小王牛肉麵 (已結業)

星期日到青衣城食lunch...間間餐廳都咁多人，所以就試間好多人係門口等緊既食店。。小王牛肉麵其實我由細到大都唔食牛 所以由呢間野開左之後我一向都好怕入去食野 因為怕超大牛味不過今日睇左佢個餐牌 佢除左牛肉麵之外 佢根本有好多好地道既台灣野食。。所以就咁我被吸引左我食的。。勁好味 唔會好乾 又好香 佢個汁係最正 講真 同程班長有得揮 呢個一定會encore男友點了一客牛筋麵。。佢都話好正 牛筋又林 又入口 佢都大讚大家既反應都係話 正呀 好味過程班長 哈哈黎食台灣野呢個小食 ，又點少得呢好香脆 味道岩岩好 食完又唔會覺得超重味精。。大讚食得飽飽好開心。。。一定會再黎encore

食物一般!但服務超極差! 從未遇過甘差服務既餐廳首先帶位完全無指示你坐邊張枱就走開左，想話問個問題都無人理你，行到埋黎都悔悔氣氣甘！落左單野食未到已經聽到隔離枱投訴啲員工態度差！跟住last order完野食未齊就叫埋單，吾緊要！咪照比錢囉，到食到甘上下見到仲有碟小食未到同佢講，點知原來一早整好以為無人叫放左系收銀個邊，仲要見到佢有同事食左幾舊，後尾見我地出聲先拎返過黎甘都得？出聲問佢: 岩岩見到你同事食左幾舊喎，個待應扮聽吾到仲擰咩面同個收銀系到傾計！真系忍吾住出聲叫佢退返錢仲要串串供系到啤住你嫌你煩！以後都吾會去！😡😡😡麻煩傳揚開去！真系貼錢買難受呀！

人生中未試去一間咁差既餐廳。 首先我叫既下午茶餐竟然有頭髮，一間食肆連最基本既衛生都做唔好，點做食肆。重點係d職員服務態度極差，完全無道歉 無人理 更無想處理既態度。暫時食過最差既餐廳，職員既態度令人非常震驚（特別係果d著黑色套裝既職員）衛生極差 態度差 究竟你地呢間分店仲有咩係好 sorry 我完全諗唔到食物質素差 😒😒😒😒

由細到依家都未去過青衣戲棚，行左個圈就係附近搵野食。最後幾個選擇中就揀左呢間台灣餐廳。原汁牛肉麵要粗麵，好彈牙，但可能因為粗麵，烚唔夠有d麵都似埋一堆。個湯底有陣藥材味，好似肉骨茶咁。個牛肉煮到好林好入味，帶d牛筋好好食。肉燥鹽酥雞飯。個鹽酥雞炸得好香好脆，個炸皮唔會油冧冧，而個雞扒肉身炸完都好juicy好嫩滑。但落太多味粉，令到好咸肉燥同撈飯冇得頂，d肉燥汁已經係個飯底"索"哂入哂味

原汁牛肉麵🍜（$52）湯幾濃幾香，但除左湯之外就冇樣掂喇。因為牛肉麵既麵最重要係夠q，夠彈，有咬口，但呢個麵🍜就好淋好爛，除左咬斷麵個一下之外，其他唔咬都得嫁喇☺️。牛肉係幾淋呀，太易咬反而有啲唔新鮮既感覺。除左碗麵之外，店員間既溝通都有待改善。當時同朋友兩個人都係叫左原汁牛肉麵，幼麵，一碗要酸菜。但第一次送嚟既係兩碗都加左酸菜既粗麵，同店員講完第二次送嚟既竟然同第一次送嚟既一模一樣😟，係去到第三次先冇錯！

知道青衣城新开佐一间面店 终于有机会来试下 味道都算唔错噶啦 杯咖啡拿铁好好味 不过饮佐整到晚上失眠😭 至于碗牛筋细面➕酸菜 真系好好味 如果➕D辣椒仲野味😂

不過不失嗌左台式肉燥鹽酥雞扒飯老實說....肉燥飯是不得了的...係好好味...even佢比咁少肉但如果撈均哂d飯到..其實好入味...會肯肯定食哂的...但無奈雞扒太多炸粉..基本上係好大塊..但太多炸粉...口感會好嚡身...同埋塊雞已經比佢炸到老哂了...再嗌左個原汁牛肉麵個湯底好香牛肉味..令再上酸菜....牛肉憫得好腍身,好喜歡...佢果個麵其實有d似山西刀削麵咁架 哈哈最後同行友人都嗌埋五香牛肉拌麵(原味)話明拌麵,,,梗係會乾憎憎...我唔太欣賞..因為牛肉好硬...就算朋友佢撈均哂..都仲係好乾...頂唔順問佢地拎左碗汁....撈完都仲係覺得冇味........

