小王牛肉麵

營業中

休息中

是晚吃台菜 #牛肉麵 #鹽酥雞 🐮牛肉麵湯底帶淡淡藥材味，牛筋煮得淋，小唐菜爽口，粗麵條很QQ。🐔鹽酥雞炸得鬆脆，但保留到肉汁，味道略咸了一點。伴菜雲耳同麻辣牛肚粉皮味道像相都唔太吸引。埋單$199/3人，價格還可以。 #食玩焗煮遊世界 #gotravelwithandie #小王牛肉麵 #荷里活廣場 #foodblogger

今日和一大班舊同事過黎鑽石山荷里活廣場睇戲 買完飛 之後就落黎 食呢間台式小王牛肉麵 之前我地lunch 都一直有食開呢間 覺得好好食 今次過黎懷念下佢嘅味道！！間店選擇的種類 有好多 就連下午茶的餐牌都相當吸引 $ 47 必點 台灣半筋半肉牛肉麵 麵底 可以揀粗麵或者幼麵 都可以 小編覺得粗麵 食起黎會更有口感 又彈牙 牛肉 好有牛味 五會煮左好耐好柴既感覺 ！！至於湯底 就有小小失望 冇咗以往既鮮味 可能分店唔同嘅關係 。$ 49台式肉燥炸豬扒飯 台灣既肉燥 真系冇得頂 好好食 小小肉燥醬可以食一大碗飯 件炸豬扒都大大塊

1130一開門我地兩人就入去，態度好好，非最旺時後可坐四人卡位餐單唔多影，因爲我食左兩個最具台灣美食代表既菜，第一係鹽酥雞🐔炸雞帶出菜名，好酥脆，唔係入口碎曬個款脆，而係酥，鬆，質感脆口鹽香、配台灣肉燥飯，唔太肥，醬料都帶出鮮甜味！唯一嫌下係個青瓜太酸太酸，第二碟我地叫左小王名菜，半根半腩麵，我叫左幼麵望到湯底顏社就知勁，感絕好似少許藥材甘甜味，加上去曬牛既臊味，牛根真係沒得嫌，好淋好入味，比jelly更有口感，牛腩就唔算好淋，但未至於老到痴牙，牛味好濃！要介紹！開頭叫左杯奶蓋香芋珍珠奶茶，黎到個陣覺得pat奶蓋一大pat好奇怪，好似奶油牛油咁....點知好特別，唔係出面台式飲品舖既奶蓋，反而呢個好有牛奶既鹹香，慢慢慢慢咁溶，不妨一try！

小王牛肉麵小王唔係第一次食，知道佢一定水準，所以返工前唔知食乜，都會揀佢。貪佢好坐，舒服。今日叫佢個午市套餐半筋半肉麵+凍蜂蜜冰茶凍蜂蜜冰茶，大大杯，加些碎冰，炎炎夏日，超級解渴，冰涼入心。半筋半肉麵，湯底超級正，遠處已經聞到香味，飲一啖，好似有四物湯嘅味，好好味，感覺好補身😂😂😂但筋肉份量很少，三舊筋一舊肉。牛筋香滑軟稔，牛肉有豐富肉汁，而且非常入味。粗麵唔會太淋，有咬口，有彈性，仲好滑，好似台灣嘅手工麵。

在星期日下午的荷李活搵食，處處人山人海，間間食肆門外都有長龍，個人其實對台式食品興趣不大，但這裡勝在轉流快，所以排了十五分鐘左右便有位了點了兩款麵食：原汁牛肉麵和台式肉燥蛋伴麵牛𦟌切成長條狀，有咬勁，麵條爽彈，湯頭鹵水味道不錯，不是只有咸味，還是附上的醃漬蔬菜，有提味的作用呢個肉燥麵都正，麵底的汁濃稠度適中，剛好掛在麵條上，但鹵蛋稍嫌不夠入味，肉燥有點咸再加個一口鹽酥雞，炸雞粒最忌就是粉漿厚雞肉乾，這個鹽酥雞絕對能做到保留雞肉嫩滑，得雖然今次只試了幾樣東西，但我覺得這裡的出品有水準，值得下次再來試試

同未夠兩歲既bb出街食飯，搵餐廳真係要d心思，有咩岩佢食又岩佢坐呢。見到呢間有sofa, 又有肉燥飯，就你啦。牛腩麵牛腩望落好靚，牛味香濃有咬口，最正係有大量既酸菜，酸酸甜甜同個湯好夾，麵形寬身煙韌。鹵水蛋肉燥飯呢個專登叫俾bb食，有大量肉燥，唔使剪碎d肉俾bb，慳左好多功夫，飯粒鮮明， 煙韌，蛋鹵得入味。皮蛋豆腐勁多肉鬆係面，估唔到皮蛋個黃都好香。鹽酥雞雞份量好多，即炸，但唔夠酥，再香口d更好。魷魚羹呢個唔記得影相，入面有冬菇，魷魚，同 薑絲，足料，幾好味。

