，見到呢間韓式餐廳，之前我已經食過呢一間嘅分店，記得都好好食，所以二話不說就拉咗同事入左黎食😆😆呢間餐廳屬於開放式，座位足夠亦坐得舒服😌😌，Staff人數足夠，而且個個都好nice👨👩🗒lunch time有午市套餐order，餐牌既嘢食同嘢飲都有好多選擇，而餐廳係用QR code點餐，我地order左以下嘢食👇👉香燒牛扒蕃茄烏冬hk$68👉可樂-跟餐送👉芝士夾餅-跟餐+hk$15👉忌廉蟹肉餅-跟餐+hk$16👉卡邦尼小杯年糕-跟餐+hk$10👉單球雪糕(朱古力)-跟餐+hk$15👉拉絲芝士烤豬肉伴泡菜炒飯(辣)hk$78👉熱蜂蜜生薑茶-跟餐送👉脆香牛油雞翼-跟餐+hk$15👉芝味韓式炸雞-跟餐+hk$15我哋叫咗超多嘢食🤤🤤上菜嘅速度好快；香燒牛扒蕃茄烏冬，好濃嘅蕃茄湯味，牛扒份量亦都唔少🤗🤗；拉絲芝士烤豬肉伴泡菜炒飯，泡菜同飯一齊炒埋，烤豬肉都好厚，芝士有拉絲效果😍😍；小食方面，跟餐可以用優惠價點五個小食，勁正😆😆；芝士夾餅上枱時暖暖地，入邊嘅芝士溶溶地😋；卡邦尼小杯年糕嘅醬汁好濃😌；忌廉蟹肉餅好creamy；脆香牛油雞翼外皮到好脆，上枱時熱辣辣，應該啱啱炸起

今日同女朋友去行觀塘，咁啱想去食Korean Food，就四圍去搵有咩好食，機緣巧合入咗去試下喇。溫泉蛋燴牛肋拌飯牛肋肉個量都算多，而且肉質都唔錯，唔會好難咬，亦都保持到一定嘅咬口；個醬汁唔算太濃，少少甜得嚟又唔會太over；飯嘅量都多，而且亦都係用珍珠米。另外亦都會有溫泉蛋同埋茄子，都好夾到個飯。泡菜豆腐湯個泡菜湯少少辣，但味道都算可以接受，啲料都算多，夾埋佢個白飯食都真係幾okay韓燒豬頸肉豬頸肉肥瘦均勻，又冇燒到好硬，食到個種燒烤味；醬汁係偏辣少少，但意外地又夾到成個豬頸肉，用嚟送飯都好唔錯熱咖啡同凍咖啡個啡味都幾出，少少咖啡酸同苦，但又啱我呢啲鍾意飲Long Black嘅朋友，女朋友個杯就因為加咗奶，中和返啲咖啡酸同苦味。

之前係樂富出job見到E間韓國菜好似幾吸引, 不過果時冇時間食, 今次去觀塘見到有所以同朋友去左試,  佢唔同傳統韓國菜, 種類有D特別我同朋友叫左個小食拼盤同一個飯小火焰拼盤有雞軟骨, 餃子, 薯條, 芝士夾餅, 蘑菇雞翼薯條少脆,  不過份量算多, 冇太大特別煎餃子3隻, 每次食韓國野我都會叫餃子, 鍾意佢香口, 雖然少少熱氣雞軟骨,  同平時食開果D冇太大分別, 不過個醬幾好食蘑菇雞翼, 冇骨嫁, 可以放心食, 入面塞滿晒蘑菇餡, 幾香口惹味芝士夾餅口感幾軟熟, 芝士味都幾香但唔會膩, 想再叫多份食海鮮石鍋炒飯有蝦, 魷魚, 青口, 雖然係炒飯, 但個飯都比較濕, 比較淋, 魷魚一大舊冇剪到, 青口平時驚佢腥所以都唔敢食, 不過今次就試左, 還可以接受, 唔腥但都唔係幾鍾意青口