是晚放左工去了青衣城，因為約了媽媽們去食團年飯，我地一行4人去了青衣城間小王牛肉麵食，我最早到達，咁我就先攞位，坐低等啦，跟住我的他就到了，咁我地兩個就叫杯飲品，飲住等兩位媽媽到來...我叫左杯珍珠奶茶，珍珠的口感煮到岩岩好，而奶茶方面，我知台式奶茶係茶好淡奶多，但呢道杯奶茶，雖然茶色好似好淡，但茶味好香我的他就叫了杯朱古力雪香，餐牌寫明用北海道牛奶的，朱古力味好香濃，好滑終於兩位媽媽都到達後，就叫野食喇...首先來左呢個...干香牛肉餅：由於我唔食牛的關係，所以唔多清楚味道了掛骨湯麵：個豬扒好大塊，而且好厚肉，肉質好juice，而麵係我最喜愛的粗麵來，好有咬感手抓餅：我的他蠻喜歡叫呢個來食，而我都喜愛，因為好酥皮，夠曬飽肚鹽酥花枝丸：唔太咸，又矛炸到好乾，味道雖然一般，但小食來講，算係唔錯的台式燒香腸：有點似腊腸的口感，唔算咸，媽媽話配埋d生蒜來食仲好味鹽酥蚵仔：唔油膩，而且又唔乾身欖菜肉碎四季豆：好香，有點偏咸，但可能因為d肉碎吸收左d汁，只係ｄ肉碎偏咸，配埋四季豆一齊食，係岩岩好的皇膳芺蓉牛肉麵：全店最貴的一碗牛肉麵，佢地話ｄ肉好淋，而肉味好濃厚，湯底好藥材味，而麵就可自行選粗或

『娃會再去再去』我第一次去食是2015年12月19日，因為青衣城酒家多人，所以行行下見到這間新開的舖頭咪同屋企人去試下，結果一試難忘。到第二次再去食，我就叫了些小食試下;正。當然它的半筋半肉麵依然保持到水準，有藥材的湯底我每次都飲晒，好正好正氣。碗半筋肉麵的份量，我覺得正常足夠食用，麵質彈牙，D牛筋炆到超『林』入口即溶，牛肉又不黐牙;好味。無為多講一於去試下。我建議ORDER半筋半肉，原因是可以試晒兩種口味。另外麵分為粗﹑幼兩種，本人覺得幼麵好食D，但粗都不差。『蚵仔煎』好香好多豪，跟我細個時婆婆煎的味道很似。唯一我要說有兩點要改良一下﹕第一 煎蚵仔的油應該返用過很多很多偏，我見到張底紙上的油積是『啡色』不是『黃色』，應該用了一排。第二 比較油左D，應該『痺一痺』油會好些。但味道是好食的。

中午時分點了一碗半筋半肉牛肉麵配幼麵、熱蘋果桂花茶及干香牛肉餅。牛肉麵的湯帶薄薄的藥材味，味道與台灣當地的牛肉麵類似，但無台灣的濃烈。麵條滑溜、軟身、不會有粉狀。牛筋過軟、欠象皮圈的口咬感覺。牛肉切割方法正確，肉質霖、也有牛肉味。干香牛肉餅，有肉味，餡料份量尚可再豐富一點。整體味道不錯，但仍略遜於台灣當地。蘋果桂花茶，內有不少細細蘋果粒，蘋果粒好甜，不似蘋果原本味道，但飲品卻不會太甜。本人對味精較敏感，食過味精兩、三小時後就會超口渴，是次餐後並無此情況。

放工時間去左青衣城小王牛肉麵醫肚，估唔到平日晚上都有不少人等位，取票2人枱要等16張，但這裡turnover好大，上菜快、食麵快，所以唔洗等好耐，大約20分鐘有位了！兩口子一人點了一個麵，先來台式炸醬麵，原來是拌麵，細細碗份量適中，男生則感不夠飽⋯麵底是白色粗麵，口感彈牙也不錯，反而較欣賞那三塊青瓜，夠蒜味且爽口。擔仔麵 — 其實跟剛才的炸醬麵樣子沒太大分別⋯ 但改成幼麵，味道一般，沒大驚喜。一口鹽酥雞 － 新鮮炸很熱辣，而且蠻脆口，粉漿算薄了！可是沒有鹽味，不夠鹹，普通炸雞，沒有台式的味道。飲品選了抺茶LATTE $24（左）及綠茶多多 $20（右），飲品算是抵飲，夠哂大杯！抺茶LATTE唔太甜，抺茶味淡了少許，但都幾OK。綠茶多多飲唔到綠茶味，多多味都較淡，不太甜，飲落都唔差嘅～小結：食物一般，唔算話好好味，味道較清淡，沒有重味精味，正正常常唔會伏。中意佢上菜快、食得快、等位快，而且食左5樣野都係＄16X，都幾抵食架！