小王牛肉麵都喺香港嚟講喺一間開左比較耐都比較多連鎖台式食物餐廰，開左咁耐終於嚟試下！假期夜晚8點左右食，都唔算太多人等位，四人枱大約等左五分鐘就有枱可以去食！環境嚟講都算舒服，同企枱有保持返一定既距離，因為四個人想叫多啲唔同既嘢食，而呢度咁啱真係有好多大大小小既菜式餸菜同小食比人選擇，連一啲台式飲品都有，真喺樣樣都好想食! 叫左珍珠奶茶($20)同滷肉飯($42)，珍珠奶茶都算幾大杯同味道都好正路，而滷肉飯我覺得就比較細碗，而唔喺好似真喺台灣個隻肥肉比較多同比較濕既滷肉飯，不過味道都算好食，不過肉碎就唔夠多用嚟食成個飯。川椒皮蛋豆腐($35) - 雖然話有川椒，不過其實食落去都唔太辣，豆腐都幾好食，而皮蛋都好爽口。原汁牛筋麵($56) -  牛筋好大舊，爽口原汁牛肉麵($55) - 牛肉都好「林」身，食落去口感幾好，而個麵都喺用台灣比較厚身既麵，好正宗高雄滷水拼盤($68) - 呢樣反而喺我覺得比較遜色既一道菜，牛月展太「鞋」同好「銀」，其他都正路，但喺滷水味就真喺無乜，呢個都唔會再叫了如果嚟食。一口鹽酥雞($30)，好食，非常入味鹽酥花枝丸($32) - 好食，同台灣既有得揮，不過得

位於荷里活廣場3樓呢間台灣野充滿驚喜！之前有係台灣食過牛肉麵，但係唔太中意。覺得味道好膻。但今次黎點呢個半筋半肉牛肉麵$60一入黎已經充滿香味，呢碗麵黎到。即刻飲啖湯，哇！超正呀。完全冇膻味，而係有d似台灣的藥燉排骨嘅味道。超香，味道好濃。好中意，配住粗麵食，個麵吸曬湯底味。如果中意藥燉排骨的人，一定要黎試食呢個！再黎小食，一口鹽酥雞$30有6-7舊左右，唔會太咸！但又充滿鹽酥粉味，好香！炸粉好薄，配埋入面好嫩嘅雞肉！好好食呀！一改我以前感覺，因為係香港、台灣食過嘅都係太咸！配埋香芋珍珠奶茶，真係一流！入面仲有芋泥架！最後叫個滷水拼盤，呢個就反而一般。水準都係正常食到的味道，而特別在於有一口小豆腐，幾好食。沒有太大驚喜！

岩岩上完高溫跳舞班真係好攰好想嘔👾我呢d萬年唔郁 一郁就好酸痛🤭相入面唔係而家食既 做完運動食就變左放棄治療😂😂小王#牛肉麺 好似無以前咁好食 點半筋半肉 得一舊肉 其他都係筋🤥不過麵仍然係我愛既煙煙un un 手工麵😇

鑽石山廣場係一個好好既商場，因為不用消費都會有三小時免費泊車優惠，所以一到假期停車場一定會好快爆滿，去開呢度泊車就順便係度食埋野喇。行左無耐就決定幫襯小王牛肉麵，叫左鹽酥雞扒飯，台式肉燥滷蛋飯。飯類黎講價錢貴了少少，小食就算正常價。餐廳收費有 D 奇怪，台式肉燥飯收 41 蚊，而台式肉燥滷蛋飯收 51 蚊，即係多隻蛋收多你 10 蚊。台式肉燥滷蛋飯味道同外面差不多，無話特別好食，不過 D 青瓜就整得幾爽口幾好食。而鹽酥雞扒飯貴相就一般般，不過雞扒出奇地炸得脆口之剩，內裹重有好多肉汁，未有炸到太乾身既情況出現抵讚。

睇戲前食個lunch,見好耐無食過台灣野, 就入去試下啦點知中伏半筋半肉麵個粗麵唔夠彈牙,而且唔似台灣麵的質地個湯唔夠濃郁, 有d淡, 加入酸菜唔正宗台式肉燥鹽穌雞扒飯雞扒係好大件,炸得鬆脆 但好鬼咸肉燥就好普通, 唔夠台式味道而且食左幾啖已經好乾, 唔夠汁配飯

因家住鑽石山及喜歡吃台式牛肉麵，所以多年來都經常幫襯。雖然近來發現佢地食物質素已有所下降，但囝囝話好想食牛肉麵，所以今晚就貪就腳去吃牛肉麵。碗麵已經變得好唔熟識，d 牛肉口感差，嚡口仿似肉渣，服務亦大不如前，如若客人要求多酸菜以前都會額外提供的，就好似我哋去高雄食都係成罌酸菜擺枱面任加㗎嘛，就好似普通辣椒油咁樣咋嘛，但呢間話而家不會免費額外提供。另外侍應的態度亦很惡劣，我諗係時候要找其他地方吃麵了睇嚟都係要特登去高雄食正宗嘅小王牛肉麵先得啦！ 香港呢間可以收皮啦！

Since my last visit, the food and service has deteriorated.Firstly the staff clearly didn't want to answer questions or take orders.The squid roll was dry and tasteless, it seemed like it had been in the fridge for ages because people don't order it.The bittermelon was no longer available.The beef noodles were ok but not as good as the first visit because the broth was weak and the beef wasn't that good.

嗰日去開鑽石山，跟住去搵嘢食，隨便入咗一間。涼拌黑木耳酸酸地好開胃。炸雞扒好大塊，鬆脆非常入味。炸雞一口一件，外脆內軟，肉燥味道剛剛好，送飯一流。價錢亦非常合理。

荷李活廣場食肆林立，想食邊個國家既菜都會搵到。今次想食台灣野既我地就黎到小王牛肉麵食個下午茶喇~選擇都幾多喎。可惜果刻唔太餓，無叫太多野食呢個係朋友叫既，特登簡左幼麵。雞扒同麵分開上，係好典型既台式食法。一送上黎果下啲雞扒熱辣辣，梗係岩岩先炸架喇~咬落去鹹度適中又啖啖肉，真係幾正架👍🏿塊雞扒究竟有幾厚？由呢個角度「欣賞」下啦至於呢個係本人叫的。感覺其實唔使落焦糖，始終本身仙草凍已經有點甜。生果比較酸，但overall都幾正常，無咩特別總結係：下次要留肚試下佢啲麵先💪🏿💪🏿