食物完全麻麻，除左鐵板既野有「姐姐」聲係吸引，其他野食同韓食都有一段大距離個收銀夠膽死返住工直播開live，仲係度影埋食客好冇禮貌，我唔知佢係咪老細喇咁夠膽，blacklist 唔會再去其他侍應伙記算係有禮貌既，但係個收銀我真係火都黎埋，間鋪有成千個like我真係好好奇邊度黎，我相信大部份既韓式餐廳，就算唔正宗既應該都會比呢間好食。食左雞蛋餅，有薯條果個併盤….食完都好似唔記得食左d乜咁，因為都冇一種令人留下深刻印象既味，真係比過千正評比佢呃左黎幫襯

呢日黎到觀塘呢間小火焰食韓國野，由於太耐冇去過旅行，真係好掛住韓國既野食，所以就黎試試佢！我地叫左個明洞2人餐，沙律要左牛肉沙律，勁多牛肉，仲有隻溫黎泉蛋可以撈黎食，佢既沙律茶好新鮮，食落索索聲～小食方面我地就要左豬肉餅，加埋佢既醬都幾惹味！鍋物就要左豬手粉絲煲，估佢唔到個湯幾好飲，同埋豬手個份量都幾多，冬天食韓國既鍋物暖笠笠真係無敵！主食就叫左個芝士牛扒飯，勁多芝士食完真係超飽！最後甜品仲要升級食埋個窩夫，真係大滿足！

今日黎到觀塘食呢間韓國菜 小火焰韓式咖啡廳～ 好近apm 一出行5分鐘左右就到啦～ 入到去好快就坐低左 店員就比左個QR code我哋落單啦 方便易用 仲圖文並茂添～ 咁我哋好快就諗好食咩啦 落單之後等左一陣啲野食就到嚕～ 滷豬手菜餅 $88唔想成日食海鮮餅泡菜餅就可以試下呢個 係豬手菜餅 滷豬手入味厚身好足料 加埋菜同泡菜 真係不錯👍🏻 辣炒豬肉蓋飯 $98呢個係用左豬五花 翠玉瓜 紫菜飯 再加埋韓式辣醬撈埋一齊食😍 韓式辣醬另上 讚啦👍🏻 可以因應自己食唔食得辣而落幾多～ 豬五花都有唔少 好味呀😋 炸雞Combo $88 呢個炸雞Combo真係大推🤩 一次過滿足晒三個願望 有芝士薯條 酸甜炸雞 炸雞軟骨 先講芝士薯條 除咗表面淋咗啲芝士醬之外 佢每一條薯條都有芝士粉係表面 啖啖都有芝士味😌跟住到酸甜炸雞 有三大舊 冇骨啖啖肉 酸甜醬好味😋 想試吓炸雞又唔想食咁多就可以叫呢個👍🏻炸雞軟骨 炸得乾脆香口 食落又唔會滿口油膩嘅感覺😌 整體來講 呢間小火焰韓式咖啡廳 環境舒適 食物質素唔錯 店員服務態度好 下次會再嚟試其他韓式菜😋

一向都知道觀塘係個美食之都，平時放工都會係觀塘搵啲餐廳試下，聽同事介紹呢間韓國餐廳唔錯就帶埋韓迷女朋友去試下。位置係觀點中心，個環境夜晚播住啲韓歌都幾有feel，原來呢間餐廳都開咗一段時間，見到嗰日嚟食嘅好多都係情侶💑諗咗好耐叫炸雞Combo定係溶岩芝士炸雞麵包，最後決定叫熔岩芝士炸雞麵包因為擔心兩個人未必食得晒咁多炸雞，最後呢個炸雞麵包完全冇令人失望！炸雞非常之外脆內軟，肉質嫩滑！好有驚喜 而且配有沙律🥗菜可以食完炸雞清新啲中和番！😆 個麵包都好好食！鍾意芝士嘅朋友仔千祈唔好錯過一啖炸雞一啖芝士🧀🐥鷺梁津海鮮石鍋炒飯🦐🦑🐙🦀🦞呢個成為我全晚最愛，飯既味道非常啱我胃口鹹鹹地又有海鮮鮮甜嘅味道。加上飯嘅海鮮份量非常充足有青口、魷魚、蝦、蟹杍，識落大大啖非常滿足！加上埋單先知道原來係聖誕期間仲有優惠！本來兩個人都想叫啲甜品但食咗兩個已經非常飽肚！如果下次想食建議叫多啲人嚟一齊分享🤭🤭🤭