今日要喺青衣拜訪兩家客户，分別上晝十點及下晝四點，中間有大把時間，所以特登約左家住青衣又好鬼得閒嘅大哥食飯，佢地頭就佢揀邊度食啦！佢揀左青衣城嘅小王牛肉麵，一向都對喺新區大商場嘅食肆冇乜好感，因為大都係連鎖，冇乜驚喜，不過未食之前我永遠都抱住落觀嘅期待，同自己講今次有例外嘅！我按大哥指示，去左小王攞飛排隊，望住個門口，點解咁熟口面嘅呢？啊！原來年零前同朋友食過呢間，記得當時覺得個湯好重藥材味。等左十分鐘，有位。主打牛肉麵嘅鋪頭，就梗係食牛肉麵啦，叫左個半筋半肉幼麵，朋友則食粗麵。另外加左一個蚵仔煎。半筋半肉麵 (HK$55)麵到跟前，賣相可以，而佢地嘅所謂謂半筋半肉原來就係牛𦟌肉，即牛後腿帶筋嘅肌肉，份量都唔錯。聞一聞好大陣中藥材味，一聞已經知放左沙參、當歸及桂皮等材料。飲左啖，唔係太啱自己口味，由細到大都唔係太鍾意飲藥材湯，但我相信鍾意當歸味嘅人會幾鍾意呢個湯頭，隨左當歸味，牛味都幾濃郁。牛肉好焾滑，牛味濃，應該係美國進口牛𦟌，但牛𦟌應該冇用任何醬料煨味，所以食入口只有牛味，畧嫌單寡。麵真係一般，覺得唔夠爽口，偏焾。蚵仔煎 HK$65蚵仔煎，做蚵仔煎主要材料有蚵仔、蕃薯粉、雞蛋、玉米

這店的開水，千萬不要喝。因為隔離的夫婦發現水原來是裝在一個寫住「垃圾筒」的容器中，令我整餐滴水不沾。 第一碟是鹽酥蚵仔，味道較咸，蚵仔鮮味不足。 跟住一碗半筋半肉麵，一挾起已經見到有條毛在碗中。店員居然話呢d係牛筋毛，你信不信？後來叫一碗牛肉幼麵，過了很久都未到。問店員是否漏單，他説沒有。但上到枱變成粗麵，十分肯定是漏了單又扮無。 牛肉麵味道尚可，不過比起台灣的味道偏淡。肉的質地較軟，但肉味不足。最後到比錢啦，櫃位明明寫住welcome AE，估下收銀同我講乜？ 今日剛剛換了卡機，唔收AE⋯⋯唔收好心就收埋個牌啦。

收工去左青衣城, 見新開的這間店, 早前食過一次..今日想食中菜, 所以等了一陣都入去.上次食牛肉麵, 今次四個人可以叫小菜.見到有幾個煲 ,於是想試下..最後選了酒釀大海蝦煲, 承惠108元.貪佢少少汁，可以送飯.加個安平蝦捲.  點埋沙律醬好味..   牛肉麵底可以多些就好... 下次再多些人食, 可試多幾樣...

是次叫左一個牛肉麵 (粗麵)丶一個半筋半肉麵 (幼麵)丶 紅油抄手丶鹵水豬手丶 椒鹽魷魚鬚。首先， 上菜速度真係非常之快，五分鐘已經所有野都齊， 我唔想一開始就踩，唯有講左個魷魚鬚先， 魷魚鬚熱辣辣，脆口，唔算太油，７分。 鹵水豬手算係入味， 只係鹵水汁唔好味，５分。 紅油抄手竟然係甜，唔係辣， 我見識少，真係唔識欣賞，仲要 $30/4 粒， 中環價錢，地 mau 享受，絕對無下次！要講返兩個主菜，亦都係餐廳既主打：牛肉麵。 個湯油左少少，但尚可接受，燉牛肉湯底，清甜可口， 味道９ 分， 但我有一個問題， 點解個湯係暖暖哋，唔係熱？ 任何一碗湯麵，如果湯底係暖，無可能俾合格分數，３ 分都俾多佢！ 最誇張係條牛筋， 真係想講粗口，竟然有毛， 唔係牛毛，係人毛，仲要三條！仲有杯黑糖 latte, X街， 乜台灣啲凍飲係暖架？飲到我肚痛！