小王牛肉麵

營業中

休息中

We decided to have a quick tea before movie, lucky no queue up there.We ordered the Taiwanese beef noodle. The beef was soft and tasty, soup was full of beef taste, the noodle a bit too hard, it will be better if it could be softer.Pork chop noodle was nice, pork chop was crispy.Green tea was rich of cream.

期待了30分鐘，真的很想試這款餸，怎知來了一碟外貌又醜，極咸極酸的「蛋黃肉」，難以入口。我要求伙記試味，他們說味道的確有點酸，但酸是因為當中一款脆瓜，脆瓜是酸的。遇上這樣的理由，我也不想辯論，我再沒有心情再在這裏吃東西。我入坐時間是晚上9點，大約9點38分開始已有侍應拿著滿有滴露味的布在抹枱。真的很失望，除了不再光顧，也想讓重視服務或食物質素的朋友知道，免重蹈覆轍。PS附上照片，碟餸一上桌已像被吃過一樣。很失望

鑽石山這家小王牛肉麵環境很好。上菜速度快。牛肉麵的牛肉選的位置基本上都帶筋，應該是牛腱部位；也有一兩塊牛肉不帶筋，坦白說不帶筋的牛肉實在不適合做牛肉麵。煮久了肉質就老難以下嚥，煮的時間短肉又不入味。雖然牛腱部位的肉也不大入味。其實我覺得完全可以提前一晚醃肉，這樣肉就不會很老又能入味。湯底雖然有很濃郁的醬油味但是仔細的回味還是能感覺到裡面的中藥味。湯底本身比較清，雖然有層油飄在頂，但是是燉牛肉的油。不會油膩。麵的材料比較好，很順滑，但是不夠較勁。

今日同女朋友仔去呢頭睇戲，記得呢間野就來睇睇，晚飯時間幾多人，兩人位都等左五六分鐘先有位，入面好多位，都唔洗等好耐。環境普通，不過都叫有位，不會太迫，呢到自己係menu上下單，可擦甩，夠環保。叫左1）牛肉麵（加酸菜）$532）牛筋麵（加酸菜）$553）鹽酥蚵仔 $364）辣牛肚粉皮 $35麵食轉頭就送到，好快，其他都要等等先到，除左牛肚粉皮普通d外，其他都好好食，會再來食，性價比ok。PS: 隔離枱就食完見到牛肉麵來都話好吸引，話下次來要叫。

已經第n次尼鑽石山食小黃牛肉麵啦， 首先實不相門小妹係唔食牛嫁，但點解都會尼尼到呢？就係為咗塊大大塊嘅雞扒啦，呢度嘅雞扒自私食都一樣咁大塊，炸得又好，而且冇雞嘅雪藏味！👍🏻👍🏻👍🏻(最怕啲肉有新雪藏味！😣)咁我今次食既係。。。睇下！塊雞扒真係好大塊啊！ ！ ！次次都無令我失望嫁！今次係第一次食尼到既滷肉飯！普通啦個滷肉飯啦~ 不過不失☺️今次仲嗌埋炸杏鮑菇，個味道係好好嘅，但如果切得細粒啲會更加好啦👍🏻👍🏻Ps而且鑽石山有得免費泊車！正！

晚餐同朋友叫咗個燥肉飯+酥炸豬扒飯+台灣肉腸整體就係非常多油，幾道菜食完之後隻蝶都剩下好多油，但味道是ok的燥肉飯($41+10%): 有一pat 燥肉，好入味，加3-4塊醃咗0既青瓜，酸酸0地，份外開胃酥炸扒豬飯($68+10%): 塊扒成塊吉列上，酥炸的，份量幾足，一個女仔可能食唔哂，可能又因為油膩，好頂肚，d 飯都會加pat 少少0既燥肉上去送                                                      幾好入口台灣肉腸($30+10%): 好無奈，$33 得幾塊0野，好唔抵食，朋友同埋我見到都覺得好震驚! 實在太少了，個份量真係唔夠sip 牙隙，失望之極!

睇食評好似麻麻，有d欲步，但又想食牛肉麵，所以去左食。食完後又覺得好食喎，所以睇食評有時唔可信。。。可能因為我地放工放得早，望入去仲有好多位～侍應安排左我地係2人卡位，覺得環境同坐位都唔錯～我地點左半筋半牛肉幼麵2個同埋醋雲耳加1杯凍朱古力~首先好快地黎左2碗麵先~哇~D湯好似有中藥味但又諗唔起係咩味~好好飲呀~D牛肉好淋呀~好入味~幼麵又好彈牙~整體好好食呀~一路食一路飲D湯都唔錯~尼個必食~真係好好食~~但美中不足既係...食到最後有些咸...尼個因為醋就有酸既味道~雲耳見仁見智....無論口感同味道，我就覺得麻麻地~~除左雲耳外，佢竟然有青瓜係度~反而D青瓜(酸)好好食~同埋好入味~凍朱古力，唔知點解最遲黎.....飲品有待改善.....唔建議叫尼個....整體好好食～我會再幫襯～下次可以試下叫肉噪飯～另外見到食物款式仲有好多選擇～可以再試唔同款式～這間值得推薦～