平時行過見依間餐廳lunch time都好多人排隊 所以前2日同同事一齊試下 睇下係咪真係咁好食餐廳地方都好大 座位都多 lunch set都有好多選擇 我地三心兩意 都唔知簡咩好 😜咁我最後就叫左拉絲芝士烤豬肉伴泡菜炒飯(小辣)配熱飲 一黎到已經好吸引 因為見到好多芝士 好邪惡呀~ d芝士仲要拉絲 鍾意食芝士一定唔可以錯過 而豬扒份量都唔小亦唔會太乾身 炒飯都好正 泡菜味好夠 我略覺得唔夠辣 如果可以再辣d就好啦 成個配搭真係好match 好好食 😋👍🏻有機會都想試下佢既晚餐 好似都好受歡迎 畢竟依家好食既韓國餐廳真係愈黎愈小🥲

一兩年前去朋友觀塘office做野，佢帶左我哋黎呢度食，話呢間好好食，大家都食到好滿足，留下深刻印象🥰事隔咁耐，終於再黎呢度係半份芝味炸雞($108)，印象有4舊，全部都幾大舊同堅脆，芝士醬加埋芝士粉同紫菜粉，正到呢😋餐廳非常細心，提供膠手套俾客人一用😉上次食過pizza覺得脆脆地唔錯，所以今次都叫呢份係芝士海鮮菜餅($88)，上面有d泡菜餅底非常薄脆，加埋d海鮮同我最鍾意既粟米🌽，唔肥膩得黎又滿足見到隔離枱叫呢個雪香牛骨湯鍋($158)，有個蠟燭台係底加熱，天氣凍凍地食幾吸引，所以我哋又叫😝上到枱真係熱辣辣，牛骨湯配上煙煙韌韌既麵，令人胃口大開，宜家寫緊食評都想再食番我鍾意食海鮮，所以又叫埋呢個鷺梁津海鮮石鍋炒飯($138)，上枱渣渣聲，店員好細心提我地要攪拌，食落好足料好暖胃，仲有少少飯焦添呢碟黑松露炒淮山麵係素黎，蔬菜健康，淮山麵又正氣，配以黑松露醬一d都唔膩，岩素食既朋友呢杯比利時朱吉力係跟餐加＄10，飲完暖笠笠😙飯後甜品糯米糍3.6牛奶乳雪花冰($78)，面頭係朱古力粉，裡面係牛奶刨出來既雪花冰，軟綿綿又幾正喎

Fusion 韓國菜溶岩芝士炸雞麵包🍗🥘🫕呢個溶岩芝士炸雞麵包非常打able，如果鐘意芝士的朋友仔千祈唔好放過呢個甘芝士的麵包，我記得之前的芝士比今次試過芝士好似淡少少，味道更加食唔停口，但如果係兩個人食要諗一諗兩個人ko唔ko到呢個大麵包。另外，呢個炸雞份量都幾多，有6-9件，炸雞都好脆口，好彩有d沙律可以中和一下。呢個芝士炸雞麵包應該適合3-4人食，如果出左迷李版應該可以更加吸引😙芝士海鮮菜餅🧀🌮🐙🦐🦑呢個海鮮蒜餅如平時食開厚厚麵團既煎餅有少少唔同，呢個海鮮煎餅的海鮮份量都好有愛，但屬於比較薄的，如果鐘意脆口既朋友仔呢個應該好岩胃口，呢個隔油的方式擺碟令到海鮮菜餅食落輕型好多。