是日午餐去到荷里活廣場食台灣野，星期一中午人流唔算多，唔洗等位。按習慣由湯試起，帶少少藥材味道，牛肉味唔濃，但配搭上黎幾好味，唔會油膩同過咸。牛肉有三大塊，份量唔少，夠入味但肉質有少少'鞋'。至於麵有粗同幼可選，圖入面係幼麵，口感偏軟滑。小食加左個花枝丸，夠彈牙仲食到一粒粒嘅花枝，而且調味好香口，唯一可惜係唔夠香脆，同埋28蚊只有四粒算係偏貴。跟餐有配蜂蜜綠茶，夠凍而且幾香蜜糖味，唔錯；友人加10蚊轉飲珍珠奶茶，評價同樣幾好～總括來講食物味道唔錯，但亦未至於好特出，如果跟餐可配珍珠奶茶就更好了！

今天中午比較hea，路過小王牛肉麵，有啲肚餓，就入去試下啦！叫咗一個午市台式定食，有10欹定食任君選擇，我今天就選擇了F餐，半筋半肉粗麵（可配幼麵），奉送一杯蜂蜜綠茶，＄56！個湯底係好有濃厚肉味，麵質幾滑溜，有2條牛筋，1條牛肉，肉質幾爽，有口感，但份量不是太多，可能今天比較肚餓，感覺上不足夠填飽肚子！但可以用優惠價追加食品或甜品（都有8款小食，2款甜品）！可能時間尚早，人客不是太多，座位亦幾舒適！

平時HEA行HEA食都會黎荷里活廣場, 比起出面既商場, 呢度人流算比較少, 唔係咁逼...而小王就係我地平時HEA食既其中一間餐廳, 貪佢唔算貴, 又好快有位...之前食開都覺得冇乜野, 但今次去覺得差左好多原汁牛肉麵主食牛肉好韌, 韌到趙完都唔想吞...雖然湯底依然係好濃味, 但係牛肉做得太差, 幫唔到幾多...台式肉燥滷豬手飯呢碟另一半叫的, 我夾了舊豬手黎食, 平時都好淋幾入味, 今日完全相反, 到底發生咩事?

荷里活廣場一向都好多野食，今日行完街，見小王牛肉麵唔洗等位，就試下～等左10分鐘左右就入得～餐廳都好大，人好多，係有d逼。同隔離台好近好近啊！有d唔太舒服！香辣牛肚粉皮：第一次試牛肚加粉皮，味道辣辣地好正啊！不過分量太小了！一口鹽酥雞：個雞都ok，但好似炸得太耐既感覺，但我對炸物真係抵受唔住誘惑啊！。呢個真係最正啊！櫻花蝦辣肉燥炒飯：肉燥已經係我最愛，用黎炒飯真係好好好好好食！最後兩個人埋單一人$75~都算抵食！

情人節 為了去荷里活廣場的戲院睇《合約男女》的優先場，於是到了這餐廳食飯。七點幾黎到，見到門口咁多人等位都有d期望，可惜最後失望而回。等左大約20分鐘先有位，入去座低就開始在點餐紙上點餐，食物選擇都唔少，淨係牛肉麵已經有好多款！ 揀左原汁牛肉麵（粗麵加酸菜），台南炒新竹米粉，醉雞翼同埋蚵仔煎。落單一分鐘個牛肉麵已經出現。。快到咁，已經心知不妙果然，麵是非常的腍，完全沒有嚼勁牛肉湯是不錯的，有淡淡的藥材味，而牛肉也燉煮軟腍夠味，可惜麵的質素太差，把整碗麵都破壞了。然後醉雞翼也到了，一份三隻，酒味濃郁，可惜肉質頗硬，不推介。蚵仔煎是全晚最滿意的食物了，煎得香脆可口，入面口感黏黏QQ咁，不過如果蚵仔份量多番dd就更好啦。然後發現台南炒新竹米粉等了好久都未出現。。。然後詢問一下，侍應話原來無落單算啦咁，惟有睇戲食個大爆谷啦~

座位寛，挺舒適。分別叫左牛肉牛筋麵，先講湯，麵未食，一陣濃濃的十全大補湯味已傳傳傳來，但牛肉還好，牛筋更不用再作評論，十分普通。麵是重點，點幼麵，一啖過後以為自己味覺有問題，呈上的麵已接近糊的狀態，麵不新鮮及發脹，勉強食過一半後就品嚐飲料。心想台灣店的飲料不會太差吧?結果是甜甜甜，甜死人，完。有生之年不會打算再食。

中午時分荷里活廣場真係好多人食Lunch，唔想等位我會揀黎小王食飯⋯每一次我都必點鹽酥雞扒麵，塊雞扒會另外用牌木板俾你，唔洗浸住喺湯度浸淋晒。鹽酥雞扒炸到熱辣辣，扁扁的一塊，不是啖啖肉的口感，但味道很香，雞扒加上幾種香料作調味，好有台灣風味👍珍珠奶茶也很推薦，大大杯很足料，珍珠也有很多，不過如果可以有套餐飲品優惠就更好😅另外今次還試了鹵水三味，全部都很入味，我最推介牛𦟌💕牛筋整得太淋⋯我個人偏愛有口感一點既牛筋

放工經過荷里活廣場，就睇下係度有咩好食啦～呢間小王牛肉麵主打台灣食物，所以我地或多或少都有少少期待真正既台灣味道。晚飯時段餐廳都好爆滿，幸好我地一行入去就有位。餐牌如下：大部份都係台灣比較出名既食物，哈哈，但價錢就不太台灣了～我地叫左原汁牛腩麵、原汁牛筋麵同珍珠奶茶。原汁牛筋幼麵牛筋算林同入味，幼麵軟硬適中，小堂菜亦不會太生或過熟。湯底亦近似台灣牛肉湯麵的感覺，但是邊食個咀邊痕，同行友人亦明顯地有同樣情況。原汁牛腩粗麵牛腩以長條形狀切割，但由於肉質不太林，所以其實不太方便進食。