前幾日去「小火焰」食lunch，餐廳午餐set包埋飲品🧋都只係五十幾蚊，環境舒適而且食物質又好，性價比十分高✨，仲可以加配小食🍡，十分推介。👏🏻豬五花炒粉絲$68傳統韓式炒粉絲，粉絲微辣🌶開胃好味，粉絲乾身唔油膩，而豬五花肉份量夠多，肥瘦適中有層次感，配合翠肉瓜等配料，非常好味😋。温泉蛋野菜牛肉蕃茄湯烏冬$58溫泉蛋夠曬流心軟滑，野菜牛肉味道濃郁，蕃茄湯烏冬分上，蕃茄湯濃郁酸甜好味，十分抵食。👍🏻甜薯咖哩雞腿肉飯$58甜薯香甜，咖哩汁唔算辣，雞腿扒皮煎得香，肉嫩滑，整體不錯✨。加$15追加芝士夾餅🍕，夾餅外脆，裡面芝士香濃，十分好味😋。

呢日行過觀塘中心，見到呢間餐廳個memu幾岩食，上網睇發現呢間餐廳係觀塘，咁人氣，所以就拉埋個fd入去搵食。餐廳都幾有聖誕氣氛，環境舒適，侍應門好有熱城同禮貌，會推介下野食、好主動收餐具加水同埋跟食客打下牙骹。跟餐既熱朱古力有打奶泡，仲送埋舊曲奇，飲完暖笠笠。黑松露淮山麵有午餐黎，有淡淡黑松露味，仲有唔少菇和彩椒做配料，感覺好健康。芝士炸雞係即叫即炸，半份都有5大舊，3個人食都夠分，炸皮好似薯片咁脆，芝士醬香濃得黎又無黏口，必叫。好似係海鮮石頭鍋飯，上枱時炸炸聲，香氣撲鼻，蟹籽份量不少，有聲有味有畫面。個飯味道仲要幾岩我胃口，有少少飯焦，海蝦有3隻，夠新鮮。份量都唔少，3個人分享都無問題。最後食埋我最鐘意既雪花冰。呢款係糯米糍味，雪花有香濃既牛奶味，好細滑，入口即溶，朱古力味唔係小朋友食果種死甜，係微微甜得黎有可可既味道，真係呢度必食既甜品。就算天氣咁凍，都要食番個先滿足。

臨近聖誕節，周圍行街買禮物比啲小朋友🤭於是過咗去觀塘睇吓有冇嘢啱。當然啦，行街之前梗係要填飽個肚！朋友帶咗我去食 #小火焰韓式咖啡廳 , 一入餐廳嘅右手面個display 櫃有Kakao friends 嘅Ryan ，我好鍾意Ryan 😍 坐低掃QR code 落單，原來星期日都有午市套餐又幾好喎👍🏻大醬餃子粉絲鍋配熱蜂蜜紅棗茶再加小食芝士夾餅 - $68+15 = $83個湯幾豐富，有櫛瓜、洋蔥、菇、大豆芽、燈籠椒，當然仲有主角粉絲同餃子！我覺得大醬湯偏辣，因為我都食過好幾間韓國餐廳嘅大醬湯呢一間係真係偏辣啲，但湯底都鮮甜，餃子有三大隻，都係平時食開嘅韓國餃子嘅經典味道，即係韭菜粉絲豬肉同濃蒜蓉味🤭粉絲都係平時韓式炒粉絲嗰隻，其實湯粉絲都好好食，朔晒啲汁🤤芝士夾餅，夾餅微脆，食落都幾香😋蜂蜜紅棗茶都係我幾鍾意嘅飲品，因為紅棗對女性好嘛😉 辣炒豬腩肉拌飯(小辣)配凍檸茶再加小食忌廉蟹肉薯餅 - $68+3+16 = $87豬腩肉好肥美🤣肥膏係煮得爽口，份量亦好多，食到尾都仲有豬腩肉撈飯🤣韓式拌飯唔使講啦一定好食，因為佢有紫菜同甜甜地嘅汁，咁樣撈起來，豬腩肉都唔算好辣，我都仲食到(我係唔